Mizoram chhunga CAtholic Thalai Pawl te tana inelna Inter Volleyball Championship, St. Thomas Catholic Thalai Pawl, Ramhlun North buatsaih chu St. Lawrence School, Ramthar Veng, Aizawl ground ah 29th August ah tan a ni. He tournament ah hian Mizoram hmun hrang hrang atangin infiammi te an tel tha hle a. Champhai, Serchhip, New Serchhip, S. Sabual leh hmun dang atang te in infiammi te an lokal a, an phur hlawm hle. He tournament thupui chu ‘SPORTS FOR UNITY’ tih a ni. Hetianga inelna thianghlim tak buatsaihtu St. Thomas Catholic Thalai Pawl an fakawm hle. He tournament hi Bishop of Aizawl, Rt. Rev. Stephen Rotluanga’n a hawng a ni.
Champhai atang te a infiam tura an rawn tel thei hi a lawmawm a, an thalai hruaitute an fakawm tak zet zet a ni. A ni khatna a game hmuhnawm ber chu game hnuhnung bera mipa inkhel Holy Cross, Champhai Parish leh St. Dominic Branch, Tuikual, Aizawl a ni a, deciding ah Tuikual lam hi an chak hram a ni.
He tournament hi September ni 1 thleng awh tura ruahman a ni.
Tunhma deuh khan kohhran hrang hrang thalai chhungah infiamna siam thin a ni a. A bikin football an uar deuh thin a. Mahse contact game hi han khelh tak tak chuan infiamna a ni tak tak thei tawh lova. Kohhran hming pu chung si hian kan intibuai lek lek mai thin a. Hetia contact game ni chiah lo an buatsaih hi remchang an hre hle a ni. Official te pawh qualified ngat an ruai a, kohhran huangchhung mah nise a buatsaihtute hi an fakawm hle a ni.
Similar Posts:
- Thalai Rual Inhmukhawm
- Prism leh thalai pawl thawkho dawn
- LPS Quiz 2007
- Mizoram Inter District U-19 Football Tournament 2012
- MZU Sports vawi 11-na tan a ni dawn ta!
August 30th, 2007 at 4:15 am
An va ti thra ve, kan thalaite nih hi. Hollycross ho chu an thiam thin hle asin mawle, champhai ah pawh an champion zat zat, a thiam ate an tel ta lo aniang. A hmuhnawm thei ania an khel, voikhat phei chu final ah deciding game ah 14- 4 atang an pawt thla, hmuhnawm bawn…
Report this comment
August 30th, 2007 at 9:29 am
Catholic Thalai Pawl Rally kha a awm thin a, a nuam thin a sin mawle. Ni ve lem lo mah ila thiante kan lo neih avangin thalai membership fee kha ka pe ve thin a Kulikawn lamah. Chutia member ni ta chu rally-ah te kan lo va tel ve a, thiam lem lo mah ila football leh volleyball te kha ka va khelh pui ve nawk nawk a, beat contest-ah phei chuan pakhatna te kan va ni vel a, a lunglen thlak hle mai. Ka tawng huatthu suhah Kohhran te lam hi a nuam phian duh zawk.
Report this comment
August 30th, 2007 at 11:24 am
Hetiang sports tih vel hi chu salvation thalai ho hian a hrat.. volley ball, football tournament te pawh an neih thin kha.. a nawm hmel thei khop mai… an tam em em si lo a… an tlem hauh bawk si lo a,, hehe a tawk chiah ni mai… biak in piah lama inpawl ho na tha tak a ni in ka hria… entawn tlak…
Report this comment
August 30th, 2007 at 11:34 am
An van ti tha ve kan Catholic unaute chu.Hetiang hi thalai te hui khawmna tha tak pakhat ani.Sports hi intihlimna mai nilovin,Rawngbawlna pawimawh tak pakhat ani.Sports hmangin Ramdang thalai te chuan,Isua chanchintha hrilin,Ramthim an luh chilh mek e.Keini Mozo te pawh hian kan thiam zawk tak te pawh hi ani mai thei ani.
Report this comment
August 31st, 2007 at 7:30 pm
Thian dangte sawi ang deuh khian…hetiang infiam na hi Kohhran emaw pawl member khaw hrang hrang a mi te in hmelhriat na tan. Kohhran member khawhrang a mite in hmelhriat hi Kohhran tan athil tangkai tak a ni thei a ni.
Report this comment