Archive for the ‘Health’ Category

Khuh damdawi overdose

Tuesday, January 15th, 2013

By Dr Jeremy V Pachuau (a phalna nen thlap)

Mitam zawk chuan tukin Vanglaini ah kan lo chhiar hlawm in ka ring. Khuh damdawi overdose chungchang a front page ah an rawn ziah mai bakah kan Health Minister hialin damdawi zuartute fimkhur turin a chah hial a nih kha….Nia hemi chungchang hi kan hriat chian lehzual a tha a ka hriat avangin tlem kan tarlang ve ang e….

Tun hnai, thla 2 thum vela ka experience leh case history Casualty ka duty lai a ka lo hmuh te han tarlang ve phawt ila…

1) Dec.23.2012 ni khan tlai 2:30 PM vel hian tlangval kum 32 mi vel hmanhmawh takin unconcious in Casualty ah an rawn zawn lutut a, Theih anga rangin ka zuk en nghal a, kan en chuan a lo thi fel der tawh a, a hmui leh a kut hmawr te a duk vek tawh…A thian te kan zawh chuan drugs chu a ti ve zeuh2 thin a ni awm e, tin zu / zawlaidi hi a in thin bawk tih min hrilh..An sawi dan chuan “chhunah Zawlaidi tlem kan in a, kan mu zal lawk a ti a, darkar 2 hnu ah, kan han kaitho dawn a a tho thei ta lo a, kan rawn hruai ta a ni” an ti…A zia lo hle mai, Casualty register ah chuan “BROUGHT DEAD” tih in kan enter ta ringawt a ni…

2) Dec.27.2012 zan dar 7 velah nula kum 23 mi, unconcious in an rawn hruai leh a, rang taka kan check chuan, a natna lan danah No.4 Overdose nen a in ang chiah a, a mit naute chu pin hmawr bawk tiah lek ( Pin point pupils ) tiah lek a nia, deeply unconcious in a awm bawk, No.4 thahna damdawi Inj Naloxone 400mg 2 amp in kan han chiu a, Oxygen te pe in, darkar chanve hnu vel chuan a rawn harh tha ve leh mai.. A chhungte kan zawh chuan drugs a tih ngai loh thu min hrilh a, tlai chaw erawh a thiante nen an ei ho thu min hrilh, tin kei pawn a tih ka ring lo….ka lo ngaihdan ah chuan a thian te nen an in kawm vel na ah misual tu in emaw a cold drinks in turah drugs a pawlh a nih ka ring a, a chhung te pawh fimkhur turin kan in chah zui…chuan dam tak chuan Pathian zarah kan in thlah ta a…

(more…)

MIZORAM HEALTHCARE 2013 – MAMAWH TAN NGAIHVEN ILA

Tuesday, December 11th, 2012

HC 2013

(Admin ten min lo hrethiam se, a chhan chu hre chiang lo kan tam vang leh, detail zawka tarlan kan duh vang a ni)

THIL THAR: (more…)

ZU INDAN THIAM

Saturday, December 1st, 2012

Source: www.huffingtonpost.com/……
Alcohol causes nearly 4 percent of deaths worldwide, more than AIDS, tuberculosis or violence, the World Health Organization warned on Friday.

Approximately 2.5 million people die each year from alcohol related causes, the WHO said in its “Global Status Report on Alcohol and Health.”

“The harmful use of alcohol is especially fatal for younger age groups and alcohol is the world’s leading risk factor for death among males aged 15-59,” the report found.

Alcohol abuse kills some 75,000 Americans each year and shortens the lives of these people by an average of 30 years, a U.S. government study suggested Thursday.

Excessive alcohol consumption is the third leading cause of preventable death in the United States after tobacco use and poor eating and exercise habits

Zu indan hi ram changkang zawk ah poh an thiam bik vak lo a ang ka ti.  hehe…

Serṭawk leh damdawi!

Friday, November 30th, 2012

Grapefruit an tih hi Mizo ten Serṭawk kan tih hi niin ka hria; serṭawk tih ka hmang zel phawt ang. Engpawh nise, mithiamten an zirchhuah tharah chuan, damdawi ei lai neite tan a hlauhawm thei hle tih an hmuchhuak a ni. Grapefruit (Serṭawk) mai a ni lova, zikhlum chikhat, kale an tih leh licorice (hei hi Mizo ten Reng-an kan tih kha a ni em ka chiang lo) te pawh an tel tho mai.

Serṭawk (ti zel phawt ang!) hian tun hma a mithiamte rin aiin damdawi (prescription medication) hal (mil loh) a ngah hle tih an hmuchhuak a ni. An hmuhchhuah danin, prescription damdawi chi 85 lai a hal an tih pek chu! Damdawi a hal zingah hian cholesterol, diet lam inenkawlna te pawh a tel nawk mai. India lamah chuan a hming a dang maithei a, Lipitor, Zocor, Mevacor leh anticoagulant Plavix te pawh an tel nghe nghe.

Daktawr chawh, damdawi eilai neite emaw, dietna lam eite chuan serṭawk, kale leh licorice lakah fimkhur a pawimawh hle awm e.

(more…)

Naute hrisel I duh em? Ui vulh rawh!

Monday, November 19th, 2012

(A dik ngei ang ka ti law, zirbingtute’n an sawi tlat thung si a.. ;-) )


Thlalak hi entirna mai a ni e… :-)

Nu leh pa, naute nei mai turte khan lo chhinchhiah teh u. Naupiang panga zinga pakhat zelin allergy an vei thin avangin, I naute duat takin allergy a vei loh/tlem nan, ui lei rawh le.

Henry Ford Hsopital-a mithiam te’n an zirbingna chungchang Journal of allergy and clinical immunology-a tarlan dan chuan, nuin nau a pai laia ui/zawhte an chenpui hian, allergy thlentu pakhat, taksa ralveng zing a mi IgE antibodies an taksaah a hniam zawk fe niin an sawi. Taksa ralvengtu zinga IgE hi tangkai mah se, taksa mamawh aia sang a awm chuan naupangah allergy leh thawhah (asthma) thlentu an ni thei thung.

(more…)

Nau leh nu dam nan!

Thursday, November 15th, 2012

Kan nau (nupui lam) ten nau an chhiat a zarah, ka hriat ngai loh ka hriat phah. An tawrh a na hle mai thung! An nau neih ni chu naktuk, November ni 15 hi a ni a, mahse, tukin khan a ngum leh pum a nat tak em vangin an buai rilru hle. Dâktawr koh mai tur em ni ang tia an inngaihtuah lai chuan, an nu thi chu a put ta vak mai a ni. Dâktawr emaw, 911 emaw pawh ko talo chuan damdawiin-ah an tlan-phei nghal a, mahse naute chu an chhan hmanta chuang lova, naute nu erawh vanneih thlak takin an chhan thei hram; tunah ICU-ah thisen khaisakin biak theih lo vin ala awm reng a ni.

Nimin, November 13,2012 khan dâktawrin a en a, a dik vek si a vang chuan, ka chian chak deuh riau mai a, dâktawr leh RN (registered nurse) te chu thil awmzia ka zawt ta hlawm a. An thil min hrilh hi thil awm zen zen lo anih hmel viau nangin, Mizo ten, ‘nau chunga thi‘ tih ang lampang sawi tur kan lo neih ve ṭhin avangin, inkaihhnawihna-te a neih takin, kan hriat zau na’n tiin, a dâktawr lo ber hian ka rawn ziak dawn a ni. Kan dâktawrte khan in rawn sawi belh turah ngai ila.

Engpawh nise, chutia nau piang mai tur a chhiat thutna chhan chu, “Placental abruption” an ti a. A awmzia tak chu, nau paitu chhul a nautein, boruak leh chakna a tan a mamawh dang a lakna leh a mamawh loh a paihna ber, “Placenta” chu a keh thut tihna a ni awm e.

Engvang a awm thei nge a nih? — Dâktawr sawi dan hmangin, a chhan ṭhenkhat chu sawi ngaihna an hre lo. A chhan tamber erawh chu:

* Mei zuk vang
*Drugs tih ṭhin vang
*Car accident neih vang emaw,
*An dul delh a an tluk vang emaw, an dul a thil an tauh sawkin a awm thei a ni. Kan nau-i hian a chung a ka ziah hi a neih loh vangin, ‘dâktawr-ten an hriat theih loh’ zingah an dah ve ta a ni!

Engtin nge placental abruption a awm dawn tih a hriat theih dan? —- Nau paitu a a hriat theih dan ṭhenkhat chu: (more…)

Hun Hnuhnunga Chhiatna Thleng Tur-te {Sunday Pual}

Sunday, November 4th, 2012

Thuhmahruai
Hun Hnuhnung Chhinchhiahna (Mt.24:1-44, Lk.21:7-19, 25-36, etc.) tia Bible-in khawvela chhiatna râpthlak chi hrang hrang thleng tur a sawi tuna thleng ţan mek chanchin kan sawi dawn a. Heng zingah hian khawvel awmdan phung (van lam)-a harsatna thleng mek te, lirnghing, nâtna chi hrang hrang mak tak tak thleng ţhin te, leilung da zel te, ţâm (famines) râpthlak tak thleng ţhin te, mipui suatna (population reduction) thleng tur hlauhawmzia te, indona (war) thleng thut thut leh tam tulh tulh te, nuclear ralthuam hlauhawm zia te, biological weapons râpthlak tur zia te, hlauhna leh thlabârna (terror/fear)-in khawvel min tuam dan te kan hawl thuak thuak dawn a ni. Duhthusamin ka khawih hman lova, belhchhah ngai leh tihdik ngai awm apiang chu chhiartuten inthlahrung lova comment lamah belh zel turin ka ngen nghal che u a ni. Chhiatna râpthlak tak lo thleng tur kan sawi tur te hi, thilthleng tunlai ber ber (latest) an ni lova. Kan sawi ai hian kan dinhmun hi a chhe zawk ngei ang tih hi ka rindan a ni mah mah.

A thui lutuk dawn avangin, sualna lo pung zel te, sakhaw dinhmun tlahniam ta êm êm te, fundamentalist/fanatic-ho hlauhawm zia te, Kohhran chhunga chawh-pawlh nun lo hluar ta êm êm te, Krista der/zawlnei der rawn pung zel te, zirtirna dik lo (pluralism) rawn hluar ta te, Pathian thu pawm dan dal tak (liberalism) avanga thlarau lama kan hniam tawh zia te, Setana biakna & Setana pawl (Satanism) hial pawh a hring a hrana hmuh-theih a nih tawh thu te chu remchang dangah kan khel leh zawk turah ngai ila.

1. Ozone Layer Pawp Mangan-pui
Ozone Layer hi Oxygen chi khat Ozone 03 a ni a, Ni leh Lei inkara mel 6-30 vela lei tuamtu boruak a ni. Ozone hian Ni aţanga direct-a nizung hlauhawm tak (ultraviolet ray) lo kal chu a lo dang a, mihring leh thlai te ngeih tawk chauhvin a pechhawng leh ţhin a ni. Kum 1985 khan Chhim lamah a pawp tih an hmuchhuak a, reilote ah Hmar lamah a pawp tih an hmuchhuak leh a. Siamţhat ngaihna a awm silo, a pawp zau tual tual si, scientist leh sorkar-te an mangang êm êm a ni. Mithiamte chuan he Ozone hi Meikhu lam chi (factory, motor etc.) effect avanga pawp a ni, an ti. (more…)

Hriatna-te A Pung Dawn A Ni {:Sunday Pual:}

Sunday, October 28th, 2012

Thuhmahruai
Bible-in Khawvel tawpna thlen hma thlengin, Finna leh Hriatna-te a pung dawn tih min hrilh tawh a (Thuhriltu 1:18, Daniala 12:4). Finna, hriatna, thiamna a pung tual tual a, buaina erawh a tam tual tual thung chu a nih hi. Hei hian Bible hrilhlawk hi rawn tifamkimin, khawvel tawp hi a hnai tawh a, hun hmawrah kan awm tawh a ni tih a rawn tichiang em aw, a tih theih. Chuvangin, heng finna leh hriatna pungte hi khawvel ti-nuamtu nge an nih ang a, khawvel tihrehawmtu tur tih hi ngaihtuah tham a tling. Khawvela changkanna leh hmasawnna-te hi Pathian min hlat-tirtu an nih chuan, Kristiante tan chuan a ţha dawn lo tihna a ni. Doctor te, Scientist te, Technician te leh thiamna hrang hrang nei te thil hmuhchhuah mak leh danglam tak takte a ţhen chauh, tawi te te-in i lo thlir thuak thuak teh ang.

1. Organ Transplanting
BBC leh VOA in August 26, 1983 khan Mihring taksa bung hrang hrang thlak theih a nih tur thu an puang daih tawh a, khawvelin awih harsa an ti. Mahse, tunah chuan thluak thlak-thleng (brain transplanting) chiah hi harsa an la ti, hei pawh hi a complicate deuh vang chauh niin an sawi (TIME, Nov.1999). Chutihloh-ah chuan mihring taksa peng hrang hrangte hi chu an thlak zung zung thei tawh. Mihring taksa bung hrang indaih-lohnaah chuan Vawk pawh an hmang thei ta!

2. Test-Tube Baby
Test-Tube Baby hi kum 1970 vel aţang khan an piantir thiam tawh a, kum 1978 a vei meuh chuan US ah pawh Test-Tube Baby hi 1,00,000 an tling tawh. Hmeichhe hrisello leh la Nula duh ten hetiang hian naute an nei ţhin. An pung chho zel a, kan nunphung leh khawsak duhdan ngaihtuah hian an punchhoh zel pawh an ring.

3. Mipa-in Nau a Pai Tawh ang
Prof. Jerome Legeune, Paris University chuan, March 12, 2000 khan, “Kum zabi 21-na aţang hi chuan Mipa-in rem an tih phawt chuan Naute an pai thei tawh dawn” a tih kha, atakin Prof. Edwin Symonds, Obstetrics & Gyaecology, Birmingham University chuan Mipa pum chhungah chhulbawm dah dân an thiam tawh a nih chu! Kum 2008, June 29 khan a takin Mr. Thomas Beatie (34), (Pi Nancy Roberts-a pasal) chuan naute a pai a, fanu duhawm tak Susan Beatie a hring ta, tunah hian a fa 2-na a pai leh mek! TV Show Host lar tak, Oprah Winfrey chuan he “Khawvela Mipa Nau Hring Hmasaber Tur hi Interview Hmasaber” April 3, 2008 khan a neihpui nghe nghe a nih kha. Ram changkanga Nuho-ten an nghah-hlel zia leh an lawmzia chu sawiin a siak lo an ti!

(more…)

Have sex everyday to keep doctors away!!!

Thursday, October 11th, 2012

“Healthy sex leads to a healthy life.” I kawppui nena nupa nun hlimawm tak in hman khan in lo hrisel ang a, doctor meuh pawh hna thawh tur nei lovin i siam thei tihna a va nih hmel ve! Sex hian asthma pawh a hnawt tiau thei an ti. Nupa nun hlimawm tak hian pawnlam (physically) leh chhungril lam (emotionally)-ah hriselna a thlen thin.

Sex – Infit-na: Sex hi sport zawng zawnga him ber a ni an ti!  Thinrimna a tibo a, min tinaupang tha leh a, mood a titha-in tihrawl tan exercise tha tak a ni. – Dr. Ishi Khosla & Dr. Samir Parikh

SexTaksa mamawh bak kang raltu: Taksaa thil awm, thau, adt. kan mamawh bak a paih chhuakin a tlengfang thin. – Dr. Geetu Amarnani

SexVun leh sam mawina: Hmeichhiain hmangaih an neih a, nupa nun hlim taka an hmanin an taksa atangin hormone oestrogen an tichhuak a, chu chuan an sam a title-in an vun a timam thin. – Make-up expert Sylvie

SexLu-na, Depression & rilru ngaihtuahna damdawi: Nupa nun hlim leh lungawi thlak taka hman a nih hian a tha lo zawnga tension sang tur leh thluaka thisen luang tam lutuk tur a veng a. Chu chuan lu-na leh depression a veng a, hahdamna a thlen. – Dr. Sanjay Chugh

(more…)

Zokhaw mite tana First Aid hriat turte

Tuesday, October 9th, 2012

(Source: Hriselna Mag. Feb.2012)
Kan thupui, ‘Zokhaw mite tana First Aid hriat turte’ tih hian a huam zau hle mai a, kimchang taka sawi a har viau dawn a ni. A theih chin chinah Zokhaw mite tana ṭangkai tur nia ngaih te tarlan lo tum ila a ṭha ang e.

First Aid awmzia chu rikrum thila hliam tuar emaw taksaa harsatna tawkte ṭan-puina pek tiin a sawi fiah theih awm e. Miin hliam a lo tuarin damdawi ina enkawl a lo ṭul a, mahse thawkleh khatah damdawi in emaw, damdawi lam thiam te emaw panpui mai a remchang lo fo ṭhin a. Chuti ang huna theih ang anga damlo hliam tuar lo sawngbawla lo enkawl hi First Aid chu a ni ber a. Mi pakhat aia tam hnena ṭum khata First Aid pek a ngaih chang a awm ṭhin a, entir nan Motor chetsualna hmunah te. Heti ang nikhuaah hian hliam tuar zinga han en a na ber nia lang kha buaipui hmasak ber tur a ni, Enkawl hmasak ber tur hriat loh avanga khawtlai palh a awm theih avangin a hliam na ber nia lang kha buaipui nghal vat tur a ni.

Hliam tuar kan buaipui dawn hian rilru chiai loh hram hram a ṭha a. Pawng-paw chiai luat avanga hliam tuarte’n an chhiatphah hi pumpelh hram hram ṭhin tur a ni. First Aid kan pek dawn hian a hming ang ngei hian a ṭul zual chauh tih ṭhin tur a ni a, mahni hriat phak baka kalpui hi a fel lo thei hle tih hriatreng tur a ni. First Aid hmanrua dahna bik First Aid Box kan neih chuan uluk taka vawn tur a ni a, a chhunga hmanrua leh damdawi chi hrang hrang te chu a hmanna kan hre chiang tur a ni a, mahni rinthuin hman tur a ni lo. Mizoram hmun tinah damdawi thiam pan hi First Aid zingah chhiar tel theih ni tih hriatreng a pawimawh hle a ni.
(more…)