Lal Isua a lo la kal lo a nih chuan kumin kum tawp lam khian MLA (Mizoram/Member of Legislative Assembly/Milawilo Luhlul Association) kan thlang leh dawn a nih kha. Hetah hian eng party hian nge sorkar-na chang tih i’n thlir kual teh ang.
America ramah Democratic leh Republican leh India ramah BJP leh Congress (INC) an inep ang deuh hian Mizoramah pawh MNF leh Congress (MPCC/INC)-te hi an inep leh hle in a rinawm.
MNF: MNF hi tuna sorkarna chelh lai mek annih avangin an buk a zang thei lo hrim hrim. Chutih lai chuan an hun laia mautam a lo thlengte, Rev. Chanchinmawia a’n boralte, lungrem chim avanga a ruala mi pali ngawtin nunna an chante, Falkawn Refferral Hospital khum a’n tlem hle maite, Civil Hospital OPD building chhawng khat a’n bo ngawt maite leh Hnahthialin district an lo ngiat ve chhen mai avangte hian an vote tam tak chu a heu dawn tih a chiang reng bawk.
Mahse hetiang hi ni mahse an vanneih leh na chu; sorkar hmasain an hmachhawp an chhunzawm duhlo thin ang kha an nilova; Lengpui Airport, Congress hmachhawp an puitlin leh Millennium building an han puitlin maite hian party dang awn ho vote tlem a zawng chu a hip ngei bawk ang.
Tumkhat taxi ka chuanna driver hnenah chuan Millennium Center kan tlan pelh dawn lai hian MNF-in Congress hmachhawp an puitlin mai chu ka fak mawlh mawlh maia. Ani chuan, “Hetiangte chu chhunzawm loh chi a ni hleinem, eng party pawh nise an chhunzawm vek ang chu, bakah hetiang takngial pawh an chhunzawm lohte chuan an nep lutuk ang asin,” a ti daih mai.
Congress: Congress-ho hi CM ho hovin an sorkar laiin khati khawp khan an tla na a nih kha. Kha kha hrerengin tan an la hle ngei ang. Central-ah an lal leh tawh avangin Central-a tlatlum thei tur tih chiang sa chu mipui paw’n kan vote hrehin a rinawm lo.
“NLUP kan sem leh ang,” an ti phei chuan 1995&96 bawr vela an thil sem lo hlawkpui tawh tute vote phei chu a hip bet lo theilo bawk. MNF-in mau chi tha an han sem ve, an hlawhtling leh vak silo hian Congress ho vote a ti rit sauh dawn bawk. An dinhmun chhiat ber laia Pu Hawla’n, “Keini chu engmah kan ni lo, cheng hnih zawr ang chauh kan ni,” inphah hnuai taka a ti khan mi rilru nemte thinlung chu a kuai kur dawn chiang.
ZNP: ZNP hi party naupang tak ni mahse, tunah MLA pahnih lai an nei ve tawh. Pastor Chhawna inlarnaa innghat an ni. An President Pu Duhoma (Duhawma ni awm tak??!!) chuan,”Hmar Arsi a tlak hunah ni a lo chhuak thin,” a tia, a sawi dik khawp mai. A la dik zel bawk ang. Mahse a innghahna Hmar Arsi (MNF) tlak huna anmahni (Ni) lo eng tura a rinna hi chu tun dinhmunah chuan a la theih rih lo niah ka ngai. MLA chu an nei pung mahna.
MPC: MPC hi Mizoramah chuan sorkar-na chelh zing ber anni hial awme. MNF leh Congress-in sorkar-na an siampui ve ve tawh. Term tin deuhthawin sorkar-na an chang ziaha, mahse Congress-in,” Ka nau puak a tal pita, ka chhuah ta mai,” an tia, MNF ho lahin, “Ka nau puakin min sik min sika, ka paw peih tawh lo,” tiin a thlauh lui ve dawp mai bawk si. A mala an din ngam bawk siloh avangin an dinhmun a chaurau hle.
MPC-ho hian thanmawhbawk lian tak pahnih an neih chu an President Pu Thena hi sipai bang a nih avangin a pa lutuka, mipuiin a hnung an zui zo lo deuh niin a lang. Party mipui ho lahin,”Mitha,” tiin an vawrh zel mai bawk si. An thanmawhbawk pakhat leh chu CM atana mitha an ngah lutuka, an sorkar hma hauhva CM tura an buai nghal mai hian an buk a tizang bawk.
MTP: MTP hi Mipui Tangrual Pawl tihna a ni. An hruaitute thlir phei chuan an that tlan hmel hlawm khawp mai. Mahse tuna kan thlan tur hi MLA a nih tlat avangin sorkar tur khawp chuan an chak zovin a rinawm hrih lo. MP-te chu nise 1998-a CCF Candidate Dr. H. Lallungmuana a tling nawlh mai ang deuh khan chance an nei tur a nia le. Engpawhnise thahnemngai takin ding zel sela lal hun pawh an la nei ve mahna.
Tunge tlinga in rin ve le?
Similar Posts:
- Tu nge i vote leh dawn le???
- Cong. Minister hluiin MNF a zawm
- MIPUI TANGRUAL PAWL Press Release
- Congress hi ka vote tawh ngai dawn lo a ni.
- MNF-in tling inring tawh lo?
June 28th, 2008 at 1:46 pm
kum tawp inthlan na ah t nge chak anc tih chu sawi a la harsa deuh a,but mnf hi an chak leh maithei,hnuhma hi an ngah ve riau a,kei in ka duhthu sam chuan pu.lalduhawma pawl te hi chak ve chhin se enchhin ve ka chak.mahse mizoram cm atan chuan pu.ht.sangliana ka duh ber,
Report this comment
June 28th, 2008 at 3:18 pm
Vote hmu tam ber an chak ang!! Tak taka Congress ho hi tu pawl emaw nena inmawngzawmin an chak ang.Mahse,ka hne; an lal laia zu heh,nula lawm,sum ngah ho kha an la ni tho si. Pu Lalduhawma hi CM atan chuan ka duh ber mawle.
Report this comment
June 28th, 2008 at 3:41 pm
Party tinin an in ring vek… CM atan Pu Then-a a pa ltk sipai bang tih hi an hrat a, mi mawl ngaihdan sawi mai ang ani in ka ngai. Kan ram hi en ta che u, communist hnuai a awm hial pawh a trul tawh mai thei insiam tha tur chuan chuta karah sipai bang e ke ba le lo la tih, thawk peih lo chu ei pawh ei suh se an tih ang deuh khan tuar peih loh chuan thil tha phut suh se ti ve se a dik in ka ring.
Ka rin dan ve mai mai chuan tling tur a zawng ni lovin, MNF hi an tlak chuan boruak a hot viau ang, inthlang vel dawn hnai ah pawh hian lo ngai chang reng rawh u, tharum thawhna – kut leh kut a han in chilh rawp rawp na a tam viau ang, sorkar lai an ni bawk, mi bo zawn tur pawh an awm leh mauh mai thei ani khawi khawi ah emaw ni chuan. Eiru kan tuarpui kan tuarpui kan tia, a lal zing ami ei ru lo pawl MPC awm chhun thlang tling thei si lo, ZNP chu an la rinawm tawk lo kan ti zel bawk si, a tawpah Congress ah emaw MNF ah emaw (pawisa nei leh hausa pawl ti mai ang) kan in tu lut leh nge nge a, mahni hlawkna umzui threuh kan nih ber hi kan ram hi chu ti mai teh ang.
Kan ram tan khian kan roreltu te khian enge an tih, airport leh millunium centre kan sawi rik dawn chuan, ngaihtuah mai mai tur chu, pawisa khimi kan sak na tur a kan hmuh ang ang hi hmang ta vek ila, millinium centre 3 vel leh airport(tun a kan neih ang level) 2 tal emaw chu kan sa chhuak thei ang. Lal deuh deuh in an tlan kual a, a tam zawkin pawisa ip an zen ru a chu chu ani mai.
Party pakhat awm se, Central hnuaiah awm ila, MLA leh Minister te chu duh leh nei ve tlih tliah ila chu chu duh thu sam chu ani..nih loh chuan kum 10 hnu velah chuan Ka party ka rawn din anga, party hiah hiah anga ni mai.
Report this comment
June 28th, 2008 at 4:19 pm
spikey i sawi dik ka ti,keipawh tumah rin em2 ka nei tawh lo,congresss phei chu,an pu hawla a nih chhung chuan,an thatchhe leh ngawt ang,kan ram zim te,mihring nuai khat pawh awm lohna hi zirtir kan har a rinawm lo asain mawle hruaitu chu nei tha ila, MLA tur hian misual ho hi in tha phian ang a…………
Report this comment
June 28th, 2008 at 4:35 pm
vote hmu tam ber ai chuan MLA tling tam ber an chak zawk ka ring ve ngawt..MP thlan ang ni hek lo le!!kanidari minerals lam i va sawi khat ta ve
Report this comment
June 28th, 2008 at 4:47 pm
Congress tling leh se ka ti ber mai…mahni sehna mual mual ah
Report this comment
June 28th, 2008 at 5:55 pm
party mal cuan sorkar siam k ringlo eee….
Report this comment
June 28th, 2008 at 6:14 pm
” Sipai bang a nia, a khauh lutuk anga ka tlin lovang” tih hi chu kan dawizep, dawthei, discipline lo, ah kan diklo hrim hrim tihna a ni mai.
Report this comment
June 28th, 2008 at 6:46 pm
Hetiang atan hian Poll plugin hi hman a hun toh em..??? chuan vote keuh zel mai ilaaa… Opinion lak nan a nuam zok lo’ng maw….???
Report this comment
June 28th, 2008 at 7:08 pm
@Wish_Bone: i sawi dik khawp mai, keipawh Mizo hi kanin discipline lo kati, Brig.Thenphunga Chief Minister lai khan Mizo hi kaihhruai that a tum tehreng nen mipui ho hian kan peih thawt lo alawm.
Congress ho term 2 chhung an han lal leh chiah a, Mizo hi thatchhe hnamah min chhuah ta der mai anih kha, Central lam atangin min tichhe turin FUND neuh neuh lo awm bawk nen.
Report this comment
June 28th, 2008 at 7:59 pm
Hemi ang topic hi ka van hmungun tawh
Report this comment
June 29th, 2008 at 12:17 am
Pu Thena vision hi zirchiang neuh neuh ila, a ril tulh tulh maiin ka hria. Congress sawrkar laia an rawt chhuah thingtlang lo neimi leh ranvulhmi te chhawmdawlna sum te kha mizote min tithatchhetu leh min tikhawlotu a ni. A ti a. Dik ka ti ta khawp mai tunah chuan.. Bul tanna Sum kan neih loh chuan engmah kan ti peih tawh lo va. Sum kan neih ang ang pawh tipuna rim taka hnathawh ai chuan awlsam taka lakluhdan kan ngaihtuah ta zawk a nih ber hi. A pawi a ni.
Tin, Engpawh ti dawn ila, industry, Factory, technology etc.. pawh POWER tha tawk leh duh tawka hman tur kan neih loh chuan hmasawnna a kal tak tak ngai lovang, a ti a. Bairabi khuah a rawt a, bul a tan hman, he project hian kum 10 vel a duh dawn avangin mipuite chuan a damrei nghah thil em mai, an tih san a.. tunah kum 20 a lo tling ta.. Power kan nei tha em? a va pawi em.. Khatihlai khan kum10 chhung project chu lo puitlin ni se..tunah a par kan tlan hem hem tawh tur..
Report this comment
June 29th, 2008 at 2:32 am
A dik ltk Zorun.. Communist eng ho berin emaw min lo luhchilh se, mizoram mipui a thatchhe an tih deuh bik phei hi chu vaw hrep hrep se kan that pui zawk ang. A hrim hrim in han en ila kan Vision hi a tawi thei eeee, thil hi kan nghahlel thin ropui sia, sawi chhiat hi kan awlsam ropui bok nen. I meng harh vek teh ang u, vote thlak thei rual kan ni vek in a rinawm, keimahni in ngaihtuah lovin, ram thatna zawk tur hre rengin vote thlak dawn pawhin.
Kan thil tih hnu ah kan inchhir leh thin a tlangpuiin, kan sorkar thlangah hian kum 20 vel kalta thleng atang khan kan hlim lo thin, kan soisel leh, tu thiam loh nge? keimahni vek ani, midang puh lovin mahni in en ila chu mai bakah vawikhat a vawikhat chu mahni hmasial miah lovin, ram tan vote thlak i tum teh ang u a..
Chumi party chu a thra ber e ka tihna ni lovin, kan vote thlak leh hun chu , hei hi kan vote leh chhin ti mai mai lovin vote ila, kum 5 danah anih hi kan vote.
NB: Pu Then-a sipai bang a khauh ltk ang ti ho chu, U Ngurte-a vawrh kai ila an hlim hlawm khawp ang chu maw. An in soi zak zak reng anga lolz!!
Report this comment
June 29th, 2008 at 2:53 am
congress an chak ka beisei ve tlat mai, MNF chuan term 2 an chelh tawh a mipui pawn an hne ve hrim hrim tawh ang chu.
Report this comment
June 29th, 2008 at 3:07 am
Chuan congress chuan an term hnih chhung khan enge an tih min lo silh zodin?
Report this comment
June 29th, 2008 at 3:09 am
@spikey : Pathian nung an be thin…lol
Report this comment
June 29th, 2008 at 3:17 am
spikey mipui hian nin chin an neih ka rin vang a ni ka ngaih dan mai mai a ni e, tih te chu an nei teuh tho ang chu sawrkar a piang te chuan tih an nei vek a lawm, ei ruk hi chiang tak in sawrkar a piang hian an ti vek ang tih chu hai rual a ni lo thung, politician (posilitian
) ka ni vak lo a kei chu.
Report this comment
June 29th, 2008 at 3:24 am
Zodin, nia i ti dik mahse tunlai ah hi chuan ei ru tlem thei sorkar hi mipui te kan in nghahchhan ani berin ka hre tawh. MNF ai khan Congress khan an eiru hnem zok asin, in thup thiam zok mai mai alom.. MNF ai chuan Congress chu an fing fe zok, mahni hmasial lo leh poisa duh tak lo ni se, ram min kaihruai tu tur atan chuan MNF ai chuan ka awt fe zok mahse ani si lo, an in eiruk siak ringot thin sia. Kum 10 chhung an lal kha a tawk, chutiang bokin MNF poh a tawk. Keichu ka ning chin level a thleng tawh der.
@luliana – nih chuan Pathian nung be threuh threuh in candidate ve mai ila..an eiruk chanve kan eiruk chuan ka hmingthra zok hrim hrim…
Report this comment
June 29th, 2008 at 3:33 am
@spikey : i ti dik khawp in ka hria..Congress hruaitute ho hi chu mi fing tak tak vek an ni, mahse ram hmangaihna tak2 nei hek lo..mipuiin an fin kan chelh lova, heti kan nih tak hi…
Report this comment
June 29th, 2008 at 3:41 am
Pu Liansuama phei chu a luah chauh thluak a awm lova, a pum ah pawh a awm, an tih thin tak kha mawle..lolz
Report this comment
June 29th, 2008 at 4:19 am
do police have the authority to arrest or disturb anyone who make no trouble???? a hria in awm chuan hetiang dan leh dun hi sawi thei in awm lo maw? ka lawm hle ang….
Report this comment
June 29th, 2008 at 5:46 am
suspect an man thei. Trouble siam kherlo an man theih dan chu, Buaina siam tum ni a an hriat an man thei. But, a chhan an sawi/hrilh ngei tur a ni. Public nuisance vang te pawn a in man theih tho…”who makes no trouble” i tih khian enge i mean chiah le…example han siam teh a…very interesting.
Report this comment
June 29th, 2008 at 9:26 am
Congress mi ngei MC. Lalrinthanga lehkhabu ‘Thudik Hailanna’ tih kha in chhiar chuan Congress chu Sawrkar tlak ni tawh pawhin ka hre lo a sin. Khang a thuziak te kha chhanletna awm mumal lo vek a la ni hlawm lehnghal a. Zoram hmangaihtuten Vote zawn nan Chakma te pawh district an pe hreh lo kha a ni si a.. Congress ah beiseina in la nei cheu ang maw?
Report this comment
June 29th, 2008 at 1:15 pm
congress sorkar khan Bairabi hydel project hi 1995 khan Bramaputra boardah reinvestigate turin bul an tan tir a,hetiang project lian hian hun a duh avangin kum 2000 december khan he DPR(detail project report) hi MNF sorkar hnenah State Guest houseah ropui tak a hlan ani, tunah clearance ngai zawng zawng tih fel ani in finance lamah an la tang.
Tun a chhim lam World Bank kawng kan tih mai pawh tih fel hma ani,Referral Hospital tur pawh tih fel hman ani, Lengpui Airport etc, sawi tur atam mai, Aizawl tui lakna tur phase 2..
Report this comment
June 30th, 2008 at 12:53 am
vawt thlakna tur ber pawh ka hre tawh lo…
Report this comment