mi(sual).com

Youth Icon A Hmuhnawm Tulh Tulh : Pakhat A Tla Ta

Top 10 thlanchhuah an nih hnuah LPS leh UNODC CHARCA tangkawp buatsaih, Mizo thalai zinga zaithiam zawnna Youth Icon 2006 chu tunah hian inelna neih chhunzawm zel niin mahni in lum atanga TV a thlirtu an thahnem thei hle.

Zan hmasa (nilaizan) atang khan heng top 10 a tlingte hian inelna an tan a. In elna tan anih hma hian Mizo hmeichhe zinga lar ber pawl, hla phuah leh zaithiam, hmanni lawka min boral santu Pi Lalsangzuali Sailo (RIP) hla ‘Rawlthar Tang Fan Fan’ tih chu top 10 te hian an sa a, an zaithiamin amah Pi Lalsangzuali Sailo hlaphuah thiam zia min hriatchhuah tir thei khawpin top 10 te hian an sa thiam in an sa nalh a ni.

Nilai zan atang khan heng top 10 te hian an mahni duh zawng hla thlan pakhat theuh chu rimawi (musical instrument) nen an sa theuh a. Mi 1000 dawn atanga thlanchhuah theih ngat khawpa zaithiam an ni bawk a. An zai ngaihthlak a nuam lo hran lo hle.

Zan tin Top10 thlitfimna atana inelna hi neih chho zel ani anga. Mi pakhat zel an tla chho zel dawn a ni. Tunah hian judge-te mai bakah mipui ngaihdan leh hmuhdan a pawimawh tawh hle a. Nimin zing dar 10:00 atanga chawhnu dar 2:00 thleng mipui lamin an mi duh zawng leh thiam an tih zawngte phone hmangin an thlang thei tan a. Duh zawng leh thlan duh zawng neite tan chuan uluk taka zan lama LPS en mai tur a nih chu. LPS i pawt lo anih pawhin i thenawm hnaia LPS pawtte inah Youth Icon 2006 tur thlang thei dinhmuna i din vangin kal mahla i tisual lo maithei.

Tunah hian top 10 zinga pakhat chu a tla ta a, Youth Icon 2006 Top 10 a tlingte hi

1. Esther Lalchhanchhuahi, ChhingaVeng 2. H.Lalremruati, Ramhlun North 3. K. Lalhmingliani, Saitual 4. K. Lalremmawia, Rulchawm 5. Lalhmingsanga, Republic 6. Lalawmawma, Tuivamit 7. Sarah Lalngaihawmi, Dawrpui 8. VL.Chhanhimi, Sairang 9. Zomuanpuii, Sihphir 10. Zoramchhani, N. Vanlaiphai te an ni a, tichuan pakhat zela an kal boin an kiam thin chhungkaw tinreng tih ang khan pakhat kalboin top 9 chiah tunah hian an awm ta a ni.

Remruati a tla

Nizana tla ta hi H.Lalremruati, Ramhlun North a ni a. Youth Icon Host tu Mali of LPS zawhna a chhandana thenkhat duhthumsam pha lo mahse thenkhat chuan an lawm viau thung a. I taksa khawilaite hian nge mi hip bera i hriat? tih zawhna chu ” ka mit meng leh ka vun” tiin AIDS chungchangah a darhzau zel lohna tur leh invenna tur tha nia a hriat a chhannaah, ” sex hman dawnin condom hman zel nise” tia tlang taka a sawi chuan lawm a hlawh viau bawk. A zai chhe hran lova, Top 10 tling zinga hmel ziaawm ber a nih thu thianpa Zara chuan a sawi nghe nghe. Result puan a nih lai hian Top 10 tlingte hmel chu hmuhnawm khawpin a danglam a, tla ta H.Lalremruati an tuarpui tak zet a. Amah Remruati hian tuar dan a thiam phian.

Similar Posts:

• Youth Icon-in banna thehlut
• Youth Icon-ah tel la nuai 1 hlawh rawh
• Youth Icon 2006 Top Ten
• Vote Mary Kom for Pepsi & MTV Youth Icon 2008
• Album chhuah run pui

Recent Posts:

• KA ṬAHPUI LEH SI ṬHIN
• The Alaskan serial killer
• Thanglian, Aw…… Thanglian !
• CFL Hmingthanga Thihcham Vawikhatna Pualin
• NGAIHNAWM KAWLEKSAWN – 2 :

This entry was posted on Friday, December 1st, 2006 at 1:39 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.