CHIEF MINISTER IN DELHI A COCONUT A SAWHKEH KHA.
By: L.R.Colney
Kan Chief Minister thar zahawm tak chuan Delhi tlanga Mizoram House tur Foundation Lungphum chu Coconut sawh kehin a phum a. A mak ti leh a ngaihna hre lo tam tak kan awm niin alang. A awmzia hre chiang tawk chunga ti ah chuan ngai ila. Keini aia fing leh ramhruitu lu ber chuan a awmzia kan hriat aia thuk a hre tura ngaih a ni.
Mahse ka hriatna chin atanga ka thlir chuan Mizoram hruaitu tan chuan a tulna ka la zirchhuak ve lo. Mahse hre chunga ti anih chuan a mak lehzual ang a, hrelo a ti anih erawh chuan atthlak a ni ang. Nakinah kan ramah ngei hian kan insak dawn te, kan Biakin leh Vantlang Building tur kan sak dawn ten kan ching chhuak palh ang tih hlauh thawn thuah tlem te kan ziak lawk teh ang.
Coconut sawhkeh awm zia.
Hindu rindan ah chuan Coconut hrim hrim lo piandan hi thil dang nen a in ang lo tlat mai. Lal Trisankhu chu vanram a luh theih loh avangin Vishwamitra chuan Coconut thing chu Pathian hnena in thawi thianghlim nan a siam sak a. Chuvangin coconut a vang chuan Pathian chu a lungawi ta ani an ti.
Hindu sakhaw betu tamberna ram (India)a cheng kan nih avangin Building sak dawnte, Mandir sakdawn te leh inthawina hrim hrimah Coconut in hmun a luah tam hle. Mi thenkhat chuan India mite hnam dan emaw kan ti hial tawh niten alang. India dan ni lovin Hindu dan pawimawh tak zawk ani.
Coconut hi ni-en thing(tallest sun kissed tree) ah chuan sangber a ngaih a ni. Coconut sawhkeh a, In emaw Mandir emaw an hawn hian Hindu Pathian Ganesh-a hnena in thawina a ni. Hindu rindan ah chuan Coconut chhunga tui awm hi, khawvela thil thianghlim berah an ngai a. Chuvangin he mi sawhkeh hian keimahni a sawhkehtu kha “AHAM” emaw “EGO” kan hlan tihna alo ni. “Aham” tih chu Hindu tawng a ni a, Sanskrit in a hrilhfiah dan chuan kan taksa, rilru leh thinlung sawina ani.. Tin ego pawh chu chutiang tho kan taksa leh rilru entirna ani a. Chuvangin mi in Coconut sawhkeha a inthawi hian A taksa leh rilru leh ngaihtuahna te chu Lord Ganesh (Hindu Pathian) hnenah malsawmna leh hmuingilna dilin a taksa leh thinlung leh ngaihtuahna te hlan chungin a tawngtai tihna a ni.
Coconut sawhkeh hian Malsawmna leh rahtha chhuahna tura symbol anih avangin Hindu hmeichia te chuan tuktin coconut sawhkehin Temple ah an inthawi thin ani. Chutia coconut sawhkeh hnu a a chhung var chu “PRASAD” thawi thianghlim tawh tihna ani a, chuvangin puithiam te kut atanga an rawn kir pui leh tawh Coconut chhungvar chu malsawmna leh hmuingil nan an fa te leh chhungte an ei tir hram hram thin.
Hindu rindan pakhatah chuan Coconut-a mit pathum ang deuh awm hi an Pathian Shiva mit a ni e an ti bawk. Chu chuan thil pathum entir a nei leh a; chu chuan thilsiam, venhimna leh tihchhiatna te an entir a ni. He thil pathum hi Holy trinity an ti. Chu chuan mihringah hian awmzia a nei leh a, chu chu kan mit pahnih leh kan chhunglam hriatna “inner eye” kan chhia leh tha hriatna a entir a ni. Kan sawi angin a chhung tui hi Mihringin Pathian hnena a hlan theih thilah chuan khawvela thil thianghlim berah an ngaih avangin hun bik, nibik leh sorkhar thil pawh nise an ngai thutak hle thin.
India ram hi “One religion” Sakhaw pakhat bia a awmkhawmna ram a siam tum tlat mai mi tam zawkte karah kan cheng a, an tihdan chu India mite tihdan turah min ngaih tir phet an tum thin. Mahse Baal hmaa thingthi ngailo tur Kan Chief Minister tan chuan tih ve chiah ka ngai lo.
Orissa rama kan tribal pui tam tak pawh chhipsama thama Milim hmaah inthawi tura tihluihna-a an kawih kun pawha thih ngam a Pathian tan ngam tam tak an awm a ni. Orissa ram veka Mizo missionary pakhat pawhin an project-a building an hawn dawnin a khawmiten an pathian lim laluta inthawina buatsaih an tum laiin khawtlang pawh zahzo lovin a dodal a. A thinrim zia hriain a khaw mite chuan ama duh ang ngeiin building chhung chu tuiin an silfai a, an pathianlim pawh chu dah chhuakin buaina dang hring chhuak lovin tluang takin tawngtaina nen building hawnna an neizui ta a ni Chutiang thil kan unauten an kaltlangpui ngamlaia tihluihna pawh nilova an dan lo zawm chu a tihchi dawn em ni. Miram Chief Miniser chuan Coconut pum 100 pawh lo sawhkehin lo inthawi mahse, “keini tan chuan a tul velo” ti ngam ila ka va duh em. Mahni Hnam Dan leh tihve thin dan kan neih hi a tawk viau a ni.
Kristian tana coconut thatna
Thei kawrsak tak leh achhunga hang tuitak nei thei a ni mai. Pathian thilsiam thei dang nen danglamna leh hlut bikna a nei hran lo.
.
Admin Note: CM leh “coconut” chungchang ah hian topic dang a awm tawh thova mahse he article hian chiang zawkin Hindu dan a nih leh nihloh te leh thil dang dang a rawn tarhchhuak a kan han publish leh nih hi.
