Ambedkar stadium a inkhel an awm apianga kan hriat thin chu, field sir a sikh pa pakhatin dar a lo vaw thin a awm a. Chu pa chu he stadium ah hian mikhual a nilo. Delhi khawlum leh boruak uap chhurh pawh hre chang loin mipui sing hnih chuang zet chu Ambedkar stadium chhungah chuan kan in ek beng a. Inkhel entu zingah tlang mi kan tam zual emaw tih mai tur a ni a. Tunhnaia khelh zawh tak ONGC Nehru Cup 2007 final India leh Syria ten an khelh chu a hmunah en ve theihna remchang kan nei chu vannei kan in ti hle.
Nehru Cup hi hun engnge maw ti chhung chu khelh a ni tawh lo a. Tunhnai khan AIFF chuan International football tournament pui tham deuh buatsaih nise an tih avangin thar thawh leh a ni a. India hian football ah hmasawn tumin theihtawp a chhuah mek a. Sum leh pai mai bakah media lamah pawh a tang nasa hle a. Heng avang te hian tunhnaia hmasawnna hmel chu hmuh theihin a lang chhuak mek a. Kumin a Nehru Cup buatsaih a nih vang ngawt pawh hian India mipui thinlungah Football in hmun a chang thuk tial tial niin a lang.
Hetia kan hriat dan maiah chuan Ambedkar stadium te chu Subroto Cup khelhna thin tih mai kha a ni a Ground tha a ni ti pawh sawi a ni ngai lo. Mahse tunah erawh chuan India coach Bob Houghton te meuh pawhin India rama football ground tha berah a puang ta hial a. Mipui thutna zawng zawng chu chei that a, rawng hnawih thar vek a ni a. Ram danga an tih thin angin advertisement board pawh digital vek a ni tawh a. Hei mai a nilo, zana khelh theih turin flood light pawh bun a ni ta a. Tin, a sir ah TV screen lian tak dah a ni ta te chuan field changtlung leh tha tak a ni tih a entir bawk.
Cricket ringawt tuichilhna khua, Delhi te angah chuan India leh Syria ten final an khel dawn pawh tise mipui an tam tehchiam kan ring lo a. Ticket pawh lak lawk a ngai dawn em ni kan ti a. Mahse tun tum zet chu Delhi khaw mipui te thinlungah a ‘deh’ dan a dang deuh pawh a ni mahna, final meuh an khel tawh dawn sia ti chungin a sing tel chu Ambedkar stadium lamah kan in hawr phei lui lui a. Enman lah cheng sawm leh sawm hnih man a ni mai a. Kan thleng tlai deuh a, Cheng sawm man te lek lek kha chu phung zinga piring vawrh ang mai in, a zo nghal duak a. Keini chuan cheng sawmhnih man ngat chu kan la a, stadium luh dawnah chuan uluk em em min check a. Gate pui kan kan a, a chhungah mipui chu a lo sahawk nasa tawh mai a. The Bangra Boys tia media lam ten India team te an hming an vuah chu a inhmeh khawp mai. India tan tute zingah khuang vua leh lam zawng zawng deuh tho chuan Bangra style a ni deuh vek ti ila a sual lo ang.
Inkhel an tan a, mipui thawm a ring kher mai. Keini pawh kan theihtawp in kan au a. Inkhel hi Zee Sports ah an live avangin lan ve ngei kan tum a. Naupang inkhel tur a kan hruai te chu kan fuih a, ring deuh deuhin au ula, camera man ten an rawn lak fuh che u chuan Zee Sports ah in lang dawn alawm kan ti a. India flag te reuh te te keng chuan awr phiar tawng tawnga an au pawhin kan sir a Big screen ah chuan kan lang chuang hlei lo a. A hmunah chuan mipui thawm a tha ham ham khawp mai. Kan sirah vai pakhat, khuang vaw thiam tak a awm a. Chupa chu pawisa chawiin khuang an vuak tir thin a. India chet that deuh laiin a vuak tir ngun a, chumi rem chuan a bul vel a vai ho chu an lam thin a, a hmuhnawm hranpa ve khawp mai.
A khel hrim hrim ah Baichung Bhutia chu a la tha khawp mai, tuman an tluk lo. India defence line ring phak bakin an tang thei, a bikin Surkumar Singh leh Mahesh Gwalia te an tangkai a. Delhi tlangval Sunil Chettri in lawm a hlawh zual a. Climax Lawrence leh India chakna goal thuntu NP Pradeep te an khel chhe lo bawk. India coach Bob Houghton duhdan leh ruahmanna ang takin India hian attacking game an khel kha India chakna pakhat chu a ni ngei mai. Goal an thun hnuah pawh thun belh tumin an nawr tluan chhuak zak a, khatiang kha Indian football ah hian hmuh tur a tam tehchiam lo. India goalkeeper Subrato Paul mawlh kha a vengtha thlawt bawk.
India in National Sports Day kan hman ni tak august ni 29 leh India President Pratiba Patil in infiam mite chawimawina sang Arjuna Award a sem ni taka India football team te Nehru Cup a champion an ni hi thil inhmeh tak a ni. Inkhel a zo a, India captain Baichung Bhutia chuan champion no mawi leh pawisa fai Rs.1.63 million a dawn bakah champion an nih vanga lawmpui nan he tournament sponsored to ONGC hnen atangin player te insem tur atan liau liau Rs.1.63 million a dawng tel bawk a. Hei mai a la tawk lo Delhi Chief Minister Shiela Dikshit chuan Rs 5 Lakh a pe a, All India Football Federation chuan India team te hi Rs 10 lakh a pe bawk. India hian tunhnaiah International tournament a lawmman lak hnuhnung ber chu kum 2002 khan LG Cup, Vietnam a an champion kha a ni a. Hei bakah hian kum 2005 khan SAFF Games ah champion an ni leh a. A dang chu kum 1971 tih bawr vel daih kha a ni tawh.
India an champion avang hian FIFA ranking ah pawh kan sang chho zawt a, tunah chuan 151 ah kan din ve theih phah a.Final entu zingah cricket star Virender Sewag te pawh kan hmu a, Zee Sports Anchor Mayanti Langer pawh ralkhat atangin kan hmu bawk.
Similar Posts:
- Final round khel turin Mizo naupang
- A vawi nga na atan Mizoram champion thei a ngem?
- “62nd National Basketball Championship for Boys & Girls 2011 : Mizoram Final kan lut e!
- Manchester Premier Cup 2008 ah Mizoram che tha zel
- Sheffield FC – Kolkata , Shillong & Guwahati ah
September 6th, 2007 at 2:09 pm
Va ziak nagihnawm ve !!!
Report this comment
September 6th, 2007 at 3:50 pm
inkhelh zawha india gate thleng kn walk kha ziak tel ta ce lol!
Report this comment
September 6th, 2007 at 4:14 pm
Nehru Cup an lak hnuah pawh 151-na maw, India chu? 120-na velah an chhoh ve tawh ka lo ring mai mai asin mawle. Mahse a tha e.
Indian national player-ah Mizo hming han lang ve leh thei sela kan va ti ve. PC Lalawmpuia kha a beiseiawm tih thu ka lo chhiar mai mai a, tling chho ngei teh se. Duhsakna sang ber ka hlan e.
Report this comment
September 6th, 2007 at 4:43 pm
India ania an chak mai2 ani,Mizo tel lo chuan engtih na mah an ni lo,an game chutivak in a ck pawh ani lo.An dawihzep ropui si…..Bhaichunga ka ngaisang teh hrot lo.An Coach, white suppremacy alang leh ta,Tlangmi te min hmuhsit zia a ti lang chiang ani. Mizo player sang deuh poh awm mahse a la chuang lo ang…..an delhi pa ai kha chuan Kolasib tlangval khan thil a ti thei zok….ka awih thlot lo delhi ho khan Football an hrelo anih kha.
Report this comment
September 6th, 2007 at 5:15 pm
Mizo pawh kan la tel ve mial ang chu, kan beih tak tak na al rei lo a lom le, lungai duh suh u.. world cup a, mizo tlangval tan in kan la au ve vak vak dawn nia..!!!!! Kan milar ho hi zuk leh hmuam leh zu leh sa ah han insum phot mai se
Report this comment
September 6th, 2007 at 5:46 pm
B,lore nuho lawm a tan Mi nu ah poh in sum roh se
Report this comment
September 6th, 2007 at 8:12 pm
Tu emaw ni pawhin “Baichung a te chu kan academy ah ball lum kan chhar tir thin a lawm” a ti. Mahse hun a rei deuh a, a sawi tu pa hi thrang thei ta reng reng lova Mizoram ah an haw tir daih an tih pek kha.
Mizo tam zawk inkhel hi chu maths exam ziak ang vel kan ni – handwriting nalh deuh, a dik chawk chhuak tha thei si lo.
PC Lalawmpuia ka tran!
Report this comment
September 6th, 2007 at 9:48 pm
lonelygaij hi Aryan thlak tu deuh a nih hi,A thu chhuak a trang hian
.Thil hi a thim zawng lek a ‘bak’ zawng hlir hian i thlir lo vang u.A thim zawng hlir a i khawvel i thlir chuan,i khawvel hma lam hun chu a ‘thim’ a ni mai.
A eng zawng a thil thlir thiam hi nun hlimna kawng pakhat a ni
Report this comment
September 6th, 2007 at 9:49 pm
By the way, India ka tran,Mizoram pawh
Report this comment
September 7th, 2007 at 4:57 pm
@vikings or Buffet?Viking nge buffet?Aryan thi lsoi tamtak kha a dik tlat ,tin a constru tlang pui (Chakma tih loh chu)Destructive critisizm,leh constructive critisizm poh hre chiang lo a,thlohbo BA ni chung a ;ramdang Airport ah kan han tum hi kan ngaihtuah awm leh zual.Khoi scandi ber ah nge i awm ka hre lo,Vaseitlang chhim top a awm ka ni .,mahse ka ram ani tlat sofel a ngai ang…….’a bak zawng ‘i tih hi mau tiang kom hunlai ‘bak’kha em mi?
Report this comment