mi(sual).com

India rama state leh state football a inelna lian ber Santosh Trophy chu Jammu & Kashmir ah may ni 25 – 15 June 2008 chhungin khelh a ni dawn ta. Mizoram chu cluster VII ah Chhattisgarh leh Railways te nen awmin ni 26 may hian Chhattisgarh nen an match hmasa ber an khel ang.Kum 1941 atanga khelh tan Santosh Trophy hi kumtin khelh tur a ruahman a nih laiin chhan hrang hrang avangin khelh loh a ni zeuh zeuh tawh a. Nikum khan Jammu & Kashmir hi thleng tur a tih an ni a, mahse venhimna lamah harsatna a awm thei dawn nia an hriat avang te leh ground that tawk loh avangin khelh a ni lo a.

Kuminah J&K bawk hi thleng turin tih an ni leh a. Nikum lamah an mualpho tawh avangin an inbuatsaih nasa hle. Kumin ah hian team tel tur te chu cluster 8 ah then an ni a. Cluster I & Cluster II leh Pre Quarter Final match te chu GGM Science College Ground ,Jammu ah khelh a ni ang a. Cluster III – VIII ,Pre Quarter Finals, Semi Finals & Final te chu Polo Ground, Srinagar, Bakshi Stadium ah khelh a ni ang. Kum 1978 khan Santosh Trophy hi Jammu & Kashmir-ah khelh a lo ni tawh a, khami tum khan Bengal chuan Goa hnehin champion an lo ni tawh a ni. Kumin J&K a khelh leh a nih hian Bengal leh Goa te bawk hian final an khel leh mai lo maw tih chu zawhna a ni mek.

Defending champion leh vawi sarih zet lo champion tawh Punjab te, Santosh Trophy khelh hnuhnung ber a Runners up leh vawi 29 zet champion lo ni tawh leh champion ngun ber West Bengal, Tournament khelh hnuhnung ber a semi finalist Kerala leh Maharashtra te chu seeded niin, anni pali hian quater final, june ni 5 atanga khelh tan turah cluster hrang hranga che tha team te nen an khel ve tan chauh ang.

Kuminah hian J&K Banks te chuan Santosh Trophy hi an sponsored dawn a. A hmingah pawh JK Banks National Football Championship for Santosh Trophy 2008 tih a ni deuh duah dawn a nih chu. Zee Sports chuan quater final atangin live telecast an pe tan ang a. Santosh Trophy a record nei tha tak Goa team te chu Budweiser tan an sponsored ang a, players thuam thil chi hrang hrang an tum sak dawn bakah Goa atanga Srinagar an kal leh haw lam thlawhna chhuanman a tum sak bawk ang. Hetih lai hian Mizoram team chu duat an phu ang hu-in duat an hlawh tawk lo hle a. Aizawl atangin Guwahati chu sumo in an kal a, Guwahati atangin rel in Srinagar an pan.

Kum dangah chuan state dangah Mizo hming hmuh tur a awm nual thin kha a ni a. Kan hriat theih chinah chuan Mizo hming hmuh tur a awm rih lo. Mizoram hian preliminary round chu pal tlang ngei turah ngaih an ni. Mizoram team ah hian tel ngei tura ngaih S. Malsawmtluanga chu chhungkaw rokhawlhna avangin kal dawn tepah team atangin a inhnuk dawk a. Jerry Zirsanga Dempo SC, C. Malsawmkima East Bengal leh Lalmalsawma Hmar Chirag United, Zaidinmawia Hmar, OIL te chu inhliam vangin Mizoram team ah an tel thei lo a. Hetih lai hian Vanlalrova East Bengal chu AFC Cup an club in an khelh avangin an chhuah thei lo a, mahse Rova hian tunhnai lawk khan season thara chuan Mohammedan SC tan a khelh tawh thung ang.

Mizoram team hian an match hmasa bera Chhattisgarh an khelh hunah Tuaitea, Ramluaha, Henry te hi an khelhna club Mohun Bagan leh Bundesliga champion Bayern Munich te nen Kolkata ah tunthla ni 27 hian friendly match an khelh dawn avangin Mizoram tan an khel hman dawn lo a. Mizoram second match Railways nen an khelh hunah erawh chuan Zo Trio te hian an khelh hman tawh ngei a beiseiawm. Mizoram

MIZORAM SQUAD

Goalkeeper :
1. Danny Lalrohlua SSA Football Club
2. Vanlalhruaia Dinthar FC

Defenders :
3. Lalpianfela 1st MAP
4. Zohmingliana Arhima, Shillong
5. R.Vanlalpeka Lajong, Shillong
6. F.Lalrozama Pune FC
7. Lalremruata 1st MAP

Midfielders :
8. Robert Lalthlamuana (Cap) Churchill Brothers
9. F.Lalmuanpuia ONGC, Mumbai
10. Buangpuia Ralte New Delhi Heroes
11. Samson Ramengmawia Luangmual FC
12. Khanthang Paite Churchill Brothers
13. Malsawmtluanga Zotlang FC
14. Henry Gangte Mohun Bagan
15. Lalramluaha Mohun Bagan

Forwards :
16. Lalruatliana Sailo Luangmual FC
17. Malsawmdawngliana Amity United,Haryana
18. JeJe Lalpekhlua Pune FC
19. Lalhlimthara JCT
20. PC.Lalawmpuia Mohun Bagan

Manager : Lalbiakzuala, Kulikawn
Coach : Vanlalngheta, Zotlanga

Similar Posts:

• Mizoram in Final an lut
• Santosh Trophy 2009 Ah Mizoram Vannei Mai Thei
• 63rd Santosh Trophy a Mizoram aiawh tur te
• A vawi nga na atan Mizoram champion thei a ngem?
• U-21 National-ah Mizoram in final lut

Recent Posts:

• NGAIHNAWM KAWLEKSAWN – 2 :
• Pathian Kut Dinglam {Sunday Pual}
• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!

This entry was posted on Friday, May 23rd, 2008 at 2:10 am and is filed under Sports & Games. You can follow any responses to this entry through the RSS 2.0 feed. You can leave a response, or trackback from your own site.