Kan thenawm Tuikuk te leh Chakma hote hian tam tuar se ka hrethiam khawp mai. Mahse,Indo leh rambuai vang pawh ni silova Switzerland Of The East in tam kan tuar hi ka hrethiam thei ngang lo a ni.
Tuna Mizorama tam tla mek hi inrin hman lohva lo thleng thut a ni lova. Leilung danin a her chhuahpui Kum 50 dan vela thleng thin a nih avangin inrinlawkna hun chu kan nei nameuh mai.Kan hriat theuh angin Mizoram hi District pariat ah then a niin chung District tinte chu Constituency sawmli ah then hran leh a ni a. MLA pakhat zelin Constituency pakhat zel an vil a.Han ngaituah chiang ve mahteh, kum li kalta kum 2004 khan Central sawrkar chuan heng tam tuarte tanpui nan leh tam tla tur dan nan hian Rs.566.55 Crore BAFFACOS chu Mizoram sawrkar a lo hlan daih tawh a. Mimawl ber tan pawh hai rual a ni lo…sum hi a nihna dik takah hmang ila tam hi kan tuar lovang.
Tam tlak avangin thingtlang mipuite loneia eizawng an manganga, buhfai a tova,hmuihmer ei chu sawiloh… dal chhumhan tur nei chu awhawm tak anni. Chhungkaw tam tak ramhnuaia bahra khur laitea eitur nghei hmabaka an awm lai a.. Kar hmasa lawka Disaster Management & Rehabilitation Minister Pu K.Sangthuama hova district 8 Deputy Commissioner te leh department hotu pawimawh ten mau tam sazu leh rannung puangin kum 2007 chhunga Mizoram hmun hrang hranga buh leh thlai a tihchhiat dan thlir hona leh central sorkar-a tanpuina dil dan tur chungchang Agriculture department Committee room-a meeting an nei ve chauhte hi ka hrethiam thei lo.
Thingtlangah chhungkaw tam tak eitur nei mumal lova meialh en tlawk tlawk te leh Sazu puang avanga hri vei mekte an awm laia kan CM Pu Zoramthanga’n “” Tuna Mizoramin Mautam tam kan hmachhawn mek avang hian Mizo mipui tumah lo thlaphang reng reng suh u. Kristian-te min hau thintu kha Pathianin a hmang a, malsawmna tam takin min vur zel a ni” tia a la sawi thei te hi ka hrethiam thei lo a ni. Tam tuarte tan hian Zorama Tlawmngai pawlte leh Kohhran te bakah mimal thahnem ngai tamtakin buhfai leh an neih ang ang an thawhkhawm a…Kan CM tawngduh dan hi a mak thei asin..lawm a hnekin.. “Opposition-te leh pawl hrang hrangin min beihna hi MNF min tipumkhattu a ni a, kan tan chuan malsawmna a ni a.’ zuk ti daiha mawle!!!
Chumai a la nilo..Kum 2008 hi Zoram tan malsawmkum..Malsawmna thuahhnih kan dawng te zuk la ti theia mawle!!! Sipai lumum 1000 lak a tiam avangte…inhlawhna ni 100 min tiamte hi maw malsawmna thuahhnih chu a tih a?? Synod in Rs.nuaikua sengin buhfai a lei a, chu chuan mirethei tam tuarte zingah impact a nei nasa em em a…mittui tla zawih zawihin buhfai tlemte an dawn te chu an ei a..TAM TUARTE PUAL LIAU LIAU A CENTRAL IN MIZORAM SAWRKAR RS. VAIBELCHHE ZANGA SAWMNGA LEH PANGA A PEK HI ANIHNA TAKAH MIRETHEITE TAN HIAN HMANG TA SE TAM HI KAN TUAR I RING EM?????????..
Boss..engtia rei nge min la bawl dawn le??
Similar Posts:
- ‘Josefa Zem’ sem a ni
- Chapchar Kut Hmang Dawn Lo
- Mizo MP Candidate Election 2009
- Saiha in kâng 41 zawk, ṭanpuina cheng nuai 14 lut tawh
- Autonomous District Council tamtak kan mamawh
ve e
January 11th, 2008 at 12:25 am
Ben..Im pretty sure that i did posted this article with some pics…where is the pic??
Report this comment
January 11th, 2008 at 12:26 am
I left a comment at end of the article. For some reason, the link was not accessible.
Report this comment
January 11th, 2008 at 12:32 am
Gotchaa..im workin on it right away..thanks
Report this comment
January 11th, 2008 at 12:39 am
most welcome. Will watch out. I am awake for the next few hours
Report this comment
January 11th, 2008 at 12:48 am
Mi rethei chan ai eizo ngam sawrkar kan lo nei reng tihna a ni maw!!! A va raphlak ve le!!! An ei sak man an la tuar ve ngei in ka ring. tam lo awm tur hma chhuan a sum lokal zozai te kha…mi rethei beidawng thinrim hian chemtu, nen kawng an rawn zawh ang tih ava hlauhawm ve… Zoram harh teh…
Report this comment
January 11th, 2008 at 12:53 am
Ben..I just posted the Pic..but im not sure if i did it the right way or not..if i have to start over again just lemme know okey..thanks
Report this comment
January 11th, 2008 at 1:19 am
@LM Ralte: I got this one
If you have bigger, could please upload again in imageshack and paste the Direct Link to image (the last option) below.
Report this comment
January 11th, 2008 at 1:21 am
A pic chu han tilang hram teh u…Pu.Zoramthanga te MNF lokir leh (return) tum a Vathuampui khawlai a thusawi thlalak kha ka rawn post dawn em ni?Ramhnuai a Rawtuai ei thrin an ni bawk a, a cher em em a, tun a rawtuai dang (Baffacos) an ei hnua thlalak nen chuan in ang lo tak a ni.
Report this comment
January 11th, 2008 at 1:26 am
@grady: Comment .7 ah hian a awm. A te deuh, a lian deuh awm takin la nghak hrih.
Report this comment
January 11th, 2008 at 2:56 am
gud job ben….you are my hero..thanks
Report this comment
January 11th, 2008 at 2:58 am
Oh! I should thank you. Appreciate you patience.
Report this comment
January 11th, 2008 at 7:10 am
A ngaihna hria leh hre lo sorkar/ram hi chu a inthlau hle zel zawng a nih hi.
Inkawlpawhna pawh kan neih that ve tawh hnu leh Technology lamah pawh hma kan sawn ve viau tawh hnu a, hriat lawk sa Mautam lo thleng tur atan pawha inveng zo lo, population tlem te tana tanpuina sum dawng teuh si, Zoram leh a mipui te kan lo hoh zia hi a lang chiang hle niin ka hria. Ram hruaitute chungah pawh hian mipui ten mawhphurhna lian tak kan nei ve.
Tam dona tura Baffacos cheng vaibelchhe zanga chuang khan sazu mei nuaikhat tha an lei, tam dona a tana MNF sorkar hmalak thiam ve tawk hi a ho lulai em a ni.
An eiruk nasat zia hi he tam rawn thleng hian chiang leh zualin a thai lan sak a ni.
Report this comment
January 11th, 2008 at 7:21 am
I va sawi chiang thuai thuai ve, LM Ralte. Pic chunga pawisa (bank note) lemah khian Rs. 1000 mai lo, Rs.566,55,00,000 (Rs 566.55 crores) lang sela ka va ti.
A, hetianga an “thawh that” em avang hian 2008 inthlan ah pawh, mi tam tak rin dan chuan, Mizo mipui (or voters) ten MNF leh CM zahawm tak Zoramthanga bawk hi ania an thlan tlin leh dawn ni. A rorelna hi an la kham lo riau.
Report this comment
January 11th, 2008 at 8:58 am
Synod Inkhawmpui, vawi 84-na (2007) Aizawl Electric Veng Presbyterian Biak In-a nghah, Palai in-report pawh 1,667 chuang awmna khawmpui ah..” Bamboo Flowering and Famine Combat Scheme (Baffacos) sum hi dik taka hman a nih theih nan Synodin chak zawkin hma la rawh se”…tiin zuk passed a mawle!!!!!
Aw…BAFFACOS lo chhuah hnua kan Minister leh MLA te damlo in entirna to rapthlak zia te hi i hria em le???A then USA..Canada etc ah te tam tlak laiin an lo zin thul….Aw..Eirukna haw em em tu leh Anti-Corruptin Leader an tih mai Pu HT Sangliana ka va ngai em!!!
Mizo ram in Mautam Tampui Mitthi kan hmachhawn dawn tih hria-in Central atangin Tampui Mitthi lak atanga kan him theih nan Baffacos sum tam tak pek kan ni a, tunah Mau tam sehsam kan thleng chauh tihin riltamin kan thi dawn ta mai a, sawrkar kudam-ah buhfai a awm si lo, thingtlang lamah buh thar a awm bawk si lo, hetih lai a hman tur Baffacos sum kha sawrkarin mangang te tanpui nan hian hmang tawh se ka va han duh tak em!!!!
Report this comment
January 11th, 2008 at 10:55 am
An hmang lo zo tawh. A tir phat atang khan thingtlang lonei tana hmang lovin department hrang hrang ten mautam lo thlen dan zirnan an hmang a, mipui an phun sep sep chauh.
Synod inkhawmpuiah an sawi na a, MNF leh Congress hruaitute hi Aizawl kohhran lianah a tlatlung hlawm viau. Heng kohhran hian minister corrupt deuh deuh te hming hnaisailo an hliah thin. A chhan chu minister leh MLA te hi kohhran upa te anni tlat. An vaiin thui.
Thingtlang lam kohhran vang chauhin Presbyterian kohhran hming pawh hi a la hmuh that theih.
Report this comment
January 11th, 2008 at 12:27 pm
I am awake for the next few hours !
a va ulh ve : )
Report this comment
January 11th, 2008 at 6:15 pm
LM RALTE beitha thuaih thuaih hle mai..engtin tin nge mawni i rawn hai chhuah hlawm ni…ti lawmawm e…mahse mizoram mipui hi engkim ah kan chawlawl zo tawh a…inthlan pui pawh lo awm leh mahse…angai bawk antling leh tho loang maw…
Report this comment
January 11th, 2008 at 6:23 pm
In comment ngaihnawm thei hle mai, a bu-a chhuah chi a ni. Synod inkhawmpui meuh in a ngaimawh tawh Baffacos sum hi chu malsawmna aiin anchhia a ni mai thei a ni.
Report this comment
January 11th, 2008 at 9:13 pm
BAFFACOS sum kha diktakin THLAM ROPUI sak nan an hmang zo vek tawh a ni ang chu mawle ?
Report this comment
January 11th, 2008 at 9:22 pm
Kan CM a ni emaw mipui kan ni emaw…engtik ah nge Mizote hi tawng ringawt lova, kan rilru kan ngaihtuahna te hi action ( work/hna thawh) ah kan chantir hlawm ang le. Poem leh song composer/ writer kan tam dan ah reng mai hian tawng chauh kan chak ni berin ka hmu.
Rorel tu sawrkar a dikloh chuan mipui in au chhuak in action la ta che u. Mizo tam an awm chuan Mizo takin mipui in contri se tanpui se aniang chu…sawrkar tih kher nghah angai a mi….Samari mitha te pawh kha hre ta che u….sarmawn ah chauh in hria a mi? Mizoram ah kutdawh leh homeless ang chi kan haw viau emaw ka tia…..khawnge kan YMA te pawh hi, an va ngawih hmel ve?
What a fake world….world of pretenders lmao
Report this comment
January 11th, 2008 at 9:42 pm
H.Vangchhia Says:Rorel tu sawrkar a dikloh chuan mipui in au chhuak in action la ta che u. Mizo tam an awm chuan Mizo takin mipui in contri se tanpui se aniang chu…sawrkar tih kher nghah angai a mi……
Uai..i lo la hre ve lo a ni maw??? A va mak ve!!! Roreltu dikloh avanga mipui mangang au thawm hi a nasa ngawt asin. Vawi engzatnge Sawrkar diklohna au chhuaka kawngzawh a nih?? Kuthnathawk inzawmkhawm pawl mangang au thawmte,mirethei pawl mangang te..a chanai chhuhsaka awm loneitupa au thawmte hian a vawrtawp a thleng dawn ta a nih hi!!!
Mi tam an awm chuan mipuiin contri se i tih hi i hriat leh hmuh angin an tih mek zel hi..kohhran ang zawngte,pawl leh thianho angte,mimal leh an ruai thehna man ai hial contri te pawh an awm asin.Tin, kan aiawha roreltu tura kan thlan chhuah te hi sawrkar anni a…a hranpa in sawrkar a awm reng reng lo….Mizoram sawrkar hian a thawhchhuah sum atrang tam tuarte tanpui hi tuman an phut lova..pek chhuah tur siki dere pawh an nei hek lo…Central sawrkar in miretheite chanpual tur liau liaua pawisa a pek mahse VOHBIK te chauhin an chang lehta si hian mi rilru a ti na a nih hi!!!
Report this comment
January 11th, 2008 at 10:58 pm
ka duh ai in kan insum tlats.. sum tih chingpen a vang a tuar te zawng zawng tuar ang hi a ti chingpen tu hian a la tuar ve ngei ang ka ring, Pathian in a hriat pui hi ka ring ve tlats a ni..a rul tawk in pathian hian a la rul ve ang…aman phube lak min tiam sak tlats kha i hre reng ang u… Good Post….Post More…..
Report this comment
January 12th, 2008 at 12:42 am
A va thinurthlakin em ve aw…Rs.5,66,55,00,000/-zet maw!!!! Chutichung chuan vawiin niah hian TAM TUARIN kan unaute an la rum cheu si…Zoram mipuite hian he pawisa hi a lunungin (Chhungkua nilo, mimal mal zawkin) Rs.5000/ chuangin kan insem theiin a lang a. Tuna Tam tuar tak taktute phei chu Mizoram mipui za zela 50 pawh an tling phakloh hmel bawk si a. ENGTINNGE CHU PAWISA CHU KAN RAM HRUAITU; PULPIT TLANGA DING NGAM LEH PATHIAN HMING CHHALA INHAMPUAR THINHO HIAN AN HMANRAL TAK A….
Zoram hian CHHANTU a va mamawh tak em…hetiang zela kan kal chuan Zoram hi a thim lutuk dawn…MIPUITE i thangharh teh ang u khai.
Hmannia nula pakhat phailama lehkha zir; Zorama krismas hmanga haw chuan “kan khua leh veng hrang hrang mipui che vel leh kan ram hruaituten mipui an hrual dan ka hmuh hian ka mittui a tla zawih zawih a ni” a ti hial a. A lo ni thei tak tak dawn zawng anih hi.
Kan ram hruaitute hi “An mite (Zoram mipui) natnaah hian an na ve lo, mi riltam leh chhuanchhamte an ngaihthaha, mahni an inhampuarin an ineimawm hmak mai anih hlawm zawk hii…A tenawmin a va lungchhiatthlak tak em!!
Report this comment
January 12th, 2008 at 2:20 pm
a va in thlan boruak vel th ve a…..kan hruaitute soi chhiat ngot poh hi dik lo ve thei nia….Christian 100% omna ram mizoram hi kaihhruai har deuh a nih hmel tlat…hrUAitu ni don ta ila kan tlin meuh a ngem o?????
Report this comment
January 12th, 2008 at 6:09 pm
Hruaitu ni dawn ta ila, anni (MNF leh Congress minister ho) angin eiruk leh hlepruk tur ka zawng tang tang lovang. Ka chhungte an phu lo hna ka pe lo vang a, USA leh Europe ah hautak zetin ka zin lovang. Ka hlawh ah ka lungawi tawk ang.
Report this comment
January 12th, 2008 at 6:59 pm
Mizo mipui hi kan fel lutuk, ka ho bawk si, kan rilru kan inti zau bawksi, hei vang hian Politician leh Misual tan thil sual tih a nuam ngawt ang, ramdang chu ni sela an in that nasa tawh ngawt ang!!!!!
Report this comment
January 12th, 2008 at 7:07 pm
Thil tisual tu huat ngamloh hi sual ani, thil tisual tu chu kan haw ngam tur ani, an hmaichhanah pawh an thil tih dikloh i sawi ngam ang u.
Ram hruai ngaihna hrelo chuan ram hruai tum lo mai rawh se.
Report this comment
January 12th, 2008 at 7:59 pm
Huat ngam chu sawi loh, tlawn loh pawh kan ngam hlawm lo.
Report this comment
January 12th, 2008 at 8:36 pm
Kan ram hi a mak ngawt asin..Minister hovin Pathian thu an sawi a, Pastor hovin buhfai an sem!!Dangdai ve angreng tak chu a ni..
Report this comment
January 12th, 2008 at 9:44 pm
Lerh ah pawh lerh chin tawk a awm a..ei ruk ah pawh ei ruk chin tawk hi thiam se tha mai tur a nia leh…A lu ber atang Peon thlenga eiruk tur kan zawng ruai ruai reng mai hi enge a chhan ni ang le? Forest Dept ah chuan DFO in a ziakfung hmangin a theih ang tawkin a sumip a ti liana..a ei bang ho zawng chu a hnuai Ranger Officer leh SA etc tih velin an rut fai kelha..a la bang awm chhun bawngtuthlawh, chem,arra,suahdur etc te Labor in an ru bo zo leh a…ei theih tur awm ang ang chu bangbo awm lovin Christian ramah a quit thak zel zawng chu a nih hi!!!
sawrkar kal dik loh chhan hi mipuite dem ngawt theih kan ni lo….Hruaitu ber an dikloh tlat chuan an rorel saka mipuite hi mitdel leh bengngawng kan ni bik lova..an ei zawh tho tho tur nia kan hriat kha kan theih tawk leh kan phak chinte inthiamlohna nei miah lovin lo ban ve pawh ni se dem tur an ni hran love.
Aizawla Flora dawr khi kan hria em aw? Khi dawr khian sawrkarah Silpouline a supply thin a. Sawrkarin an duhsak zawngte(BPL??) hnenah a sem chhuak thin a. Tichuan Silpauline a thlawna dawngtu chuan Office tranga a dawn chu City Bus ah chuan phei puiin Flora dawrah bawk chuan Rs.600 in a hralh chhawng leh a..Flora dawr chuan Rs.2000 in sawrkar a lei tir/Supply leh chhawng a..kan system hi a tenawm i ti ve em??
Kum 1998 inthlan dawn tum khan kan Boss Pu ZRTA hian Haulawng khuaah thu a sawi a..Sawrkarna kan chan ngat chuan in sawhthing zawng zawng in a bo a bang awm lovin in kawtkaiah KG khat Rs.10 zelin kan rawn lei zawhsak nghal zel ang che u. In mau zawng zawng pawh a pum lian tha deuh chu pum khat Rs.5 in kan lei zel ang. Sawrkar hnathawk hian an hna bansana kuthnathawh hi an chak ngawih ngawih tawh ang. An awt ngawih ngawih tawh ang che u a tih hnu kum sawm dawn ah “MIRETHEI LEH HAUSA INKAR A ZAU LO” a ti leh si hi a mak ka ti tawp thei lo a ni. A promise kept tur hian a kutzung trang pakhat pawh a phut lo hi a mak ka tihna lai chu a ni…Tun inthlan dawnah pawh aieng, turkey vulh, chakai farm etc kha rawn kur pui leh ta luai se kan vote tling leh tho lawng maw??
Report this comment
January 13th, 2008 at 3:03 am
Mizoram hi a van lo lem em em ve mawle aw!!!!
Report this comment
January 13th, 2008 at 9:00 am
Pu H Vangchhia, a ti lem lotu tur i awm hla em a lawm!!
Engpawhnise, Mizo upain an tih ang in “Zangkhua a la bungbu ang”.
Hruaitu lu ber hi a dik chuan a hnuaia mi te an dik lo ngam lo! Chuvangin, Zoram mipuite ril tama an awm chungchanga mawh phurtu ber chu kan pu Ramtea hi a ni!!
Mipuiten ram siam thatna tura kan tih theih pawimawh ber chu Inthlan huna Party ruih chilh lo leh mahni hma sial miah lo va mi tha leh dik chauh thlan nachang kan hriat hi a ni mai.
Chu tianga kan thanharh loh chuan tu pawh sawrkar leh se ‘Aw Lalpa, A ngai bawk’ tih kha kan hmabak a ni mai!
LM RALTE, excellent post!
Report this comment
January 13th, 2008 at 12:02 pm
Mizo kan nih chuan Mizo tawng ngeiin aw!!
Report this comment
January 13th, 2008 at 12:19 pm
Ram kal dik lohna chhan hi hruaitute chu an ni tak meuh mai. Mahse democracy ram ang chuan mipuite hi an pawimawh a ni. Mipuite hian nasa zawkin hma la chiah ila chuan heng hruaitu dik lo takte hi chu a chil pawhin kan chilper vek thei tur nan. Mi zawng zawng tuar ai mi pakhat tuar a tha zawk tih te hi apply ve mai chi a ni tawh lo maw.
Pathian kut an la tuar ang tih leh ringawt thin pawh hi insiam that phah nan leh sim phah nan an hman chuan siloh chuan, Pathian kut lanna tur chu i kut leh ka kut hi a ni zawk.
Thil pawi tak pakhat chu eirukna sual do ngam lo kohhran kan neih leh miretheite rapbeta an chan ai ei zawh saktu do let ngam lo YMA kan nei hi ani. Miretheite mittuiin chhan tlak kan la awm e, tia an auh lawm lawm hi…
Hmanlai khan khuaah sa a tlaa; Sakeiin an vawkte an rante a seh sak chuan Sakei chu an hriamhrei neih ang angin an beileta, a sa seh chu an lak sak leh ngei ngei thina, chuan a neitu hnenah an pe leh thin. Tunah hian Mizoramah “sa a tla e,” tiin mirethei te an rawn au chhuak ta…
Report this comment
January 13th, 2008 at 5:23 pm
Kan soi hnem viau a poimawh ber zawk chu “moral reformation” hi a ni a zebul a tang hian a diklo, kan lo hetih avang hian anlo heti zo ta a nih hi.
Zawhna pakhat sorkarna lo chang ta angla enge i tih ve ang le? Mirethei te chu lo tanpui dawn tala sum i sem tawp ang nge scheme falfai tak i siam ang? Sawisel na hi chu dawrzawn sawm poh awm mahse “Heti zawng hian nise” tih lam hi soi tam a tul ve tho in ka hria. A thatlohna chu mit a hmutu te vek kan nia. Engtia han tih tur nge ni ang le?
Report this comment
January 13th, 2008 at 7:08 pm
1984 atanga roreltu (La Thanhawla leh Zoramthanga) tih loh ang tak ani mai. (heti zawk hian nise, tih ani bawk a) Entir nan, sorkar hnathawk tam lutuk, hlawh tam lutuk hi a zatve a tih hniam, an hlawh pawh 33 percent tala dah hniam. Chuah zirtirtu thawhna hmuna thawk duh loh ban hmiah hmiah. Sorkar hnathawk corrupt na taka hrem. Minister corrupt ban vang vang. Sorkar um dik taka hman. A, sawi tur a tam mai. An tih loh ang chiah hian ani mai.
Report this comment
January 13th, 2008 at 8:24 pm
An la hria ang!@#$%%^
Report this comment
January 14th, 2008 at 9:13 am
@sawmpuia ka support e. Natna hailan aia pawimawh zawk chu a damdawi chawh a ni, damdawi chawh si lova natna hriat ringawt chu min ti lungngai tu mai a ni. Kan sorkar (MNF leh MCP?) ten Buffaccos? sum an hman dik loh Synodin a lo buaipui vak hi an Pastor leh Field Secretary, Missionary te sum hman dik leh dik loh buaipui se, an thil claims thin te leh sum vawnna te hi dik takin endik thin se an inhmeh zawk ka ring. Sawrkar officer lian leh Minister eiru nasa kohhran upa a thlang thin society hian beisei thui vak kan nei thei lo, Inthlan lehah an hria ang tiin kan sorkar pawh vau ila, a thlangtu mipui te pawh tam (famine) kuma Krismas leh kumthar ruai nawn tlut2 tho khan kan thlang leh dawn a nia, a tama te pawn ruai chu an theh ve leh thova, kan vei viau te hian an lo in vei viau lo duh fo! A vei viau tu tan hian a hahthlak deuh tih mai ani. Buhfai chu fur kawng chhia leh rel kawng sukuk te a awm loh chuan kan chham lutuk dawn em ni? ka ti.
Report this comment
January 14th, 2008 at 9:28 am
Missionary ten Synod sum an lo hmang dik vek lo i tihna em ni, kanidari ?
Report this comment
January 14th, 2008 at 10:46 am
Aw.
Report this comment
January 14th, 2008 at 11:31 am
kanidari, kohhran hi chu chhangchhe viau mahse thu dik au chhuahpuitu ber chu an la nih hi a..Missionary sum hman dik loh chu ram tana buaipui thamin a tam lo pawh a ni mah na…kei chu kohhran hian ram thatna turah hi chuan aw chhuah zel se ka duh zawk.
Report this comment
January 14th, 2008 at 2:28 pm
Kei pawn
Report this comment
January 16th, 2008 at 3:04 am
Helai topic chu ka lo hmu har deuh a, soi ve vak ka chak na in, ti hian ti zawk teh ang ” Lungngai suh u. Kan BOSS hian min bawl rei tawh lo tawp ang”!!
Report this comment
January 16th, 2008 at 8:51 am
2011 thleng chauh nge 2016 thleng kan “Boss” chuan min rel dawn ? Aizalwl pa thenkhat chuan kumin hian MNF an chak an ring tlat. Congress ho an chaurau em mai. MPC, ZNP tephei chu chuti hlauh.
Report this comment
January 16th, 2008 at 2:01 pm
Pu J-a MPCC ah a luh leh chuan MNF ho an tal buai ang. Pu Hawla nen an in chaltauh deuhva pawn lama lang pawh hi a lo mak khawp mai, Pu Hawlan amah second tua a sawi chu an nu, Pi Rii, a dawt leh ah Pu J-a makpa. Insuihkhawm leh zai an rel lovang tih a sawi theih loh. Boss chuan a ui bo aiin Pu J-a hloh a hlau tawh zawkin ka ring. MPC leh ZNP chuan zawmpui an siam fel vat loh chuan an ro leh viau ang!!!
Report this comment
January 21st, 2008 at 12:32 pm
[...] Boss Delhi zin a lo haw a, thu lawmawm deuh a lo hawn chu Lengpui Airport ah ILS bun tur hi a ni. Civil Aviation Ministry Meeting-a a tel na ah Lengpui Airport tih changtlun nana Instrumental Landing System (ILS) bun nan Rs. 50 crores an rawn phalsak thu a sawilang bawk. [...]
Report this comment
January 28th, 2008 at 5:27 pm
NI E MIN BAWL REI TA NGAWT MAI!!! Sawrkar hotu lawk (ex. Home Minister) ho hian hitman an nei an tih hi a dik em?
PRESIDENT RULES hnuai a awm a tul tawh hle a nih hi!!!
Report this comment