Tunlaiah chuan MCA (Master of Computer Applications) zirna hre lo chu thalaite zingah a tlem zawk kan ni tawh awm e. India ramah hian institute 1000 bawr velah MCA zirna hmun ah a awm mek a ni.
AICTE record atanga a lan danin India ramah hian engineering zirna approved college 1346 a awm a. Engineering zirna tha sawi chuan IIT hi mi nawlpuiin kan hriat chu a ni deuh mai a. NIT hian hriat a hlawh lutuk lem lo. NIT hi National Institute of Technology tihna a ni a, hmanlaia REC (Regional Engineering College) tih thin kha niin tunah hian India ram pumah NIT 20 a awm a. Engineering college tha 25 India Today, Outlook, Dataquest etc. in an tihchhuah thinah hian NIT 5-6 vel hi an lang ve deuh reng a ni. NIT Trichy te ngat phei chu IIT tluk deuhthaw a ngaih a ni a, IIT Roorkee te anga IIT status pek te pawh sawi a ni zauh zauh tawh a ni.
Sawrkar college a nih avangin private institutes nena tehkhin chuan fee a tlawm a (18,000-25,000 per semester), facilities a tha thawkhat a (a tlangpuiin top NITs ah phei chuan room tinah free internet pek vek a ni). Tin, MCA zirna college tha rankings ah phei chuan NIT 4-5 hi top 10 ah an awm ve deuh reng bawk. Placement a tha a, placement percentage chu 60%-100% (NIT a zirin) vel a ni thin. Tin, a percentage mai bakah hian recruiting company te an tha a, college tamtakin top choice-a an neih TCS etc. te hi top NITs ah chuan tlema tichhe deuhhlekin backup atana an hman te a ni ve bawk (TCS hi company tha lo a ni tihna phei chu a ni miah lo).
NIMCET
Tun dinhmunah hian NIT zinga 11 te hian MCA zirna an nei a, heng NIT te tan hian common entrance test – NIMCET a awm a. NIT hrang hrangin NIMCET hi in conduct chhawk in kumin hian NIT Allahabad in an conduct dawn a, question te hi multiple choice niin question semzai dan hetiang a ni:
1. Mathematics – 40 questions
2. Analytical Ability & Logical Reasoning – 55 questions
3. Computer Awareness – 10 questions
4. General English – 15 questions
Chhan dikin mark 4 a pu a, chhan dik lohvin -1 a ni thung. Seat 400 vel a awm a, a tlangpuiin mi 14,000 velin an exam thin (3% acceptance rate). Question te hi a har lutuk lova, tribal quota te nen phei chuan tlin ve theih tak a ni. Tunah hian application thehluh a hun leh tawh a, MCA zir tum tan chuan ngaihven tel ve ngei chi a ni.
Hetah hian information kimchang en theih a ni.
Similar Posts:
- 10 new NITs approved, northeast gets lion’s share
- Another NIT in North East
- Interview/written test Questions kal dan phung hi..
- AIEEE Question Paper Leaked….
- Mizoram alone yet to have Engg and Mgmt course
Ka fon hi chu charge lai tih...
March 2nd, 2009 at 11:40 pm
ahahah ka hmai akhuh theih ka ring a, ka duh riau
Report this comment
March 3rd, 2009 at 2:13 am
US ah hian computer problem kan neih lai in…. 1-800-***- an helpline No# ka call a…… “Sir, can u hold on for a minute”! an tia……. nakin ah Hello an lo tih leh chuan India ah min lo re-direct daih nia!! Computer lam ah chuan India lam hi nep lo a ni ang!!
Report this comment
March 3rd, 2009 at 2:18 am
IT ah chuan nia india hi an sang khawpmai, US a thawk lah an tam bawk
Report this comment
March 3rd, 2009 at 3:18 am
Vai ho an fing em a sap ho lah in hlawkna tur chu hai bik lo. US a $3000 a Tech Support employ ai chuan India a office han neih mei hian $1500 (tax an pek zat ka hre bik chhiah lo) vel pek kha hlep hlir alom maw le. Vai pa lah chuan Rs. 25000 ai a tam hi chu mi an pe khat khawp mai an senior hle te a nih loh chuan
Report this comment
March 3rd, 2009 at 3:40 am
Aizawlah te hian outsource company te hi din theih ni se a thawk thei tur an tam tawh dawn teh lul nen
Report this comment
March 3rd, 2009 at 2:32 pm
Tunlai thangthar ho hian rawn ti teh se. Keini zawng kan zuai tan der mai. NIT lut ve teuh deuh, rilru a lo suangtuah hman toh, thei ve talo zingah kan lo tel toh mai ang…
Report this comment
March 3rd, 2009 at 7:31 pm
@The_Chhamanator: NIT ah MCA i zir thei a, i ngaihsan awm khawp mai. Ni e, MZU aia NIT i thlanna chhan pawh Institution azir a ni ngei e. Computer Courses hi atam ka tih tawh kha.. BTech computer awmna hi a rei tawh a, BCA/MCA te hi chu tun hnua engineering line-a zir pha lo te IT field-a luhna tura tana siam leh chauh zawk a ni. AICTE pawh hian BCA hi a recognized (enkawl) lem lo. MCA erawh hi chu AICTE hnuaiah a awm a. Regulation & Rules fel tak hnuaiah a dah. BE/BTech aia hniamah ka ngai a ni ngawt chuang lo. Rules leh Regulation en khan a lan dan a ni mai chauh leh India ram khawi hmunah pawh an ngaihdan tlanglawn ber a ni. Engineering college tha tam tak MCA zirna awmlo hi a tam viau lo maw.. Tin, college placement ah pawh nise, MCA leh BTech awmna ah MCA ai chuan BTech graduate chu company chuan an duh zawk deuh chuan ka va ring e (lo zawt chiang chhin teh). MCA in NET exam thei e… BTech in exam thei lo a ni mai thei. University/Technical courses lecturer ni turin BTech hian NET a neih a ngai lo. First Class kha a tawk mai. MCA te hian Engineering line ah tih theih in nei ve lo.. MTech zir turin MCA leh Btech an qualify a, mahse Btech tan MTech admission a awlsam zawk. Lecturer chung Asst. professor or higher ni tur chuan Btech or MCA pawhin Dortocrate degree (Phd) a neih loh chuan an kai sang thei chuang lo. tin MCA leh Btech or Mtech ten common class in nei a ni mai thei, subject dangah in zir a in san hleih viau lo maw… ??
Report this comment
March 3rd, 2009 at 8:07 pm
@Neo, nia, keini college ah pawh BTech ho chu an thiam zia kan sawi thin. AIEEE atanga rank tha tak tak luh khawm ve na kha a nia keini ve mai chuan el enah pawh kan en pha meuh lo. Kan classmate ho bulah pawh BTech ho hi chu lehkha zir mai piah lamah pawh hian an smart deuh zawk chu a ni ka lo ti ve thin.
BTech computer science hi India ramah kan college hian an nei hmasa ber a, hei leh PARAM awmna a nih avangin ka thlanna chan pakhat pawh a ni. MCA in Engineering line tih theih loh tih chu kan college-a recruitment rawn ti thin Yahoo, Cisco, Google leh Microsoft etc. chuan an hre ve lo a niang, MCA an la ve zel tho mai. MCA leh MTech chauh recruit tura lo kal thenkhat an awm a, BTech chauh recruit tura lo kal an awm bawk. Ka hriat ve chinah chuan Adobe tih loh chu top Companies ho zingah kan college bik ah chuan BTech chauh recruit tura lo kal an awm lo. Tin, engineering line chu a zau a, CS leh IT ah chuan “BTech or equivalent” ah hian MCA chu an telh ve thei zel tawh a nia. MTech zir tur an lakna ber chu GATE score a nia,
Kan college BTech syllabus ka hrechiang lova, mahse Mathematical based papers ah chuan BTech chu an tha zawk in ka hria. Subject pawh an ngah zawk a, sawi tawh ang khan anni chu lehkhathiam special ho kha an nia. Plaement tests leh interview-a an ngaih pawimawh – Data Structures, Operating Systems, Advanced Computer Networks, Linux/Unix, Automata theory, Algorithms, Software engineering, Computer Organization etc. te hi common papers kan neih te chu an nia, a dang chu ka hriatpui vak bik lo.
BTech ka zir lohna chhan hi ka at vang a nia. Engineering line hi a tha tih class 12 ka pass pawh khan la la hre lo. Mahse khatih lai khan BTech kha lo zir ta ila, tuna kan college luhna hi chuti takin tha lem lo mahse heting quality angah hian ka lut pha awm si lova, ka inchhir lem lo tih hi ka inhnemna a ni. Rawn ziak leh rawh, i like this kind of constructive debate..
Report this comment
March 3rd, 2009 at 11:55 pm
snwqueen ka va hre chak che ve… roorkee hi ka ngai bang thei lo asin..
Report this comment
March 3rd, 2009 at 11:57 pm
funny… khaw nge ni ta, a va reh tran ve
Report this comment
March 4th, 2009 at 7:13 am
@The_Chhamanator: Professional equivalent’ tih hian degree equality a kawk lo. In ang nise engah nge Btech/BE awm renga MCA a awm ang? Mihring azir chu ni teh meuh mai, Btech aia MCA laktlak zawk pawh chu an awm ang. Btech ho chuan MCA chu tluk loh enah an en ka ring lo che u. (an hnuaia awmah an ngai mai thei zawk che u) Mahse generally-a thlir dan leh awmdan mai a nia ka sawi. Btech ho chu an bright leh smart zawk pawh a ni thei. Mahse nang pawh i duai bik chuang nang. Mizo tlangval i nih kha i tluk lohna tur bik a awm hlei nem (think positively). Amaherawhchu MCA zir tam tak hi an in la sang nghal ngawt avang zawk a nia, thil awmzia ka sawi mai ni.
NIT larna pawh MCA course a ni hlei nem, Btech/BE couse a ni tih i hriat ka ring. Tamil Nadu ah i awm a ni awm a. TN hi engineering college tamna state a ni tih i hria ang. Khangah khan State level leh ram pum huap pawha Engineering college tha a tam kha. Anna Univ. hnuai Guindy (chennai) engg college te pawh a lar kha..MCA pawh a awm in ka hria. an larna leh an duhna chu Btech course kha a ni zel ang.
A chunga i rawn sawi MNC te pawh khi MCA recruite tur ringawt chuan khawi College ah mah an kal ka va ring lo e.(engineer zir mek zawh tur an tam ang chu) Engineering graduate an zawng a ni zawk lo maw? Btech recruit-na ah MCA an tel ve chauh zawk anih hmel zawk.. btech lak zawhah MCA lak tur tihna lam ni lovin, a thiam zawk chu an la teh meuh ang. ‘tel ve’ tih khian a thil dang pawimawh hmasa chu a awm a tichiang viau lom ni. Company recruitna ah btech/be lakna ah tel ve ta lo ni ula, MCA in eng nge in tih ang? BCA zirtir bak hna a awm nang..
MCA in Engineering line ah tih theih loh chu a awm alawm :- a) MCA hi technical course ah AICTE in dah mahse, engineering line/couse a ni lo. Engineering course ah chuan Mtech chu a zir thei. Msc(comp sc/IT) te pawh chutiang tho. GATE score nei in engg. line ah an lut thei. (Mizo IT thiam tak Zorama pawh kha Msc(physics) atanga MTech IIT-a zir a ni)
b) A hming ang hian Application couse a ni.
c) Engineering college ah lecturer hna a thawk thei lo.. (MCA zirtir tur bakin)
d) Btech/Be First class-in Be/btech leh MCA course a zirtir thei. (AICTE rules lo enchiang la)
e) IT company ah MCA luh theihna ah btech/be an luh theih lohna a awm lo ang. Mahse Btech/be luh theihna ah MCA a luh theih lohna a awm teuh ang.. (an lut thei mai thei, mahse engg. an duh kherna a tam zawk)
f) Govt sector company tam tak eg. JTO (junior telecom officer), BHEL, BPCL etc… ah hian Engineering tan chauh luh theih a ni. Hetah hian BE/Btech IT/CS te an lut theih vek, MCA an tel thei lo.
g) Tin, Electronics or Comm. company tam takah EC leh CS/IT chauh an luhna a tam mai, MCA an recruit ngai lo.
Btech/BE tan Mtech zir a awlsam ka tihna chu GATE hi engineering (master) zirna tur anih angin Btech/Be course hi MCA course ai chuan GATE exam na turah a tha zawk ka tihna a ni e. MCA leh Btech course te hi in anlohna a awm nual a nia..(i hman hunah lo en chiang la..in ang nise eng nge Btech leh MCA a hran a awm ang??). Tin, BCA te pawh hian MCA zirlai tam tak chu an zir ve ang (eg. Data structure, networking etc), mahse BCA leh MCA a intluk tihna lam a ni lo..
BCA pawh hi technically chuan Diploma level a ni. BCA leh MCA te tana hna dil theih a awm hian, BCA leh MCA hi a intluk tihna lam a ni lo.. chutiang bawk chuan Btech leh MCA pawh a sawi thei ang.. BTech/BE tih loh ah chuan MCA chu kei pawhin Msc(IT/Comp sc) ai chuan tha turah ka ngai ve tawp..
(a va thui tawh ve..haha..), NIT-a lut thei chin chuan MCA leh Mtech te hi degree equivalent a ni lo tih i hre turah kan ngai che a..(emaw ti hi Mizo zingah tam tak han awm a..) Tin, XII sc zir si a, engineering line thatna i hrelo hi mak ve mai2.. zir ni la, tunah khan btech/be graduate i ni ang a, i thiam chuan khawi company ah i thawk daih tawh awm sia.. a kual zawngin i kal a, beih fe hnuah btech/be te nen in la in compete leh dawn a nia..(k huphurh pui che tihna ni lo). Btech/BE graduate te chu an smart/bright zawk a ni mahna… Competitive topper a ni deuh ziah tawh a, Management ni se, IIM’s lut tam ber hi Engineering background an ni lawm ni.. Nang pawh tunah company ah lut la, btech/be te nen first level ah in awm ang a, in chungah MBA rual, technical/engg background nei an lo kat nuk ngei ang..
** Mizoram ah chuan i thiamfal viau loh chuan IGNOU, Kamaraj, ICFAI atanga MCA (correspondent) or MZU-MCA te nen level khatah hna in zawng dawn a nia, hmelhriat tha awmloh phei chuan eng ang Institution tha pawh khan chhan theihloh hun a la awm mai thei bawk..!! Chutiang karah XII sc-a thiam deuh leh entrance-a titha ten BTech degree neiin an lo kat ve nuk bawk dawn nia…
( tawk teh se.. heng zawng2 hi nangmah beihna lam nilovin, MCA leh BTech in an lohna a ni e. nice discussion)
Report this comment
March 4th, 2009 at 7:22 am
MNC lar tak2 Yahoo, Cisco, Google leh Microsoft bakah tam tak NIT-a recuitment ti thin ho khan MCA awm hma daih pawhin BTech/BE recruit turin an lo kal chamchi tawh…..
Report this comment
March 4th, 2009 at 9:42 am
Han in hnial zel teh u, a ngaihnawm ania….
Report this comment
March 4th, 2009 at 4:23 pm
@neo, nangmah hnial rau rauvah chuan i thusawi hi pawm ber pawl ka ni ang
. Tak takin, i thusawi tawh ho kha ka pawm deuh vek. Ka rawn hnialna chhan tak che pawh MCA an in la sang i tih vang chiah kha a nia. Ka comment ho atang pawha awlsam taka i hriat theih tur chu BTech te hi college khatah ngat chuan MCA ten kan tluk lo tih hi ka ngaihdan a ni.
Kan college hi Allahabad, UP-a awm a nia, Trichy kan sawi kan sawi a, i hriatpawlh a ni ang e. Placement chungchangah pawh khan ka sawi hmaih i rawn sawi a, BTech zar kan zo tih hi chu phat rual a ni lo. BTech hi chu awm lo se kan college ah ngat chuan tuna rawn kal Company chanve pawh hi an lo kal lo maithei a ni. Mahse sawi tawh angin MCA leh MTech chauh recruit tura rawn kal company hi an awm ve nual a, eg. ST Microelectronics. Package pawh rin ai takin an pe tha ve phian. Tin, JNU hi MCA zirna tha bera ngaih a ni a, BTech awm lovin School of Computer and System Sciences in an enkawl a, placement 100% a nih bakah recruiters pawh MNC deuh vek an ni. An entrance exam ka pe ve a, a harzia ka hria a, placement an hmu tha pawh hi awm ka tihpui khawp mai.
). BTech course hi engtiklai mahin MCA hian a tluk ngai dawn lova, Mizorama MCA lo indah sang pawh chu an hriat tlem vangah ka ngai.
MTech zir theih chungchangah kha chuan tu tan pawh GATE through a ngai a (exception awm chu i hriat tho kha), a kalphung hre vek lo mah ila, GATE score sang zawk chu tu pawh ni se first choice ni turah chuan ka ngai ve ngawt a.
MCA course hi engineer indaihlohna avanga siam anga sawi a ni a. Engineering college hi din a hautakin engineering course-a tel tam tak hian lab bik a mamawh avangin a hautak em em a, chuvangin IT company ten an mamawh eng line bikah emaw phuhurk nan course light zawk leh hautak lo zawk atana din niin an sawi thin. Chuvangin MCA chu BTech COURSE aia hniam a ni nghal tih chu a chiang khawp mai. MTech phei chu specialized line lehzual a ni tawh a, MCA chuan pha lo tak tur a ni (mahse MTech tamtak laktlak loh zia hi chu mak i tih ve tho ka ring. Kan sir pakhat phei chuan MTech chu BTech-a thiam lo ho zir tur alawm a ti thin
MCA vs BTech tih hi a ri zing viau thin reng a. A tang na tawh laklawh chu tang na tak an ni ve ve a. A chhan hi enge ni ang tih hi ka ngaihtuah ve fo thin. Hei hi i pawm ve tho ka ring – Mizo BTech tamtak hi chuan an thiam lo a ni. Mizoramin qouta hman sen loh kan nei a, college tha tak tak te a awm laiin tha vak lova lut te an awm a. Tam takin tui vang ni miah lovin a tha tih vangin an zir a, an tlin/peih leh lova. Pass zingah thiam tak tak lah an tam, mahse anmahni zirpuite ngei pawhina an pass chhuak thei mak an tih thu an sawi hi ka hre ve nual mai. Heng mite hian phaiah engineer thawh tawk hna an hmu lo ngei a, Mizoramah an han haw a, Engineer hming pu ve siin an thiamna hmuh tur a tlem lutuk a, hei hi BTech COURSE aia hniam zawk MCA bakah BCA etc te hian an ngaisang bik lo thin mai niin ka hria. Tin, MCA-a M hi Masters tihna a nih vang hian BTech aia sanga inngai hi an awm ve bawk a, hei chu an hriat loh vang mai ni ah ka ngai.
A lehlamah sawi tawh ang khan hna dil tur tamtakah, Mizoramah te ngat phei chuan candidate hmuh that loh an hlauh vangin BTech CS/IT hna dil theih hi chu MCA leh MSc IT tan hian an hawng ve deuh zel a. Engineer i ni turah ka ngai ve ringawt a, nang i ni tihna ni lovin, an COURSE aia hniam si ten hna engemaw an chan tur ni a an ngaih an han chhuhsak takah hian lungawi lo tihngaihna dang awm si lo hian hmusit taka sawichhiat ching hi an awm a (ka hre ve nual mai) hengho hian hetiang hi an ti punlun zel niin ka hria.
Zir kual thu ah chuan awmze nei lova lehkha zir hi documentary siam dawn se a changtupa ka nih ka ring :). Khalamah kha chuan i uar lo mah mah ka ti. Ka graduate tirh pawh khan MBA te hi ti ve rawh min tia, pawisa tamna lam a ni e an tia. Ka tui ngang loh vangin ka zir ta lova. Tunah chuan ka la inchhir lo chu a nia. Nakinah keini aia thiam lova kan ngaih thin Arts line atanga MBA lutte hnuaia thawh a ngaih hunah ka tlawmngai khanglang ang em tih hi chu ka inzawhna fo a ni.
Tin, hna tih chungchang kha chu sawrkar hna hi chu hmelhriat nei tha tha in an chang kumkhua dawn a, MCS exam takngial pawh a fair lo an tih tawh chuan beisei tur hi a vang angreng a. Hmelhriat nei ve lo MCA, MTech, BCA leh BTech ten Association te kan din tawh mai a niang chu. Thanks for your valuable input…
ps. IT department-a post MCS leh Technical officers hovin an inchuh chungchang hi sawi kai ka chak a, kan topic chhungah chuan a leng lo ni teh se.
Report this comment
March 4th, 2009 at 5:26 pm
Ngaihnawm hle mai. Bengvar thlak e… BTech emaw MCA emaw a tha tih lam nilovin, The_Chhamanator i information pek a lawmawm e.
Report this comment
March 5th, 2009 at 3:18 am
He post chu liam mai atan chuan ava la uihawm ve. The_Chhamanator a dang lo post leh mairoh, tiang lam related hi
Report this comment
March 5th, 2009 at 9:31 am
@The_Chhamanator: Sorry, Allahabad lamah ni maw i lo awm zawk a. Btech (IT/CS) quata chu Mizoramin kan ngah vak ka ring lo.. ka hriat hnuhnun ber khan 30 vel niin ka hria. Tunah chumi seat chang turin competition pawh XII sc zingah a sang viau tawh ni awm a ni. Tin, btech zir nazawng chu an thiam em em vek kher lo ang. zir chhuaklo te pawh an awm nual lawm ni. Mahse professional line zir hi thil namai lo tak a nih hmel e. Tun hnu (5yr vel)-a enggineer zir te chu hman lai ngawt ai chuan an zia tawh viau a ni. Mizo te hma kan sawn ve zel a. BCA pass ringawt hi awmzia awm vak hmel loh a, MCA an zir leh deuh vek a rinawm a, MCA laktlak loh pawh an la kat ve nuk ngei ang. IGNOU, Kamaraj, ICFAI, MZU leh DoeCC( a awmin ka hria) atangin MCA degree a la chhuak teuh dawn a nih hmel e.
Btech/BE (CS/IT) chuan engtik lai pawhin hna dilna ah MCA chu an compete hreh lo ang.Tin, tunah MCA mizoramah tihtham an awm em ni? I sawi ang khan ‘M’ tih lai tak hi sorkar hian a la fuh nge ni, chumi sawifiah chu Btech/BE te tihawm reng pawh a ni lawm. I zir kual viau ni awmin i sawi a, doeacc/zirtiri lamah te pawh i lo kal sil nual tawh lo maw? I aia thiamlo thin MBA an tam lo ang – lungngai suh. Tin, tun laiah IT company ah MBA technical background an tam lutuk. I la zir peih chuan nangmah khan MCA zawhah MBA te chu zir la.. khi tah..khi tah i ni mai. or Competitive exam la, IAS i nih chuan a dang viau ang.
I information ziah hi a tha khawp mai. Thurawn atan (pe tur che chu ka ni lo mai thei a..). Mizoram atangin MCA phaiah college or Univ tha zawka zir turin thurawn leh kawng kawhhmuh zel rawh. Tin, MCA hi AICTE hnuaia course a nih angin AICTE recognized nilo atanga degree lak a pawizia leh a hlut loh zia hi MCA zir turte hrilhfiah fo rawh. Hei hi nakina i hlutna bikna tur zel pawh a niang (institution leh Univ. hlutna). hmanah khan doeacc hian MCA ah AICTE reconized an la dawn an tia…eng nge chanchin ka hrezui lo. MZU hian a buaipui em aww? Chuti nilo se, a va ho awm ve.
Mizoram ah Computer Engg. Association chu a awm tawh kha maw..MCA in assn in la din ve dawn em ni?? IT dept-a head of dept post chunchang chu misual ah hian sawi a ni tawh lo maw(ka chiang tawh lo). Specialist vs Beurocrate a nia, sawi tawp theih chuang loh. Mahse kei chu ka dinna pangngaiah ka ding reng… Mi state IT head te chu administration an thiam bakah IT background/degree an nei tal zel. Kan state ah chutiang an awm hrih lo. Chuvang a nia, a chunga i zir tur MBA or Competitive ka rawn hlui na chhan che. Khi post ah khian i la awmlo ang tih tuman an sawi thei lo.. Ka lawm e.
Report this comment