Thuhma : Laishuih No.2(1898) leh No. 4(1899) te hi Rev. C.L.Hminga England a a kal tumin, Sekawna awm tawh Rev. F.J.Raper a tlawh a. Rev. Raper-a chuan a thil hlui khawl thenkhat a hai chhuah zingah “Laishuih” hi a hmu tel a. Rev. C.L.Hminga chuan a rawn hawn a, Pu R.L.Thanzawna, chutih laia Director, Information Dept. kutah a hlan a, Mizoram Museumah dah a ni ta a ni.
Laishuih No. 2 Aizawl 24 August 1898
Tu-pawh sakei-te savom-te a kap she-la a lu borsap hnena a entir she la a man a hmu – ang. Sakei than kin a kap she la tangka shomhnih leh cheng nga a hmu – ang, tin sakei no a kap shela tangka shom leh cheng hnih leh duli a hmu ang. Savom than kin a kap she-la tangka shom a hmu ang tin savom no a kap she-la cheng nga a hmu ang. Tin, sa dang a kap she la a man a hmu lo vang.
Thongliana khua te savom li an kap tin Thangbuta khua pa hnih an kap tin Rokungi khuate pawh pahnih an kap. Tin Thanruma savom a kap shial in a ai. Tin Khuavelthanga khuate pahnih an kap. Tin Lunglei kienga Lalchunga khuate savom hnu a zui laiin savom chuan a sheh a, a hroh a, a lu chhipa a hmui a, a kokia a hnung a, a ban ve ve a kut ve ve a ke ve ve a sheh chiam a. Hmun shom hnih leh hmun nga sheh a. A sheh ni chu doktor sap Lianona khua a riak a, a hmuam hma a silfai a hmun thum a a thui a a dam doi a hnawi vek a, a tuka chuan Aizawl a an zawng a tuna a dam dawn ta.
Tin Chhuakhnuna khuate pakhat savom in a sheh a. Doktor sap a va en a, “Aizawla a rawn zawng roh u” a ti a. A ron zawng duh lo. Nakin a doctor sap in a va en ta a, “In ron zawng lo chuan mathei lo vin a thi phot ang,” a ti a. An ron zawng a. Dam lo in a om ta a. A thi ang e a thi lo vang kan hre lo.
Kumin Champhai a vai in buh an tuh. Phai a sebawng lei an hrut tir. Kumina a zao in an hrut lo. Buh tha tak a awm chua nakuma zao takin an hrut mai ang.
Tin thla thar hun a Bor sap an chhung in phai tual lama a kal chhuak ang.
Thla khat phai tual a an om ang e Khamliana leh Suaka pawh an tel ang an hawn huna thil mak an hmu a piang chanchin lehkha in an ziak zel ang.
Hma shang in naoshen a nu ina thi shan chuan naoshen chu mathei lo-vin a thi thin. Nimahshela tulai in an ti nung thei. Naoshen chaw la ei thei lo a nu in a thi shan chuan Aizawla an ron hruai she la Bor sap in a om pui ang a nu hnute ngai lo vin sai doi um in bawng hnu te tui nuam takin a hnek tir thin.
Nikuma Aizawl kiang Thakthing khua a Darnenga nupui a hraichhe a a fa chu Borsap nupui in a chawm dam ta tun a pa hnen a om leh ta. Tuna pawh Borap nupui hnena Mizo fa pahnih an om. Chaw ei thei huna an pa te hnena an awm le ang.
P.S : *Hman ni ah State Museum-ah ka kal a, laisuih copy ka hmu zo reng reng lo 
*Pu C.L.Hminga hi Lunglei lamah a awm daih avangin ka tlawh thei si lo.
*Pu B.Lalthangliana’n ‘Mizo Literature’-ah a tarlang.
Similar Posts:
- S.O.S – Serchhip tlangdung khua te khi
- Lungphun pahnih
- Khasi nu hmingin Mizoram sorkarin Shillong ah thlanmual a lei..
- Mi Sattu Leh Pawngsualtu Tlanbo…!!!
- 2012 misualdotcommer Charity Bawm hawn leh Sem Report
April 14th, 2013 at 7:06 am
Yes, kan khua pawh a lang ve.
Chhiar a nuam reuh hle mai, post hlu tak a ni
tren tren
Report this comment
April 14th, 2013 at 8:53 am
In va kawmen tha duhlo ve
Report this comment
April 14th, 2013 at 9:29 am
Champhai hi 1898 vel a din chauh a lo ni awm a sin. Tunhma Biate-ho lo din te kha chu thudang ni ta se, Sap hovin mei mit lo va an dinna kum hi 1898 hi a nih hmel.
Report this comment
April 14th, 2013 at 9:32 am
“Tin thla thar hun a Bor sap an chhung in phai tual lama a kal chhuak ang.
Thla khat phai tual a an om ang e Khamliana leh Suaka pawh an tel ang an hawn huna thil mak an hmu a piang chanchin lehkha in an ziak zel ang.”
Laisuih-ah hian Pu Khamliana & Pu Suaka te hi contributor an ni ve ngei chuan a lang.:-S
Report this comment
April 14th, 2013 at 3:01 pm
A ngaihnawm hle mai, a hun lai a an ziak dan spelling chiah chiah a nih hmel bawk a…. chhiar a nuam ve hranpa tlat….
Report this comment
April 14th, 2013 at 10:02 pm
Online 11, comment nil….
Report this comment
April 15th, 2013 at 11:49 am
chhiar a nuam phian mai……..
si-pel chawp ngai deuh khi a nuam ve hran pa…
Report this comment
April 15th, 2013 at 1:39 pm
Chhiar dawn ang hmiang.
Report this comment
April 16th, 2013 at 4:24 am
A bengvarthlak thin mang e
Mizoram museum chu a van ho ve, neih ve em em tur a lawm le!
Tunlai misual la lut hman khat hle mai, ka inthlahrung lek lek zawk a ni.
Report this comment
April 16th, 2013 at 6:11 am
a va lunglen thlak em kan pianhma thil daih tawh mahni se. an mahni ziah ngei ka mittin hmuh ka chak Aizawl museum ah a awm leh awm loh hreching kan awm em aw
Report this comment
April 16th, 2013 at 6:44 am
^^aizawl museum ah chuan Gandhi tet lai leh upat hnu luruh awm anti
Report this comment
April 16th, 2013 at 11:19 am
Hei Pu C.L.Hminga te an chhungin an rawn zin hlauh mai a, remchangah ka lo zawt dawn nia…….Aizawl Museum-ah chuan a awm lo tih ka chiang.
Report this comment
April 16th, 2013 at 3:00 pm
Report this comment