Zo a kum chhiar a kum 4 lai liamta christmas khan naupang rual hruaiin N.Delhi-ah kan hawikhawthawng ve teh tlat a, a vawt nuam khop mai. Ka nau zaithiamte chu mizo inkhawmnaah zai turin an sawm a, mahse kan chhangchhia atalangin kan tlai palh hlauh, min lo ko hman tawh si! chuta Chhim Pa ve ngei, Delhi Mizo te zinga challang ve tak chuan “kan chhimkun ho chu…!” min ti a niawm e.
Delhi a chhim Nu challang chuan min lo vui pui nasa mai a,lawmawm khawp mai.Amaherawhchu, chhimkun pa hian dah chhuah hun chu a la nei ngei ang. Hmar Pa kuaikun tur nilovin Zoram kun chunga kal mek hi a kuai dak dawn a ni.
Chhim lam mi chuan, ‘hmanlai chuan chhimah thluak a awm a,hmarah sum a awm an ti thin’tih hi sawi a nuam ta hauh lo mai le!A chhan chu, tunah chuan, hmar lamah sum mai nilo,thluak pawh a awm tel daih tawh a ni.Hmar lama ‘thluak’ awm phei ta hi a pawi a nilo, apawi zawk chu Chhim Pain’thluak’ a hloh hi a ni zawk.
Mizo Pa ropui tak tak- Ex CM:Pu Laldenga(fam), Brig T.Sailo leh mi ropui tak tak tuna la dam awmchhunte pawh ‘tar’ ni tawhte hi ‘chhim lam mi an ni’ tih hi kan inhnemna kumhlun a nih mai a hlauhawm ta e.Hun hlui ropuina(past glory) hian hun thar a mite hi a ropuina a chhawm tir zel thei bawk silo.
Amaherawhchu, thang an lo thar chho zel a, Chhim Pa hian ‘kun’reng kan bik ta lo.’Chhim dak’ ti a min koh kan phut dawn lo nain,Oxford of the ‘East’ tia koh ngam nih kan tum ta.Thang kan lo thar a, ‘kan lo kal alawm hei’.India ram khawpui hrang hrang lehforeign thleng pawhin kan intirchhuak tan ta e.
Kan thalaiten thiamna tak tak Mizoram tan an rawn chawlut dawn a,chhim lam atang hian Zoram damna a rawn thleng dawn a ni.Border trade hmang hian Akyab thleng Lawng lian kal thei turin buatsaih a ni ang a,lawngin man tlawmtein bungrua kan chaw lutin kan thawnchhuak chur chur tawh mai dawn a ni.
Man power lan pawh unskilled labour atanga executive post thleng luah thei turin kan thalaiten tan an la mek a ni.Kut hnathawktu, thing anchhedawng(tung), sawhthing leh aieng avanga mittui far thinte kha, an thawhchhuah phu ngeiin malsawmna an dawng tawh ang.
A hralhna lamah buaina awm tawh lo ang a,market athat avangin Mizo mipui thatchhia niawma lang hial tawhte chuan an taimak zia an tilang tawh dawn a ni.Mizoram kawtchhuah kan sawn dawn a ni.
Media leh entertainment lam thlengin kan thang chho ta thur thur mai. Chhim Pa philosophy chu ‘kun hniam’ lam ni tawh lovin ‘dak chhuah’ lam a ni ta. Sum leh pai beisei lo, hloh huam a chhim lam hmasawnna atana penchhuak ngam ‘Baala hma a thingthi ngai lo’ zat zet an lo lang ta.TV lamah nise, Makedonia Zaipawl 1991 a zaipawl music video lo siam tawh(Mizoramah an hmasa ber mai em?) te tuallenna a ni bawk a, ZoSport(a theuneu lo..!), Quiz, Talkshow, Idol,Super model, Talent show.etc… nen ram kan la duai duai mai a, LEI REM KAN RAP TAN TA E….
Similar Posts:
- Chhim leh hmar kan indo dawn em?
- Mizoram Chhim leh Hmar inhnialna – A AW B lam dan
- Magdalene @ Delhi
- Hmar association ten denomination service hran neih an duhlo
- Awi-Thang Pa Lehkha Thawn !
Hairehai
June 24th, 2007 at 12:13 am
e khai khai… zoram kun chunga kal mek chu chhimkunpa chauh lo pawhin i kuai vanvadak theuh teh ang u.
Report this comment
June 24th, 2007 at 11:55 am
Hmar mi chhima seilian leh lehkha zir chhuak ka ni a, chhim mi hmar mi ti zawnga in tawngkhum hi ngaimawhawm hlein ka hre thin. Fiamthu a nih pawhin nuih a za duh vak lo…Zoram zimteah hian Mizo nih hi a tawk mai em? Tun laiah phei chuan Chhim mi leh hmar mi kan in awm pawlh vek tawh…Mizoram mai ni lo, ram pawn, Foreign thlengin…rilru zau deuh put hi zir a hun ta e…Muantea, i ti tha khawp mai. Mahni hma zawn theuhah, mahse mahni awmna bial mai ni lovin Zoram pum hmakhua ngai pha Mizo thinlung dik tak neih hi keini leh thangthar lo la awm zel turte kan inzirtir hi a tul reng a ni..
Report this comment
June 24th, 2007 at 10:15 pm
Chhim hian awmzia pakhat chauh a neih laiin, Hmar hian awmzia pahnih a nei theih tlat. Mizoram hmar lam mi han tih ngawt hi chu tu mahin an haw hran lovang. Mahse Hmar Pa or Hmar ho han tih hi chuan kan thuziak dan a zirin huatthlala theih ve tak chu a ni awm a sin !
Report this comment
June 25th, 2007 at 7:04 am
ccpur_man, i sawi dik chiah, Mizoram hmar lam mi thlirna atang chuan. Mahse, Chhim miin Hmar mi/hmar ho kan tih chuan awmzia pakhat chauh a nei ve tho, hnam ang zawnga tawngkam leklam a awm ngai lem lo.
Mizoram zimteah a chhim leh hmar zawnga tawngkam kan lek fo mai leh fiamthua inkah kan ching hi chu a huatthlalaawm ngawt mai.
Mizoram hmasawnna inkhairual lo lutuk, development sum sem dan inkhairual lo lutuk a taka han hriat chuan Mizoram pianhmang chu lu chauh thang taksa thang miah lo ang chiah hi a ni. Chhim lam hmasawnna lo irhchhuak tan mek hi Mizoram pum tana chhawr nahawm a nih ngei ka beisei.
Report this comment
July 15th, 2007 at 10:15 pm
ka ron lut leh hman lok lo, comment a tha e. Hetah hian hmar hnam sawina nilovin Mizoram chhim leh hmar sawina mai a ni e.Mizoram hma sawnna tur chhim lam atanga lo awm thei awmte thlir thuakna a ni e. Nia, Mizo hnahthlak hi tawng hran nei ngat pawh chhiar tham kan awm, Mizoram chhung mai nilo Manipur,Assam,Tripura,Bangladesh,Myanmar etc. ahte kan darh nuai ani. Kan inunau thiam chuan hnam ropui, kan inunau duh tlat loh erawh chuan hnam te tak te nakin lawk a ral mai tur kan nih a rinawm.Inpumkhat zel teh ang u.
Report this comment
April 29th, 2011 at 2:38 pm
Pu Muantea Post hmasa ber hi kan comment ve reng reng teh ang..Ani hi kan thuthiam ani. Lunglei kan thrangharh a hun hle mai.. I dream te khi kum 3 liamtaa mi ni tawh mase hei a tak ram a rawn chang chho mek zel e.. ZOram kawtchhuah sawn anih hun chuan ZG-a nena in auhla hi thutak anihzia Zoram khawvel hian a la hre mawlh ang..
Report this comment