Mizoram leilung hi a nghet lova fur ruahtui in thlennn tir țhin leimin avangin in leh lo mi tam takin an chan phah țhina kawng pawh nasa takin a min țhin avangin kawng a chhiat nasat phah hle țhin, hei hi hman ațanga Mizoram dinhmun leh nih dan phung reng a ni. Politics a inchirhtheh nan pawh MNF hian hmang teh mahse mipui hian Mizoramin kawng chungchangah kher hi chuan lungawithlak leh țhat tak tak hunlai a nei lo tih hi kan thil hriatchian a ni.
Tunah hian Mizoram sawrkarin he harsatna Mizoram in kan neih reng țhin tih tawp tumin kawng siamțhat hna hi beihpui tha in hma a la chho mek a, kumin 2017-18 hian Ministry of Road Transport and Highway hnuaia national highway siamna leh enkawlna turin state/UT 24 bakah NHAI, NHIDCL leh BRO te fund ruahman a ni a. He ruahmanna ah hian Maharashtra chuan chang tam berin cheng Vaibelchhe 129.72 changin Mizoram in a dawt a, cheng Vaibelchhe 124.68 kan chang a ni.
Tin, hetih lai mek hian Mizoram sawrkar chuan kawng siamțhat hnathawh beihpui tha a thawh tak meuh a, kum 2017-18 Budget ah hian Mizoram sawrkar chuan kum 2017-18 chhungin cheng vaibelchhe 239.50 kawngpui awmsa chei țhat nan ruahmanna a siam a, hei hi nikum lam lama sum Mizoram sawrkarin a dah aiin za ah zahnih sawmnga pakua (259%) in a tam zawk a ni. Amaherawchu, tun kum hian vanduaithlak takin thlasik pawh a zawh hmain fur February thla ațanga kan hman țan avangin kawng siam țhat hna thawhna turin khaw țha aa awm thei ta lova, fur a zoh hun ve leh tuma nawr ngai lovin sawrkar chuan a tum leh ruahman lawk angin kawng siamțhat hna chu beihpui thain a țan mai dawn a ni.
Pu Lal Thanhawla kaihhruai Congress sawrkar hian kawng siamțhat leh a thar siam chungchangah hian hma a la nasa em em a, sawrkarna a țan tirh hun kum 2009 khan Mizoram a kawng awm zawng zawng sei zawng chu 5783.31 Kms (Mizoram Economic Survey 2009-2010) a ni a, kum 6 a sawrkar hnuin Mizoram kawng sei zawng chu 7632.604 Kms (Mizoram Economic Survey 2016-2017) ani ta. Congress in kum 8 a sawrkar chhung hian kawng thar 1849.294 Kms a siam hman a, chu chu tuna Mizoram kawng kan neih 24.23% hi tun kum 8 chhung lek a Congress sawrkar siam a ni.
Kum 2003-2008 chhung khan kawng 481.77 Kms MNF sawrkar khan a blacktop a, Pu Lal Thanhawla kaihhruai Congress sawrkarin kum 2009-2013 chhung khan kawng 883.47 Kms a blacktop. (Mizoram PWD Office).
A hnuaia thlalak ka rawn dah hi MNF sawrkar laia Mizoram kawng dinhmun a ni a, Mamit phei chuan NH44A a pin avangin a tlawhpawh theih loh thu Sept. 11, 2007 khan Vanglaini in a lo chhuah a ni. July 11, 2008 ah hian Aizawl khawpui hmun tam takah kawng a chhiat lutuk avangin traffic a ti khaihlak nasa em em a hemi avang hian Aizawl khawpui laili tak Vanapa Hall kawtah pawh traffic police ten kawng siamțhat hna an thawk tih an chhuah bawk. Hemi bakah hian khatih hunlaia Mizoram hmun danga kawngchhia tam tak zinga țhenkhat tarlan a ni bawk.
MNF ho hian kawng chungchanga Congress sawrkar an beih hian anmahni mawng an hlim mai mai a ni tih inhre rawh se.
Pictures: Vanglaini Dated July 11, 2008, Sept. 11, 2007, Sept. 9&10, 2007 leh April 27, 2008.
Comm News
Similar Posts:
- Kum 2011-2012 Mizoram Annual Plan
- NLUP atan Rs 100 crore hmang hman ta lo
- Lal Thanhawla’n budget a pharh
- Bairabi leh Sairang inkarah Rel kawng.
- Mizoran Annual Plan 2011-2012 Rs 1700 Crore
September 24th, 2017 at 3:04 am
Mizoram tan a thahnemngaihna tak tak neilo a hna an thawh chhung chuan ram aiin an bank account tan an thawk zel ang a, ram hian hma a sawn tur angin hma a sawn ngaiin ka ringlo.
Report this comment
September 28th, 2017 at 10:35 pm
ka pawm zawng tak a ni
Report this comment
October 3rd, 2017 at 9:05 pm
https://storify.com/curvedry64/sebab-tiba-tiba-lihat-teman-indekos-salat-wanita-i
MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA
Report this comment
October 18th, 2017 at 12:30 am
MNF ho in an mawng an hlim a, Congress ho mawng chu hlim ngai lo in a lang sa…te ka lo ti rilru deuh.
kan pawlitik khelh dan hi a va ropui teh chiam lo tak!!! “an ni pawh in an siam bik lo, emaw anni ai chuan kan la ti tha hret….” tih vel mai mai hi ania, khua a va var lo tehlul em!
Report this comment
December 17th, 2017 at 2:51 am
Kawng a chhe tual tual a, kan ram hruaitute in leh lo a tha tual tual….
Report this comment