Kan veng chu Saptui veng , Venglai thlanmual kal kawng a awm a nia. In tawp atang a chhiar chuan kan in awmna chu a palina ni ta in ka hria ka awm loh hlan a mi dang in in an lo sak belh ve te a nih loh chuan, awm loh na a lo rei ta deuh a nia nge, chiang tlat ta pek lo ! Mahse kan in awmna chu ka hai bik chuanglo. Kan in hi mi dangte in nen a khaikhin phei chuan a ropui lem lo khawp mai, mahse kan chhungkaw budget, a fairil hlang hlak engmah in a a pawlh dal loh a kan sak a nih ve miau a vang erawh chuan ka chhuang vet tlat. Ei ruk a sak in lian pui pui, a mi cheng te hmel a hlimna tak hmuh tur vang tak awmna in ropui ho ai chuan a nuam ka ti tho tho.
Hei a kumpui linglet an tia mi chuang fe chu kan in hi ka hmu tawh lo a, engtin chiah nge a awm tih pawh rin a har tawh khawp mai. Ka room thin te kha engtin tak lo la awm ang maw? Tunlai chu vengte lam ngaih a na ve tlat. Kan veng ah chuan veng chung hman a kan naupan leh zual lai a kan awm na leh veng hnuai thlanmual kal kawng a awm a, tah chuan in 50 chu kan tling em lo ang chu a tih tur kan awm ho ve a, a mi chengte ho kan in pawh tlang in kan in hre vek hlawm a. Veng dang leh khawpui lian ah te chuan han kal la, thenawm chiah a awm in hre tawn miah lo, biak pawh in be tawn ngai lo ho an awm fur mai ang. Vai ram kan ang zo ta kan ram pawh hian. Mahni chhungkua te te hian kan awm fir fer a, thenawm khawveng in len pawh pawh khat tawh tak veng hi kan ram a a tam zawk te hi chu kan ni tawh ngei ang.
Kan veng min ti lar vetu pakhat chu kan Saptui khur hi a ni ngei ang. Kan naupan lai chuan tui kang nghak in zan rei tak tak thleng in ai a u te ho nen tuikang kan nghak thin kha a nia, Rahsi veng a kan la awm lai kha a la ni bawk a, a tam zawk kha chu rahsi veng mi kan ni deuh fur thin. Zan an vawh deuh chuan meipui kan chhep a, u te ti ti ngai thla in kil khat ah khan kan lo tui kang nghah ve thin na kha n nia, meizial zuk ruk kan ching tawh tak em kha aw kha tihlai khan? Tin, nula leh tlangval han inlemkual leh indem nan khan a lo rem kher em a, kan trin in tlar tir pawh kan tui thal hun a lo thlen pawn kan hnung a mi te khan min thal khalh zel! Mahse kan vui chuanglo a nih hlawm kha ti ru ! Nuam ve tak a ni.
Chuan kum 2004 khan ni ta in ka hria he veng ah hian a per a permanent tur in kan chhungkua kan in suan luh ta kha a nia, hun hi chu a thatchhe ve a nia, mi nghak nang nge tilo hian hun hi min liam san thuai thuai mai a, kei ni pawh kan lo puitling ve ta der mai. PHE ho pawh hi ka haw ngawt mai, an ni chu awmlo se chuan kha tih lai khan mi tui chawi in hlawh in tui kan kawt pur pur thin kha a nia, mahse veng chung a kan awmlai a, step 100 dawn han kawh kha chu hahthlak thei mai mai nia aw, a step tawp kan han thlen hi chuan vanram kai ang hial hian ka in ngai thin. Alkatra barrel khat kan chawi khah khan cheng 20 nge 30 kha kan hlawh thin a, pawisa kan han nei chiah kha chu aw, nuam ve thei ngawt mai, enge kan lei ang aw ti in bal chat deuh khan dawr lam pan in ABC lei tur te khan kan han kal ta thin kha nia. ( zep loh ah chuan sikret lei nan kan hmang ru fo! Ka nu ka pa, kan zu tlat tho zep lo mai ang aw ). Kan peng kual ta duah a lung te an leng deuh thut a lawm ve, kan office AC hian min ti vawt riau a, mei han ai mai tur awmlo nen.
Kan veng nawm deuh na chu maw, tu mah han hausa fal leh in el kha kan awm velo a, chhungkaw tin kan in tlawhpawh in, thenawm ten en a han in hauh ri te hriat tur a awm ve lo a, naupang rual kha an tam bawk a, ka nau te ho hian an chhawnchhaih peih hlawm bawk a, kan in ah hian naupang ho kha kan in ah khan an rawn tal tam thei thin khawp mai. An duh hun hun ah hian chaw an rawn ei ve tawp zel a an naupan zual lai phei kha chuan, nau lawm chi kan lo ni ve hrim hrim bawk a ni. Dtenga lah hian a lo chhawnchhaih thiam in an len deuh hnu ah sapte a leh nausen an an lo enkawl chhunzawm thiam zel nen, kan kawrtai te kha a hek thin fu mai ti raw Nu! Naupiang an han awm tawh phawt phei chuan an lo lei kana tang hian kan in ah hian nau te ho hian an rawn hruai anga, kha a hminglem, nickname neilo pawh kan awm lo, kei thleng pawn kan nei vek nia! Ka nick name chu maw Nenema he he, ho ve lawmawm nalh riau a sin, Sawmte a Lalbel a nau min phuah ni ta tlat in ka hria.
Tin damlo han nawm se, ka Pa hi in ti daktor tak hian an rawnrawn anga, a ni lah chuan a duh duh a lo prescribe ve a nga, kha daktor tak ni si lo ah chuan an dampui ve zel hlawm chu a nia, an vannei nge a pe vuh. A ni hi mi khirh leh phunchiar tih tak ah, thil te hi a duh uluk thin sia, mipa rual kan ni bawk nen a ninawm thei thin! U Sai I khan a hre ber phian ang chu, mahse hei a ang ri ka hriat lohna a rei ta deuh a niang a ni pawh ka ngai ta khawp mai. A thau chi ani si, ka nu in an buaipui, zing exer an la te kha in tih cher nan chuan a ti ve chu a nia nga, mahse a rawn haw leh meuh hi chuan a chaw ei tui tawk lek hian a lo han exer thin lo ni in! Mahse pawi chuanglo, ka nu a cher ve thung a lawm.
Ka nu han sawi tak ah chuan a ni hi han haihawt tar eng reng hi a nia, U saiin pasal an neih hnu phei kha chuan a hmeichhe awm chhun kha a nia , a tet ang a en chi a ni lo, a tihloh toh hun ah hi chuan ka Pa ho hian kan ngawi thap zel! A hai hawt hi a reh toh em aw ka hre lo, buai thlak tak a ni, a bazar kal haw te hi khawi maw 2 hand dawr ah emaw, u Angte I te dawr leh Nu Ziri te dawr a a pen toh hi chuan a tawng melh melh a , a purse a nih loh pawn a thil lei eng emaw ber hi chu a theihnghilh ve ziah! A office kal hun tawh si, a purse dahna kan hre si lo, ka Pa ho a mipa 6 in kan in kan han lep se thin te kha a buaithlak thei teh a nia, mahse office em hi chu an tlai ngailo tih theih chu a ni leh lawi si, ka Pa hi pa timing tih tak ah, a timing em a an tlai lo mai thin pawh a, ni lo se chuan chhungkaw pawisa enkawl tur ruat mai te kha a tul lo ang tih a sawi theih hauh loh! A ma thu hian damdawi lo chawh ve ngawt hi tumkhat lai khan a lo ching ve ni tur ani, a lo kal a piang kha a lo pe ve tawp a, ka pa,n an hriat chuan a sawi chi pawh ni lo, mahse kha a ni leh zel pawh khan a chawh thiam a niang tu mah em chu an thih phah loh kha maw!
Kan chhungkua chauh kan sawi a, kan veng ti nuam tu deuh deuh te chu maw, Pa Zaia Van nei hlim in an garage a a park la khalh thiam si lo khalh chak tawh bawk si in Van hlui tih tak ah, a gear mum kha a letling zawng in an lo her pek ni in a lei nate khan, a gear instruction an en a, hmalam kal na kha back gear zawng in a lo awm, back gear a lut tih in hre si lo in, hma zawng a tlan chhuah an tum tak tak kha chu aw pui tak ani ! Tlem a tlem ah an in ban a su thlu tep mai a lawm, a Van lei kha a thar phei chu ni se chuan a su tlu lo ang tih a hriat miah loh. Mahse a ni kha zawng kan JE ah chuan a rethei pawl kha a nia, mahse JE Pathian mit hmuh ah chuan an CE ai in a buk a rit fe zawk tih chu kan veng in kan hriat pui thlap e. Pa Zar a te, pa Fak a te, U Malawm a te chhawltui ningzu han rui puam deuh ti ti kan han ngai thla tak tak thin kha chu aw ! An duhthusam ang khan han awm tak tak roh hlom se chuan kan Zoram hawiher hi a danglam vek tawhang! An mahni chuan tiang in kan ti lo an ti a nih pawn witness ka nei tha lutuk.
Tawngkam thiam ah na na na kha chuan ka Pa kha an dahnil thei chiang khawp mai! An ni hi an phakar ru zek a, ka Pa han kheuh zeuh dan te hi a bik in Pa Zara hian a thiam riau nia. Vawikhat Tuichawng sangha man tur a ka Pa ho a kan kal tum khan a hriat mai. Eng tin tin emaw khan a tia, mi in a awmlo an tih chakma zu tha ber chi pawh kha a lei tir thei tlat a sin! A sermon tha duhlo mai mai a lawm, a duh te chuan e, thupui han vaivir tur chuan kan veng ah a champion chiang bal, in el a awm pawn kan veng hmingin kan champ ngei ang.
Kan Nute ho tuikhur tlanga an Pasalte awmloh a ni lum ai pah a an han inkawm kan han ralkhat hriat te kha aw pui rem rem thei tak a nia. Ben Ben a nu ngei mai in kuhva ei tuam tuam pah in thu bul an tan anga, Nu Chawngi te leh a kaihhruai ten an lo seprawtui chhunzawm anga, a then te phei kha chu, an pasal te hriat a han pholan chi hi a ni lo reng reng, an hria a nih vaih chuan, kan veng kan darh zo vek mai ang! Mi nu te ang a kan nu te kha incheina nei tha leh awm nuam ni lo mahse an mahni tawk ah chuan tu mah hi han zahpui awm tur pakhat mah hi an awm bik in ka hrelo, an thiamna a sanglo, mahse an thiam zawng an chhungkaw tan an hmangthiam tlatna te kha kei ni veng ho nu te ropui ve na chu a ni.
Tun ah zawng rawn haw ta pawh ni ila, kan veng pawh a lo danglam ve ngei toh ang. Tun ah zawng naupangho hming pawh ka hre kim thei ta lo, ka nau te hmanni thawmhnaw leh pheikhawk ka rawn thawn pawh a then chu a lo te lutuk tawh a tuman an ha thei lo, a ha thei awm ber chu ka Nu a ni mai awm e. Ka phei khawk han thawn lah chu a then in an thawl lai in a then in an lo tawt trep nen. Kan tleirawl nula te ho pawh tun ah chuan inleng an nei sup sup tawh hlawm ang chu. Chu tia han tih tak ah chuan kan hmaih tep chu le, U Malawma nau ngei mai kei chuan ka u duhlo, U Dinpuii min ti hre chhuak zawk mai! A ni te hi zawng, a nalh a ni tih hi a in pawm ngam ngang lo a ni ber mai.
Veng dang nula chu han ni se kei nupui a tan a neih tum in ka bem hrim hrim ang. Unau hmeichhe nei lo kha kan ni bawk a, a ni kha kan unaunu ang a kan en ve tlat a nia. Tlai lampang a zanriah han ei a thleng han sil peihloh ni riau hi chuan U Dinpuii hi chaw ei ah sawm tawp ila, a fuh ber mai, ka ching lak loh a, ka nau te pawn tun thleng in thleng sil turin chaw ei ah an lo la sawm chhunzawm lo ang tih ka sawi thei miah lo. A mah vang vek hi lawm kei pawh amah ang mai a ka Senior mai dawn. Lalremlian I lerh lutuk, hmeichhe pakhat ah hian lungawi ve mai rawh, nakin ah chuan aw nupui chhe tawk I la nei ang min tih khanglang a, tun dinhmun hi ka tleng ta te pawh a ni ta ve ang a mah vang hian. Mahse kan u duhtak kha a la ni reng a, vacancy pawh a la awm ngei in ka ring, a nei nei mi vannei, kan Veng val upa U Rina meuh pawn khawtlang in awmni kham in nupui an neih pui tawh a, pasal a neih hi chu a hun ve toh hrim hrim ti raw MS( hei chu midang a nia aw) .
Hmanah chuan Rahsi Veng ka ni tlat, tun ah erawh chuan Saptui Veng ka ni tlat tawh zawk.
Lalremliana Pachuau.
Infosys Campus, Bangalore.
