mi(sual).com

Thla 10 aia tam mah a in up hnuah Feb.20, 2008 khan Youth Movement for Mizoram (YMM) a piang ta. April 2007 khan Aizawl ah ram vei thalai za rual zet an inhmu khawm a, kan ram dinhmun that loh zia leh siam that a ngaih zia an sawi hova. Hmalak dan kawng ngaihtuah turin convener an ruat a, anni chuan thla 10 chuang teh meuh mai buaipuiin thalaite’n ram siam thatna kawngah engtinnge hma an lak theih dan tur an buaipui a. A tawp a tawpah chuan Mizo thalai zawng zawng huam kim thei tur movement din an rawt thlu ta a. Tichuan, he pawl YMM hi a lo piang ta ani.

Hmabak tam tak a awm a, a hruaitute pawhin huphurh tak chungin he movement hi an kaihruai a, mi thenkhatin an support viau laiin thenkhat chuan an diriam hle thung. Mizoram ah pawl tam tak a lo piang tawh a, mahse principle a ding nghet tluantling an awm tlem hle. A thenin pawisa an khawn a, a thenin sorkar lakah mahni tanghma hai chungin hma an la thul. He pawl piang pawh hi chutiang ang maia kal chho tura ring pawl an awm nawk. Mahse a kaihruaitute hi mi chi hrang hrang an ni a, mahni hnathawh leh thil tih kawngah pawh buai tak tak an ni. Chuti chung chuan ram an vei vang liau liau in he movement ah hian an hun an seng ani! Politics lama hamthatna neih tum an awm lo tih pawh an interview ah chuan an sawi lang. An duh ber chu RORELNA DIK (GOOD GOVERNANCE) ani. District dang dangah thalai pawl an piang hmasa tawh a. Lunglei lamah Youth for Mizoram (Y4M) te, Serchhip ah Serchhip District Youth Convention (SDYC) te, Champhai lamah “Ram Chhan Thalai Pawl” an ding bawk a. Mamit leh Kolasib lamah pawh a in mung mek nia hriat ani. Heng thalai rual hrang hrang hi an in network vek tawh bawk.

YMM hian hmabak leh tih tur tam tak a nei a, ruahmanna tam tak a siam mek bawk. Chutih lai chuan a hmalak tawhna ah tu sum/pawisa mah a pawt ngai lova, hruaitute’n an thawh khawm atangin hma an la thin. An hmabak leh tih turah sum lam mamawh hle mahse pawisa khawn an tum lo tih an sawi. An movement tuipui tu leh tanpui duhtu te’n tanpuina pek an duh erawh chuan lawm takin an dawng thei reng tih an sawi thung!

Reilote ah YMM hian website an siam dawn nia hriat ani a. Chutah chuan an hmalak dan leh kal zel dan tur te pawh a hriat chian theih ang. Tin, transparency an ngaih pawimawh avangin sum leh paia tanpuina pek an nih dan leh sum hman dan pawh chipchiar takin an tarlang zel dawn ni a hriat ani.

An pawl hian Declaration te, pawl thim tum te an neih chu a hnuaia mi ang hi ani!

DECLARATION
(English Version)

We firmly believe that democracy’s real value needs to be uplifted for the betterment of the state as will as the citizens; which in turn we believe in future will yield better developments.

Free and fair election is the foundation of democracy, we declare that are willing to participate and strive for the utmost highest to achieve the same.

Corruption and other vices are the enemies of the state, we congruently feels that such evils will ultimately lead to the fall of the state for the time to come, consequently bringing the whole system to a dysfunctional level. The vices of man bring about the violation of human rights, trampling humanity, forcing passive allegiance to live in a degenerated state. In order to restore one’s right to share; there is a need to create good governance. To achieve such set of circumstances, we proclaim we will fight vigorously to subdue corruption and other vices.

To create good governance, the congress of youth accepts commit ourselves to the same. We hereby commit ourselves to motivate our fellow youths to step forward for good governance.

We invite all our fellow youths to take part to suppress corruption, favoritism, nepotism, inequity and miss-governances, which harbor the behavior that is considered morally unacceptable.

In order to achieve such goal in compliance with the principles of religion, we declare that we are in dire need for God-fearing persons with ultimate sense of responsibility, morality along with honorability. We declare that we genuinely commit ourselves to persons with such qualities to govern our motherland

DECLARATION
(Mizo Version)

Democracy kalphung tha chawi nun leh dik taka inenkawl hi kan ram leh a chhunga cheng te’n hun lo kal zel turah hma kan sawn theuhna tur a nih kan ring.

Inthlanna dik leh felfai hi democracy innghahna lungphum a ni a, chutiang chu kan rama a thlen theihna turin theihtawp chhuah kan huam.

Hlemhletna leh eirukna hi kan ram hmelma, hun lo la kal zel tura kan ram leh hnam chhiatna tur a ni tih kan hria a, Dan rorelna tichhetu a ni tih kan pawm. Hlemhletna hian mihring dikna leh chanvo a palzut a, a ram mipuite’n kan tuar zel bawk. Kan ramah hian mi zawng zawngin kan chanvo dik tak kan hmuh theihna tur; rorelna dik a awm theih na’n hlemhletna leh eirukna sual thleng thin hi ti tawp turin theihtawp kan chhuah ang.

Rorelna dik leh tha tungding tur hian thalai te hian mawhphurhna kan nei tih kan pawm a, kan thalaipuite pawh ram rorelna dik leh tha a thlen theih na’n ke pen theuh turin infuihtawn a tul tih kan pawm.

Kan ramah eirukna leh hlemhletna te, induhsakbikna te, chanvo inchhuhsakna te, innekchepna te, rorelna diklo te leh kan ram tana thil thalo lo thleng te siamtha turin thalai zawng zawng te kan ngen a, ram rorelna tha a awm theihna tura theihtawp chhuah theuh turin kan sawm bawk.

Heng kan thilduh te hi a thlen theih na’n Pathianin ram inrelbawl dan min zirtir ang ngeia min hruai thei tur, mi dik, mi rinawm, Pathian tih mi kan duh a. Chutiang mi chuan kan ram an hruai ngei theih na’n hma lak kan inpeih.

Thiltum (Aims and Objectives)
He pawl hian hetiang hian thil tum hrang hrang a nei a
a) Rorelna tha leh belhtlak tungding thei tura thalaite in zawmkhawm
b) Thalai, hmun hrang hrang a cheng ten ram tan kan rilru leh ngaihtuahna kan sen theih nana kawng kawh hmuh
c) Kan ram chhiat leh thatah thalai ten mawh kan phur ani tih a taka lantir
d) Rorelna dik tun din.
e) Kan tu leh fa te tana Zoram tha zawk hnutchhiah
f) Pathian tih mi, mi rinawm, sual do ngam tena kan ram rorelna an kaihhruai theih nana hmalak

E. Pawl member ni duh te tan
Thalai tu te pawh, a hnuai a mi zawm leh pawm thei te chu he pawl member ah hian ziah luh theih an ni ang, hetiang in;
a) Hlemhletna lakah ka inthiarfihlim thei, tia intiam ngam te
b) Ram rorelnaah thalai ten mawhphurhna kan nei tih pawm te
c) Zoram chhiat leh thatah thalai ten mawh kanphur ani tih pawma vawng tlat tu te
d) Zoram tan dikna ka vuan tlat dawn a ni tih pawm tu te.

Kan ram hi siam tha turin “I RAMIN A KO CHE”! I ngaihdan han thawh la, suggestions i neih ang ang pawh ram tan han thawh ve ta che!!

Related: Ram siamthat tum thalai pawl a ding ta

Similar Posts:

• Mizoram Democratic Movement(MDC) a piang!
• Thalai Movement Leh Kei
• Ram siamthat tum thalai pawl a ding ta
• Thalai rualte’n Mizoram kan siamtha thei
• Thalai Intawkkhawm

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Sunday, March 9th, 2008 at 2:22 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.