BEIDAWNG SUH
I Thlâ chaklo hliam tuar chu a tlu sawp renga
Tanpuitu âu turin âw reng a chhuah thei lo.
I taksa chu i thunun thei rêng rêng tawh lova,
Tanpuitu au turin din chhuah zai reng a rêl thei lo.
Beidawnna in thihpui khawpin a ti mangang che a,
Tanpuitu âu turin beiseina rêng i nei tawh lo.
Khawvel mi te chuan i chahthâk hun thlirin an en thup che a,
Chhandamtu erawh chuan i thawh hun nghak in a vil reng che.
Khawvel mi te chuan “a tlin lovang” an ti che a…
Chandamtu erawh chuan “ i thei tih ka hria” a la ti fan si!!
Angel ten an vil reng che a, Chhamdamtun a mit reng a la sawn lo;
Tho la ding ta che i hliam a dam e; tunah Krista chu pan rawh.
“Misual thi tur an khenbeh khan, chhandamna lui a hmu
Amah angin sual mah ila, min la ngaidam duh e…”
Zra: 19.07.2013
Ka thianpa chu KTP OB a ni, YMA ah pawh OB tho a ni!!! Tuk khat chu, a thosual a, a tih loh tur a ti ta!!! YMA Silver Jubilee lawmni a ni a, danglam tumin dâi vel hrût pâwlah a lo zuk tel ve a. Chawhnu her a nih meuh chuan Bang bawh in a luak a, Ban dawmin a ding awn ve ta luai mai!! A tih ngai loh a nih avangin a thiamlo bik hle mai!! A hmutu te thleng in kan khawr vek a!!! En dan kan thiam mawlh lo a ni e!!!
Kohhran beng a thlenga, dah hran duh pâwl an awm ta!!! Rorelna pindan atang chuan thu feikibâr in dim hauh lovin an dêng a, an dêng ngam vek a lo ni~!!!! Thiam loh chantir a ni ta. A nihna zawng zawng hlih a ni a, thawhlâwm khawn tu a tan takngial pawh a tlâktlâi ta lo!!!
Ni e, Kohhran hi chu a thianghlim tur a ni. Bawlhhlawh hi chu paihchuah an ni mai tur a ni. A vui hauh lo mai!!! Thlâ a vei a, a khawharna chu kaihthawh a ni ta!!! Biakin dâr ri chu a hnuk ti ulh tu a ni a, Biakin pan a mi kal a hmuh in, mittui hruhul turin Bed room a kal thung thin!!! A inchhir zia chu lang chhuakin, Mithi in ah mittui tla zawih zawih khuang te vaw bawk mahse, A chhung te takngial pawn an ngaidam theilo tih a chiang a. Inchhir a sawt tawh silo. Pathianin hian a ngaidam a ngem le.
A nunkhawhar chu a beidawnga, rûi zui turin a harhfim tawh bawk si!! Mihring siamthat nan khawdur a ngai a ni tih a hai lova. Mahse, khawthim in a nang zui si. Kal zel dantur a hre mawlh lo a ni e. Mi te endawng; thuhriltu te tlawh duh tawh loh hnu chuan a hun tam zawk tapin a hmang ral a. Hmangaihtu te chu hmusittu an lo ni zo ta!!! Tu in nge chhan anga, tu in nge tanpui ta ang le?
Tun thawhtan zan khan tlar hnungberah kawr dum ha in, hawi chhuak hauh lovin a rawn thu a. Mi mai mai te zing ah mi lawilo chu ngawi rengin a thu a, hruaitu ropui a lo nih thinna reng a lang tawh lo. Dawhsan a thu kei hi ka zak tak zet a ni, ka famkim loh na te a tam hle si a!!!! Engtinnge LAL hma ah ka inpuan ang le?
Similar Posts:
- Ka hmangaih em em che asin
- Ka âwm nghêngin a ṭap
- Ngaidam miah suh
- Zawhte mittui a tla zawih zawih
- Nung hlut a hlu
September 22nd, 2013 at 11:32 pm
Dawn a ti sei hle mai. Post ril tak a ni.
tren tren
Report this comment
September 23rd, 2013 at 1:43 am
Kohhran chuan a tihtur awm tak a ti a ni mai a, a phuar hlen dawn hleinem. Sima hawikir na na na chu, tuman an hai lovang.
Report this comment
September 23rd, 2013 at 10:29 am
Chutiang a mi inhmuchhuak ngei chu a ni lawmni Pathian mithmuh a thianghlim chu???
Report this comment
September 23rd, 2013 at 10:04 pm
Ngaihtuah a va tithui tak ve le…
Report this comment
September 23rd, 2013 at 10:54 pm
Ngaihtuah a va ti thui ve aw!!!! Kan mizoram kohhrante hian eiru ho hi an phuar ve tawh reng reng em le ?
Report this comment
September 24th, 2013 at 3:21 pm
hmangaihna nena zilhhauna chuan hmamgaihna kutin a dawm zuia, a khawngaihna mit a la sawn ngailo…. Huatna leh itsikna nena zilhhauna chuan ensanna leh endawngna a pai si thin….
Report this comment
September 25th, 2013 at 6:36 am
A van tha em hei chu,a picture chiah ka duh dawn emaw ka tia, ka chhiar a, ka chhiar thla zel a, a tha telh telh
Report this comment
September 25th, 2013 at 1:53 pm
Hetiang mite hi ani ”Lalpa’n a hmangaihte chu’l mahse keini mitha awmkhawmte chuan, ”Setana’n a duh duhin ti rawh se” tiin kan pet chhuak thin si a…
Report this comment
September 26th, 2013 at 10:51 am
Post tha tak zawng a ni.
Report this comment
September 26th, 2013 at 7:50 pm
Ni e Kohhran hian a tih tur chu Member dan bawhchhia-te thunun hi a ni. Mahse, an thunun-a te ngaihsak zui zel leh Pathian nen-a an inzawmna dinthar sak leh kha an Thunun Chhan a ni ngei ngei tur a ni. Tawngtai-puina leh Tundin-lehna rawngbawlna hi a hlamchhiah vaih chuan… Pathian hmaah thiam an chan bik a rinawm loh.
Report this comment
September 30th, 2013 at 3:54 pm
Ava ropui ve. Kohhran-in thununna a puan hian “…… amah chhanchhuahna atan leh Kohhran thianghlimna kenkawhna atan….. ” tih a ni kher nghe nghe thin. He post-ah hian a changtupa hi chhanchhuahin a awm a nih hmel hle mai. A ropui e.
Report this comment