mi(sual).com

Mi tamtak chuan American National flag thui hmasaber-tu chu, Elizabeth “Betsy” Ross, anti ngei ang. A dik chiah em tih hi chhui tham taktak a awm thei a, mahse thlurbing pakhat neiin i han sawi dawn ang hmiang! Elizabeth Ross khan American flag hi a thui ani tih a damlai zawngin vawikhatmah a sawi hriat a nilo a, ama thui ngei a ni tih tuman an sawi emaw pawh hriat a ni chuanglo chungin, a tupa chuan leh hmutu tur an thih hnu leh,kum 100 dawn a liam hnuah – George Washington, Robert Morris, leh George Ross te hmaah a design chu phawrhin, chutiang chuan a thui thei angem tiin a zawt a. George Ross chuan tlem tidanglam a thui turin a hrilh ta niin Elizabeth Ross tupa William Canby chuan 1870 khan a sawi a. Tichuan, Elezabeth Ross fanu leh a tunu te hriatpuina-in “Harper’s New Monthly Magazine”-chuan kum 1873 khan a chhuah darh ta a, chuta tang chuan American Elementary School-ah te chuan naupangte zirtir chhoh a nita a ni.

Laura Schumm-in, “Did Betsy Ros Really Make the First Flag” tih a ziahnaah chuan, historian tam tak ten Elizabeth Ross tupa-in thudik anga a pi a tihlarna chu a diklo niin an sawi thung. New Jersey delegate to the Continental Congress leh, Declaration of Independence sign-tu zing a mi pakhat, Fancis Hopkinson design leh thui ngei niin an chhui a ni. American Independence Day hnu mai, kum 1780 khan Hopkinson hian Board of Admiralty hnenah, “flag of the United States of America” a designnaah lawmman a dil a, mahse, amah chauh design tura biak rawn a nilo (“He was not the only one consulted”) tih chhuanlam a hmangin lawmman engmah an pe talo. American flag hi a design hmanglo nise, lawmman kha a dil ngawt ngam ang em tih zawhna lian tak a nita a ni – board khan, ” i design a nilo,” anti hauhlo lehnghal a! Engpawh chu nise, Hopkin hi U.S. sawrkar department seal chi hrang hrang designtu zingah nasa takin a inrawlh bawk a ni. Tunge flag chu design a thuitu nita ang le – ni thei mi pahnih chiah ziak a dah an awm!

American flag history dang tlem:
American flag-ah hian rawng pathum: a sen, a var, leh a pawl a awm. (1) A sen chuan: tawrhchhelna (hardiness) leh indona anga huaisenna (valour) a entir a, (2) a var chuan: tih bawrhbang loh (purity) leh thianghlimna (innocence) a kawk a, (3) a pawl chuan, thil chik peih (vigilance), tumruhna (perseverance), leh dikna (justice) a entir a ni.
June 14, 1777 khan Philadelphia-ah, the Marine Committee of the Second Continental Congress chuan, a phei zawngin vawi 13 a sen leh var inkalthelh sela, tichuan, Union chu arsi lem 13 kha nise, tin, rawng pawl khan arsi awmna van thengreng thar entir se tin thutlukna an siam ta a ni. – Nicole Greenstein Time Magazine, July 4, 2013.

Similar Posts:

• MIZORAM Flag chu hei le!
• Mizoram flag thar zawk
• Introducing Ten Word Wiki
• George
• Vanglaini Logo Design intihsiakna result

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Tuesday, July 4th, 2017 at 1:01 am and is filed under Information, Politics. You can follow any responses to this entry through the RSS 2.0 feed. You can leave a response, or trackback from your own site.