Tlaikhawhnu mah nise, Pu Dennis an “Chiahpuam – tihduhdahna rapthlak tak chu!” tih a Orissa tihduhdahna chungchang a rawn tarlan ve zawk khan ka rilru a luah tlat mai. Chuvangin ka thlirna tlang atang in kan au ve dawn hial teh ang.
Hindu kulmukte chu sawi loh, Kristian thenkhat tawngka ngei a, “Engatinge kan pathian pawh hian a mite rum thawm hi a hrelo em ni?” ti a, kan Pathian thiamlo ang ziazanga an tawng hriat chuan ngaituah a ti tam ngei mai.
Ni e, Orissa kristian te thisen a luang a, khawtuala thisen thang in a bawm vel a, mihring chansawm an ni maw kha. Thu a sawi mai a mawi lo khawp leh, han sawi mai a “Mihring tawngka hian a hril zo lo” tih kha a thleng asin. Hmundang a kristian unauten an tawrhpui zia lantir in kawng an zawh bawk a. Zoramah ngeipawh tawngtaina nen Pathian kan au a ni lom ni kha.
Thlirna tlangdang atangin kei chuan kha thil thleng kha ka lo thlir ve a. “A mite auh eih zawhloh Pathian” tia hindu unau tamtakte leh Kristian thenkhat ngeite kamchhuak ka dawn ve chang chuan, mak hi ka ti ve deuh thin.
Engvang hian nge ni ang he Orissa ah hian khatiang khawp a tuilian nasa an tawrh tak!!? Kha tuilian lah kha kristian unauten tihduhdahna an tawrh lai tak a thilthleng a lo ni ve bawk. Mi nuaih 42 chuang, in leh lo, sahimna tur hmu lovin an tap vel anih kha. Super cyclone hman kum a Orissa khawpui ti rumtu ai khan he tuilian an tawrhna hi a nasa zawk asin.
Kan Pathian “Keiman ka thungrul ang” titu hian a lo thungrul ve reng a ni zawk lo maw!!?
Chu mai a ni lo, kha tihduhdahna leh nghaisakna tinreng kar a Pathian hnathawh nia ka lo hriat ve kha kei chuan mak hi ka ti tawp thei ngailo. “Buh lem leh buh tak thliar hran a an awm kha”.
Kristian thenkhat te’n Krista ta ni a an inchhal ngamloh lai a; hindu kulmuk tak mai thenkhat, Krista mite tanpui tur a an penchhuak ngam tlat mai kha mak ka ti em em ani. “Kan Lalpa, kan rin loh kara lo kal tur. Kan hmuahloh dan a ranthleng a lo piang a, beisei phak lohna mitling lo, misualte kuangkuah a, Israelte dawn phaklohna hmangaih vanga kan tana a thisen luantirtu hian kan thlirhona tlang atang hian a mite min enkawl a, ram a rawn la zel a ni zawk lo maw?”.
Thlirlohna tlang atang a ka han thlir zel pawh hian kei chuan ka ram hi ka theihnghilh thei lo. “Zoram Kristian ram” tia inchhal ngam, harsatna leh hlauhtur reng reng a awmlohna kar a, “Krista I ta ka ni”, tia aw chhuah ngamte hi, tihduhdahna tlem hi han tawng ve ila. Tunge ding chhuak ngam ang le? Tunge tap chunga kraws kawng zawhzel ang?” Engzah fakau hian nge “Ka Lalpa” tia auchhuahpui ngam ta ang le? tiin ka thlir ve mai mai thin.
Similar Posts:
- Orissa chungchanga thuthang dik lo
- Orissa a tihduhdahna report
- Lazydog’s “KRISTIAN RAM ANI SI A”
- Orissa ringtute tawrhpuina kawngzawh
- Chiahpuam – tihduhdahna rapthlak tak chu!
:)
November 21st, 2008 at 2:40 am
Kristianna leh tihduhdahna hi chu inkawp tlat a ni a, kan nunah hian kros put tur a awm nitin bawk tih hi ka ngaihtuah ve mai mai.
Report this comment
November 21st, 2008 at 3:08 am
Orissa ang case hi Mizoram ah thleng ta seng,Mizo Christian chu teh kan tlo vak ka ring lo
Mizoram ah hian Hindu puithiam in tempul lo sa seng,Christian thalai inkhawm turin lo va sawm se,an inah te va lenchilh in Hindu a inlet turin va thlem ve ta selang.Kristian tha in ti pui pui hian Hindu temple chu kan va hal mai lawng maw???????te ka tia
(Hindu ho thiam ka chan tih na ni lo in…..a zau thei ang berin han thlir ta ilang,Hindu puithiam hoin Missionary an ngaih theih loh hi 100% an dem awm in ti em?)
Report this comment
November 21st, 2008 at 3:11 am
Keipek Pathian hian a hrem a ni ang tih na rilru lianpui ka nei Missionary motor a an hal hnu a Orissa a chhiatna rapthlak lo thlen atang khan
Report this comment
November 21st, 2008 at 3:22 am
Iceman, i comment hi kei pawh ka ngaihtuah fo a ni. Vawikhat hindu pakhat in” christian hrim2 hi ka hua a ni lo, mahse sakhaw dang christian a in leh tir an tum kher zel hi ka ngei, keimahni ang hian awm ve mai mai se la..etc” a ti a, an dinhmun atang chuan hriatthiam a har khawp ang..
Chuan…Lalisua in khawvel zawng2 a kal a chanchintha hril tur a min hrilh/chah kan nih vang a nih thu ka sawi a, Pathian ringtute chu kan thih hnu-ah paradis a kal tur ni a kan rin thu te, mi zawng2 in chhandamna chang ve se kan tih zawk avang a sakhaw dang te hi Pathian thu hrilh thin zawk kan ni tih te ka thiam tawk in sawi a, a ngawi ve mai bawk a, a hmin zan lo na in..
Chuvangchuan sakhaw dang te hian an sakhua tibuai duh hrim2 leh christianna tih len tum hrim2-ah min lo ngai thei dawn khawp in ka hre ta a, Bible an la chhiar ngai lo tlangpui bawk si, chhiar mahse hriatthiam mai chu a har ngawt ta ve ang.
Report this comment
November 21st, 2008 at 4:04 am
Kan chaw tui ber ‘buhfai’ hi buh ei ve ngailo hnam dangte hnenah, ‘khawvela chaw tui ber leh hrisel ber ani…’ ti vel mah ila annin tui an tih miau si loh chuan awmzia aneilo thei viau ang!!
Report this comment
November 21st, 2008 at 10:18 am
Orissa-ah hian Kristian an pung telh telh dawn! Tihduhdah an tawrh nasat poh leh Pathian ram a zau zel ang…Martarte thisen hi kohhran chi (seed) ani tlat! Lo chhinchhiah chiah mah rawh u….
Report this comment
November 21st, 2008 at 10:19 am
@Deedeei Pa-Chuti chu sakhaw dang ho Christian a in leh tir pek awmzia a nei dawn lo a :D)
Report this comment
November 21st, 2008 at 10:40 am
Kei chu Pathian hrem hranpa vak an nih pawh ka ring lo. Orissa te A,P. te hi chu Bay of Bengal tuipui avang hian Cyclone lakah he lai leilung awm tan tirh atang fe khan an him lo ve hrim hrim a ni. If we fail to think in terms of eternity we will never understand what’s happening here on earth. Khawvel hi chu a kal sual laklawh tawha, mi nun ngil apiang an dam rei chuang lova, thudik a ding chang ngei ngei chuang lova, a thawk hah apiang an hausa chuang lo bawk. Health theology pawh a dik bawk lo. Kan Pathian nung hre lo Japanese te hi keini Christian ai chuan an dam rei zawk phian. Chuvangin thinlung lam thlamuanna leh lungawina hi he khawvela Christiante chan tawk chu a ni mai. Hausaknate, hriselnate, hmuingilnate, remna leh munnate, zalenna te, chawimawina te hi chu an lo lan chang a awma an kal bo hun a awm leh thin mai a ni. Ringtute chanvo atana Pathian thilpek kumhlun a ni tlat lo. A neih theih dan pawh Pathianin a ruat vek tawha, thawhrim, fimkhur, ngaihtuah peih leh invawn fel a ni mai. A short cut zawnga tawngtai chhuah ngawt chi a ni lo.
Hetia ka sawi avang hian kan Pathian hian min ngaihsak lova a active miah lo ka tihna a ni lo. Kan sawi ang zawng dinhmun hmachhawn thiam tur leh amah ghmangaihnaa kan awm reng theihna turin a active em em thunga, Pathiana mi nung pakhat, Thlarau Thianghlim chuan rum sawi hleih theih lovin min tawngtai sak reng zawk a ni.
Pathianin a hmangaih che a, mi dangte pawh a hmangaih. Pathian hmangaih la, mi dangte pawh hmangaih ve rawh. Pathian hmangih Orissa miten Pathian chhandamna an chan hmaa an nuna latu Cyclone hi a titu an awm a nih chuan Pathian ni lovin Setana a ni zawk ang. How do you think?
Report this comment
November 21st, 2008 at 11:36 am
Hmanni a kan thianpa Oriya mi sawi dan chuan Kandhamal District hi Gingeer,Tumeric leh Natural resources ah an hausa si a, Upper Class hovin an luhchilh thei si love chuvang in chuvangin Upper Class hovin Tribal leh Dalit ho inkar ah “Divide and Rule Policy” an apply alom ati ve tlat!
Report this comment
November 21st, 2008 at 1:50 pm
Kan thuziaktu thlirna chuan ngaihtuahna a tikal thui duh hle mai. Kan MCS Officer 1-in a unaupa ruangthlak zana a thusawi han ziah lan ka duh a. Hetiang hian a sawi,”Thingtlang khaw 1-a (khaw hming thai lang lo mai ila) ka awmlaiin pa pakhat rethei tak Pathian laka lawm em em mai a awm a. Rethei tak chunga lawmna a neih chhan ka zawh chuan, Pathian hian amah ka theihnghilh loh nan retheihna hmangin malsawmna min pe a, mi hausa ni ta ila Pathian hi ka hriat ka ring lo a tih chuan ka rilru a khawih khawp mai. Pathian hian thil tha zawng zawng kan neih a phal rual hian a faten amah kan theihnghilh lohna turin tawrhna leh hrehawmna hmangin mal min sawm thei a ni” a ti a. Orrisa-a kan unau Kristian te tawrhna avang hian keini Mizoram mipuite pawhin nasa zawkin Pathian kan auh phah a, kan tan chuan he tuarna rapthlak tak hi malsawmna a niin ka hria.
Report this comment
November 21st, 2008 at 2:04 pm
“Pathian hian amah ka theihnghilh loh nan retheihna hmangin malsawmna min pe a,”
I would say being rich is also a blessing in the same way. A rich man has more to worry- money, vehicles, property, investments etc..
So he really needs God’s help! A long prayer list
But on the other, since a poor man has almost nothing to worry about, it could feel like he can go on his own, without Gods help
Report this comment
November 21st, 2008 at 3:41 pm
Kan hriat reng tur chu Pathian hian Orissa Kristiante a hmangaih ang thovin Hindu ho pawh a hmangaih! Kristianten tihduhdahna an tawrh avangin Pathianin a hrem nghal dawn kher lo. Cyclone leh tui liante pawh @Patriot sawi ang hian Natural-in a thleng ve a ni mai. Pathian hi keini anga rilru zim a ni ve lo. A hmangaihna pawh hi MI ZAWNG ZAWNG huap zo a ni. Chu tih lai chuan Pathian hian Amah ringtute hi he khawvela kan awm chhung hi chuan hrehawm leh tihduhdahna te pawh kan tawrh hi a phal tih hi hria ila. Heng kal tlang hian Amah a inpuang fo zawk a ni. India ram hi Krista lalna ram a nih dawn chuan tun aia nasaa Kristianten kan tawrh pawh hi a la ngai zel mai thei.
Amaherawhchu, heng kan tawrhna te hi Pathianin a hre lo a ni lo va, a hre em em a, ‘A mithianghlimte thihna chu Lalpa ngaihin thil hlu tak a ni” tih Bible-in a sawi kha. Tuna Orissa-a Krista avanga tuartute chungchang pawh hi a huntakah Pathianin diktakin ro a la rel dawn tih erawh i hria ang u…
Report this comment
November 21st, 2008 at 6:33 pm
Orissa hian kum1967 atang khan Orissa freedom of Relious law an nei a.Chumi danin a tumchu sakhaw humhalh na dan a ni. Mahse humhalh nan ni lovin mite beih nan an hmang ta hlauh zawk ani.
Kum 1967 atangin vawiin ni thlengin mi Hindu atanga Christianah in leh luih tir emaw thlem emaw avanga man pakhat mah anla nei lo. Chu tah Kristian an pung tulh tulh bawksi a. Chuvangin Kristianten an thlem ni lovin Pathian in hna an mahni hmangin athawk mai ani.
Kristiante hi pung suhse in tih chuan zalen takin awmtir rawh u,kristian chu tihduh dah a an awm na apiangah an pung thin tiin kum 1972khan IndiraGhandhi chuan asawi tawh a dik ang.
Report this comment
November 22nd, 2008 at 6:22 am
Pathian hna thawh dan hi keini naktuk hun lo dan awm tur pawh hre pha lo tan chuan hriat thiam a har chang a tam mange. Tuipui senah khan a mite tiduhdah thintu leh umzuitu Aigupta sipaite chu len boin an awm a(natural or God’s power??).
Lal Isua’n ramhuai zawl a hnawh chhuah khan Lal Isua kha ramhuai zawl a nih ring an awm a, thlir dan a inang lo thin. natural calamity anga ngaiduh tan pawh ngaihtheih tur hian thil hi a thleng fo reng bawk a, Pathain hna thawh anga ngaiduh tan pawh ngaihthei tho si.
Martar tamtak ten Lal Isua hming avanga tuar ve tlaka ruat an nih a vanga an lawm laiin, enga ti nge Lalpa tia hriatthiam harsa tiin zawhna nena hma chhawn an awm tho bawk a.
Nature chunga thu neitu, tuipui fawn pawh haureha, tawngka maia ka duh e lo dam tawh rawh tia dam lo te pawh ti dam theitu, Pathian thikthu chhia leh A hming sawichhiata awm tur phal miah lo, pathian dang reng reng pawh biak phal lo, leilung leh a chhunga awm zawng zawngte hnenah A hming mawina tur leh A duh dan ang anga thil tithin, mahse a thil tih chu dik tak vek a ni Amah-ah diklohna a awm loh avangin.
A tuartute tan thil thleng tamtak hi a pawimawh ang tluk thovin a lo hretute pawh a pawimawh fo, Lota nupui kha hre reng rawh u a tih te hi. Heng thil thleng a vanga Pathianin keimahniah thu a sawi hlauh thinte pawh hi Pathian hnathawh nge kan rilru suk thlek ve dan mai? Ka thu rawn ziah hi uluk takin chhiar leh la, i rinna nena inmil tawkin i chhang let ngeiin ka ring. A chhanna chu i kutah a awm.
Mahse he thil pakhat hi a dik, “Leilung siam a nih atang reng khan Pathian chuan tum nei lovin thil a ti ngai lo. God has a plan for you and for the world.”
Report this comment
November 25th, 2008 at 5:08 am
Article ai maha comment a thui zawk emaw tih tura kan ziak te hi mawlna chi khat a ni thei lo maw? Duh leh article chu ziak ve ta mai zawk la, mi ziah sa thiam ber ni ang hrim a thui fe fe a comment hi enge maw a hlawkna le?
Report this comment