Thuhma atan leh a fiahzual zawk nan tiin Juda-te tana hremhmun tlak hlauhawm loh thu uangthuang deuhin ka submit-a, mahse, kan hotuten chhuah tlakah an ngailo a niang, hei tawitein ka rawn thehlut e. Ka lawm e.
Tunhma chuan vanah khian Pathian leh a vantirkohte hlim takin an leng vel a; chu hmunah chuan Pathian vantirhkohte chu an lal dan indawta dinhmun siam fel vek anni. Chu hmuna vantirhkoh zinga lal ber a sakhming Diabola chuan a lal em avangin Pathian chu tluk theih mai a inrin avangin midang tlem azawng sawmkhawmin Pathian chu a do ta a; a hneh loh avangin leiah a hote nen chuan paihthlakin an awm ta.
Khawvelah chuan Pathianin amah kawmhlim turin leh thilsiam dangte chunga rorel tura a siam Eden huana Evi leh Adamate nupa hlim taka engmah lungkham nei lova an leng lai chu ama duh thin ang, a nih theih siloh, dinhmun sang zawk nih duhna hmang chuan a zu thlem ta a; anni lah chuan an laka Pathianin duhthlanna a siam chu hmang sualin Diabola thusawi chu an zawm zawk ta tlat mai. Chuvangin, an fate lo piang leh an tu/tuchhuan lokal zelte chu misual, boral mai tur, chatuan hremhmun chang mai tur kan lo ni ta.
Chu chu ngai ngam lovin Pathian chuan ama fapa ngei, tisa sual ang pu in, sual thawi nan rawn tirin Kalvari tlang, kross lerah nghaisakna tinreng a tawrh hnuin a thi a; ni thum nia thihna hneha a thawhleh a; Vana a’n lawn leh takah chuan khawvel mihring, Adama thlahte chuan Vanram kai theihna tur quota kan nei leh ta hlauh mai.
Mahse, a thu kan zawma, kan zah thiam erawh a phut tlat thung tih hriat a tul thung. Chutianga a thu kan zawma, kan zah a nih ngai chuan hremhmun tlak hi hlauh nachhan tur a awm lo.
i chhanna 1 phei khi chu...
July 7th, 2013 at 6:44 pm
A awlsam hle mai a. Inhnial theih takna thu a niin ka hria. Vanram kai tur chuan pianthar a ngai lem lo tihna a ni maw?
Report this comment
July 7th, 2013 at 7:39 pm
Nia Bible zawm a amah kan zah bawk chuan vnram kalloh na chhan tur awm lo anih chu..
Report this comment
July 7th, 2013 at 9:25 pm
Pathian thu zawm chu piantharna a ni mai lo’mni?
Report this comment
July 7th, 2013 at 11:33 pm
Ka net a chiankuang loh vangin ka komen hleithei lo. Nia, piantharna chu Pathian thu zawm atanga awm tur niawm tak a ni. Hnialtu che pawh an awm lem lo niawm tak a ni. I post hian ngaihtuahna min neih tir khawp mai. Thiangzau an ti ang che tih chu ka hlau deuh roh hehehe
Report this comment
July 8th, 2013 at 11:26 am
Chhiar dawn ang.
Report this comment
July 8th, 2013 at 2:58 pm
Nia, duh ai chuan ka thiangzau ta deuh chuan ka inhria. Sakhaw dang rin dante ka hre nual ve a, mifel leh Pathian tih ve tak tak ho hi hremhmun an tlak loh mai rinna ka nei nual thin reng a ni.
Pathian hi HMANGAIHNA PA a nih si chuan hrehmun kan tlak loh dan tur hi a duh ber a nih ka ring.
Report this comment
July 9th, 2013 at 3:12 am
‘Ni a’ pawm tawh hi chu sùt leh a har tawh a nia.
Report this comment
July 10th, 2013 at 12:09 am
Thlahtubul te Suala an tluk avangin, Pathian leh Mihringte inzawmna chu lo chat tawhin, Pathian mithmuh leh thinlungah chuan, ‘Thi’ kan lo ni tawh a, Pathian fa’ ni thin kha, Diabola fa kan lo ni ta zawk a ni. Diabola fa, Pathian anchhia dawngtu chu Pathianin a lo sawi lawk tawh ang takin, a thih a ngai a. Pathianin mihringte a hmangaih em avangin, chu a thutiam ‘Hremna’ chu mihringte tuartir lovin, a fapa Isua Krista a lo tuar tir ta zawk a. Mihringte hmelma hnuhnung ber leh tihbaiawm ber thihna chu hnehin a tholeh a ni.
Isua Kristan kan ai a lo awh tawhna chu ‘ringa’ pawmtute chu, Pathian mithmuhah Sualah chuan thi thawh leh hrem tawh kan ni a, Isua Krista ruala kaihthawha awmin Setana fa kan nihna lamah chuan ‘Mitthi tawh’ kan ni a, Pathian fa ni turin kan Thlarau a lo Piangthar a, Keimahniah Pathian Thlarau a lo cheng ta thin a, chu Pathian Thlarau chuan, kan nun chu a lo Control ta thin a ni. Amaherawhchu, Pathian Thlarau Thianghlim aw chu ngun taka kan ngaihthlak leh kan ngaihchan a, a thu kan zawm a ngai a ni.
“Lalpa Lalpa”, ti ve vak vak, a thu zawm tum reng reng si lo leh, Lalpa Pathian tihna nei reng reng si lo, Kristian inti vetho site hian, Vanramah an lut tawp lovang, tih Lal Isua ngeiin a sawi a ni.
Report this comment
July 10th, 2013 at 5:32 pm
#8 Pu PK-a sawi ang khian, Ngaihtuah chian ngai awm erawhchu a awm… “Kristian Tak Tak i ni em?” tih lai tak hi a pawimawh. A ‘tak’ leh a ‘lem’ hi a awm tlat a. A ‘tak’ (genuine christian) tan chuan Hremhmun tlak chu hlauhawm loh nasa, he leia a ruka an nunngchang leh khawsak dan pawhin belh-chian a dawl ngei ngei. A ‘lem’ (fake christian- Lalpa Lalpa ti satliahtu) erawhchu Hremhmunah a tla ngei ngei thung ang.
Report this comment
July 12th, 2013 at 12:18 am
Tlai khawhnuah ka rawn komen. Lo hrethiam mai teh u. Hremhmun tlak leh Vanram kai thu kan sawi a, a ngaihnawm mai bakah kan hlawkpuina tur a nih ka beisei.
Post-tu Pu Chhana’n a sawi pawp ta sa sa. Pu PKa or Pu Johna hian Kan Bible tlawhchhanin hremhmun tla tur leh vanram kai tur chu post rawn siam ta se la kan hlawkpui phian lo’ng maw? hehe
Report this comment
July 16th, 2013 at 9:39 am
A Thu zawm leh zah tak chu a lawm har..mi tamtak ten Pathian aia ngaih pawimawh an neih thin avangin Piantharna chan tak tak te hi an ngamlo thin. Mahse Pathian hmangaihna kan hriatthiam tak tak chuan Piantharna leh siamthatna in kan nun a thlak tur a ni. tichuan Thlarau Thianghlima khata rawng kan bawl chuan kan tifuh ang.
Report this comment