Mizoram Vs. Mohun Bagan inrinniah innuai dawn
Silchar-a District Sports Association chuan anmahni pualin Stadium ropui tak an nei a, Cricket leh football khelh theihna niin he stadium-ah hian international cricket match pawh khelh theih a ni nghe nghe. India hmeichhe cricket team leh senior team paw’n international cricket match an khel tawh a. Tichuan tunah hian Silchar District Association chuan Golden Jubilee ropui taka lawm tumin an inpuahchah mek a, an stadium chhuan em em SM Dev Memmorial Syadium-ah tun irinni(Nov.11) lo awm tur khian Golden Jubilee lawmna chu an hmang dawn a, Mc Dowell No 1 Celebration Trophy vuahin he trophy khel tur hian Mizoram team leh Mohun Bagan team chu an chahchhuak dawn ta a ni.
Asia khawmualpuia club hlun leh upa ber Mohun Bagan an chahchhuahna chhan hi mipui hip nana an tih a ni ber a, an ni ang club lian reng ruang hmachhawn turin club tha leh player tha tawk an neih bawk si loh a vangin Mizoram team an rawn chah ta bawk a, team inbuk tawk, hmuhnawm hle turah an ngai tih a lang reng mai. MFA chuan Mizoram aiawh tur a thlang mek a, zo thawkhat tawh mahse tarlan theih a la ni lo. Phai lama Mizo player engemaw zat bakah ram chhung player thate a lawrkhawm dawn tih erawh a chiang a, Asian Youth Championship-a Mizo player 2- Hmar duo Captain Zaidinmawia Hmar leh Lalmalsawma Hmar te an tel ngei dawnin a lang a, an ni bakah hian India ram top club-a khel phakte pawh tel tura ngaih an ni.
Mizo Aw Sports chuan zawhna kan dawng nual tawh a, Mohun Bagan hian an team tha an tir duh dawn em ni? tih leh Mizoram khel tura team tha an tirh an beisei loh thute pawh kan hria. Mahse hei, an team list atang hian team tha an rawn tirh dawn leh dawn loh chu sawi vak ngai pawh a ni lo ve.
1. Imran Khan 2. Shilton Pal, 3. Eduar Dochacon, 4. D.Ravanan, 5. Dulal Biswas, 6. Goutam Debnath, 7. Manas Das, 8. Bouy Basfore 9. Chinmoy sarkar, 10. Lalkamal Bhomick, 11. Sumon Dutta 12. Satyajit Bose. 13. Dharamjit Singh 14. Ndem Guy Herve 15. Basudeb Mondal 16. PC Lalawmpuia 17. Jose Ramirez Baretto 18. Ayan Chowdhury 19. Surojit Bose 20. Dipendu Biswas. Coach : Biswajit Bhattacharya bakah official dang 6 in an zui dawn a ni.
Bagan team tan hian Calcutta Premier League-ah Railway 2-0 a an hneh tum khan tuna an squad an tirh turte hi an khel deuh vek a, an ni bakah Mizo player an neih chun PC Lalawmpui bakah Brazillian striker Baretto leh Asian Youtch Championship-a India tana khel Lalkamal Bhomick-te pawn an khel dawn bawk a ni.
He inkhel tur hi Mizoram Football history-a thil chhinchhiah tlak ber zinga mi a ni dawn tih hi a lang reng a, Mizoram atang pawn mi engemaw zat inkhel en turin an chhuk thla dawn a ni. Mizoram team hi MFA bakah Sports ziaktu ho chuan tawiawm an tum nghe nghe bawk.
Flash : Mizoram team tur a chiang ta a, hei le-
Goal Keeper : Vanlalhriuata, Danny Lalrohlua
Defender : Lalhruaitluanga , Laltlantluanga, F.Lalmawizuala, Zohmingliana Ralte, Lalpianfela, Robert Lalduhzuala, Zaidinmawia Hmar
Midfielder : Laltuakliana Renthlei, Sama Hnamte, Lalhriatzuala(Tezawka) , Samson Ramengmawia, Gosen Rammawia, Lalmalsawma hmar, Lalhmingmaweia,
Forward : Lalruatliana,(Tawia), R. Vanlalfela, Joseph Lalsangzuala, Zico Zoremsanga.
Mizoram team turte hi an naupang tlang seng sawng hle a, Aizawl atangin anmahni tawiawm engemaw zat an chhukthla dawn a, Kolasib tlangdung leh Vairengte atang pawn engemaw zat an kal dawn niin hriat a ni.
Similar Posts:
- Mizo footballer state pawna insawnchhuak te
- Manchester Premier Cup 2008 ah Mizoram che tha zel
- Mizo footballer ten India tan an thawhhlawk
- Sheffield FC – Kolkata , Shillong & Guwahati ah
- Santosh Trophy ah Mizoram engtak ang maw?
November 7th, 2006 at 1:07 pm
Orkut hi an block emoni company network ah hian. Engtia tih tur nge…? Engtin tin nge moni khan luh thei a ni lawmmi?
Report this comment
November 7th, 2006 at 3:47 pm
keini poh kan office ah an block
Report this comment