SPA ti a kan hriat lar em em, a tha zawng leh chhe zawng a, hmingthang ve ve, mi tam tak eizawnna puitling leh zahawm thlentu anih ruala mi tam tak beidawng a siamtu ni ve bawk si hi engnge maw a lo nih chiah le i han chhui dawn teh ang.
Spa tih hming hi mi tam ber pawm dan chuan Belgium ram atanga lo in tan ani. Tunlai ang a, damdawi tha an la hmuhchhuah hma chuan leilung a an thil tha hmuh ang ang khan an lo in enkawl ve thin. Chung zing a pakhat chu Iron tlakchham vang a, natna nei (anemia) te chu, lei atang a tui lum lo put chhuak (natural warm spring water) chuan an bual thin, he thil hi Belgium khua ‘Spaw’ a an chin chhuah hmasak ber ani.
Mi tam tak chuan SPA hi Latin word “salus per aquam” (healing through water) a ni e an ti bawk, eng poh chu lo ni se, tui hmang a, inenkawl damna chu a kawk hrim hrim tih chu kan hrethiam mai awm e.
A tawi zawngin han sawi ila, hun lo rei zelah mitam takin sumdawn nan an hmang chho tan a, tichuan tui chauh hmang lo a, inenkawl dan te an hriat belh zel a, he kan Spa hi a lo piang chho tan ta ani.
Kum 1830 chho vel khan Swedish pa Per Henrik Ling chuan a accident tawh vang a, a taksa nuam lo reng chu awmze nei a, mahni a inhmeh dam hnu in he kan tunlai massage lar ber Swedish massage hi a lo hmucchuak a, tun thleng a massage lar ber ni reng in, taksa rawl, rilru hah leh zan mu tha thei lo te a tha em em ani tih te hmuhchhuah ani chho zel a, massage chi hrang hrang a rawn hring chhuak zel a, tunah phei chuan massage hi chi hrang engzat nge awm poh hriat ani lo.
Tin, massage hi Thailand, China leh Japan ah pawh hman lai atang toh in an lo uar tawh em em thin bawk. An Thai massage phei hi chu a hmingthang em em ani.
Massage lar zualte :
* Swedish massage
* Thai massage
* Balinese massage
* Aromatherapy…etc..
Tin, Reflexology, Hot Stone, Accupuncture leh Ayurveda te pawh hi an lar em em bawk. Hydro jet massage phei hi a tha in, a man pawh a to ani.
Massage thatna te :
* Taksa hahdamna a thlen
* Rilru chau a chhawk zangkhai
* Zan mu tha thei lo tan a tha
* Thisen kal a ti tha in vun tan a tha
Massage chi hrang hrang hian thatna an nei hrang theuh a, sawi vek sen ani rih lo e.
Professional Therapist ni tura thil pawimawhte:
* Rilru leh taksa hrisel a ngai
* +12 thleng tal a science subject lak theih a tha
* Human antomy hriat chian a pawimawh
* Doctor tluk deuh thaw a, natna hriat a tul
* Natna eng emaw nei te massage dan tur thliarhrang thiam tur khawp a zir chian a ngai
Mahni in ring tawk leh mi in zirmi tan chuan career tha tak ani a, i hna i duty loh lai pawn i hmangaihte hlimna leh hahdamna thlentu i ni reng thei bawk asin.
Miten an hriat chian loh thin :
* Spa hian hmeichhiat mipatna lam a kawk lo hrim hrim
* Mahse mi tam tak in sumdawnna dik lo a hmangin Spa hming an tichhe thin
* Spa dik takah chuan damdawi in ang maiin an client te Health record leh pawimawh dang an record vek a, rilru thianghlim lo te chu an Black list in action an la nghal thin.
* Spa tum ber chu RILRU, TAKSA LEH THLARAU (body, mind and soul) hrisel a ni. Chuvangin Spa dik tak chu hmun reh leh thianghlimah chauh an siam thin.
He thil ka han ziah duhna chhan chu mi tam berin Spa hi a nihna dik hre si lo a, an lo sawi chhe ve chiam thin hian Spa Industry a, thawk te rilru a tih nat fo thin vang ani e. Khing ka ziah te khi a tawpna a ni lo a, technique leh treatment hrang hrang hre duh tan contact theih reng ka ni bawk e. bawihi18@yahoo.co.in
Many thanks to mirage_isme for honouring our request for this article
March 19th, 2012 at 2:00 am
La tihtir ve ngei a ngai a ni. Ka SPA euh euh á¹hin a, tunlai chu. 😀