Mihring nun kawngah hian duhthlan tur tam tak a awm a, chung zingah chuan kan duhthlanna a in ang lo thei hle mai. A tam zawk chuan mahni nawmsak nan kan thlang ṭhin a, thil awm tak pawh ani e.
Lal Isua Krista khan mahni nawmsak nan a duhthlanna kha hmang sela chuan kan tan chhandamna kawng a vang ngawt ang. Thuthlung Hlui-ah chuan ran thisenin an inthawi ṭhin a, chu chuan a daih rei lo ṭhin hle a nih kha.Mihring nun chhungril lam ṭhatna min pe thei dang an awm silo.
Krista tlanna avang chauhin chhandamna kan lo chang thei ta hi kan vannnei tak zet ani. Chuvang chuan kan chhandamna kawng zawh tur hian eng duhthlanna nge kan thlan dawn le.Mahni nawmsakna tura thlangte chuan Boralna kawng an zawh mek a, Lal Isua lam thlanna erawh chuan tawrhna te a thlen fo. Mahse a tawpah chuan Chatuan nunna kawng a ni. Khawi kawng nge kan thlan ve dawn le?
Tin, thil dang leh chu, kan han piangthar a, rawngbawlna huangah kan zuang lut chho ve a, kan hlim a, kan lawm a, a phur lah kan phur na rawh, a ropui a ni. Hma te lah hi kan la chak pur pur ṭhin khawp mai a, 
chutah tak chuan mahni chauh indah san viau a, midang hmuh chak loh tlat te hi a(n) awl em em mai a, hemi hmang hian Setana hian fing takin min lo thlem a,midang kan hmu tlinglo a, an rawngbawlna te kan kham khawp lova, kan kher kan kher a, atawpah kan tlu leh mai ṭhin a ni.
Chuvangin kan phak ve tawk a kan rawngbawl ve na ah te hian vawilehkhata chak taka kal pur pur hi a tlo lo a ni tih hria a, zawi muang a,Tirhkoh Paula’n Zawi muangin ka kal dem dem tawh ang a tih anga, Pathianin chakna min pek ang zel a ke pen in, muangchangin kan rawngbawlna chu hlen tum ila.
Chutiang rawngbawlna chu a tlo va, an rinna a nghet a, an rawngbawlna pawh a nung a, mi ten an nunah eng an hmu ṭhin a ni. Kan nitin nuna kan rawngbawlna hi i chhut ngun fo ṭhin ang u!!
Similar Posts:
- Ruatlawk Theology (Chhandam tawh nge Anchhedawng sa a piang?)
- DUHTHLANNA SANG BER By Denis Lalfela, Rome
- Kan buaina leh Inkhawm hi!!
- Duhthlanna sang ber
- Youth Icon leh Duhthlanna
November 27th, 2011 at 10:03 am
A ṭha hle mai, ka lawm e.
Report this comment
November 27th, 2011 at 10:04 am
Guud post
Report this comment
November 27th, 2011 at 10:06 am
Chhiar phawt tawh ang lem….
Report this comment
November 27th, 2011 at 10:19 am
chak taka tlan te chu an inchhuih palh chawk thin.
Report this comment
November 27th, 2011 at 10:23 am
I chhût ngun ang u.
Report this comment
November 27th, 2011 at 10:54 am
setana hian kan chak loh na lai ahre em ani
Report this comment
November 27th, 2011 at 11:38 am
post ṭha hle mai
Report this comment
November 27th, 2011 at 2:18 pm
Post tha e. Ringtu Piangthar nun leh Thlawhtheihng hi a in letling chiah a ni, an ti thin. Thlawhtheihna chu, zawitein a han lir hmasa phawt a, a lir chak tial tial a, a tawpah chuan, a thlawk ta fur fur thin. Ringtu Piangthar tir chu a phurin a thlawk fur fur a, a thlawk zawi tial tial a, nakinah phei chuan, thlawk lovin a tlan a. A lo than puitlin tak tak hnuah phei chuan, ‘a kal dèm dèm’ tawh thin a ni.
Report this comment
November 27th, 2011 at 2:20 pm
I kawngzawh lai kha chhut ngun rawh = Calculate your National Highway
Report this comment
November 27th, 2011 at 3:50 pm
Report this comment
November 27th, 2011 at 6:45 pm
Hlap tha thei angreng fu ni… Tha lutuk!… Tha lutuk!…
Awke 500g i hlawh thei e
Report this comment
November 27th, 2011 at 7:03 pm
Tun hnua fimkhur nan mai mai: “Zawitein ka kal dem dem tawh ang” ti tu hi Paula ani chiah em aw? Lo chik leh deuh teh. Lal Hezekia ani zawkin ka va hre em! (midang sawi hmain ka han sawi khalh ang e, a that zawk ka ring).
Report this comment
November 27th, 2011 at 7:45 pm
“Mahni nawmsakna tura thlangte chuan Boralna kawng an zawh mek a, Lal Isua lam thlanna erawh chuan tawrhna te a thlen fo”
Kan Kohhran Upa pakhat sawi ka la hriat reng chu “Kraws put hi a rit tiin hreawm kan ti fo a, mahse, kan put loh avanga keimahni, chhungkhua leh khawtlanga buaina a thlen hi a rit fe zawt a ni” tih hi a ni.
Good Post.
Report this comment
November 27th, 2011 at 9:08 pm
A hlu hle mai
Harhna kan tih tamtak hi chu phur na., Phurna petu Pathian aia ‘PHURNA BORUAKA’ innghatte hi an tlo lo fo in ka hre ve mai mai thin 
Mahse Paulan Zawitein ka kal dem dem .. tih sawi em ni aw? Hezekia kha ni zawk mai thei – Isaia 38:15 = Ka hre sual thei bawk .. (( inthla hrung rilru chunga ziah 
)
Report this comment
November 27th, 2011 at 9:57 pm
@12 & 14
Ka lawm e, ka hna thawhna lamah ka buai deuha, ka paws pawh ka lo vil hman meuh lo a, ni e he thu ka ziahlai pawh hian ka hnathawhna hmunah ka awm a, Bible keng lovin phone hi ka ring mai bawk sia 
ka lo ti sual tih ka pawm thlap e. Pu PKa comment ( 7:03pm) ka hmuh khian ka za zek a, ka haw mai thei bawk si lo, ka theih ang tawkin ka phone ah kan en leh ngial a, chutia ka en mek lai chuan @14 khian a bung leh chang chu a rawn dah ta chiah a, in lama ka chhung te kan phone a, tlang thei bawk si lo, ka thianpa pakhat ka call tawp a, Isaia ziak khian refer a nei em tih ka la han zawt tal a nih chu 
a awm loh thu min hrilh hnu ah ka tihsual ka pawm ta chiah tih ka rawn inpuang e.. 
Ka rilru a thil lo awm ta chu, ka paws chu keima tan a lo nih ber thu hi a ni. 
chuan Pathian thu lam paws dawn chuan a bung leh chang tarlan zel hi a tul a ni tih nen… A Thu lo chik leh duh tui, AMAh ang in lo awm a, ka lawm na a zual, chunglam pawn min hrethiam em ang chu maw..! 
Report this comment
November 28th, 2011 at 3:31 am
Post chu ka lo chhiar chiang miah lova, Tirhkoh Paula’n “Zawi te te in ka kal dem dem tawh ang” a tih awm ka va hre lo ve aw….Hezekia kha chuan a ti ngei maia (Isaia 38:15).
@Pakak, Paula chuan alo sawi ve anih chuan min han hrilh la ka lawm khawp ang(ka ṭawngkam duh em em anih avangin)
Report this comment