Update Oct 3:
Rev Chanchinmawia Biak Inah vuiliam ani (mizoserver.com)
Update Oct 2:
Pastor Chanchinmawia a thihdan chhui mek ani. Investigation team pawh an din nghal. Rev.C Chanchinmawia thih thu ah Police te chuan nasa takin hma an la nghal a.DIG(R) Pu Lalsangzuala Sailo leh SP LT Hrangchal te ruahman na angin,Addl.SP kaihhruaiin Team an din nghal.
PB Lalrammawia, Evening Post
Synod moderator hlui, Khatla Presbyterian kohhran bialtu pastor ni mek, Mizoram Peoples Forum chairman nihna chelh mek bawk Rev. Chanchinmawia chu tukin dar 7 khan an chenna Khatla pastor quarter chokaah thia hmuh a ni.
Rev. Chanchinmawia hi an awmpui nulain a hmu hmasa ber a, a hmuh lai hian choka tuikhawihna bulah a lo let a, a awmah chemtea vihna hnuhma pathum hmuh a ni a, a bulah hian chawhmeh channa chemte chhar a ni a, tuboh a delh bet bawk a, mahnia invithlum nia rin a ni.
Rev. Chanchinmawia hi a chhungte chuan mahnia intihlum ngei nia an hriat avangin post mortem ti lo turin an ngen a, mahse police lamin post mortem ngei thaa an hriat avangin chanchin buatsaih lai chawhma dar 11:30 khan post mortem turin an sawngbawl leh a ni.
Khatla Kohhran chuan Rev. Chanchinmawia hi mahni intihlum nia an ngaih avangin kohhran hruaitu thite sunna leh vuina hun Biak ina neih thin ang chu kalpui loh nise tiin an rel nghal a, vawiin chawhnu dar 2:00 khan vuina hun hman a ni.
Rev. Chanchinmawia hi lung lam tha lo a ni a, tunhnai khan Vellore-ah enkawl a ni nghe nghe a. Khatla kohhran hian camping an hman lai a ni a, nizan pawh khan Khatla kohhran biak inah a inkhawm a, malsawm tawngtaiin inkhawm pawh a tin nghe nghe. Lung lam tha lo a nih avang hian a chhungte pawhin an veng deuh thin niin sawi a ni.
Rev. Chanchinmmawia hi August 7, 1947-a piang, Phullen khawchhuak, Aizawl Hunthar Venga cheng a ni a, a pa Zolura 
a ni. A nupui Pi Rohmingliani nen hian fapa pakhat (doctor, Vellore-a awm mek) leh fanu pahnih an nei a. Amah hi thiamna lamah chuan L.Th., B.Th.; B.D a ni. Kum 1972-73 khan Ratu bialah Pro Pastor a ni a, 1973-74-ah Jorhat-ah B.Th a zir a. 1974-76-ah Ratu-ah Pro Pastor a chelh leh a. Kum 1977-78 khan Ngopa pastor-in a awm a. Kum 1978-82-ah Bairabi-ah Pastor-in a awm leh a. Kum 1982 khan Vellore-ah Counselling Course a zo va. 1983-86 chhung Synod Hospital Durtlangah Chaplain hna a thawk a. Kum 1987-91 khan Phullen-ah Pastor-in a awm a, 1991-2001 chhung Vellore CMC-ah Chaplain-in a awm leh a. Kum 2002-ah Mission Veng Pastor a ni a, kum 2005-2006 khan Synod Moderator niin kumin January thla atangin Khatla bial Pastor nihna chelhin nakuma pension tawh tur a ni. Kum 2005-2008 chhung atana Mizoram Peoples Forum chairman hna chelh mek a ni bawk.
Other reports:
OBITUARY: REV. CHANCHINMAWIA (1947 – 2007)
Rev. Chanchinmawia, Synod Moderator kalchhuak, Khatla Pastor Bial enkawl mektu chu tukin zing khan anmahni chenna Pastor Quarters-ah thia hmuh a ni. A thih dan tak hi chiang taka hriat a ni lo va, thil awm dan chhutin ama kuta thi nia rin theih a ni a.
Rev Chanchinmawia mahni intihluma ngaih ani
Khatla bialtu Pastor ni mek leh nikum 2006-a Synod Moderator ni bawk.chu tukkin zing dar 7 khan a chenna Khatla Pastor Quater chhungah a nghawngah leh a awmah chemte vihna hliam na tak tuarin a thi.Synod lamin FIR an thehlut a,an awmpui nu kha police in an la bawk.
Pastor invit hlum
Tukin zing dar7:00 vel khan, Khatla kohhran bialtu Pastor Rev.Chanchinmawia chu, an chen na inah mahni inti hlum a hmuh a ni.
Rev Chanchinmawia in recent news:
Mizoram People’s Forum (MPF) president Rev Chanchinchinmawia chu politics khelh tumah puh a ni a, MPF chu hmanruaa hman tumah puh a ni bawk. Ramhmangaiha, Ramhlun North-a cheng chuan MPF president hnenah ‘Open Letter’ thawnin MPF president Rev Chanchinmawia chu politics khelh tum leh MPF chu hmanruaa hman tum nia a ngaih nachhan hrang hrang a tarlang a ni.
– The Aizawl Post via zawlbuk.net
Dated 21st May 2007 MIZO AW ami leh 3rd July 2007 AlZAWL POST chanchinhn a Rev. Chanchinmawia MPF President chu Kohran phena hmanga Politics luh chilh leh Chief Minister hial nih tum, buichhia laih loh a inpuang ta ang a ni tiin thiam takin Pu T.Lalhmachhuana leh Pu Ramhmangaiha te chuan an rawn bei ta chiam mai a nih kha.
Similar Posts:
- Nakumah Rev.Chanchinmawia ziah zir dawn
- Biakinpui sak thar hawn a ni
- Pastor thih dan chhui zo
- Khatla VC ngaihdan ni lo
- 3Party in Rev. CCMawia chungchang rel dawn
October 1st, 2007 at 6:20 pm
damn…..
Report this comment
October 1st, 2007 at 6:39 pm
Thah duhna hial khawp rilru nei a haw tu a nei tihna a ni mai. A awmpui nu a ruang hmutu kha chu ka ring hauh lo mai 100% in ka ringlo. Amah leh amah in tihlum a nih pawh 100% in ka ringlo..(in sawi hmang atangin/ a hliam dan atangin). Tunlai chhan ah finger print atang ten a chhui ve theih tawh lawm ni…finger print a awm chuan la se rinhlelh tur zawng se chungte finger print nen chuan en tawn se tih ang chi te pawn…Mizoram police chu an vaw vak ringawt zel…mi sual lo pawh rinhlelh nih a hlauhawm…an tawngpawng tribal savege hlep hrep ngawt zel a, thiam takin finger print te nen chhui thin ve tawh se ka ti..an rilru in pha tak ang maw…. Man chhuak ngei se ka ti tak meuh a ni….
Report this comment
October 1st, 2007 at 6:40 pm
savege chu an ti lo deuh anga SAVAGE zawk a ni e
Report this comment
October 1st, 2007 at 6:54 pm
[…] Rev. Chanchinmawia hi an awmpui nulain a hmu hmasa ber a, a hmuh lai hian choka tuikhawihna bulah a lo let a, a awmah chemtea vihna hnuhma pathum hmuh a ni a, a bulah hian chawhmeh channa chemte chhar a ni a, tuboh a delh bet bawk a, mahnia invithlum nia rin a ni. Read more @Misual.com […]
Report this comment
October 1st, 2007 at 6:55 pm
a van mak leh thin ve o lalpa kan chungah zahngai ang che may his soul rest in peace
Report this comment
October 1st, 2007 at 7:01 pm
Rawngbawltu mahni invih hlum top mai chu..kei chu ka ring thei lo…kan uisa thiam ho kha?
Report this comment
October 1st, 2007 at 7:01 pm
Ava poi em!! Engkim chiang taka chhuichhuah anih beisei ila…mahni inthat anih zawng ka ring theilove….Rd te unau, tluang takin in in thlennan kanlo trongtrai e…
Report this comment
October 1st, 2007 at 7:10 pm
Hetiang news kan han nei chu rin a va harsa duh ve mole,mahni intihlum ni thei chuan arinom loh khop mai,a chhungte ka tuarpuiin a kohhran enkol khatla bial te nen Pathianin ompui molh roh se.thuthar han dah belh zel teh u.kan lo chang reng ania.
Report this comment
October 1st, 2007 at 7:52 pm
Ava mak ve….
A vawi khat thusawina ka hriat atangin a hming ka chhinchhiah haw a, ka pa hnenah ‘Synod Moderator’ atan ka hual ka ti nghal a. Chumi kum chuan an elect nghal ta nghe nghe a. A thusawi minute 5 vel ka hriat atanga mi ropui ni a ka ngaih a ni… Ama nunna la tur chuan rin har ka ti……
May his soul rest in peace…!!!
Report this comment
October 1st, 2007 at 10:09 pm
it’s very sad 2 hear it! may his soul rest in peace!
Report this comment
October 1st, 2007 at 10:39 pm
@H. Vangchhia, i ti leh vak thin a, police in verification te chu ti e a, finger print te chu ti thei teh reng mai, an tih duh vanga a chhung ten ti lo tura an ngen pawhin tha an tih angin sawrkarin fel takin hma a la ngei a lawm! A mah hi rilru kim zan lo niin an chhungten an sawi a, an veng deuh reng thin a ni awm e, chian loh thut a nei thin an ti a, miin an thah a nih 100% in a rinawm loh! Pastor em that duh Mizo kan awm ka ring lo bawk!
Report this comment
October 2nd, 2007 at 12:10 am
@lyana, ka pu hi mahni intihlum turin a dawihzep lo. Keima mimal lamin ka ring phal lo chu ni bawk mahse kan kohhran hruaitu te lam pohin an ring bik lo chu anih hi.
By the way, a inhliam dan atangin mahni inkhawih a ni thei lo a, tin, a chhungte’n engmah an sawi lo; YMA, kohhran leh Police lamin misual kut anih ngei an rin avangin autopsy poh tih a ni. A chhungte chuan engmah sawi thei ni pohin kan inhre lo. Pathian kut a innghah mai loh chu tihtheih neiin kan inhre lo.
Report this comment
October 2nd, 2007 at 12:12 am
@lyana, i ti dik khop mai.. sensational case awm hlekin kan in chirhtheh vak thina! mizoramah khian entertainment awm tlem lutuk vang nge, thil enge maw a thlen hian kan excited deuh mah2 thin ni in ka hria..
He thil thleng hi a pawi khawp maia, khawhar chhungte tan tawngtai pui kan mamawh, chuti lova kan rin dan leh chiang mang hlei lova puh theih ang2 (eg. amah, an awmpui, kohhran, sorkar etc) lo puh kual vak hi a tha berin ka ringlo.. case an investigate thuaia, thil a chian thuai a nghahhlelh awm tawh khawp mai..
Report this comment
October 2nd, 2007 at 1:02 am
Min barakhaih chiang hle mai, he chanchin chuan. A kalsan tak a chhungte Pathianin awmpui se. Mizoram leh Kohhran te tana a thahnemngaihna hi a ropui ka tia, ka ui tak zet a ni.
A thihdan chungchangah chuan rin thiam har ka ti a, sawi chiam chi pawh niin ka hre lem lo. Hunin a la rawn hril mai ang. Mahse, Lung Natna hi natna namen lo tak tihbai-awm tak a nih erawh kan hriat a tha. Lung natna hian rilru a control thei a. Mizo tawnga ‘Thin rim’ kan tih te pawh hi THIN kan tih hi kan thin tak tak ni lovin, kan Lung zawk hi a ni a. Kan lung hian kan thluak a control zamah a. Dr.Thansiama chuan kan rilru leh ngaihtuahna hi “Thluak-Lung” tiin Mizo tawngin dah ila, a dik thei chauh ang, a lo ti hial a. Heng Lung natna hi a khirh a, an rilru a tikal sual a, a bik takin an thin tihrim te a tha lo va, an rilru tihnat phei chu hlauhawm tak a ni. Uluk taka enkawl an nih loh phei chuan tualthahna hial pawh a thleng thei a ni. Chuvangin rilru lam enkawl thiamten uluk takin an enkawl thin reng a ni. Ho te emawa kan ngaihah an rilru a lo na tlawk tlawk thei a, an huatthu kan sawilo nia kan inhriatna ngei ngeiah pawh min lo haw em em thei bawk. Chuvangin Lung natna hi natna khirh tak a ni.
Awle, a chunga mi te khi Lung natna hlauhawm zia leh a effect theihdan ka han tarlang mai a nia. Lehkhabu leh chanchinbu vel atanga ka hriat bakah hetiang natna nei tawhte ka hmuhdan atanga tarlang mai ka nia. A dik ngei ngei ang tih erawh ka sawi lo ve.
Engpawhnise, police leh specialist hovin theih tawp leh uluk taka an chhui chu an tih tur a ni a. Tih ngei ngei tur pawh a ni. Rilru dam taka kan vui liam theih nan.
Report this comment
October 2nd, 2007 at 1:21 am
lyana : Ti vak ah pawh kalo in ngai lova…mi pawi ka sawi a nih erawh chuan ngaihdam ka dil e. Amaherawh chu, tual that tu dik tak emaw misual dik tak a nih proof hma a kut thlak vak te kha tha ka ti lova, ka hriat dan chuan court order lo chuan a thianglo tih a ni. Tin, fing em em mahse sawrkar in a support tha viau tur ah ka ngaih laiin thil tam tak ah hian hnu chhui lam ah hian kan fuam tlat thin in ka hre tlat a ni. Pastor em that duh kan awm ni in ka hmu bawk…Mahni lu chhu dup vek a, mahni in vit hlum bawk ka la hre ngailo te pawh aniang e. Mizoram hi kan nasa lo lutuk tawh tih tunlai hun reilo te chanchin atang te pawn a hriat theih ang. mahni fanu pawngsual hi tualthah nen a danglam em em hran lo, a tuar tu tan…hmeichhe pawngsual a that zui te kha Kristian ram a thleng ah chuan amak lawm ni…Kristian ram inti si a Kristian lem tamna ram ah hian enge thleng theilo awm ang le…
A tawp nan, Mizoram police hi an fing em em, hnu chhui pawh hmanraw nei thalo chung hian an thiam ka ti lutuk mahse, a aia tha tur in hmanrua te hmanraw hmangthiam te kan mamawh lutuk ta ni in kei chuan ka hmu ve tlat. Kan sawrkar hmanraw pek emaw thiamna hi misual te hian an lehpel lek lek thin hian ka hmu a, ka thin hi a khei ve thei em em a ni. Dik tak chuan Mizoram police ralthuam leh hmanrua ang hi US police ten hmang ve se Mizoram police hi an tluk ka ring bik hauh lo mai. Tu huat atan mah finger print chungchang emaw te kha ka sawi lova, misual ka huat luat vanga police te emaw NGO te emaw tang tura ka fuih na mai zawk a ni e.
Report this comment
October 2nd, 2007 at 1:34 am
‘A vamak ve’ tihtur chanchinin min deng ta fo mai a nih hi.
Nitheia mawi lo leh awm lo pui pui pawh a thleng mek zel si a, inveivung vak vak mai lovin, Police lam thu chhuak ngaichang phawt mai ila.
Lusun chhungte Lalpan thlamuan se.
Report this comment
October 2nd, 2007 at 1:55 am
@Zorun, i thu sawi hi han comment lawk ka duh. Lung natna hi chi hrang hrang a awm a, mahse lung natna vei vanga rilru buai emaw, mahni inthat emaw hi ka la hre lo tlat, kei chuan. Lung natna a nasat viau chuan thawk a hahin mar phute a tibuai a, mahni tuboha inchhu a in vit hlum turin thahrui a neih a rinawm lo. Chutiang natna nasa nei nise khum betin a awm fo tawh thin ang. Heng ka han sawina chhan chu Medically-a ka hriat vang a ni. A reng thuah rev Chanchinmawia mizia hretute chuan eng vang pawhin mahni intihlum turin kan ring thei lo …
Report this comment
October 2nd, 2007 at 2:07 am
Good, ka hrethiam e, nia keipawhin ka ring chuang hauh lo. mahse thil ni ve thei tho a ni a, ngaihtuahna zau zawk kan hman theih nan ka hriat ang ka han tarlang mai chauh zawk a ni. Chuvangin a dik vek e ka ti lem lo bawk. Thil re re hi kil hrang hrang atanga thlir kual hi a tha a. Mawhphurtu Police leh mithiamte an awm a, an ti mek bawka, a result chu kan hre khawp ang. I ngaichang zawk ang u. Zeldin chiam chiam hi zawng, a saisa duh em mai.
Report this comment
October 2nd, 2007 at 2:09 am
KA TAH HLA..Ka Pa Mawi..Ram i hmangaih avangin maw i nunna hial a lo chan tak…ei rukna leh hlemhletna te kha i haw em em thin a..Thudik saipui kal kal pui ngat ngat mi i ni si a..Aw Ka Pa mawi..i thih tur hi e..i lo sawi lawk mawlh mawlh a..kan lo hrethiam silo..a va poi em a tlai zo ta..I lo hriat lawk vang em ni dawn Thlahmasa a Kristian Tlangau ah te khan..He politik tui nu hi a sosang tial tial a, intual vuakna a thleng ang tih pawh a hlauhawm lek lek thin. Sawrkar sum hai chhuah tumtute leh sawrkar hnaa inhnim luh beiseite ruling party office-ah kan zaikhawm ta luih luih mai a nih hi..te i lo ti lawm lawm a..Tin, Biak Ina vantirhkoh ang mai, politik leh sawrkara Setana tirhkoh nih kawp hi Pathian pawi sawina a ni. Inthlan dawn hian party tinin political training an nei thin, he training hi party politics boruak chawh nut dan inzirtirna a ni ang tih rinhlelh theih turin a rawn inpuang chhuak thin…tia huaisen taka i sawi chhuah thin avangin maw i nunna hial i lo chan tak..Ka va han ui tak che em..Chhiar tu duhtak te u..Kristian tlangau a thuziah hi a han chhiar ve teh u..Kan Pu huaisen-a hian kan Politics Hruaitute mit a va han ti kham dawn teh lul em…(hetah hian clik mai la..www.freewebs.com/buizova )
Ngawiteh Aug.2 thursday a The Zozamtimes chanchinbu a chhuak ‘MPF PRESIDENT SELNA THU KHA’ tih Khawtinthanga Ralte ziah hi lo chhiar lawk teh ang.
Thursday, 02 August 2007
Dated 21st May 2007 MIZO AW ami leh 3rd July 2007 AlZAWL POST chanchinhn a Rev. Chanchinmawia MPF President chu Kohran phena hmanga Politics luh chilh leh Chief Minister hial nih tum, buichhia laih loh a inpuang ta ang a ni tiin thiam takin Pu T.Lalhmachhuana leh Pu Ramhmangaiha te chuan an rawn bei ta chiam mai a nih kha. Kum sawm dawn lai liam taah khan CCF pawl a lo ding a, Kohhran behchhan deuh a Reverend te pawh tela rawn inbengberek a Politics puk lehlang a in hnim pil zo ta si lo kha tehkhin deuh a hmangin zilh pah ti tih, sawisel pah bawk sia rawn hawl ve mai mai tal nise engpawh ni tur, mahse, an tawngkam hmante an duh tui loin an thu a dengkhawng hle mai a. MPF rawn indinna kohhran pawh a ti hmai-bal lek lek lo maw tiin phih fai thain ka hria a ni.
Mi tam tak chuan a chinchhuakin kan hre lo thei reng a ni. A zawng a zain hre lo mah ila Zoram politics bawlhhlawh ta lutuk leh inthlan senso leh sawngbawl dan hautak ta lutuk tih reh dan leh zorama sorkar kan neih tawhte a corruption hluar ta lutuk, kristian ram kan intih nen a inhmehlo lutuk tate a bo theihnan mi puitling chin chuan mahni phak ang tawk tawkin kan vei theuh a ni. Chu mi ti reh tur chuan mimal anga hma lak mai dan a awm lo va, political party ten sawi fo mah se mahni party hamthatna tur anga sawi mai niah mipuiin kan ngai bawk si a. Mite thinlunga khat liam chu Vaivakawn Presbyterian kohhran atangin bial khawmpuiah Synod Social Front in hmalak dan ngaihtuah turin a rawn lut a. chutah Presbytery ah a kal zel a, Synod ah. Tichuan Mizoram Synod chu kohhran lian ber a nih bakah a hnarkaituah atang ta mai a ni. Rev. Chanchinmawia hi a nunphung leh a khawsa ziaah eiruk leh hlem-hletna chi leh mi tlawn leh thamte reng reng ngaithei lo, a tul ang zel a sawi chhuak bawrh bawrh ngam mi huaisen a nih avang te pawh a ni ngei ang MPF President-ah hian an dah ni. (Moderator a nih vang niin a lang lo). A term hi kum thum atan 2006- 2008 a ni. A hun kal zel dan tur chu a tul dan leh a dintuten tha an tih anga chhun-zawm zel emaw tih tawp maite pawh a ni ang. Tin, C.M leh MLA nih tum anga an puh pawh hi hriatsual palh mai mai vaug a ni ang, An hna an zawm dawn hian politics a ramhruai hna a in tulut lo tura Bond sign vek a ni awm e. Tin, kan synod puipa ve bawk Upa Lalramthanga, Co-ordinator pawh MPF office nghak tur leh a thluak bur ber ni tur a Deputation in Synod in an kaltir a ni a, an mahni thu bila tih engmah a awm lo.
He MPF hnathawh leh an hmabak zel tur hi a hautak hle mai a. Mahse zoram pumpui hian thil tha kan duh si a. Tuna kan nihphung hi kan ningin kan duhtawh lo a. He MPF hnathawhnaah tel duh lo emaw sawiseltu lo nite hi chuan Zoram an hmangaih loh chu sawi loh sorkar tha nei tur a beihna pawh an duh lo a nih chuan lo ngawi mai mai rih teh u. An hna hi a hautak em avangin Kohhran leh mimal tamtakin kan tawngtaipui a, an hnathawhah ngaih that lohna tur a awm lo. La hriat ngai loh an dai a, an hriat belh zel a, 2008 inthlan a lo herchhuah meuh chuan Zoram hmun tina Ringtute rilruah Lalpan hna thawkin thil dik lote hnawlna chang kan hre deuh deuh tawh ang a, Sawrkar chhenfakawm, huapzo, a lem mai ni lo Sawrkar tak tak, chu chu engnge? Budget in mipuite a zawn chhuahna, Christian-te siam Sawrkar ni awm reng kan vote chhuak tawh mai ang.
MPF President in sawi bawrban a hlawhna chhan hi Politics thila thuk taka mipui rilru hruai pen tumna a ang hle lo maw a tih theih awm e. Amah hi pa lian ni lo mahse, pa huaisen leh mi tumtlang, ka tum nge ruh sa ruh tia, a tawn lam lam chu kaw hawk tur khawpa tawn ngam a nih hmel a. Corruption leh thil tha lo tam tak Zoram chhunga leng vel ti bova, inthlan ni a mi rethei zawkte vote lei thei hauh lova siam tum MPF hmalakna tithuanawp tura vote, a lei a inlei tling thinho ten MPF hruaitu ber atanga a hming ti hliau tura an hmalakna a ni thei mai ang em tih hi ngaihtuah tel a ngai ta a ni. Hemi atan hian inthamna sum tam tham tak an chelel em ti ila kan hre si lo. Ramhmangaiha Ramhlun N’ inti lah chu an veng YMA in heti ang mi an venga awm lah an hre bawk si lo. Thil ho mai maiah chuan tute mah inrawlh buai loh a tha hle a ni. Kan Ram chu Pathian thu angin a kal mai dawn si a.( https://www.thezozamtimes.com/i.....;Itemid=32)
Hei lo pawh
Report this comment
October 2nd, 2007 at 5:27 am
van pawi tak em…hetiang thil rapthlak lutuk hi kan ramah a lo thleng ve ta a ni maw…may his soul rest in peace
Report this comment
October 2nd, 2007 at 10:12 am
Mak ka ti takzet he thihna ah hi chuan.hmanah ka thianpa hi amah leh a mah a invithlum tawh a chutah chuan vawi1 chiah a invit a, a thihpui a tuna mahni hriamhrei hmang Rev Chanchinmawia mahni nunna inlaksak ang a kan ngai hi chu ka ring lo hul hual..an awmpuinu TV ah khan ka lo hmu a a hawiher zik zek a tang khan ka mi rin loh zawng tak ani.Eng pawhnise lusun chhungte ka thinlung takin ka tawrhpuiin Rev Chanchinmawia thusawi thiam tak thin thusawi ngaihthlak tur kan nei dawn tawh lo hi chu a hrehawm zual ngei dawn ani.
Report this comment
October 2nd, 2007 at 10:24 am
A pawi tak tak ani kei ka hre tlai deuh a.. Luahkima zing muttui lai takin “Ramdinpuia pa kha a thi a.. thih dan pawh a rapthlak ang reng khawp mai “a rawn ti a.. line lah chu a tawp ta zui mai bawk nen.. hrilh hai takin khumah chuan ka thua ..ka ngaihtuahna a kal thui khawp mai..
Kan khaw chhuak mimal taka ka ngaihsan leh kan khaw hla a phuah LENKHAWPUI TUALNUAM tih phei hi chu ka duh in ka sa ning thei lo ani ber mai..
Rip
mahni in that chu rinawm loh hul hual niin ka hria..
Report this comment
October 2nd, 2007 at 11:48 am
A tir bera “suicide” a ni tih a thu veivir tute kha chhui a tha keipawh ka ti khawp mai, tin a nupui khan an interview a, tunlai chu a drepress lutuk a ati te an ti a, Rev chanchinmawia hi a depress a ni lo a, a hna hautak tak hian ngaihtuahna leh hriselna thleng pawhin a ngawng an tih tir ani a, Kan ministerte anglo tak maiin a he hna achelh hnu hian a thau keng keng loin, a hna hi serious takin a phur tih chu tlang hrait ani. Phuba chu Pathianin a la la ngei ang chu !!!
Report this comment
October 2nd, 2007 at 12:42 pm
News update awm leh thei toh em le?? Hriat a va chakawm tawh ve. Pu Chanchinmawia’n a kalsan tak a chhungte hi Pathianin awmpuiin thlamuan rawhse tih hi ka tawngtaina a ni e
Report this comment
October 2nd, 2007 at 1:25 pm
Rev. Chanchinmawia; Postmortem result
https://zobl0g.com/?p=84
Report this comment
October 2nd, 2007 at 2:41 pm
Autopsy result leh police pathological investigation hi public tan ani kher lo thei. Mipui hmaa an puang anih chuan an mawl hle aniang. An puan phei chu ka ring lova, mipuite hi an dilchhut em avangin ngaihruat thu (speculation) a nasa hle bawk. Zoblog.com ami pawh speculation mai mai a ang.
Report this comment
October 2nd, 2007 at 4:26 pm
We are no more SAFE!! Misual ho khan in lo chhut chiang ve em. A thih dan hi suicide chu ani lo chiang khawpin ka hria. Chuti anih si chuan tunge that duh tu tur? A involvement langsar tak chu MPF kha ani a. Sawrkar fel lohna huai takin a sawi thin anih kha. Tun hnaiah HEL thawm kan hre fo. Manipur ang maia underground a chetna kan ramah hian a lo intan ve tawh ani mai lo maw????
Kan sawrkar hian a chhan dik tak a chhui chhuah theih nan engtin nge pressure kan siam ang tih hi kan ngaihtuah tlan a ngai ta ani. OUR SECURITY HAS BEEN SERIOUSLY THREATENED!!! Peace Bonus dawng tlak kan ni lo lehzual sauh bawk!!!!!
Report this comment
October 2nd, 2007 at 4:29 pm
Hmana ka novel chhiar te min ti hre chhuak ta rum rum. Mi poimawh deuh pakhat a, a crime witness vangin a rilru a hah lutuk a, biakin ah priest hnenah a in confide ta ringawt mai a. misual hovin priest chu an kaphlum ve ngal. Awi….ka rilru a na.
Report this comment
October 2nd, 2007 at 5:52 pm
Ka chhungte hnena ka hriat ve dan kan ziak ve ang e. An awmpui nu in zing thawh hlima choka a bawkkhupa a hmuh hian, Pu Chanchinmawia nupui pawh a va kaitho a, an awmpui nu hi choka dawt chiah room a mu a ni. An awmpui nu tih nge ni a thurual pui a nei tih a rin zawn theih a ni.
A dang leh chu Pu Chanchinmawia hi MPF Chairman a ni a, MPF hian ram hruatute dik lohna hi an dodal nasa a, chuvang chuan mi thenkhat tan chuan mit tikhamtu a nei ngei ang, hetia ram roreltute dik lohna au chhuak tu chuan ngei tu a nei ngei bawk ang. A hawtu leh duh lo te chuan an that a nih a rin awm. An awmpui nu hi an thurual pui pawh a ni thei.
Mahni inthat ni ta se, engtin nge tuboh hi hman ang? Mahni inthat ni se, chemte in chuti zatin vawi tam tak a in vit theih em? tih te ka lo nhaituah ve mai mai. An awmpui nu mutna hi choka bula room anih chuan thawm ri va zanah a hre lo em ni? ..
Keima mimal ngaihdan chuan, amah hawtu in an that anih ka ring a. An awmpui nu hi an thurual pui pawh a ni thei bawk.
Ka sawi tel ve mai mai duh chu, ka’n thian ve thin Dawrpui Vengthar ami, chumi pa chu campaign laiin hman kum khan a hawtu te’n an that a, a ti tute chu hriat an nia, mahse Police te hi roreltute leh thuneitute hup beh an nih avangin, hei tun thleng kum 9 hnuah pawh a that tute chu hkawlaiah mi angin an la vak vel thei a. Dan leh thupek tha taka keng kawh thei hi an awm si lo. Pu Chanchinmawia thihna pawh hi hetiang hian thu a kal kual a kal kual ang tih a hlauhawm ka ti.
Report this comment
October 3rd, 2007 at 4:04 am
chanchinthar a om leh toh em le?a thihchhan chu hriat a chak om khop mai,ka ui bok si,a poi tih mai loh sawi tur a om si lo,kan mitha,thil dik duh mi tan a lo hnok te a ni thei em le,an ompuinu kha chu ka ring chiah lo,news hria chuan lo update zel teh u,
Report this comment
October 3rd, 2007 at 5:45 am
A thih hun darkar vawm ang vel hi hriat theih ka va duh ee (zanlaiah nge?). Postmortem result-ah lah an tarlang si lova.
Report this comment
October 3rd, 2007 at 7:36 am
A thih dan han chhui neuh neuh hian ngaihtuahna a tithui hle mai a. Lung lam natna an sawi lang sar hle a. An awmpui nula chu inhnamhnawihna awm a awm lo niin Police-in an sawi a (@mizoserver). Han dilchhut ve ta zel ila; A thih zan khan an inah mi engzat nge khawsa? A nupui hian lung lam natnate a nei ve em? An nupa inkar boruak a tha em? Kha tiang anga hliamna hnuhma tuar sia mahni intihluma an ngaih nghal theih? FIR thehluh lam an ti lem lo a mi??? Chemtea vihna hmun thum a tuara, vawikhat vihnaah a chauchhe nghal lo a ni mai thei a, thawm/ au chhuahna hun chance chu a thih hma khan a nei hmel. Zan reh laia thah a nih phei chuan thawm a ring hma duh si a, hriat awm tak. (Hmun dangah thatin a ruk teiin an chokaah an rawn dah zawk nge?)
Mahnia inthat ni ta se, vawi 2 a invih hian a la thi lova, a vawi 3na hi a thihpui ni tase Chemte hi a phawi chhuak zo tawh kher dawn a mi? Misual thah ni ta sela, engvang nge chemte hi a sirah an hnut chhiah kher duh ang? Tuboh hi tu dah nge? Mahni intih hlum nan hman chi loh hmel e. A hmunah thisen a chhuak tam viau turah ka ngai a, hruk fai te a nih loh chuan.
A chunga mite hi ka zawhnate an ni a, a chhungte tan chhiar a lo nuam lo deuh a nih chuan hriat thiamna ka dil e. An awmpui nu chu a bul hnai bera mi a ni, chutiang zelin a bul hnai a mi( a chhungte pawh nise), ni thei awm leh nithei awm loa lang pawh dilchhut taka zawhna siam a ngai, chutiang zelin chhui hlat tial tiala, thenawmte, politics leh kohhran lam thlengin chhui a ngai ang chu.
Kohhran lam pawhin; hetiang leh thil dang deuh kan la tawh ngai loh kan tawk chho zela Kohhran dan leh dun pawh ennawn ngai leh siam rem ngaite siam rem thuai a thain a rin awm. Tin hmeichhia leh hmeichhiate hi Kohhran danin in neih rawn dil ta se emaw, an inneih tawh hnuah Kohhran member luh rawn dil ta se i pawm ang em? etc etc…
Report this comment
October 3rd, 2007 at 9:54 am
Mizoserver in Police source hetiang hian a chhuah a:
‘Rev Chanchinmawia hliam a tawrh danah sawi dan hrang hrang a awm hliama tawrhnate hi a hrawkah chemtea vihna hnuhma pakhat leh a awmbawra chemtea vihna hmun hnih a awm a,a bekah hliam tlem a awm a,chemte zuma thaina hnuhma pawh tlem a awm niin thudawnna chuan a sawi a,a lu ah tuboha chhutna hnuhma a awm lova,a keah hliam a awm lo bawk niin Police atanga thudawnna chuan a sawi ani.’
– He thihna chungchanga zawhna chhanna ka hriat chak em em te chu
1. Engvangin nge a tirah khan mahni inthat anga a chhungte (a nupui ngei pawhin) khan a rin ngawt mai le? An rin theihna chhan leh vang! An nuin a veng deuh chawt fo an tih hi enge a awmzia?
2. A hmu hmasa berin a hmuh khan a chatthla tawh em? Chatthlalo nita sela engtin chiah nge a lo awm? Engtinge an bawihsawm!!
3. Lung natna leh suicidal tendencies hian inzawmna a nei reng em? Lungna reng reng hi an nat lai chuan an zawi em em zel niin alang si a, vawitam tak invit thei turin lungnatna nen hian a inhmeh chiah em?
4. Tuboh chhutna hnuhma awmsilo, tuboh a delhbeh nachhan enge? A taksa dang zawng zawngah tuboh hnuhma a awm reng em?
5. Mahni invit nita sela hmuh tak takah a invit thei dawn em ni? Vawi tam tak invit ni ta sela thawm nasa tak a nei ngeiin a rinawm.
6. Mahni invit nita sela vawi tam a invit in a rinawm loh, vawitam lo invit pawh nise a invih hnuhnun berna atangin engatinge chemte a phawi chhuah kher anga a sirah a dah kher ang? Hei tak hi inthat nia ka rinlohna chhan bulpui ber a ni! (invithlum te chu thuk takin vawikhat an invit a, chemte hum ranin leh an invihna atanga phawi lovin hmuh anni thin lomni!!!)
Engpawhnise kan Police ten thuchiang an hriat thuai theihnan tawngtai ila. He thihna hian rah tha leh malsawmna MIzoram-ah a thlen theihnan tawngtai ang u. Lalpan zofate chungah zahngai hram hram mawlh rawhse.
Report this comment
October 3rd, 2007 at 10:07 am
@band:
1) Ta hian xollie in ti hian a sawi:
https://misual.life/?p=3325&cp=5#comment-63920
“A chhungte aiawhin min lo hrethiam hram hram teh u. Rilru a hamhaih a, ngaihtuah thiam pawh a har a. Chanchinbu a a chhungte’n suicide ni in an hria tih poh kha dik lo hlawm tawp chu a ni lo e. Thawm engmah hriat bawk si loh chuan leh Mizoram crime awm vak lohna ah lehnghal chuan rin tur dang a vang em a ni e. A tir a thu hriat dan nen suicide ang a rin mai pawh kha a awm tho e.”
Report this comment
October 4th, 2007 at 3:00 pm
“Rev. Chanchinmawia nupui a inpuang” an ti tih thom ka hria a, thu dik a ni em? hrechiang kan om em o?
Report this comment
October 4th, 2007 at 3:59 pm
He topic discussion hi a thui tawh hle mai. Sawi hlawh tak chi pawh a ni reng a. Mahse, ka’n ti teh ang, heng sawikhawmna atang hian titi leng vel a tam phahin ka hre ve tlat. Tunah hian thil awm dan chhui mek a ni a, police te hian finding pawh nei se, an puangzar nghal zung zung lo vang tih ring ang u. An awmpuinu a inpuang, a nupui….. chuti khati….. tih velah hian i buai lo vang u. Mizote hian thihna hi kan la runthlak em em a, police te tan pawh investigation tih zung zung a harsa ang. Nimin piah lawkah an invui liam a, a tuk thlan nghah ni te a lo ni a, inleng neih reng nen, an fate phai atanga lo hawte nen pawh a fala inbiakna pawh an la nei thei meuh pawhin ka ring lo. Mi chhiat tawh sarhu laia interrogation lo tih chhen te kha police, mizo ve thote tan pawh a nuam fahran lo vang.
Thil pakhat chiah ka sawi leh duh. He thihnaah hian tumah dem tur emaw, rinhlelh tur emaw, rinhlelh loh tur emaw an awm hran lo. Saprama an thil chhui dan chu TV-ah pawh kan hmu fo. Mizoramah chuan kan la ti thei lo, kan rilru pawhin a la tlin hek lo. Thihna a awm chuan a hria hria kan pung khawm a, tih tur kan dap chuk a, thil tul hlei lo pawh kan ti fo. Hei hi kan khawsak dan a la ni tlat. Thenkhatin banga thil tarmawi an lo letling zung zung a, thenkhatin dim baksak lovin bang (partition) an thiat bawrh bawrh a, chutiang chu kan ni. A chhungte rilru tina tur zawng ang phei chuan kan ralkhat ngaihdan mawl tak emaw, fing tak emaw pawh kha i auchhuahpui pawp pawp lo rih teh ang u. A chhuitu an awm a, an chhui mek a, thil dik tak chu a la lang mai turah ngai ila, an chhui chhuak thei lo mai thei bawk. Mizoramah hetiang incident, clue tha tak awm nia hriatte pawh chhui chhuah loh a la tam mai.
Report this comment
October 4th, 2007 at 7:31 pm
amen!
Report this comment
October 25th, 2007 at 2:12 pm
A ma inthah a nih an rinna chhan chu ka va’n hre chak.
Report this comment
October 25th, 2007 at 3:21 pm
Sherlock Holmes a kan va mamawh ve a….
Ngaihdan pakhat chiah ka nei.. Police ten amah a inthat ti mahse kei chu ka pawm chuang lo… Tih theih avang hrih nih hi… A chhungte pathian in awmpuiin thlamuan rawh se…!!
Report this comment
October 30th, 2007 at 4:40 pm
Rev Chanchinmawia Thih chungchanga Thil mak 13 te
https://mizoserver.com/news.php?readmore=474
Report this comment
October 30th, 2007 at 5:02 pm
[…] Also I just notice the name “Chanchinmawia” has 13 letters! As I compose this I went to this post. There were 13 […]
Report this comment
October 30th, 2007 at 7:43 pm
Ninawm! CBI in chhui rawh se!
Report this comment
November 5th, 2007 at 1:00 am
“Rev.Chanchinmawia thih dan chhuina kal zelah Police ten vawiin khan Pu Thanhlira, Khatla chu thu an zawt fiah”
https://www.zonet.in/index.php?nid=47
Report this comment
November 5th, 2007 at 6:11 pm
Police in an zawt fiah.. E heu.. A van han tlai miah miah ve. An mawl nge a ngaihna an hrelo zawk. SPICIAL team an indin ni a zawh daih tawh tur ni mai awn tak. Ka ring ngam dawnlo kei chu
Report this comment
November 5th, 2007 at 6:24 pm
“Zirtawp zana Skylinks Cable TV in programme a buatsaihah Pu Thanhlira hian Rev.Chanchinmawia nena inkawm chawt an nih thu leh a boral thu-ah pawh thil pawimawh thenkhat a sawi nia ngaih a nih avangin a thil hriatte an zawt a ni.”
Read more: https://mizoserver.com/news.php?readmore=500
@Ben: i link hi a dangin an lo thlak tawh a, hei hian ka rawn tuihnih a ni e.
Report this comment
November 5th, 2007 at 6:39 pm
Remember, Keystone Cops nei kan nih hi in theihngilh ta em ni ? Law & Order SRS kuah an dah loh chauh hi.
Report this comment
October 18th, 2010 at 8:21 pm
Kum 3 lai a lo ni ve reng mai a, Kan puithiam pakhat thih dan hi chu rilru a ti na ngawt mai!
Report this comment
November 18th, 2011 at 8:56 pm
He chanchin ka ngaihtuah chhuah apiang hian rinhlehnain ka khat tlat zel zu nia. Ka hriatthiam bak chinah hian a pawi viau niin ka hre tlat!
Report this comment