Thu mawl te ka rilru a awm kan sawi ve lawk, kan ZORAM chhung a cheng hi MIZO dik tak chu kan ni mai lawm ni? Mi ram a awm na na min lainatna nei lo leh hmingthatna deuh hlek ah mahni chibil lam thin ho te hi kan unau te tih tih hi enge atul na?
An ram lah kan va neih belh sak awm chai si lo. An mangan hlek ah kan inpui pawh hi rawn tih ziah a ngai ka ti lo. Kut min thlak hrehloh chhung chu kan unau te an ni thei dawn em ni?
Similar Posts:
- Mizo leh Mizo tawng
- ‘Duhaisam’ hmangin duhthu ka sam!
- Mizo tawng hi engber nge dik ang?
- Mizo nih hi!
- Internet leh Mizo Identity
Nia, Like tur dik tak hi Like a ngai a...
September 7th, 2008 at 1:13 pm
ka tran che HecTor i vei tih chu ka hria e
Report this comment
September 7th, 2008 at 1:15 pm
Nia, a dik khawp mai.Mizo inti tha duh lo,mangan nia Mizo inti a min rawn bel leh thinte hi an ngeiawm a ni. Mizo a anga ban mai theih pawh an chakawm rum rum thin.Mahse Mizote inpui chu Mizoram a ni a,inpui luahtute hi chu rilru zau a ngaiin fate tla darh lo uaptu kan nih a ngai si a nih hi.
Report this comment
September 7th, 2008 at 1:20 pm
enge i rawn sawi chhan khi? Burma mi nge Hmar ho nge mizoram pawna awm hrim hrim ho? Chiang takin sawi law law la, psychic kan ni hlei nem , i rilru a i huamtir kha i sawi chian loh chuan kan rawn hriat pui lo che.
Tin, Mizorama chengte chauh mizo annih chuan bawngchawphur Bahadura te, mutria Murmu te kha mizo anni ve ta tihna ami?
Report this comment
September 7th, 2008 at 2:07 pm
Nia TruckToR i sawi chianglo e, Mizoram chhung a cheng chauh i tia. I sawi tum hriat a har a lawm, Mizoram a chenglo i tih te chuan keipoh Mizo-ah minlo chhiar tawh vaklo tihna ania. Mahse i sawi tum ni awm a ka rin, Mizoram mi leh sa nilo Mizoram chan chhiat lai a mi rama min pem san tu te i tihna a nih chuan keipoh i ngaihdan khi ka pawm pui che.
Aryan sawi ang doh hian Mizoram chhung a awm Mizo a i chhiar vek dawn a nih chuan Bahadura te, Murmu te Mizo an nih vek a ngai dawn a sin.
Report this comment
September 7th, 2008 at 2:09 pm
RAM leh HNAM i sawi pawlh deuh a ni mai thei… identity sawi dawn chuan sawi pawlh chi a niloh hmel.
Report this comment
September 7th, 2008 at 2:10 pm
@Hector, “thu mawl te” i tih angin a mawl tawk thawkhat khawp mai. Tiang rilru kan put chhung chu kan hnam ka ram hi kan ding chhuak lo ang. In nghirngho leh in erna-in kan khat reng ang. Vai kutdawh pawh la zat lo keini Mizo tlemte hi international boundary-in min thenhrang vang hian kan thinlung hi chu i in thenhrang lo hram ang u.
Mizo identity-ah hian i la chiang lo hle a ang.Mizoram chhunga cheng Vai, Tuikuk & Gorkhali te hi Mizo i ti ngai em? Lushai, Lai, Kuki, Hmar, Paihte, Zomi, etc..chintin te hi kan zavai hming atan Mizo tih ni a. Kan zavai tawng a tan Duhlian/ Lushai tawng hi Mizo tawng a tan hman a ni a. Mizo zinga chi peng hrang2in mahni chi tawng te te kan nei nual bawk.
Ram dang, hmun dang & khaw dang a an awm a vangin an Mizo nihna a bo deih i ring deuh nge? Mizo tawng [common language] an tawng/hman ve loh vangin Mizo an ni loah i ngai nge?
Thiltha lo titu thenkhat a vangin midang zawng2 pawng hmer tel vek lo i la, rilru fim leh zau zawk nen fing takin kan hnam hi in pumkhat & luangrual takin ke i pe ho zel ang u.
Report this comment
September 7th, 2008 at 2:17 pm
Mizo ni duh zawng ni ila; ani duhlo zawng nilo maise a tha ange!
Report this comment
September 7th, 2008 at 2:41 pm
keichu ka bang..hetiang hi chu post tawhlo ila a that ka ring……
Report this comment
September 7th, 2008 at 3:20 pm
Hector..mizo ka ni, mizo koppui neih ka tum bok..Mizoram a awm kher eroh ka tum hran lo, chance te ka hmuh a, ram changkang zok a ka om theih don chuan..mahse mizo ka ni a, ka ni kumkhua don…
Report this comment
September 7th, 2008 at 4:17 pm
but let us not forget… everyone is an individual being
Report this comment
September 7th, 2008 at 9:09 pm
India khua leh tuiah hian chiang ila, chu aia pawimawh leh chu Mizo khua leh tui hi a ni bawk. Chhan leh vang hrang hrangin Mizoram chhunga piang leh seilian te chu ram pawnah chhuakin an vak vel a. Mautam leh Rambuai avanga ramri pel rawka chhuak te pawh an tam hle. Chutiang mi te chu mi huaisen pasaltha ram vak tluka ngaih theih pawh tam tak an awm. An va awmna khua leh ramah nuam sa takin an va awm mai lo. Harsatna chitinreng tuarin in leh lo a han din a, mikhual tha mi nih tumin kawng engkimah tlawmngaihna leh zawldawhna thinlung a neih a ngai bawk. Chutiang Mizoram thisenin a hrinchhuah Mizote hi ramri pela khawsa Manipur, Kale7Kabaw phai, Tripura etc.. ah an thahnem hle. Tin, kan lo hawizau deuh hnuah Ram changkang zawka pem leh awmhmun in bengbel pawh kan thahnem ve ta fu. Mahse, Mizo Hnam te ram chu Mizoram chauh hi a ni. A then chu Delhi, Mumbai, Bangalore lama piang leh seilian te kan ni thei e, a then chu Tahan leh a chhehvela piang leh seilian pawh kan ni thei e. A then chu, USA leh Europe vela piang leh seilian te pawh kan la ni nuk ang. Mahse, Juda hnam te chu khawiah pawh awm se, Juda an ni reng tho ang hian, khawiah pawh awm ila, kan Mizo nihna leh kan Mizoram mi nihna hi a bo thei chuang lo. Chu chu Kan thlahtute thinsen hnutchhiah eng ram nationality mahin a tihdang lam theih loh chu a ni.
Tin, India danpuiah pawh Nu leh pa india khua leh tui ni si, ram danga piang te chu India khua leh tui an la ni vek a, chumi te fa te thleng chuan India khua leh tui nihna an la nei thei a ni, tih a ni a. Chu aia la pawimawh zawk chu Mizoram khua leh tui, pi leh pu atanga kan rohlu nihna chu a ni.
Mahse, tu pawh Mizoram hmangaih lo va, suahsual bawl zawnga a khawsak a, Mizoram khua leh tui tha mi a nih duh loh chuan a duhthlanna ramah awm mai se, a tha ber ang.
Report this comment
September 7th, 2008 at 10:00 pm
He He He, mawl tha tek tok ve………….ummhh, in van comment thiam zok, omzia ka man maplo
Report this comment
September 7th, 2008 at 10:15 pm
a thu a mawl ang bawk in a post tu pa mawl zia a hmuh theih mai awm e.
Report this comment
September 7th, 2008 at 11:02 pm
A ziaktu hian Mizo a hrelo a ang… a tawngvai a ni mai lo maw
Report this comment
September 7th, 2008 at 11:06 pm
A duh tan chuan a hriat theih khawp ang tunlaithil thleng atang pawn mizo , mawl min tih pawn ka hre thiam tho e, abik in mizoram a seilian leh mizo mize hre tan chuan
Report this comment
September 8th, 2008 at 1:28 am
MIZORAM mi hmun hran a awm te ka sawi na ani lo abik in manipur leh burma a cheng zohnah thlak kan tih ho ka sawi na anih deuh ber e, in hriat thiam duh phawt chuan, 1986 hnu lam ah hi chuan hel leh buai na tam zawk inthahna leh rukruk thil hi kan ramchhung a cheng te tih nge tam state hran leh burma ram atanga min rawn ti buai tu te chhut ve mai mai teh u.. mi rilru ka tihnat chuan ngaihdam ka dil e
Report this comment
September 8th, 2008 at 3:52 am
kei chu ka ngaihdan chuan hector thusawi hi afiah tawk a dik ka ti bawk,MIZO tih lo chhuahna hi ala rei vak lo niin alang .sap lo lut hmasa te khan Lusei ho tiin min sawi mai thin a,kan ram neih ve chhun pawh Lushai hills tih ani thin.Chuan kum 1954 atang chauh khan Lushai hill tih chu MIzo hill tih athlak chauh ani.Chuvangin hmanlai lai kan pi leh pu te khan mizo an lo inti thin reng em tih hi ahriat ta lo ani.lo inti thin se chuan sap ho khan mizo min ti nghal mai lo maw(hei hi hre chiang chuan han sawi ula.)
Kei chuan MIZO ka tih chin chu MIZO kan in tih atanga Chhinlung chhuak hnam Mizoram a khawsa chin zawng leh mizoram pawna kan thlahtu thuhmun ho(paihte,pawi,hmar,lai)ho pawh mizo inti duh chu mizo an ni vek ngei e.Mahse chhinlung chhuak theuh2 pawh mizo inti duh lo a Zomi inti lui tlat ho ang chi hi chu mizo an nihna ka hre tlat lo.Thlah tu hmunkhat chu kan ni ngei e,mahse MIzo kanin tih dawn khan rawn an ni kher lova,duh pawh an duh hek loh chuan enge Mizo in ni e kan va tih chhen ni?
.Chuvangin Hmar ho zingah pawh mizo an awm a mizo nilo pawh an awm,chutiang bawkin pawi paihte,kuki,etc zingah pawh.
Avrahama kha Israel hnam ani lova Israel te thlah tu chu ani.Israel hnam chu Jakoba atang chiah khan chhiar ani tlat.
Report this comment
September 8th, 2008 at 4:00 am
Heta mizo tia ka chhiar chin te hi chu khawi hmunah pawh,kawlkil tawp ah pawh awm se,’mizo ka ni duh tawh lo e’ati anih lo chuan mizo ani chatuan ang tih hi ka ngaihdan ani bawk.
Zorunpuia,;mizo/mizoram khua leh tui nihna khi i dah pawimawh viau a.kei chuan mizoram khua leh tui ni kher lo pawh,entirnan,Ram hrang2 amizo awmte mizorama vote nei kher lo leh India ram luh dawna visa lak ngaite pawh mizo ani thei tho tih hi ka ngaihdan ani.
Report this comment
September 8th, 2008 at 4:15 am
Taia-pa thu hi ka tawmpui e. Chu ti ni lova Hector ngaihdan anga kan ngaih dawn chuan ka fapa (America-a piang) hi Mizo huang pawnah dah a ni mai dawna a rem thei tlat lo.
Report this comment
September 8th, 2008 at 5:56 am
@taia-pa i ngaihdan hi ka trawmpui che.
Mahse ka’n ti ve teh ang,mizo tih hian a huam zau a,ziakah phei chuan ka hre chiang ta vak lo a(mizo history lama tui leh hria kan awm chuan rawn post hial thei ula a lawmawm viau ang ),heng Lushai,pawih,lai,hmar,ralte,mara,kuki,paihte…… a tam mai, kan duh emaw duh lo emaw mizo kan ni vek.Engmah in min thren hrang thei hleinwm.Lo in la hrang pawh nise mizo an nihna a bo chuang lo.An hnamah an chian loh vang a ni mai….Duh leh in ti hrang mahse kei chu mizo ka ti tho..Mizo hnuaia hnam zawng² te chu ziakin chhiar theih in a la awm e..A lehkhabu kha ka neihna a rei toh a,ka kawl remchang tawh lo a,ngaihdam ka rawn dil nghal e….
Report this comment
September 8th, 2008 at 11:55 am
Aw Lalpa, a ngai bawk..!!
Report this comment
September 8th, 2008 at 4:18 pm
taia-pa thin hi aw…. i kawment 17 na khi ka chhiar a…. Mizo tih hi Chanchin bu ah chuan 1900 ah khan Mizo Laisuih a chhuak tawh a, tin, Mizo tih tawngkam hi Mizoram atanga piang chhuak a ni tih hi a chiang lo bawk. Zorun hian ahria em ka hre law mahse, Mizo Laisuih chhuah hma daih khan Bangladesh ah Zawngrang pakhat (sap pa) in a lo hmang daih tawh tih mi hlui ten min hrilh nual. Tin, Mizoram pawn a mi ten Mizo an intih duh chauh in Mizo an ni lo tih hre bawk ang che. Mizo tawng kan tih hian tawng thei ve lo mahse, an hnam Paite, Hmar, Lusei,Mara, Lai etc a nih chhung chuan Mizo kan nilo pawh tise, English chauh emaw, an hnam bil chauh pawh tawng thei mahse, Mizo an ni tho.
Report this comment
September 8th, 2008 at 5:33 pm
vangchhia thin hi a,.1900 ah pawh cuan mizo loin ti tawh mah ila,tiau kan kan hma khan kan inti meuh em?tuna mizo hnamzingah hian,hmanah cuan Lushei ho nena in unau cu soi loh inhua a,indo reng thin an ni zawk si a(pawi,paihte,ralte etc) nge khang hunlai pawh khan MIZO na ah cuan an lo inti pumkhat reng zawk ni?Sap ho lo kal hma khan Mizo l in ti toh ila çuan ihe lo vin sap ho khan mizo min ti ngei ang.Chuvagin mizoram pawna chhinlung chhuak awmte,mizo nihna a in chhung lut ve duh lo te(tawng ka soi lo) hi chu Mizo han tih luih talh dan ka hreve lo ve.ka rindan hi a dik loh a,tiau kan kan hma atang reng a tuna mizo hnam pumpui hi Mizo kan lo inti toh a nih a ,i finfiah theih bok cuan i gaihdan khi ka tawmpui hmak thei ce.tin,’mizo laisuih’ka hre gai lo a ‘laisuih’ tìh rigot eroh ka hria.ka hresual m?
Report this comment
September 8th, 2008 at 6:00 pm
@Hv&taia-pa:A nih loh leh mizo hnamdang nei ho fate hi mizo an ni thei tho em? an nu or pa te kha hnamdang an ni bawk sia.
Report this comment
September 8th, 2008 at 6:07 pm
Mizo Identity hi hriatthiam awlsam tak si, hriat dik loh palh erawh awl ve tak a ni bawk a. Mizona chu tawngah emaw kan tih laiin thenkhat erawh chuan Mizoram chhunga Mizote kan ti deuh bik ni te pawhin alang a. Mizoram chhunga kan awmna hi kum 300 awrh chauh a la ni a. Lushai leh ah thuihhruaiten Mizoram an luh hma hian Hmar leh Kuki thahnem tawk tak an lo awm tawh tih kan hria a. Thlang thla hmasaten an thlak belh zel an bawkin Tiau ral atang pawhin an rawn tla ve zel tih Bengali ho thuziakah kan hmu thei a, chu chu Kuki leh New Kuki tih chanchinah. Benggoli ho chuan Kuki min lo ti mai a nih chu.
Lushai group chu an tam tham a, lal chikhatin a ho vek avangin an lung pawh a rual hle a. Mizoram lo luah hmasatute zinga thlang tlak zel lem lo Kuki leh Hmar thenkhat te chu an umchhuak a, Tin, chhim lamah Kaladan ral atangin Lai unaute leh Mara unaute an lut ve bawk a. Lawngtlai leh Saiha velah an in zarpharh ve bawk a ni. Lai group hi Zathang lalten an ho hlawm a, Chinzah zingah pawh lal an awm ve zauh zauh nia sawi a ni. Zathang lalte hi Kaladan luiral lam atanga lal daih tawh an ni a, unau piang tlang ngei ngei te pawh an lalna tlang a dang hle, a then Kaladan luiral lama lal an awm teuh laiin Lawngtlai leh a chhehvela lal pawh an tam hle a ni. Hmanlai chuan ramri awm hek lo.
Chutiang zelin Mara te pawh an ni vek a. Chin hills lama Lai leh Mara ten Mizoram chhim lam hi an luah ve tho a nih chu.
Hmar lamah Sailo leh an thuihhruaite an awm a, Selesih sangsarih an tih thin khua atanga an darh hnuah Rolura thlah leh an thuihhruaiten Chhim lam an pan a, Tuna Lunglei thleng hian an in zarpharh ve ta a. Hmar lamah Lallula leh Lalmanga thlahte an awm bawk.
Tichuan, hun a lo kal zel a, khua leh khua an indo chang a tam hle a. Lusei leh Pawih indo chang te, Paite leh Lusei te, Pawih leh Paite te etc.. pawh an into a, chumai chu a ni lo va, Sailo leh Sailo pawh an indo a, Chhim leh Hmar indo thu kan hriat a rinawm a, CHhak leh thlang indo pawh kan hria ang, Sailo leh Sailo indona vek a ni. Lusei leh Lusei pawh an indo tihna a nih ber chu. Chuvangin kan pi leh pute hunlaia indona kha Chibing leh Hnam khat inkara thu inchuh vang emaw ram inchuh vang emaw nupui/pasal inchuh buai vanga indo an ni deuh ber a. Hnam hrang nia an inhriat vang emaw a indo an ni ngai lo. Pi leh pute huna Hnam dang an tih te chu Kawl emaw Vai emaw Meitei emaw an ni a. Pawih emaw Paite emaw Lusei emaw Ralte emawten Hnam dang an inti ngai lo tih a hriatna em em chu nupui pasal thuah an inneih pawlh reng rengin Hnam dang neiah an in ngai ngailo tih kan hmu a. Lallula chuan a fapa Lalpuiliana nupui atan Tiau rala Zahau lal fanu Khuangtiali an han bia a, tih te kan hria a. Hnam dang nula an han zawnga tih emaw Hnam dang nupuiah a neih tira tih emaw a awm ngai lo va, Zahau nula an ti mai thin. Chuvangin Zohnahthlak reng reng te hi hmanlai atang tawhin hnam dang an inti ngai lo.
Tin, hmanlai pitar leh putar ho meilum aiin an titinaah keini Mizo ho hi chu, tia inchhal an awmna hi kum 1890 vel daih tawhah khan a ni a. Hun a lo kal zel a, Lushai hills chu Mizoram a rawn ni a, heta Mizo tih officiala hmang hmasa bertu Mizo Union Party te ngei ngei pawhin Mizoram tia an thlak dawn khan Memmorandum felfai tak ziakin kum 1948 khan Mizote ram chin leh Mizo hnam chin chu detail tawkin an theh lut a, chutah chuan, Hmar,paite,Kuki,Lusei,Ralte,Lai etc.. hi kan tel vek a. MIzote ram luahchinah pawh Chin hill leh a chhehvel bakah Chitagong hill thlengin an huam tira Mizoram ten an thlunzawm vek bawk. Kha kha Mizo tih leh Mizoram chanchin an sawifiahna hmasa ber chu a ni. Mizo zinga MA hmasa ber Khawtinkhuma kha President a nih lai niin ka hria.
Hun a lo kal zela India leh Burma a independent a, Bangladesh a independent ve ta bawk a. Mizoram nia an sawi thin leh Mizo hnam nia an chhal chinte awmna chu phel phak phak a lo ngai ta a. Unau piang tlang ngei ngeite luah ram chin te pawh a then India ah a then Burmaah a then Bangladesh ram chinah a awm ta hlawm a, chu chu Lawngtlai lama Zathang hnam ho chanchinah fiah takin chhiar theih a ni a. Tiau lamah Lusei ho luahram chinah fiah takin chhiar theihin a awm bawk.
Kan pu unaute thlah ho hi Mizo ve lo hiala ngaia Hnam dang tia diriam mai thei kan ni ang em? tih hi zawhna lian tak a ni thei ang a, an ni pawhin an pu unaufa te hi hnam dang tiin min rawn kawk sak sak se kan lung a awi chiah ang em? ngaihtuah tham a awm e. Hnam hi kan awmna national identity hi a ni lo va, kan Hnam nihna ber chu Thisen leh inthlahchhawng zel thil hi a ni. Chuti a nih loh chuan Indian Identity nei zawng zawng hi Hnam khat an ni tihna a ni ang a, Hnam khat ni siin Hmel leh sakhua hrang hrang history hrang tak tak nei an lo ni dawn tihna a ni. Chutiang zelin ram danga cheng te pawh.
Mahse, keini Mizote chu Pi leh pu atanga thlahtu khat, thawnthu intawm, serh leh sang in hmanpawlh, thi leh ruam khatah, dam leh tlang khata ti thin hnam ngei kha kan ni.
Report this comment
September 8th, 2008 at 6:25 pm
A tawp nan kan sawi ve leh lawk. ka rawn tarlan chhan tak chu helna leh inthahna te rukruk te hi kan ram chhung a awm te tih duh loh hreh miah lo a ti tu te ka rawn sawi chhan ani e.MIZO ti a, hriat kan hlawh tanna tak chu kum 1946 april ni 19 a Mizo Common People’s a lo pian atang hian anih hmel. a hma zawng hi chuan keini LUSHAI DISTRICT leh PAWIH & LAKHER REGION a then hran kan ni thin
Report this comment
September 8th, 2008 at 6:37 pm
Mizo Comon People dintu kha R.Vanlawma a ni a. Mizo Hnamchawmte tihna a ni a. Kha kha an ngaihtuah chinin a huam zim bakah lal te an thurualpuite an huam dawn loh avangin tha an ti ta lo va, reilo teah Mizo Union tiin an thlak leh ta kha a ni a. Mizo tih an hmanna chhan ber pawh Lushai chu Lusei tih atanga Sap hovin an hmanna mai nia an hriat avang leh Lushai nia in ngai chiahlo mi tam tak an awm a. Mahse, pi leh pu te tapzawl ti ti khawchangin “Keini Mizo ho hi chu”, tia Chibing bik awm lo va, an lo sawi rik thin chu Pu R.Vawmlawma te hian Party hmingah rawn hmangin Lushai hills leh a chhehvel a mi zawng zwng huamin Mizo People tiin hnam dang an hmelhriattir tan ta a ni a. Ka sawi tawh angin Mizo tih an sawifiahna leh Mizoram an sawifiah dan kha hriat hmasak a fuh hle ang.
Tin, Mizo tih a lo pian khan, a dintuten huam zau tir hle mah se, Lushai hill chhung atanga rawn vawrh lar mai a nih avang leh Party politic mai nia hriain Zohnahthlak mahni chibing hming la pu tlat tam tak chuan an pawmpui hleithei mai bik lo va. Hei tak hi Mizo Identity buaina ber chu a ni.
Report this comment
September 8th, 2008 at 7:21 pm
@Zorunpuia: I ziak thra thei hle mai. I rilru put leh I ngaihdan pawh a zau hle mai.
Mizo identity sawi chuan kei pawh hi ka bo ang reng khawp mai. Chin-Kuki-Mizo ka ni ka in ti tawp mai zel a.
Kan thlahtu Pu Luseia a nih avangin Lusei (Mizo) ka ni a, mahse Burma a piang leh seilian ka nih avangin Burma mi (Mizoram lam threnkhat ten Hngapi min tih hi ka ni leh si a) ka ni leh a, Burma ah chuan ka identity chu “Chin nationality” hnuaiah khung ka ni leh bawk si a. Encyclopedia Americana ah chuan Kuki hnuaiah min khung leh vek bawk si a….
“Zo” tih hming hi chu Tuan leh Mang hun lai tawh a kan hming ni turah ka ngaia, ka ngaina vio mai.
Report this comment
September 8th, 2008 at 8:41 pm
zorunpuia-@kan pi leh pu kum 1890 hma jlam a mi kha lo tho leh se mizo ka ni an tih ka ring miah lo.Tap zawl ti ti a keini mizo te chu tìh poh hi thu phuah mai niin a lang.Tin,mizo tih a pian rual hian mizo tawng poh a piang ve nghal a ni gei ang.mizo tawng pawh hi pi pu te hun lai chuan Duhlian tawng tih a nih kha.
Report this comment
September 8th, 2008 at 9:04 pm
Hetia mizo atanga kan chhinlung chhuak unau thenkhat ka paih avang hian kan unau te an ni lo ka tihna a ni hauh lova,thlahtu thuhmun,chhul khat chhuak kan ni reng tho.Duh vein theih se mizo inti vek ila ram khatah cheng zain,tawng thuhmun hmang vek ila a va nuam dawn em.chin hoin identity hran an nei ang bokin mizo pon kan nei.engtikah emaw cuan chhinlung chhuak hnam hrang2 te hi mizo identity ah hian lungrual takin kan la in chhungkhawm mahna.chutih hunah chauh cuan mizo kan ni vek ang
Report this comment
September 8th, 2008 at 10:07 pm
A tawp nan ka ti zet tawh na a, taia-pa hi ka fak lo thei lo . comment then khat ten mimawl min ti pawh kha ka thiam tho che u, zau taka thil thlir thiam hi a finthlak , ka ram ka hnam ka trawng ti duh lo leh kan MIZO te ngei kutthlak a thah pawh hreh lo na na chu kan ti leh talh teh ang.
Report this comment
September 9th, 2008 at 1:49 am
Mizo or ZO tih kan hman tanna hi a rei tawh hle a nih a rinawm a. Official chuan hmang chiah lo mah se, Prof. Catxian Beng, Head of department, History, Shanghai University-in Tibet tih Buah Tibet te leh DZO te an indo thin thu a ziak a. Great wall of China siam laia China Lalropui, Sihwangti khan tihluih hnatlang (Force Labour) atan mipa puitling kum 21-60 inkar hmun thuma a hmun hnih, thawk tura a phut luih thin a chu, an hnial avangin Sihwangti chuan a umdarh a, chu chu , B.C 214 a ni a ti. Heta DZO tia Prof. Catxian tarlan hi Zo tia dah tur ni awm tak a ni a. Mahse, an mahni Chinese tawnga dah a nih miau avangin DZO tiin a dah ta mai niin alang a. Hei hi kan Mizo history chhui hlat theih ber nena inhmeh ber a ni a, hei aia kan chhui ril leh chuan Chhinlung leh a chanchin a ni leh a.
Tin, Tuna Chin Hills, Arakan, Sagaing Division, Southern Manipur Hills leh Lushai Hills North Cachar Hills, Hills of Tripura, Chittagong Hills Track huamchhung, Sapina Chin-Lushai Country an tiha chengte hi, Encyclopadia Britinica, 1768-a chhutah chuan “DZO” Dynesty tiin a ziak a ni.
A hnu fe kum 1880 vela Mizote chanchin zirchiang a, Duhlian dictionary hial lo siamtu Major T.H Lewin (Mizoten Thangliana kan tih kha) khan Zofate thlahtu bul chu DZO or Zo hnam a ni e, tiin a ziak ve bawk.
Tin, Mizo Lal ropui Lallula (1730-1807) chu Zopui khuaah awmin run kama Siakeng ho a han run a, hlawhtling taka a lo haw chu hlaah a chawi a:
Zo khaw val hnamchem kan chawi,
Mangngul ar ang kan sahna,
Run kuamah aw e, tiin. Hei hi 1755 vel nia sawi thin a ni a.
Tin, Zopui khuaa a chen lai vek hian Thlanrawtho a rawt chiam a, chu chu hlaah bawk chawiin:
Kan Zo khua hi dem lo u,
Thlanrawn thlunglu kan lakna,
Phanpui zur nguai e, tiin. Mizo tih hi hla thuah tun thlengin kan la hmang ngai mang lo va. Zo tih erawh a tam hle thung a. Mizoram pawh Zoram kan ti zel ang bawk hian Hmanlai atang daih tawh hian hla thuah Zo tih an lo hmang nasa em em tawh a, chuvangin Mizo tih pawh hi a ri nawk tawh ngei ang. Bengkhuaia leh a hoten kum 1871 vela Sap naupang an man pawh Zoluti tiin an ko nghe nghe a nih kha.
Tin, Mizo history ziaktu lar tak Pu K.Zawla chuan, “Ni khat chu pa pakhat hian sanghal muhil lai mau feiin a vit hlum a, ‘Keimah Mizo pa, phulraw chawia sa tin kap a’ tiin hla a phuah a, Zomi tih aiin Mizo tih chu a lar tan ta hle a, heta tan ghian Mizo tih hi a lo chhuak ta niin upaten an ring” tiin a ziak a. Hla hlui dang pakhatah pawh:
Chhaktiang Mizo pa,
Phelraw chawiin sa tin leng kap e.. tih hla kan hmu a, He hla hi Dr. R. Zokhuma chuan “Ai a e” hla niin a hria a, Tiau lui thlang lama chhuak chai hla niin a sawi.
Tin, “Mizo leh Vai Chanchin Lehkhabu” pawh kum 1902 khan a chhuak daih tawh. Chuvangin Mizo Union or Mizo Common People tih lo chhuah hma fe hian Mizo tih leh Zo tih chu an lo hmang daih tawh a ni, kan ti thei lawm ni?
Report this comment
September 9th, 2008 at 2:04 am
Kan belh leh mai ang e. Ka Pu Hrangchhuana, Ngopa lalin kum 1920 vel daih tawh khan Aizawl Bawrhsap hnenah lehkha a thawn a, an vua leh vang te lalna tlang leh khua te a hrilhfiahna a ni deuh ber a, an thlahtute chanchin tlem nen, chutah chuan Lushai Hills tih aia Zoram tih a hmang daih tawh a. He Lehkhathawn hi eng eng emawin an haichhuak a, tunah hian Electric Veng YMA President Pu Liansanga’n a kawl a, chhiar duh emaw en duh emaw in awm chuan fimkhur taka chhiar theih a la nih ka ring a, Kutziak ngei a ni.
Report this comment
September 9th, 2008 at 2:08 am
Helam subject hi ka hriat loh lam..mahse ka lo chhiar a ngaihnawm ..thilzirnan misual hi a lo that hi.. ziak zel teh u, naktuk a chhiar zawmah
Report this comment
September 9th, 2008 at 2:14 am
Pu Elcee chu i la mu na nge? nu ber lung a awilo ang e, mu tawh rawh..a ti myself’an..
Report this comment
September 9th, 2008 at 2:15 am
ka sawi peih tawh love keizawng…..
Report this comment
September 9th, 2008 at 2:16 am
OK..mangtha tak tak.. ka mu dawn, kan nun min ko reng mai..he..naktuk lamah kan chhunzawm leh ang..
Report this comment
September 9th, 2008 at 2:36 am
“Mizo Chanchin Laisuih” tih chanchinbu hi kum 1898 khan Kutziakin a chhuak a, Mizo tawnga chanchinbu chhuak hmasa ber a lo ni ta a ni. Hei hi mimal ta emaw enkawl emaw a ni lo va, Sawrkar chhuah a ni. Sawrkar thupek lam a chhuak tam. Tin, “Mizo leh Vai Chanchinbu” hi kartin chhuak chanchinbu hmasa ber a ni a, Aizawl Bawrhsap : Shakepear-a chhuah a ni. Kum 1902 atanga tanin. Kum 1937 atanga a tawp 1941 thleng khan Pu Lalkailuaia Sailo leh Pu Sainghinga te Editor an ni veleh thung.
Tin, Kohhran lam atangin “Kristian Tlangau” a chhuak veleh a, hei hi Upa R.Dala leh a thianten October 1911 atangin an chhuah tan a. (Upa R.Dala hi Mizopa USA thleng hmasa ber Rev.Dr. Lalthanliana pa a ni) Editor hmasa ber pawh Upa R.Dala hi a ni a. Kohhran rawngbawlna chanchin bakah khawvel chanchinthar telh thin a ni a. A phek tawp lamah YLA (now YMA) chanchin tlem telh thin a ni bawk.
Report this comment
September 9th, 2008 at 3:05 am
Zorunpui hla thu i rawn tarlana ZO tih tam tak khi chu tuna kan khel mek Hnam lampang sawina niin alang lo entirnan”Zo khaw val hnamchem kan chawi”,kan Zo khua hi dem lo u,”tiha zo an hman khi ‘hmunsang leh nuam,thlifim tleh heuh heuhna ‘hmun asawi na ani zawk tlatin alang.”In khua chu a zo hle mai”kan tih chuan in khua hi in mizo hle mai tih na lam ni loin,a khaw hmun awm dan a sawina zawk ani
kum 19011 census ah khan Ralte 10411,lusei 36332,Paite 2870 pawi/lai 15038,ralte 10827,MIZO-NIL ani a,heng hun lai hian Mizo loin ti tawh se chuan MIZO tih mai hlawmtur ani.Kum 1961 ah erawh chuan hnam dang chu hmar 3118,mara 8790 leh lai 4587 bak zawng chu Mizo inti vek tawhin mi 213061 lai an lo ni ta ani.1961 chhiarpuiah pawh hian hnam thenkhata mi thenkhat chu mizo ah an la lung awi lo tih ahriat hle.Tunah erawh Mizoram chhung ahanm hrang hrang te hian mizo ah lungrual in MIZO tiha ani tawh.a lawmawm hle.
Engpawh ni se Zo tih hi hmasang kan pipu te hun atang tawh lo awm tawh pawh ni se.Mizo tih erawh hi chu a la chhuahna rei vakin alang lo tlat.tuna Mizo tawng pawh hi kan pi pu te hun lai Mizo tih chhuah hma chuan DUHLIAN TAWNG anih tlat kh amaw.
Report this comment
September 9th, 2008 at 3:34 am
Mizo History chuanna ka han tarlan ho kha han chhang ta che? Tunah pawh Mizo kan ni kan intih laiin kan hman chu, ralte, sailo, hnamte etc.. kan ti den den reng tho alawm. Mahse chibing in kan kal lo va, Mizo angin kan awm khawm mai a ni. A awmzia chu Lushai chu Mizo ah kan let hmak tihna a ni. British hunlaia Lushai an tih kha tunah Mizo tiin kan let a. MIzo chhungah chuan Lusei te, Ralte te, Pawih te, Hmar te, Paite te kan awm khawm a nih ber hi. keiin ka han tarlan duh zawk a chu Kan Identity leh Mizoin a huam chin a ni zawk. Lushai tih Mizoa lettu Mizo Union ho thuziak a chung lama ka sawilan khi chhiar tur i hmuh chuan lo chhiar hmasa la, Mizo tih hian eng chen nge a huam a? Mizote chu tutenge? tih i hre theiin ka ring.
Hmanlai deuha chibing te te a dialect hmanga khaw hrang te tea an awm lai khan an hnam pum huap thei tur lam an ngaihtuah pha lo vang a, tuna Zohnahthlak hmun hrang hranga la awm te ang hi an ni. British te khan min awp khawm ta a, Lushai hills min tih sak a, chu chu Mizoram tiin kan thlak a ni ber. Mahse, a chhunga cheng te chu Lusei, Lai, Paite, Hmar, Ralte etc. kan nih tho avangin Lushai hills huam phak loh Lusei, Ralte, Hmar, Paite etc.. te pawh Mizo an ni tho dawn lawm ni? chu chu MIzo tih vawrhlartu Mizo Union ho sawifiah dan pawh a nih kha.
Report this comment
September 9th, 2008 at 3:48 am
Tin, Zo tih hi hla thu a hmun nuam emaw tlang emaw sawina nia ngaih hi a dik zan lo. T.H Lewin lehkhabu (1880?) Prof. Catxian lehkhabua B.C 214 vel daih tawha chanchinah DZO tia hriat an nihdan a dah te, Encyclopadia Britinica 1768 daih tawha DZO Dynesty tia min lo record dan te, History ziaktu lar Thomas Herbert Lwina ziak “The Fly on the Wheel” tih lehkhabu page 246 a, The whole Generic name is “DZO” tia a lo dah te hian tuna Zo i tih ang ngawt hi chu an sawi tum a nih hmel loh hle.
Zohnahthlak hnam tinah hian Zo tih hmingpu an tam hle. Bawmzo, Laizo, Zomi, Zotung, Zophei, DZO, Miyo, CHHO, Yo Achho etc.. tia hnam dangin kan chanchin an ziahna te pawh hi chhiar tur a awm zauh zauh.
Zo tih hi tlangram emaw hmun sang emaw sawina chauh ni teh reng se, keini aia tlang rama awm leh tlang sang zawka awm hnam dang te hian Zo tih an hmang uar hle ngei ang. Mahse, Zo tih an hmang ve hauh si lo. Chuvangin Zo tih hi kan identity chhui thui theih ber a ni mai lovang maw?
Report this comment
September 9th, 2008 at 3:55 am
Saiha leh a piah lam kan kal chuan Mizo an awm tawh lo va. Lawngtlai leh a chhehvel kan kal chuan Mizo chu tlemte an ni. Mahse, Hnam khat kan nihna erahw kan pawm vek. Chuvangin Mizo nihna hi by force lutuka nih luih tir aiin Unau kan nihna sawi vung leh hriattir hi a pawimawh hmasa zawkin ka ring. kan in kohna term aiin chhulkhat chhuak kan nihna inpawm tawn hi a pawimawh zawkin ka ring. Israel ten an hnam an valh zau hle a. Keini Mangoloid thlah thleng thlengin Israel hnamah min lo pawm ve hial mai hi ngaihtuah ngun a hun hle. An hnam hi tam se, lo ropui zel se an ti a ni ngei ang. Mizo nihna kan valh zim luutk chuan kan te tulh tulh ang a, Mizoram chhung ngeia Hmar, Paite, leh Lai unaute pawhin an thisen zawmpui an unaute min belh san mai zawngin he mizo hnam hi a keh sawm vek mai ang tih a hlauhawm hle.
Report this comment