Hmangaihna Mak

May 2nd, 2013 8:06 am by H.zate

Hmangaihna Mak

-H.zate

Hmar Rûn

khuavel kumpinu Lalram ni thlasengloa rorel mai tur Lal Edward viii in a lal thutthleng hlip a, nithlasenglo lal nihna hnawla ‘willis simpson’ a thlan zawkna chhan hi engnge ni ang le. Engvang ani law. . “ka lal duhawm i liam mai dawn maw” tiin anko lawm2 a a hawikir chuanglo. Chu, saptlangval in lallukhum leh lalthutthleng leh ropuina aia a thlan parmawii chu engtiang fakoa nula hmeltha tak ni maw! Aw, ni lo, nula ani lo, pawmlai nei mai anilo, thlawi leng leh ani. Ti hian pu bualkunga chuan alo phuah kha, “ram nithlasenglova rorel tur, a pawi mange, nuthlawi lengleh annem in, Haulai changsial ang a zawlthlu e” ti in, a uipui ke ngei zawng ni tur ani.

“Lokir leh mai rawh, Lal Edward hmeltha, I Lenrual leh I chunnu tui ang nem e, Lal leh la anti zaleng zawng hian” a han ti te te a, a tlawm hlen tur chu ngaingam lovin ti hian a han au leh hram a. “I tlawm hlen dawn maw, I thlir ngam dawn em ni Prince of wales, Coronation lawmin an awi Lammual ah” a ti zui hram anih kha. Ani tak e, ana ani hmangaihna tûr hi zawng, anni ang hnam ropui tan hnam chawm, nuthlawi lehnghal chu lalthutthleng luahtu atan a ram leh mipuiin an phal ngang silo a le. Ropuina hnawl a Hmangaihna thlang zawkin, nawmsakna chu hnawlin hreawm leh hmuhsit tawrh huamin a hmangaih chu a thlang ta zawk ani.

Hetiang hian alawm kan Lal Isua pawh hian keini misual te hi min rawn thlan nan a Lalthutthlung, nawmsakna, Lalna, Lallukhum hnawli, keini. Nuthlawi ho hi hreawm leh hmuhsit endawng huamin min rawn thlang ta ani. Kan thatvang ani em, teuhlo,. Willis simpson ang chiah a vawitam thlawi tawh kan ni a, mahse, kan chhiatna leh tlinlohna lai te chu thaibovin an sawi Hmangaihna mitdel ngei mai chuan kei ni ho hi a lalthutthleng luahpui a tan min thlang ta ani. Tawp chin neilo a hmangaihna vang hian a mi te sual bawih a tang tawh te hi min rawn thlan ta a.

Ami te leh seraf ten an au lawm2 a, “Lalpa hetah i mi heti zozai te hi i duhtawk lo em ni” an ti a, mahse, a hawikir tawhlo. A tum chu a hlen ta a, hreawm tinreng tuarin anu mari lak ata rawn piang chuak in rawn chaw pekna thleng a zalh ni in, thih thleng a hreawm tuarin kraws ler ah lo tuar in Nang leh kei hi min rawn thlan ta ani. Chuti chung pawh chuan kan la hawisan fo dawn a maw?! Vawitam kan uire san a mahse, damtein min pawmleh mai thin.

Kan thiamlohna leh fellohna te haidera lalthuam a min thuamin kan tan kraws lerah a tuar ta si. Chhanzai i rel lo’ng maw?!! Tiang em a hmangaihna mak hi. Phengphehlepa khua a tlai hma hian harh in tho la, unau, tah in awmzia ala neih lai hian rawn pan ve la, a tan hian i nun hlan ve la, a tan annual member mai nilovin life emaw patron member ni ve ngei ang che.

30/5/12

Hmar Rûn.

[Ref: Pu Bualkunga hlate, Lunglei Centenary Souvenir]