Tunlaia pawisa tihpunna hlawk tak mai, Karkhat Bank leh Chiahpuam tia an sawi chu nimin atang khan a buai chho tan a. Nimin khan he chiahpuam hmanga pawisa khawntu (agent) te chuan an pawisa lakchhuah tur ang an lakchhuah theihloh avangin Aizawl Police Sation-ah an inhmukhawm a. Police te hnenah he an harsatna chunchang pui tur leh a tul anga hma lak sak turin an ngen a. Hetih rual hian he chiahpuam bank-a pawisa dahtute pawh Aizawl SP office-ah mi tlema zawng an in hmukhawm ve bawk.
Source: aizawl.org
Similar Posts:
- Chiahpuam Pawisa chheprelh man
- P&Sons-a pawisa dahtute’n vaibelchhe 250 lâk chhuah an phût
- Chiahpuam vangin naupang thi
- Chiahpuam-ah mi 9759 inhnamhnawih
- Parking uluk dawn
October 31st, 2008 at 9:40 am
Local news leh TV leh hmun tin ti ti luahkhat mek a thu a tam hlin tur avang hle. Hetiang ang tak maia hausak thut duh tamna chhan hi enge ni ang le? An sawi zat ang hi dahtu an awm tak tak ang nge, document phawrh tur nei si lo hian boruak ah nasa takin an sawi vak vak. LPS interview ah khan mi changkang deuh hmel an tlem hle maia, khangho laka a pundan tur leh agreement mumal lova lo dah duh an awm anih tak tak chuan “At man seng tur” an ni mai ang chu le. Ziak a thiltih engmah a awm loh phei chuan, a ho ngawt ang. Tin, Muanpuii an tih hi a nu leh pa leh khawilam khawchhuak nge tih pawh sawi thei an awm rih lo. Tin, bank a sum a transact dan hria pawh an awm lo. Mithiam Economic Offence chhuithang ten han chhui sela mipui ten kan hriat fiah vat theih nan.
Report this comment
October 31st, 2008 at 9:40 am
In bumna thil a nih kha a rinawm reng a ni,a pung kha a nasa duai duai lutuk deuh a,chan nasa fe fe an awm ang ngei ang chu.
Report this comment
October 31st, 2008 at 9:46 am
Rs 1 lakh in Burma Kyat 3 lakhs thleng theih nise. Kyat 3 lakhs chuan USD 30K a thleng thei ang chu chuan Rs 12 lakhs a thleng leh thei ang, heihi Bank commision te paih vek in. He pawisa hi thlakhatah lo vir vel ta se la a pung chu 1200% per month a ni a, 600% per week a ni thung ang.
He thil chhut na hi
1USD =10Kyat
1Rs = 3 Kyat
1USD = Rs 40
Report this comment
October 31st, 2008 at 10:03 am
aryan chu chiahpuam ho cu an chawh i tih tehreng nen ciahpuam chungchang chu i rawn post vel a,i nuih an tiza viau emo ni ka tia
Report this comment
October 31st, 2008 at 10:34 am
A hming ringawt pawh kar 1 bank a nia, a daih rei zawk ngawt a lom
Report this comment
October 31st, 2008 at 11:11 am
An mawl man an hmu anih kha ti tawh mai ang. A hma pawhin ka lo sawi tawh chutih rualin misual member tam tak pawhin an sawi tawh bawk.
Report this comment
October 31st, 2008 at 11:35 am
Mizo thufing: “Mi sualin an sual man an chawi seng lo, Mi a in an at mu an lem!”
Report this comment
October 31st, 2008 at 12:15 pm
Mizo thawnthuah “I dawt ngam leh dawt rawh” tih a ni a. a ngampa chuan an dawt a, an chetsual hmain tam tak chuan hlawk phah pawh an awm mai thei e. Amaherawhchu, vanduai tam tak an awm ngei dawn tih chu a chiang a. Hetiang kuttling lo va sum lakluh tumna thinlung hi moral corruption a ni a. A daih rei ngai lo bawk a, thatpui aia chhiatpui an tam zawk fo thin. Hun lo kal zel turah fimkhur phah nen leh finvar phah nan pawh kan hman theuh ka beisei.
Report this comment
October 31st, 2008 at 12:57 pm
Hui hamsss….. kei chu ka rin ai daihin an daih rei.. he 1 week bank hi. Hausak kan duh ltutuk na lamah a then chu kan Artelukawn dawn a nih hmel khawp mai.
Report this comment
October 31st, 2008 at 12:59 pm
zorunpuia sawi khi a dik ka ti khawp mai. Christian na nen pawh a in milh lo ka ti, a zahthlak khawp mai.
keini telve lo tan erawh chuan a entertaining tho e!!! engtin nge a awm zel dawn hriat a chak awm hle mai!! ha ha….
Report this comment
October 31st, 2008 at 1:01 pm
Duham chu badam chana hairehai
Report this comment
October 31st, 2008 at 1:25 pm
“Heta hnârkaitu ber zinga mi, Pi C. Lalmuanpuii, Chhinga Veng chu Nilaini zing atang khan a awmna chi hriat a nih loh avangin a pasal, Pu Lalhmangaihawma chuan zawn hmuhsak turin Aizawl Police Station-ah FIR thehluh a tum thu Vanglaini palai a hrilh.”
https://vanglaini.org/index.php.....8;pid=2598
Report this comment
October 31st, 2008 at 1:27 pm
hei chu le!!!:
“Hetih lai hian, pawisa dahtu thenkhat chuan an pawisa dahte hi an hmuh let leh theih nan sorkar chu inthlahdul deuh tura ngenin,”
Report this comment
October 31st, 2008 at 1:38 pm
an chhui har zawk ngot a lom.
Report this comment
October 31st, 2008 at 1:40 pm
Tunah US East Coast ah zing dar 4:09 a ni tihian msg ka dawng e. Thuampui (AZL) ah lei a min a, mi 11 a delh tih…thi an awm em ala hriat loh
Report this comment
October 31st, 2008 at 1:43 pm
Thi an awmlo hlauh a ni awm e, hriat chin ah tun ah dar 4:13 ET US ah chuan.
Report this comment
October 31st, 2008 at 2:43 pm
Pawisachiahpum a collapse har mah mah rin aiin tuartu an tam hman riau dawn mai hei..
A diklo tih hre renga dah deuh vek…sum atchilh ho annih avangin a titu leh dahtu zawng awng hi man fai vek sela atha ang!!!
Report this comment
October 31st, 2008 at 3:16 pm
A va raptlak awm ve, Aiz mihlim pakhat in thim thuah hnih kan ramah hian a lo thleng dawn a tih kha athleng tan a ni mai lo mo, masi chu a va nuam dawn lo ve mo le. Nge politician thenkhat vote lei duhin mipuite tih retheih a, an vote leitumin, systematic deuhin thil an plan zawk ?
Report this comment
October 31st, 2008 at 4:11 pm
Officer ten Department sum te an dah antih kha, Bill tang pawh a tam
Mizo te hi ngatinge kan mawl em em le,
Hmanah chuan Tuikuk Pathian siam fin theihloh kanti thin
Tunah chuan Mizo Pathian siam fin theihloh…
Report this comment
October 31st, 2008 at 4:14 pm
hei hi in lo chhiar tawh em?
Chiah puam leh Zoram economy – Chuauhnuna
https://vanglaini.org/index.php.....38;pid=123
Report this comment
October 31st, 2008 at 4:29 pm
lol@ redrose, conspiracy theory deuh ve a.
Chiahpuam sawi takah chuan high school sport dawn a zirtir tu ten chana hring chiahpuam min ei tir thin kha, van tui lo tak em.
TV en daih teh’ng
Report this comment
October 31st, 2008 at 5:48 pm
“Tangka sum ngaihnat hi sual tinreng bul zawng a lo ni ngei e. A hlawk lai kha chuan chanchinbua a hriate ziah kha an awih duh lo a, a va pawi em! Kum 15 a liam hunah chuan a ngai chiah hian kan inbum leh thei tho chuan ka ring. Mahse Chiahpuamho hi i diriam lo ang u, i khawngaih em em zawk ang u. Tualthahna leh mahni intihhlumna a thlen lohna turin i tawngtaisak ang u.
Report this comment
October 31st, 2008 at 6:31 pm
Mahni intih hlum chu an awm ka ring, nuaih sawmhnih sawm thum hloh te an awm a, a pawi khawp mai. Vawiin tlai khan ka u (dawr kai) te ka phone a, pawisa dah ho an khawngaihthlak dan te ka han hria a, a zia lo khawp mai. A chawh ti tan chuan an chawh chu a ni mai a, mahse, mawlna in chiah reng si te chunga a thlen vang tak reng hian an khawngaihthlak lehzual khawpin ka hria.
Vawi duai lo a that loh thu leh a rinawm loh thu sawi chhuah a ni tawh a, mahse, Nitina an hmuh leh an sumdawn pui hmelhriat leh thian tha zawng zawngin an tih chuan, chu thlemna a luh chu Nu/Pa in chengvawng lo deuh leh mawl deuh te tan chuan tih ve mai a awl dan tur te ka ngaihtuah hian, ka khawngaihna a zual. Ka u te ngei pawh chuan pawisa tlem azawng, “Mi zawng zawngin an ti a, test ve reng reng ang” an ti a, tlem an dah ve a, a pung an hmuh khan a aia tam fe dah an tum leh a, ka khap bur avangin an dah ta lova, an vannei ta phian a. Mahse an thian te thahnem lo ngai zual deuh te chanchin an sawiin, an khawngaihthlak ka ti takzet a ni.
Sum lamah hian mihring hi inzir fin a har a nia nge, hetianga sum peipun thutna te hi in hrilh fin leh in zilh fin a harsatna lai ber a ni awm e. RCC in chung pawh hi fur ruah tui vawi hnih khat maiah chuan a leak ngai lova, mahse tui khuapin tui chiah tir ta reng ila, leak hun a nei nge nge thin. Chutiangin hetiang thil dik lo leh hrisel lo in kan enviroment a chiah reng chuan, lo tawlh thluk palh mai a awl thin. Hetiang ah hian moral lam inzirtirna hian kawngro a su tlem thin khawp mai, chuvang tak chuan mi beidawng leh sumdawnna tlachhe tur dan nan hetiang lam a rawn irh chhuak leh a nih chuan, tlawmngai pawl leh sawrkar lam pawh hian Ruihhlo an do ang hian do tlat sela, ruihhlo do rem ai chuan a awlsam chu ka ring deuh.
Report this comment
October 31st, 2008 at 6:50 pm
A dik khawp mai hotupa.. an lainat awm khawp mai. Thil hi dai buak zet loh chuan insiam that a har ve thin a. Engpawhnise, a tu a te pawhin chhia leh tha kan hriatna tipungtu lo ni thei se la, he thil atang hian politic leh Zoram kalsiamah pawh fim zawka ngaihtuahna kan hman theih nan khaikhin thiam pawh thil pawimawh tak a nih tel ka ring. Politic tuinu an tih nen hetiang chiahpuam hian inanna an nei a.
Report this comment
October 31st, 2008 at 6:56 pm
Mimawlin an mawl man an chawi seng lo anih hi…..chawh hlawm ngawt a lawm. Islander (3) Burma pawisain khawi ram pawisa mah a thleng theih loh, Burma-te chu khawvel ram pawnah a lawm a awma..ha ha… I mawl rei lutuk, hetiang hi theih nise i pian hmain an inla hausa vek tawh ang, hairehai…..
Report this comment
October 31st, 2008 at 6:58 pm
Ka chhungte chuan an lo dah ve lo hlauh e..
Report this comment
October 31st, 2008 at 7:09 pm
Ni chiah e Hotupa, Politic tui nu leh he chiah puam hian inanna a nei khawpin ka hria keipawh, Mizo ten kan in zirna ni thei sela, chu chu kan hlawkpui theih dan ber a ni.
Mawlna in a chim reng, RBI hming pawh vawi khatmah an benga la ri ngai lo te leh, engtia pung nge a nih lam ngaihtuahna chang hre reng reng lo te, sawrkar phal loh a ni em tihna chang phei chu a ngaihtuah pawh ngaihtuah thleng phak lo te an ni nualin ka hria a, an hriat lohna leh mawlna te kan nuihzata kan hmuhsit mai khan kan changkan phah hauh lo ang, mawlna leh atna um bo hi a ni lawm ni hmasawn na leh changkanna bul chu?
Politics ah pawh chuti bawk, mawlna leh atna kan um bo loh chuan mi ramin hma an sawn duak duak na Democracy hi kan tan chuan bo hlenna a ni thei mai awm e, te ka ti.
Report this comment
October 31st, 2008 at 7:17 pm
kanidar: Duham chu Kel ek chana…dik i ti ve em
Report this comment
October 31st, 2008 at 7:29 pm
Aizawl khawpui chhungah pawh hetiang vel mai maia mi tam tak an la bum thei anih chuan kan Politician tawngkam thiam tak tak ho phei chuan an va bum thei nasa dawn lehzual em ka ti. Thingtlang lam phei chu sawi lova lum a ni ringawt a lawm. Hetianga pawisa dah ho hi an dah hmain thahnem ngai takin hrilh mah ula an dah lui thovang, fingber emaw in ti deuh vek an ni duh khawp mai.
Report this comment
October 31st, 2008 at 7:30 pm
Dik khawp mai, Pu HV. Mahse tun ami hi chu Duham-na in a hrin a ni ngei a, mahse ka vei zawk tak chu, Drug addict a thi te “An duh thua ti an nia, an chawh khawp mai” tiha thu tawp kan siam mai chuan, kan ram riangte hi kan siam that ka rin loh ang bawkin, tun ami pawh hi, mi tam takin an tawrh, rural bank leh bank dang te hialah pawh bank deposit a tlakhniam rawih na tham thil, social evil a ni a, “An chawh khawp mai” kan tih a, kawng dik kan sial sak si loh chuan, hun engemaw hnuah Mizo te kan tawlhthlukna ngaiah bawk kan tawlhthluk leh a hlauhawm e…. tih mai te hi a ni e.
Report this comment
October 31st, 2008 at 8:32 pm
Ka rilruah hetiang hian zawhna a rawn lut a, Mizoram leh a chheh velah mau a tam a, kan kum chhiarah chuan “Tam Kum” a ni a. Kumin aiin nakum hi tam tak tak hun zawk tura chu a ni a. A chhan chu kuminah engmah an thar dawn loh avangin, nakum ei tur an nei dawn lo tihna a ni. State dang atang te leh Central sawrkar bakah Ram dang atangin tanpuina nasa takin a rawn lut a, hei hi mi thahnemngaite vang pawh a ni ngei ang. Chutih laiin hei mitin maiin sum an lo ngah em em mai a. Sum Collector pakhat phei chuan veng tinah hian a chanve chuan an dah deuh vekin ka hria, a ti hial a ni.
A then chuan nuai 10/20/30 te an dah a, a dah tlem deuh chuan nuai 1 te an dah bawk a. Chuti a nih chuan sum hi kan lo ngah hle mai tihna a lo ni ta a. Collector tam zawk hian nuai 500 te chu aia tam te chu an kawl thin thu an sawi bawk a. He buaina hian National News a rawn luah ang a, chu chuan international news a rawn luah leh ang a, Tam harsat avanga au vak vakna ram kan ram leh mihringte min hmuhdan tur ringawt pawh hi a mak viau thei bawk a ni.
Englekhawle, se bo hnua kawr khar, tih ang kan chang zo ta sa sa a, he buainaah hian sawrkar mawhpuh lo mai lo va, felfai taka an chin fel ka beisei a. Rilru kalsual zawnga ngaihtuahna siam mai lovin, hun lo kal zel turah finvar phah nana hmanrua tha taka kan chantir ka beisei a, ka duhthusam a ni bawk e.
Report this comment
October 31st, 2008 at 9:16 pm
Hetiang scheme hi thil thar a nilo. Ka hriat theih chinah pawh kum 20 chuang chu ani tawh ang. Hming hrang hrang vuahin. Entirnan, Sekibuhchhuak te an ti thul. Bum fin theih loh kan ni berin a lang. Lo ngai reng mah rawh u. Tun hnuah pawh tu tu ten emaw hming dang dang vuahin an la rawn ti leh tho ang. Mi tam tak chu an bum leh teuh tho ang. Bum kan la nuam tluang hrih khawp anih deuh ber awm hi maw.
Report this comment
November 1st, 2008 at 4:20 am
Anih leh poisa dahna dang FRIENDSHIP… tih ang reng velte hi enge an an ang le
Report this comment
November 2nd, 2008 at 8:46 am
Matt Private anih chhung chu ka ring vak duh lovang. Private ah pawh corporation lian tham an nih law law loh chuan.
Report this comment
November 2nd, 2008 at 10:18 am
Inbumna a ni. An sum dah hi international market ah USD, Rupees leh Kyats an thleng kual tih vel hi chu dawt vek. 1960s vel khan 1 USD = 6.5 kyats vel a ni thin a, tunah chuan 1 USD = 1100 kyats a ni tawh a, hei hi thil dik a ni thei lo.
Pawisa lem business nen a lo inzawm reng a ni mai thei e.
Report this comment
November 3rd, 2008 at 1:31 pm
1. Sawrkar chak lohzia entirna a ni. Mi tam tak an inhnamhnawih tawh hnu, a vul lai taka hmalak chauh ai chuan a tirin che vat se an buai nep deuh tur. Chuvangin, sorkarin a tihtur a tih loh vang a tih theih. Tin, kan ramah DAN hian awmzia a nei lo tih tichiangtu a ni.
2. Bank-te pawhin an tih tur tur an ti lo. RBI-in Anti-Money Laundering (AML) guidelines a siam vek a. Chu chu an zawm lo a ni. Bank-a thawk an ni a. Hetiangte chu a source pawh a thianghlim lo ngei ang ti chu an ringhlel tur a ni a, a hre ber tur pawh an ni. Nuai za chuang chuang transactions tih fo an phal hi an duty hlen lohna lian tak a ni.
3. Thil dik lo a ni, sawrkar phal loh thil an ni tih hre lem loa daih ve mai tam tak an awm ka ring a. Chutiangho chu an khawngaihthlak ka ti. Mahse, mi fing pui pui awm tak lo inhnamhnawih te hi chuan nuih a tiza. Mi pangngai tak tak a “agent/collector” a an han tang phei hi chuh!
Report this comment
November 4th, 2008 at 1:48 am
Heihi eng ang ve maw https://misual.life/2008/07/.....hlawk-ber/
Report this comment