A thupui atang hi chuan a ropui hmel hle mai tiraw u. A dik chiah reng a ni, a ropui a ni. Nimin Sunday tlai dar 2:00 ET ah inkhawm kan tan a, a hun tak aia minute tlem a hma hret ah kan tan a ni. Dinthar nula Mamuani Mizo presbyterian kohran upa chuan hneh tak in thuhma a la a… Bangalore lam a pa anga a lo neih! a nih na a, a chunga a lawmthu leh Mizo dangten an chhawr thin zia sawiin, thuhma a hruai a… a hnuk erawh ulh em lo deuh chuan a introduce zo hram a.
Pu HT Sangliana chuan US Mizo te fuih na thu sawiin, a lo kal chhan te ngaihnawm tak leh tawi felfai takin, min hrilh a. Hritlangpui, hritlang khuh satliah nilo a tawrh lai a ni nen, sawmna a ngah ropui si, chhun zan chawl hauh lo maiin a tlan kual zak zak a, biakin, state hrang daih ah te a kal zak zak mai a ni. Hemi ah hian, an lo duan lawk angin, Lalzawmpuia Zadeng (Zawmte-a) Aizawl, Pu Rothangpuia makpa te chhung chuan an buaipui in an in ah a thleng a ni… hah sawi lek lovin an phur zawk zawmah emaw tih turin an kual pui zar zar mai a, an chhuanawm hle mai.
Mizo Presbyterian Church ah chuan Pu Sangliana chuan a lo kal chhan chu sawiin, Obama breakfast an ti mai a mahse, National prayer Breakfast zawk a nih thu a sawi. Pi Clinton te leh midang challang tak2 a chibai thu te a asawi hnu chuan, Obama inauguration a Obama thusawi in a rilru a luah thu a sawi bawk. Obama khan Kristian, Muslim, Hindu leh ringlo mite ram USA hi… ti khan a thu a sawi a tiin. USA chu Isua Krista ringtu ten an din, an constitution pawh Pathian hminga ziah, sikul ah te leh court ah te Pathian thu dah thin ram (tun ah chuan an hlip deuh vek tawh, Jew minority ngen na in sala) Pathian hlau a in ngaitlawm ram, Pathian vanga ropuina/ram ropui nita a ni a. Khatia Obama in a sawi mai kha mak ka ti a ni, a ti. Tin, Hindu kulmuk te pawh hian an sakhuana hmasawn tum phahnan an hman palh a hlauh thu a sawi tel bawk.
Amah lam sawiin, Kum reitak police hna a thawh hnu ah Pathian a tihna avangin, engkimmai ah a vanneih tluan zel thu a sawi a. Chumi pah chuan tun hnu thleng hian Pathian hnen ah in nghat in,” i thu thu in min hruai ang che,” ka la ti reng tih thu a sawi.
A thusawi hi a duh angin, a sawi that leh sawi that loh lam ka en lova, a thusawi ka hrethiam em tiin ka ngaithla… hetiang hian Pathian thu te hi ngaithla thin ila, kan var uar uar awm e. Mahni ngaihdan a kal mai lovin. Tin, Pu Sangliana hian nizan tho khan Sligo Adventist biakin ah Mizo Society of America te kawm na leh thusawina ropui tak a nei leh a ni. Hetah chuan ka tel ve hman ta lo.
Kulikawn Pa Pahnih
Similar Posts:
- Obama Thusawi Tur Ziahsaktu
- Zolitics
- Obama, Hillary differ in courting India
- US President’s address to the Congress
- Obama in Nobel Peace Prize a dawng
:-D
February 10th, 2009 at 5:01 pm
Puii, i ti lawmawm e. Keini lo inhnial eke bale ang ngawt a nilo, Pu HT Sangliana hi, a lo ropui bir ber em asin.
Report this comment
February 10th, 2009 at 6:12 pm
comment will be closed.
If we do not learn to stay on the topic while commenting and if we do not stop personal attack, we will keep closing comment.
YOU are not kids and we do not have time to monitor 24×7.
Report this comment