Mi hla phuah emaw, thu ziak emaw, thu sawi emaw, ‘idea’ emaw, an phalna hmu hmasa lovin midang tuin emaw ama ir-awm chhuak leh ama ta ang chiaha a rawn chei bawl hi ‘plagiarism’ an tih chu a ni awm e.
Tun laiah chuan he thil hi a buaipuiawm ta khawp mai. A bik takin Internet kaltlang hian Plagiarism hi a awlsamin a hluar ta hle. Keini Mizote thlengin mahni blog leh website te kan nei ta fur a. Henga kan blog leh website-a kan thu leh hlate chhuahte hi keimahni thluak leh thinlung atanga ORIGINAL PRODUCT a nih chuan tuman an sawi thei lo. Amaherawhchu, hmun dang atanga la chhawng kan nih chuan kan lakna ‘source’ chiang taka tih lan leh credit pek hi kan tih makmawh a ni.
Hman ni lawk khan tun hmaa ka ‘article’ ziak, chanchinbu/magazine-ah pawh ka chhuah tawh chu mi pakhat chuan ama irawm chhuak ang chiahin ama blog-ah a rawn chhuah ve zan mai! Ka hmuh tirh chuan ka sa phat mai a, tun thleng hian ka ngaihtuah chhuah chang a piangin ka thin a la ur deuh nia!
Hun lo kal zel tura kan zavaia tan thil tangkai tur a nih beiseiin, hetiang kawnga thil hria leh mi thiam zawkte khan in ngaihdan han sawi hlawm teh u khai…
Similar Posts:
- Chanchinbua chhuah hi
- Chemtatrawta
- Article lak chhawn chungchang
- mi(sual).com Thawnthu Tawi Inziahsiak
- Zo chhuak Magazine te ka hmuh dan
February 24th, 2008 at 11:56 pm
A dik! Imitate a nih si loh chuan.
Report this comment
February 25th, 2008 at 1:07 am
Nia, he thil hi keipawh ka ngaih pawimawhna a rei tawh khawp mai.Mizo te hian kan la ngai hlu tawk lo ni hian ka hria, a bik takin hla lampang ah(ka tina zawng a ni bawka) Hla phuah te hi zira thiam chi a ni lo- Pathian ina mihring- a Talent a dah ve hrim2.Mahse chumi thiamna tipung lehzual tur chuan a zirna sikul kal emaw han inchhiarzau te chu a awm thei lutuk.
Mi hla nalh tak kha mahni hla atana va awh vak chi anilo.Hnampui zawk te phei chuan an ngaipawimawh lutuk ringawt.Tunhnai lawkah pawh ‘Avril lavinge’ in Pawisa a chawi teuh kha.
Mi a zaithiam viau a, hla a neih that si loh chuan, mi hla ruksak emaw a zulzui deuh a siam ve lovin a hla neitu kha va dil sela.A tul leh a lei te pawh leisak mai rawh se.Chu2 Zaithiam te leh hla phuah tute kan hmasawn tlan na tur anizawk…. Ka U!!!!!
Hnam dang songwriter te chu mihausa tak2 an nia. keini ve chu….. A!!!! kan ram a rethei………. pawh i ti maithei…… chupawchu nise, tun dinhmunah pawh eizawn nan a hman tlak kan ngaihhlut thiam chuan.
Report this comment
February 25th, 2008 at 7:17 am
Hetiang tih ching ho hi ka haw riau ania. Ka nu pu Saihnuna hla pawh kha tu ten emaw ni an chuh pui tlat tawh alawm….an zak derlo zui.
Report this comment
February 25th, 2008 at 8:35 am
Zirna run sang lamah phei chuan an ngaipawimawh em em a ni.
A chang phei chuan mi thu ziak kan lo chhiar tawh khawia mi nge kan hrait tawh si loh te hi, kan han hmanga, hei hi tu idea or khawi atanga i hriat leh lak nge tia inzawh te hian chhan a har thin khawp nia.
Hla chungchangah hi chuan kan zia awm sawt viau niin ka hria. A reng thuin source tarlan hian kan thuziakte hi a tirinawm sawt zawk a ni.
Report this comment