mi(sual).com

via RickyVarte Akuikuii Apabikbik @ SPECIAL REPORT

(29.4.13) Ka Pan Dar 4 velah,DC in Sakhumphai Khaw kan avang a Ei tur leh Chenna neilo mamawh tlem a zawng Dal, Buhfai,Chini leh Silpauline pe tur a tirh thu a sawi a. SR ah ngei he khaw hal thu kan sawilai a nih avang in, ka lo kalve ang tih leh Insiam ka rual ta nghal a..

Kal Kawng lah chu an chhe em em khawp a,duhthusam ai pawh in a chhe zawk in ka hria. Tichuan kan Motor Spring a bun avang in Dungtlang ah kan riak ta a. A tuk zing (1.5.13)Dungtlang atang in Saikhumphai pan in hmanmawh tak in kan chhuak leh ta a. Samthang atang in Vaphai Tlangval pakhat leh Nula an rawn chuang ve a, nimin an khawhal chungchang te ka zawt a sawi nuam an ti dun khawp mai. A mipa zawk phei chuan Commando zing a a telve thute chu intithei tak in min hrilh suam suam a. Keilah chuan ngaihthlak nuam ka ti in ka phur ngei mai. Kan inbiakna chu sawi ka tum lo,a tul ber pawn ka hrelove.

Vaphai khua chu eng boruak in emaw a tuamluk ni mai in ka hria, an khawtlang a reh thuap a. Ral hla tak a microphone atang a authawm ka hriat chuan kawng an zawh ani tih hrilh nawn ka ngah awm kher lo. Motor engmah kaltlang an phal loh avang in keini pawh an Bazar thlen hma ah motor chu side in ka lo ngaichang a. Kan Pu Leh DIG bakah VCP ho an Titi hlan chuan mi ka hmuh theih apiang nimin lam boruak ka zawt a an sawi dan a in ang thum mai. Hreawm an tihve ve tho zia leh an khawngaih zia te, an tumreng a nih bik loh zia te an sawi nasa khawp mai.

Driver nen In Pakhat ah kan Lut a, chu inah chuan Pa kum 45 mi bawr vel chu a ban tuam luk in thutthleng sei ah a lo thu a. A bulah chuan an khaw Pa rawn hmel pu deuh kum 60 mi bawr vel a lo thu bawk a. Thingpuite min intir a,chutah ka zawt a a ban chu engtia na nge tih . An sawi chuan nimin ah police ho nen an in nawrna ah Police ho Tear Gas(a Expire tawh an ti, Tear Gas Expire hi a puak thei reng em. Hei hi Police ho sawi dan ania, a khaw mipuite chuan Bomb antia thudik hriat a har) puak in a tihfuh ani ti in min hrilh a. In hal chungchang pawh kha vaphai ho chu an sawidan a inang thup mai. Khatia Bomb or Tear Gas a puah tak ah chuan An Pasaltha rual ,Puandum a hmaituam vek leh hmai tirang nuau ho a Za tel tiau kam a Biru te chu an thisen a rawn lum ta phat mai a,nunau leh hmeichhe ho an rak chel chul thawm leh Hliam tuar thawm a rik tak avang khan tumah an inkhap thei ta lova tichuan an duhloh ber thil chu a thleng ta ni in a sawi. He pa phei chuan kan u naute vek, inchhungkhat hnai tak tak,kum tam khawkhat ang mai lo inchiah piah tawh kan nih avang in a hreawm duh khawp mai..ati,he thu a sawilai phei chuan a mittui a tla hial a ni.

Thudang tamtak pawh an sawi chung ho chu sawi tawh kher lo I la, keima hmuhdan hrim hrim ka sawi tel hram duh.

Tichuan 2:30pm ah Saikhumphai pan in Police 20 rual escort na hnuaiah kan zuk kal ta a. A khua kan lut chiah chu a a dan alo dang ta zarh mai. Nu leh Pa, Naupang te nen lam ei tur pawh an lo nei lova, beisei nei tak in kan Motor chu an rawn pan khawn hnak hnak hlawm a. Ti chuan muangchang in kan thil ken te chu kan sem ta a. Silpauline ka sem lai a pa pakhat tawngkam chuan min dek zar mai, amah chu Kum 50 vel a ni tawh ang. Mittui tla lek lek in,”Kapu Ei tur sawi loh Hahthlak tur leh puansintur pawh nei lovin kan awm a, Nizan pawh kan fate vawt ti chu hreawm titak in kan en tlawk tlawk asin. Zanin chu Ruah pawh sur se kan huh tawh lovang, Silpauline ka va zar nghal ang e. Ka lawm lutuk, Lalpan malsawm che u rawhse,”ti in a rawn sawi a. Kan sem tur kan sem zawh chuan midang ho biak kual pah in ka teivel mai mai a. In pakhat kang bang meivap mai chu Nu pakhat leh a fanu la naupang te hian mawlh in an lo thai an lo thai a. Enge maw an tih tia ka va zawh chuan ,chu an thaina chu an buhzem leh eitur Balte, mai velte an dahkhawmna a nih thu leh eitur bal emaw tal a lo la him takin ti in an lo thai mek chu ni in, rei ka awmthei lo ka kalsawn nghal vat a.

Pathian hi alo tha khawp a,chutia kan tih tur kan tihzawh chuan haw a hun ta. Silh leh fen tur pawh an neilo chu ka khawngaih em em a ka han hawi chhoh chuan Farkawn ho chu LPK Tipper leh Mahindra Pikup in thawmhnaw, Silh leh fen tur mai bak ah, eiturte, bungbel te keng in an lo thleng thla ve ta rup mai a. Tichuan keini chuan kan hawsan ta ni.

Note : Saikhumphai ka kal a ka rilru a lo lang hmasaber chu, engatinge aw u leh nau , Mizo leh Mizo ngei mai nisi hetia kan awm tak mai le? Ka mawhpuh hmasak ber chu Vaphai khaw hruaitu hmasa ho kha a ni daih. Engatinge Kum 25 chhung ngawt ruihhlo tawlhruk nan an hmang ani tih hrechung a an ngawìbopui a,tun a VC hran an ngiat tak avang a hetia tih leh chiam hi? Engatinge Voter ID leh Consumer Card hrang hrang an lo siamsak kher? An hruaitu hmasate thiltih rah tunah an seng a, hemite khawpahnih hi an lainatawm takzet. Chuvang chuan ngaihdan i Siam hma in enge thil thleng chu a chhan leh vangte, a tobul atang in hriatfiah tum hmasa phawt ang che.

Similar Posts:

• Saikhumphai senmei chan ni
• Saikhumphai khaw hal hi tu thiam loh nge?
• Saikumphai chungchang hi enge in ngaih ve dan le?
• The Other Side of the Story: Vaphai
• KA SAIKHUMPHAI MAI ANG CHE!!!!

Recent Posts:

• Mizoram Chief Minister’s Relief Fund (CMRF) a bo em ni?
• Pi leh pute damdawi hman ṭhin, US lamah an hmang!
• 5/11 Laipuitlang leimin chungchang a Magisterial Inquiry Report
• Vawiin misual.com founder Bena wedding
• RAMÂR HMANGAIHNA

This entry was posted on Wednesday, May 1st, 2013 at 7:35 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.