Zo Vohbik final ta

April 24th, 2008 6:59 pm by ZOaTlau

Reality show dangdai tak rualban lote zaia inelna “Zo Vohbik” chu Kolasib khawpuiah April ni 23 zan khan final neih a ni a, final-ah hian rual banlo contestant 16 zinga pathum PB Hmingchungnunga, Chawngpui East, Emanuel Hosana, Saipum leh Rosiamliana Ralte, Lungtan te result puan a ni a, entu mipui an pungkhawm thahnem hle.

Mizoram pum huap “Zo Vohbik”-ah hian lawmman pakhatna chu PB Hmingchungnunga hian a dawng a, tangka fai cheng singnga, mi thahnem ngaite thawhkhawm, chu hawnin pahnihna Emanuel Hosana hian cheng sing hnih a hawn bawk. Pathumnain cheng sing khat a hawn thung.

Zo Vohbik final hi Aizawl lam atang pawhin hmanpuitu an awm nual a, reality show lama Mizorama sulsutu Mali LPS leh Kolasib Youth Organisation leh MZP Gen Hqrs Vice President ni bawk S Lalrinawma te chu khual zahawm niin anni bakah hian Kolasib bialtu MLA leh DC pawhin an hmanpui a. Anni bakah hian zaithiam lar thahnem tawk takin an tawiawm bawk.

“Zo Vohbik” Organising chairman Lianhmingi Pachuau chuan he programme hi hun rei tak chhung a lo ngaihtuah tawh thin thu a sawi a, “Under priveledge te hian platform an nei lo hi ka vei hle thin a ni, Pathian hian chawimawi a duh ka ring,” tiin a sawi. He programme dangdai tak rualbanlote inelna siamna kawnga sulsutu leh judge ni bawk Remmuana chuan a hautak thu sawiin an hah thin hle tih a sawi a, mahse inpekna nen chauha hlawhtling thei a nih thu a sawi bawk.

Zei taka host-tu Skylinks Uang Huang buatsaihtu Stephen Auhmuna chuan Mizoram mipuiin an programme an hlut chu lawmawm a tih thu a sawi a, cable lamin an chhuah chhawng thin chu ropui a tih thu a sawi bawk a ni.

He show-a telte hian thilpek an dawng hnem hle a, Kolasib mipui inpekna a nasa hle a, contestant-te hian chawimawi an ni chu an lawm hle a ni tih an sawi bawk.

12 Responses to “Zo Vohbik final ta”

1
father_sphinx Says:
April 24th, 2008 at 7:08 pm
E khai, hetiang show hi a awm tih reng reng ka lo hre lo a. En ve te pawh a chakawm hle mai a.
Report this comment
2
gunner_gal Says:
April 24th, 2008 at 10:05 pm
tingtang perh tu pa khi temmy ni mo???tha e…
Report this comment
3
DezZler Says:
April 25th, 2008 at 1:40 pm
He show hi tha ka ti ta hauh lo mai. Rualban lo te chuan zai lamah talent an nei don emoni le, talent neise rualbanlo an ni nag. Tin heng show avanga hian platform ah dinna chance neive mahse an tan enge sawtna, inbawlna chi khat mai chauh ani. A organiser te hian sum duhvang chauhin an ti ah ka ngai, an ngaihtuah chianglo deuh ani.
Report this comment
4
father_sphinx Says:
April 25th, 2008 at 1:44 pm
Rualban lo te chuan zai lamah talent an nei don emoni le, talent neise rualbanlo an ni nag.

Hei chu i ti dik lo deuhin ka hria. Rualbanlo te hi talent nei tha tak tak pawh an awm thei a ni. Rualbanlote hian thiamthil hi an nei duh tak tak a, ka hriatah pawh an awm. A then chu pheikhawk siam thiam em em te, a then chu furniture lampang khawih thiam em em, thil dangah chuan hmantlak leh lutuk chuan si loh te an awm thin. Chutiang bawkin a then chuan zai lamah emaw talent dang dang an nei thei.
Report this comment
5
DezZler Says:
April 25th, 2008 at 1:56 pm
Rualbanlo zaithiamtak kala hriat loh vang ania kalo sawi kei chuan. Thil dang thiam tak2 te chu an tam alom.
Report this comment
6
father_sphinx Says:
April 25th, 2008 at 1:58 pm
tawng mawilo nilo sela, zai lama talent nei an nih avanga rualbanlo an nih lohna ngawt tur a awm em ni?
Report this comment
7
DezZler Says:
April 25th, 2008 at 2:05 pm
Awm e a. Stage a mahni a dinga tha tak a a zai theih chuan tuna a dinhmun(rualbanlohna) kha a pianpui nilo in a chungkhat leh thenrual thate enkawl dikloh na ah a innghat alom.
Report this comment
8
father_sphinx Says:
April 25th, 2008 at 2:13 pm
Chutiang lam zirmi chu i ni hial lo maw le? I hriatchian hmel riau mai. Rualbanlo tih khan mi anglo chauh tihna a ni lo in ka ring a, pianphunga rualbanlo te pawh an nei thei, pianphunga rualbanlo chu a rilru a pangngai vek maithei asin, zai te pawh an lo thiam fu thei a.
Report this comment
9
Lapin Says:
April 25th, 2008 at 2:14 pm
a thra lutuk.. mahse .. kan ti tralh teh ang.. nakin ah chuan MHIP Idol te, Upa pawl Idol te kan la nei thluah ang a..
Report this comment
10
DezZler Says:
April 25th, 2008 at 2:20 pm
Rualbanlo tih tangkam hi ka ngaihdan chuan pianphung, rilru leh kawngdanga midangte aia hnufual tihna ah ka ngai a. A enga poh chu lo ni se, rulabanlo anni a khawngaih leh duat taka enkawl tur kan nih laia mipui hmuhah in-expose sak te chu khawiram leh hnam mahin an tih ngai ka hrelo, tin mizo hnam kan la puitlin lohzia ti lang chiantu ani hle in ka hria. Tun bak khi chu ti tawhlo se ka ti khawp mai.
Report this comment
11
father_sphinx Says:
April 25th, 2008 at 2:21 pm
Ni e. i sawi chu a dik khawp mai. mhc rualbanlo te talent neilo tura i dah ngawt kha chu diklo deuh e ka lo ti mai a ni e.
Report this comment
12
kanidar Says:
April 25th, 2008 at 2:49 pm
@bmw – misual idol
@h.vangchhia – misual icon
@myself leh adelfos hi a rualin misual star
@keimah – misual intawhkhawm murti
@RTPA – Nula super idol
@rage_starr – dorpui idol
@clliana – minerals idol

fiamthu….
Report this comment