Chhiatna kan duh em?
I unau nen I indo duh em?
Mahni indo hnam chu an ding chhuak ngailo (Isua) tih hi I pawm lo vem ni?
Hmalam hun kan thlir thiam a kan hmuh thiam chuan, khi zawhna pathum kan chhanna chu ‘aih, aih leh pawm e‘ tih ani ang, chhiata tlukral kan duh loh chuan.
Zo/Zos hnam hi khawnge a tlanbo tawh ang khawvel indo se?
Han dawn teh, Khawvel buaiin min do se, unau keini Zo hnam hi mahni leh mahni intibuai emaw inremlo leh inhaw bawk ila, Mizoram a awmte chu khawi lamah nge an tlan ang? Chhak lamah lah an lut thei awm si lo, Bangladesh lamah lah chuti bawk, tin Assam lamah lah khawvel buai a min do ni bawk si chuan Chinki ti a min ko thintu hnamdang Vai ho in min lo chang reng dawn sia khawnge in tlan ang, aw ngaihtuahna neilo te u???
Chungtiang bawkin Chin, Meitei, Naga, Thadou/Kuki, Zomi/Paite, etc. te pawh khawnge an tlan ang, unau indo bawk si, hnamdangten min do bawk si chuan, aw unau inhai a inhmangaihlo tak te u???
Tlan ngailo tur in unau tranrual leh pumkhat a, mahni ram tihngheh a tih chak mai ani lovem ni?
Kan ram pel ah kawl leh vai ten min hual, hetah unau leh hnam khat kan in sual dawn em ni?
Aw kawl leh vaite u, unau in ngeihlo tak te run hmasa tu ta ta ani? Chu chu kan duh em le?
Aw harh ru, ka mite u.
Zo Hnam Chak leh Tlanbo Ngailo Dan
Ani, mahni rama ngaihngam a awm a, tlan ngailo leh mi run zawhloh va ding reng tur chuan, kan chhenna ram kan tih chak angai ani. Tin, chumi tur chuan unau, Zo hnam kah harh a kan tanruala kan pumkhat a ngai ani!
Zo Hnam leh Ram Chu
Mizo/Lushei hi hnam anilo, Chin hi hnam anilo, Zomi/Paite hi hnam anilo, Kuki/Thadou hi hnam anilo, Meitei hi hnam anilo, Naga hi hnam anilo, chungtiang bawkin Kom te a dang dang te pawh hnam an ni lo. Kan za erawh chuan unau kan ni a, hnam khat kan ni a, chu kan hnam hming chu Zo ani.
Zo tih hi a dik ani, a dik reeng vang chuan Zo hnahthlak kan intih vek hi, inti lote pawh puk (chhinlung/sinlung) atanga chhuak an inti. Meitei erawh kan tawng hnaih zia ah alang, tehkhin nan sam = sam, mit = mit, ha = ya, (buh) lo = lo, kut = khut, sa = sa, ui = hui, pahnih/hnih = ni, thum = hum, mei = mei, tam mai.
Zo hnam, Zo hnahthlak tih hi a dik ani hei hian ati chiang: Chin hnahthlak kan ti ngailo, Mizo/Lusei hnahthlak kan ti ngai lo, Thadou/Kuki hnahthlak kan ti ngai lo bawk a, Zomi/Paite hnahthlak ngai bawk lo. Mahse, Zo hnahthlak erawh kan ti, Zo hnam kan ni.
Chin, Kom, Meitei, Naga, Thadou/Kuki, Zomi/Paite, leh a dangdangte hi hnam an ni lova hlawmchhuak (a hlawm hlawm a, kan pi leh pu te ram neih hmasa (Israel leh an pemna ram) atangtea chhuak an ni zawk. Chuvang chuan, chung hlawmchhuakte (Chin, Mizo, Zomi..) pakhat te te a kan hman/lam bik chuan hlawmchhuak kan ti tur ani (eg. Chin hlawmchhuak, Meitei hlawmchhuak, Mizo/Lushei hlawmchhuak, Naga hlawmchhuak Thadou/Kuki hlawmchhuak, Zomi/Paite hlawmchhuak, etc.), anih loh leh hlawmchhuak tih thlakna kan siam mahna.
Chhakchhuak, Fanai, Haokip, Hauzel, Hrangkhawl, Ralte, Renthlei, Sailo, tih te pawh hi hnam an ni chuang lo, thlah ani zawk, thlahtu hmingte an ni hlawm si a, tehkhin nan Sailo thlah, Hauzel thlah, etc. etc.
Tin duh leh he thlah hi a siam zel theih. Tehkhin nan ka thlah te a hrana ka siam duh chuan HauzelSailo emaw ka tianga, nih loh leh Elsa te ka tia nga, a theih vek. Mahse kei emaw ka thlahte an dang chuang lo ve, Hnam khat kan ni e.
Kan, Zo ram chu kan za vaiin kan hria, India, Burma/Myanmar leh Bangladesh ah, hmanlai a kan pi leh pu ten mawl vang leh kawngtha an neihloh vanga tangrual theilo leh pumkhat theih loh vangin hnamdang ten min thren.
Mizoram, Manipur Nagaland tihte hi Zo ram chanve aia tlem lek ani, chungtiang vel in Bangladesh leh Burma/Myanmar lama mi te pawh. A zavai erawh chuan Zo ram ani, kan ram ani.
A eng a mah lai bik kha Zo ram ani lo, a za vai erawh chu Zo ram, kan ram ani.
Tawng Hrang Hrang
Kan tawng theuh tlema a hran hret hret emaw avangin kan inhaw tur ani lova, kan in thren tur ani bawk lo.
Enteh u, hmana ka Tibetan thrianpan khawiah emaw min hrilh kan hrilh chhawng ang che u.
Tibetan ho hian tunhma chuan an ram chu hming pathumin, an awmna ang zelin Amdo, Khamba leh Lhasa tiin an ko a. Tin, chung pathum te trawngte chu keini ang bawk in tun thleng pawn a hrang vek ani, mahse unau anni tih an in hre vek a, Tibetan an inti vek asin.
Tin, khaw tin trawng tlem tlem in a hrang hret hret a, khaw khat atranga km 5 emaw 10 velah pawh a chang chuan a hrang thei hle, mahse Tibetan an inti vek a, an trangrual in an pumkhat in an hawihhawmin an intranpui tawn hle ani.
Anni atrang tal unaute awm dan I zirchhuak ang u, entawn tlak an ni e. Zo Hnam awm dan tur ani e.
Tanrual leh Pumkhat Dan/Kawng
Unau kan ni, hnamkhat kan ni, Zo hnahthlak/hnam kan ni tih (kan zavai kilhkelh anih loh pon tam tak, a tam zawkin) kan hre em em, mahse kan tanrual a kan pumkhat theihloh na chhan chu a kawng kan hriat lohvang ani.
Mahse hei a akawng a awm ta e, hei le:
Kan lo tranrual a kan pumkhatna turin inhmuhkhawmna kan siam tur ani, khawtin atrang khaw mipui te aiawh a khaw mipui ten an thlan pahnih emaw pathum (duhthusam) threuh Zo hnam inhmuhkhawmna ah chuan lo kal khawm se. Henghi ti rawh se:
1. Chu lo kal khawm te chuan, Zo hnam tih emaw Naga leh Meitei te pawh a huap theih nan, hming pakhat kan inkoh na tur thlangin lungrual vekin titlu/relthlu se.
(Naga te hi chhinlungchhuak an ni a, an inti ve bawk)
(Meitei ho kan aia thlang tla hmasa fe anni a mahse an bo thuk deuh, tin Hindu a an lal atranga an inleh in an bo thuk leh zual ta, kan trawng hmanah erawh kan hnampui annih zia a lang chiang in, a ti nghet hle.)
2. Tin chu kalkhawmte chuan Hnam pum General Body/Hnam Hruaitu Luberte thlang se, anni chuan, Young Zo/(Hnam hmingthar) Association angin ram enkawl rawh se.
3 a. Tin kalkhawmte chu haw se, chu kan hnam hmingthar nen. Tin khawtina mipui ten an khaw hruaitu tur thlang roh se. Tin, in tinah, yma, yla, ypa, cya, etc hmang toh lovin, chu kan Hnam hming Zo emaw Hnam hmingthar an thlan tar zawk tawh rawh se.
3 b. He khawtin hruaitu te hi, kumtin Hnam kut hma in kalkhawm in General Body/Hnam Hruaitu Luberte thlang thar zel rawh se.
General Body/Hnam Hruaitu Luberte
Hnam Hruaitu Luberte/General Body chuan Hnam chunga indona a awmloh nan dante siam se.
Unau pahnih emaw a aia tam emaw an insual emaw, chuaia na poh a anlo intih chuan, Hlawmchhuak khat (eg. X)amite leh hlawmchhuak khat 
amite anlo nih chuan , chu hlawmchhuakte pahnih an indo mai tur ani lova, insual te pahnih inkarah thuphachawi tawnna (insual emaw chuan, trantu ni lo mahse an tisual ve ve toh si a) leh inngaihdamna dan chu an hmang zawk tur ani, Hnam khat, unau an ni si a.
Chui erawh ani anga, a awm tawk in chawi tur te chu a thiamlo zawk in a chawi tur ani. A chawi zawh loh chuan, hriatthiamna nen remna siam tur ani.
Chungtiang bawk in thlah khat (eg. d) leh thlah khat (eg. c) inkara a buailoh nan, a insual emaw chu aia intite inkarah thuphachawi tawnna leh inngaihdamna dan a awm tur ani.
Tawpna mahse Intanna
Tichuan, Chin, Kom, Meitei, Naga, Thadou/Kuki, Zomi/Paite, leh a dangdangte chu trangrual in kan lo pumkhat toh anga, chuan Hnam hming Zo emaw a Thar emaw kan lo nei toh bawk dawn nen.
Kan ramah chak tak leh mi run zoh lohin kan awm tawh anga, tichuan kan ram atrang kan tlan chhuah pawh a ngai tawh lovang.
Haw ule, khawtin atrang Zo Hnamte/Hnahthlakte (Chin, Kom, Meitei, Naga, Thadou/Kuki, Zomi/Paite, leh a dangdangte) chu I kal khawm in, I trangrual in I in pumkhat tawh ang u khai.
Khai le, a hun ta e, harh tawh rawh ule!
Similar Posts:
- Where Christ answers to over 50 names
- Peace Solution leh In Unauna for Vaphai leh Saikhumphai and Zo Hnam te
- Zomi leh Mizo chungchang
- “Zomi Namni” Mizoram a chhiatna rawn thlentu tur
- Zo Mite U, In Duh Thlang Rawh U: Mipui Te Rorel Hun a In Tran E
May 21st, 2013 at 11:30 pm
Kan chhiar a a tha hle mai.Han sawiho hi chuan tu mah hian inthendarh hi tha kan ti lo. Mahse inthendarhna kawng hi kan zawh tlat bawk si a buaithlak a ni. Tunlai khawvel networking uar hunah phei hi chuan rilru kan neih hi a va tul tak em!
Report this comment
May 22nd, 2013 at 12:35 am
1. Muan… Lawmawm lutuk e. Tunah zawng kawng a awm tak hi. Nia, trul tak zet zet e.
BELH
General Body ah khian:
Senate Chhuakhlawm tin ami emaw Thlah tin ami pahnih emaw pathum threuh awm se la.
Kan Zo ram pawn a awm zawng zawng te pawn aiawh pa hnih thum (hmun khata, an tam dan a zirin) rawn tir threuh bok roh se.
Atawp lamah khian leh ka zelh hmaihna ah -(Mizo/Lusei)khi admin ten min add sak se ka van ti:
Chin, Kom, Meitei, (Mizo/Lusei), Naga, Thadou/Kuki, Zomi/Paite, leh a dangdangte
Report this comment
May 22nd, 2013 at 1:35 am
Thlahtu thuhmun chhul khat kual vek te hi inthen lul suh ang u aw
Report this comment
May 22nd, 2013 at 1:42 am
Good Post
Report this comment
May 22nd, 2013 at 3:02 am
Tang aih aih hle mai, ha ha.
Report this comment
May 22nd, 2013 at 6:25 am
Post tha tak a ni
Report this comment
May 22nd, 2013 at 8:10 am
Tukchhuah nuam vek u le
Report this comment
May 22nd, 2013 at 10:45 am
tlan ngai hlei nem beih let mai tur lawm te han ti mai ila akekeke i sawi fo israel (zo/yos hehehe) pawn tlanlo in an bei let mai ni hehehe OT lutuk em aw
/i ngaihdan a tha e
Report this comment
May 22nd, 2013 at 10:53 am
Eng tikah mah kan tangrual chuang lovang. Duhthu lo sam mai mai teh u. “Mizo hi hnam ani lo” tih te lek phei chu hrethiam lo apui an tam phian ang.
A reng reng thu ah Naga hel ho leh central sorkar peace talk laia an rawt, Manipur state a ethnic Naga triba awmna “Greater Nagaland” a sawh then an tum laia Meitei ho proest hlawhtlin dan kha in hre tawh lo em ni? Nge ethnic Kurd ho Turkey, Syria, Irag rama bet ve reng tun thlenga ram neia an la inzawmkhawm theih loh hi.
Mizo tlangval leh pa Indian Army a thawk tam tak an awm a, an ram tan thih huamin an awm a. Mizo (nilo, Zo, Zohnahtlak, adt) ngei Myanmar sipai ah tangin Mynamar ram tana thih ngam khawpin an tawng dawn a. Hetih kara hnam dang mi nena tanrual lo sawi tlat mai chu!
Ram hran chu sawi loh, state hranga awm pawh inzawm khawm a theih loh bur anih hi.
Report this comment
May 22nd, 2013 at 12:22 pm
Duhthusam lam rawng a kai deuh a ni mai lo maw? Kei pawh heti ang zawng hian ka ngaihtuah ve fo mai. Mongolian thlah rau rauvah pawh North East India-a chengte hi kan la inhnaivai zual deuh ngei ni chuan ka ring khawp mai. Ama’rawhchu Mizo tiha lungawi thei lo Mizo nia kan lo pawm em em siten, eng hnam emaw nia an inhriat tlat si chuan tanrual chu a harsa tual tual dawn zawng a nih si hi maw le! Ka hriat sual loh chuan Lushai tih te, Kuki tih te, Chin tih te hi hnam dangin Mizote min sawina a ni a, a region a danglam ang zelin; entirnan: Manipur lama Mizo hnahthlakte chu Kuki tih an ni a, Burma rama Mizo hnahthlakte chu Chin tih an ni bawk a, Mizote in pui Mizorama chengte erawh chu.ngaiteh, Lushai tih an lo ni ve bawk a. Tichuan a ram pawh Lushai Hill tih a lo ni reng tawh nghe nghe a ni. Tumah hian Mizo hnam ka ni tiin, a chi bil zawng chuan sawi hauh mah suh ila, Lushai Hill tih ai chuan Mizoram tih chu kan lo duh ta zawk vek bawk a. Tichuan Mizoram chhunga cheng chi hrangte min phuar khawmtu chu Mizo hi a lo ni ta a ni. Kei pawh hi Ralte ka ni a, Ralteah pawh Lelchhun ka la ni leh ta fo va, mahse hnam dang chuan eng hnam nge i nih? min ti se. Mizo ka ti mai si ang. Mizo tih hi chu hnam dang min vuahsak a ni ve lo va, keimahni insawi dan a ni zawk,. Kuki leh Chin hi chu ka hriat sual palh a nih loh chuan, Mingo hovin min koh dan a nih hmel khawp mai. Bru leh Riang pawh hi keini Mizote chuan Tuikuk kan tih daih hi. Hnam dang min hriat dan leh koh dan aiin keimahni inhriat dan hian min luah thuk zawk zel turah ka ngai ve hmiah.
Report this comment
May 22nd, 2013 at 12:29 pm
#9 & 10 In thlir dan chu a pessimistic lutuk lo maw? Social factor emaw, political factor emaw, economic factor emaw boruak thlak huk tu hi a awm ve thei a nia. “Lallula khua”, “Vanhnuailiana khua” ti mai mai thin pawh ram leh hnam khatah kan luang za a, Lai leh Mara te nen ‘Hei lo chu ramdang kan nei lo’ kan ti ho ta a nih hi. Tunhma a indo leh colony inchuh reng reng a hmanhlel Europe ram te pawh khu thlir ang u hmiang. Rilru ah hian inlungrualna kan tuh ngheh phawt chuan hmabak nei lo hulhual ah i inngai suh ang u.
Report this comment
May 22nd, 2013 at 12:45 pm
Mizoram state chhunga Mizote ngaihdan hi ignore chi ani lo. Nizan maia mi pakhat (“PH FANAI”) sawi Zonet Fakselna a tel atang hian ngaihdan a siam theih:
“Ram leh Hnam humhalh hna hi ruihhlo chauh a ni lo. Hnam humhalh tur pawimawh ber pakhat chu kum 1990 atang tawha hnam bil, chi bil zawnga kal ngar ngar-ho heng Mara, Lai, Paihte, Hmar, adt. kalphung hi kan en liam mai mai thin a. Tunah phei chuan Sakawrdai-ah Committee an nei ngam tawh a. Mizo hnam hi ro an rel khum sak sak ngam tawh a ni a! Manipur S. District, Churachandpur ang chiah khian Aizawl pawh hi a la awm ngei dawn e. Hnam bil-hoten Political Party an nei hrang vek dawn a. Tunah pawh Paihte leh Hmar Hnam bil chuan MLA an chuhna tur an kher ngar ngar a. An kher pawp nual tawh. Mizo Hnam bik kalpuitu leh Mizo Hnam File Movement buaipui a hun ta”.
Hetiang hi mi tam ber ngaihdan anih chuan inzawmkhawm chu a har viau ang.
Report this comment
May 22nd, 2013 at 1:34 pm
Mizoram hi Mizo hming chawia phuah a ni tih chu sawi tam a tul lovin ka hria. Amaherawhchu Mizo hnam hnahthlakah hian chi tam tak kan awm a, kan inhre seng lo zawk hial tawh maithei. Mizo tih hian tu mah malman tur an awm miah lote hi a vanneihthlak a, tu pawh Mizo nia inngaia, nia inhria tawh phawt chu, Chhinlung chhuak Mizo hnahthlak a nih phawt chuan, Mizo a ni mai. Tin, kan inlungrual tlan theih phawt chuan tun aia awmze nei zawka hnam ropui hi kan la nih hial pawh beiseiawm khawp mai. Amaherawhchu tun ang zela chi bing leh inlak hran duhna thinlung nei ru ran chunga kan inkar kan inkar chuan, tanrual chu sawi loh, kan la darsarh tual tual ngei ang. Mizoram chhunga lungawi taka awm mekte min fuihpawrh a, min tipumkhat lo zawnga hma la fotute hi, chuti ang mi chu an awm ni awm taka sawi a awm fo, an awm tak takte a nih chuan, a pawi ngawt ang. Post-tu hian a hrut thukin a huam zau mah mah tih lohah chuan, Post tha ka ti khawp mai.
Report this comment
May 22nd, 2013 at 6:30 pm
I ziakthiam in a tha hle mai
Report this comment
May 22nd, 2013 at 7:47 pm
Report this comment
May 22nd, 2013 at 8:58 pm
3, 4 CFL I rilru a thra in a fing e
5 Chhana Nia
6 CyberTh.. I man thiam e
7 Sheldon Tukchhuan hi nuam poh ka ti lo, ka peih lau hehe
8 drake
9 Nirva.. I chhiar chhuak in I ngaihtuah na nge oo, tunge hnamdang awm?
Independent Ram ka sawi lo, tuna kan awm ang anga kan tranrual a kan pumkhatna tur ka sawi ani.
11 Muansak.. Sawi thra dap dap ve
Mahse a har love, keimah ni theuh ah tran ila, kan thriante hriatthiam tir tumin hrilh zel bawk ila.
12 Borat
10 13 boiha.. Threnkhatin Mizo tih hi dik ber an ti, threnkhat in Zomi.
Mizo hnahthlak a awm lo e, Zo hnanthlak zawng kan ni vek e.
Hlawmchhuank – Chibing tih lam a hranna a kal zel loh nan chuan ani he post hi siam anih.
Heng hi thehdarh ila, mite thinlungah tuh ila hna kan zo. Min threndarh duh tu leh bei tute chu sawi leh buaipui an ngai lo.
14 Mate ai..
15 lr hlon.. YaY
BELH
MSU te, YMA/CYMA te, YPA te, Chin Youth te, Naga Youth te, Meitei Youth te, Kuki/Thadou Youth, etc, etc, inlungrualin huaihot se a thra ang.
Report this comment
May 23rd, 2013 at 7:35 am
Hnial hrat vangah lo ngai ta mai la. I vision hi duhthusam tham ral mai tur a nih hmel khawp mai. Engpawh nise, a practicable lo tih chu hriatsa a ni a, a practicable loh chuan a convincing lo thihna a ni nghal bawk. Zo hnahthlak hlawm lian puiah I chhuah a, Naga leh Meitei hian Zo hnahthlakah an inpawm ve thei ang em? Mizo hnahthlak a awm lo i tih hi han sawifiah deuh teh a. Naga hnahthlak chuan Naga tih hi an hnam khaikhawmtuah an pawm mai a, Naga ka ni lo tiin an iak an iak ve lo.
Report this comment
May 23rd, 2013 at 11:28 am
Mizo nih nawm teh lul nen a aw. Siamtu in min siamna hnam ni bawk Mizo kan nilo ti a iak iak lo hian inlungrual zawk mai ang u.
Report this comment
May 23rd, 2013 at 10:51 pm
Post tha tak a ni e. Lai leh Mara leh
Hmar a sawi tel ve lo mai pawh a.
Mizo tih chauh hi chuan, a huam chin hi a zim lu lai em a, hei hi chuan ZO hnam hi a huap kim lo chiang khawp mai. Mizo ram chhung a cheng 100%90 hian, Mizo i ni nang nge? ti in, Mizo an nih na kan pawm sak thin loh zia
kan hrilh nawn fo thin.
An hnam bil tawng a an han biak phei chuan, Mizo an nih na kan pawm sak lo hlawm hle a nih hi. Mizo i ni love kan tih kan tih a, hnuai chhiah tak a, kan koh nawm na fo chuan, an tan Mizo nih kha a chak awm lo leh zual ang.
Mizoram tih hming a pian hma daih a,
lo in khur bing tawh an ni leh nghal a.
Mizoram mi an nih na kan pawm sak a.
Mizo an nih na e rawh kan pawm sak thei meuh lo. ZO hnam kan in pum khat theih na tur chuan, Zohnah thlak hnam tin a tang in, palai in koh khawm ni ngei bawk se la, chu ta kal khawm ho chuan, min khai khawm na tur PAWL thar din ngei bawk se la, a tha khawp ang. Tun a kan pawl neih mek, YMA lah hian, Lai/Mara pawh a huam pha tawh si lova. Bangladesh(Zodesh) leh
Burma ram a cheng(Zomas)leh, kan then awm state a cheng ho hi, a huam pha bawk si lo va. Post tu pa rawt na khi
a tha ka ti khawp mai. He a suang tuah na hi, a tak in rawn thleng thei hlauh se la chuan, kei ni ZO hnam te hi, hnam ropui leh hnam zah awm tak kan ni ang a, Pathian pawh in mal pawh min sawm ngei ka ring a ni.
Report this comment
May 24th, 2013 at 1:02 am
Mizo/Mizos hnam hi khawnge a tlanbo tawh ang khawvel indo se?
Mizo Hnam Chak leh Tlanbo Ngailo Dan
Mizo Hnam leh Mizo Ram Chu
Mizo tih aia Zo ti tawp hi a tul lem lo.
Report this comment
May 24th, 2013 at 1:27 am
17 boiha.. I va hrethei awm ve aw… han thlir zel phot ila.
Naga leh Meitei hian Zo ah an inpawm theih leh theihloh lampang ni lovin, hnamkhat kan nih na ah, kan pum khat nan Zo tih kherlo pawh Kalkhawm’ thu tlukna hnam hming a tranrual a inpumkhat tur tih lam anih khi.
Lo chhiar chik ve deuh la.
18 Comeba.. Lo chhiar chik ve deuh la.
20 Kaya.. Lo chhiar chik ve deuh la.
A hrezawk te thu hi chhiar chik ve deuh thrin ang u, thinlung in hawng in.
19 Sihte.. Lai leh Mara chu ‘a dangdangte’ ka tih ah a tel vek e.
Chhuak hlawm kan tam lutuk a, kan hrechhuak zo lo leh thrin nih hi, ka hrekim chuang bok lo a.
I soi/ziak dik hle mai, I fing hle mai
I ziak thra lutuk 
A tharin han post ve teh aa.. lo ngaichang ve ang e.
Pawl thar dina tranrual leh inpumkhatna anih chu, post chu.
‘Sem Sem Dam Dam Ei bil Thi Thi,’ tih kan Pi leh Pu te atranga thufing pawh kan theihnghilh zo don ta e.
A dik ania hmanlai ata kan Pi leh Pu te thu tam tak chu, chuvang chuan I sem sem dam dam zawk ang u.
Report this comment
May 24th, 2013 at 5:39 am
Chik takin ka chhiar chhuak vek a, i duhthusam phena Mizo tiha i lungawi tawk loh Zia hi a tir te atang khan ka hmu fiah tual tual a, tanrual hi chu a tha reng. Mahse a rawttu ngaihdan hian belhchian a dawl tlat lo. I ngaihdan tawmpuitu chauh i welcome chhung chuan tu nge tanruapui duh ang che hehe.. fiamthu fiamthu. Tak taka i supporter-te.nena in sawi ang hian Mizoram chhunga mite pawh kan Mizo tiha kan inlungrual hleih theih loh lai hian Naga leh Meitei kan lungral pui thei ang maw? It is very big question! Mizo tihah hian in lungawi lo a, in khawngaihthlak ka ti. I la sawi chunzawm zel ang hmiang.
Report this comment
May 24th, 2013 at 7:58 am
Engtik lai atang khan nge kan pi leh pute khan Mizo an lo inchhal tih hi chhui chhuah mai a harsa tawh tih chu kan mi hmasate pawhin an lo ziakin an lo sawi chamchi tawh thin. Lushai Hills Mizoram tia thlak a nihna erawh chu a la rei loh zia kan hre theuh. Naga hnam thlahtu leh Meitei thlahtu leh Mizo thlahtute hi unau ni ngeia sawi a ni thin. Chu chu a dik ang tih tirinawm turin kan tawng pawh a la inhnaivaiin, inang pawh pawh a la awm nual reng a ni. Naga leh Meitei chauh pawh an ni zawk hleinem, Bhutan leh Tibet rama chengte thleng pawhin, a! Chubak pawh an la tam mai. Anni ho chu an hnam khaikhawmtuah an buai ve lo. Engtizia bik.nge keini Zofate hi?
Report this comment
May 24th, 2013 at 9:20 am
Aw chu aw, aih chu aih tih hi I zir la ngaih nih hi.
Chung hriatthiamna neite chu Supporter ka ti lo, mi fing te awm dan ani zawk e.
Tin, Mizo tihah hian kan lungawi lo khawnge ka ziah re re??? Khawngaih zawk letling che ti nia.
Tehkhinna: I inbuala, I fai tih ilo inhre ta a, I kawr hak lai kha lungawi loh vang nilovin fin vang zawk in kawr fai sar nen I lo thlak duh ta a. Anih lungawiloh vang a kawr bal chu kawrfaia thlak ami I nih?
Mizo tih chu a lo bal ta e, Sihte’a khian a ziak chiang khawp mai.
Hnial hrat emaw duh vanga mi hnial hnial tur ani love. Chungchu kan nih chuan, mahni leh mahni inhnial fing hmasa ila, tin, thudik kan hmuhchhuah te chu mite va hrilh zawk in kaa ang tran ta zawk ila, a finthlak mai ni lovin, mifingte nungchang leh thiltih dan ani e.
Chungtiang ilo nih theih nan ka malsawm a che. (Kha supporter emaw hriatthiamna nei zingah I awm a ka welcome che tihna ni kher lo nia au
)
Tranpui tu zawng ka nilo, TranpuiTu chu ka bulhnaiah a ding reng zawk e.
Inlo harh in, in lo mitvar deuh zawkin, chungtiang zel atan in hmang mahna kan ti ani zawk e.
Report this comment
May 24th, 2013 at 11:06 am
Kan subject-ah lut zawk ila. Mizo hnahthlak a awm lo i tihte hi min hrilhfiah deuh loh chuan keini ang pa buarchuar deuh chu kan midum chhawl put kal ve thuak thuak ringawt mai dawn alawm maw le! Tanrual i duh tak tak a nih chuan convincing deuh zawkin i subject-ah han concentrate leh deuh ta che.
Report this comment
May 24th, 2013 at 11:14 am
25# Mizo hnahthlak a awm lo i tihte hi min hrilhfiah deuh loh chuan… tih zawk tur
Report this comment
May 24th, 2013 at 12:20 pm
Naga chuan an hnam khaikhawmtu hmingin state an nei hrang thlap ang bawkin, Mizo pawhin kan hnam khaikhawmtu hming chawiin state puitling kan nei ve bawk a. Meitei ho erawh engtiziaa Manipur tih hmingpu ta daih nge ka hre pha hauh law! Engpawh nise Nagate pawh kan han sawi thin tak naa, khaw tin mai saw an tawng a hrang ta emaw tih mai tur an.ni a. Chuti ang kawngah chuan an awhawm lem loh khawp mai. Hei hi Mizote, a bikin Mizoram chhunga chengte, vanneih em emna chu a ni. Dik chiah chuan Zofate hi kan vannei, a chhan chu: tuna kan tawng hman mek Duhlian tawng tia kan hriat lar hi, Mizoram pawn lama kan unaute hian an thiam ve deuh tlangpui a, hre map lo leh biak theih thlawt loh chu an awm a nih pawhin, an vang khawp ang. Tawng inang leh kimtlang inang chu inpumkhat a awlsamin tanrual pawh a harsa lo nge nge thin. Mizoram chhungah hian chuti ang tawng inang hmang hlawm lianpui chu kan awm a, Zofate in pui a ni e tiin inhawng takin kan sawiin, ram pawn lama kan hnam puite kan lo welcome em em che u a, vui leh vaina ringawt zawng ang hrima kei chu Mizo ka ni lo,lo tih thlazen tur em ni ngai? Post-tu pa nang chuan i tih ve loh ka beisei hehe.. i solution erawh a formula a felhlel deuh a nih hmel. A chhan chu Mizote hi kan inlungrual hmasa thei phawt a nih si loh chuan state puitling nei diam tawh, lungawi lova rammu mekte hi rin ai chuan heti zawnga thlem thluk an harsa phian ang.
Report this comment
May 24th, 2013 at 12:42 pm
Zo hnahthlak kan in ti, Mizo emaw Zomi emaw Chin emaw Lai emaw etc, hnahthlak kan inti ngailo.
Chuan Mizo tih hi hmanlai in an hmang ngailo bok, tunhnai MNF bul tran lai vel atrang chauh niin ka hria. Han zawt kual la, I hrethei mai ang.
Mizo ka ni lo, Zo ka ni, Lusei pawh ka ni. Lo chhiar thra deuh teh. Mahni leh mahni va inhnial phawt teh, chuti lo chu ziah non non a ngai don tlat, I chhah em mai.
Report this comment
May 24th, 2013 at 1:14 pm
“Mizo ka ni lo”, Kei chu Mizo ka ni. Ralte.
Report this comment
May 24th, 2013 at 1:33 pm
Zohnahthlak kan ni e. India ram ah
Mizo kan ni a. Burma ram Chin kan ni.
Hnam chi khat ni si khan, hming pa hnih a nei a chu chu a ni mai. Aizawl lam in
Kawlthei kan ti a. Chhim lam in
Kawi am an tih ang deuh hi kan ni.
Mizoram state chhung a cheng kan nih chuan, Mizo kan nih na ah hian, lung awi i la. Burma ram a cheng kan nih chuan, Chin kan nih na ah lung awi bawk i la. Eng tik ah e maw Pathian in rem a tih chuan,
Post tu pa suang tuah na hi a rawn thleng mial mai thei a sin.
Kan za vai in, Mizo/Chin/Kuki
ZO HNAM kan ni e. Pathian in RAM min siam sak hun ah chuan,
kan ram hming chu ZORAM a ni ang a,
kan HNAM hming pawh, ZOHNAM
a ni ang.
Report this comment
May 24th, 2013 at 2:09 pm
Zo hnahthlak tih leh Mizo hnahthlak tih te, Zoram tih leh Mizoram tih te hi keini ram chhunga awmte chuan kan hman pawlh nawk nawk a, Mahse kan rirua awm fo thin chu: Mizo hming phela Zo hi a ni mai. Chu chu Tute’n emaw remchanga hmangin zo tih hi tihlar an lo tum ve sek a, chu chuan tanrual chu sawi loh min tidarh zawngin thu an than kual vel an ti? Tanrual i rawt dan awmze nei lo lutuk hian i Post phena inphum ru hi min hmuh fiah tir tlat
. Tak taka i hriat hmel riauva ka ngaih avangin ka’n cho chhuak mai mai che maw le. Mahse i nau em mai, ka sawt phah lo em mai. Ngaihdan pawmawm deuh i Post tawh dawn nia, nawi em mai!!
Report this comment
May 26th, 2013 at 1:19 am
Sihte’a hi a thlir fuh e, a kim lo deuh mai pawh a. Anih ang deuh tal hi han ni ve ula thra tur boiha..
India ramah Lusei, Kuki/Thadou te, Lai te, Mara te, Mizo te, Meitei, Naga, Zomi te etc, etc, kan inti hlawm e.
Burma leh Bangladesh lamah pawh chungtiang deuh tho ani, Lai te, Chin te, Lusei, etc. etc.
Report this comment
June 17th, 2013 at 1:44 pm
[…] 40 comments. 8. Engati nge? – May 8th, 2013 2:34 pm by Chengkawli – 38 comments. 9. Zo Hnam Tranrualna leh Pumkhatna Solution – May 21st, 2013 11:16 pm by SHauzelSailo – 32 comments. 10. Hnamdang Nupui-Pasala Neih Hi […]
Report this comment