Bihar state huam chhunga Musepur-Jurabgan khuaa upa min tak tak, them thiam bawk si te chuan mi- thil lak/zen ruk dan leh rukrukhmang ni turin an khuaa awm naupangte chu chhun zan zawmin an zirtir tluk tluk thin a. Naupangte’n zirlai an zir zawh hnu (graduation) hian field hrang hrangah an fehchhuak nghal ta thin a ni.
He khuaa cheng nu leh pate pawh hian an fate chu zirna lama tirh ai chuan heti ang lam kawnga an seilen an duhsak hle a; ruk-ruk, pick pocket leh suamhmang lama professional an nih an beisei hle bawk niin police te chuan an sawi.
Musepur-Jurabganj khua hi Katihar district, Korha police station huam chhunga awm a niin Patna atangin Km 200 a hlaa awm a ni a. Khawchhunga awm mi thiam tak takte chuan naupangte chu eizawnna tlak khawpa thiam turin an zirtir nasa thei hle.
“Naupangte hi sikul-ah hmuh tur an awm meuh lova, rukru tura tirh liam duak an ni thin. Sikul-a inziaklutte hi chu sawi tham an awm lo,” tiin official pakhat chuan a sawi.
Mihring 4,000 chuang chenna ah hian a tam zawk hi ruk-ruk thiam tak leh eizawnna tlak khawpa invaivir thei an ni a, “Kum 15-40 a upa tam zawk phei chu rukruk, mi thil zen ruk, thamna leh rukbo chungchangah sulhnu an nei ther ferfur hlawm a ni,” tiin police officer pakhat chuan a sawi ve bawk.
Chanchinbu lamin an tarlan danin Bhola Yadav an tih chu a hnarkaitu leh training pe tu ber nia hriat a ni a, a ni hian heng naupang zirchhuakte hi India rama khawpui lian leh te deuhah a thawn chhuak nghal char char thin a ni.
An fehchhuahna lam atanga an sum leh pai mai bakah bungrua an rukchhuahte hi village committe-ah an chhunglut leh tlangpui a, heta tang hian an pocket money turte pechhuak lehin, a chuang bang hi midang zirtir leh zelna tur senso phuhhruk nan an hmang leh nghal bawk.
He committe hian rukru bail chhuak tur leh a tul ang anga lo buaipui nghal zel thei turin dan hre mi, ukil engemaw zat an ruai bawk a, an kalphung hi a nghetin a fel fai hle. Chu mai bakah an thurinah hian an ngheh hlawm em avangin inhrilhfin a harsa hle niin thuneitute chuan an sawi chhuak nghe nghe.
March 27th, 2011 at 10:19 am
2nd teh ang. A dangdai mang e aw.. Kan India ram zau-ah hian thil thleng thei lo a awm lo a nih hi mawle..!
March 27th, 2011 at 10:29 am
comment a va hmu tlem ve aw.. post na rei tawh nen :-S
March 27th, 2011 at 10:31 am
Van mak bawk ve!! An inenkawl dan lah chu a fel thlap bawk sia.