Contract hnathawhna hmun hrang hrangah a chhawrtu contractor leh a mi chhawr labour te hi hnathawh hmun khata thawk theuh theuh si thlan tui far thla zawih zawiha mahni tha leh rilru zawng zawng senng a thawk hah zawk labour te chanvo chhe lutuk hi an khawngaihthlak awm hle a ni. Entirnan hnathawhna hmunah chhiatrupna thlen palh thilah a tuartu be rte chu labour-te niin a then chu ramtui leilo ah te chhuakin a then phei chu an ar note thih mai mai thin. Pu Lal Thanhawla kaihhruai Congress sorkar chuan contract hnathawhna hmuna laboure-te dinhmun chhiat zia leh khawngaihthlak zia hriatpuiin engtin nge labour te dinhmun hi tih that a an hamthat zawkna turin engtin nge hma a lak ang tiin ngaihtuahna nasa tak a seng a.
Labour&Employment Minister Pu Lalrinliana Sailo hmalakna in labour-te hamthatna tur atana zau zawk leh tih tak zet a thawk turin mumal takin Mizoram ah hian Mizoram Building & Other Construction Workers Welfare Board hi kal turin Labour & Employment Dept. hnuaiah a hranin kum 2013 kum lai khan anmahni a office neih tirin labour-te’n hamthatna hrang hrang an neih ve theihna tur a India sorkarin dan a lo duan Building&Other Construction Workers’ (Regulation of Employment & Conditions of Services) Act, 1996, Building & other Construction Workers’ Welfare Cess Act, 1996 leh Building & Other Construction Workers’ Cess Rules, 1998 a taka May, 2012 a Mizoram a kan hman tak, awm ze nei tak a bawhzui anih theihna turin tih a ni ta a. Nikum May thla atang khan contractor te chu labour te hamthatna tur atan an hnathawh total amount atangin 1% Cess chu sawrkar hnenah pek tir an ni ta ziah a ni.
He Board hnuaiah hian nitin kuthnathawka inhlawhfate (construction worker) te chu Rs. 25/- chauh seng in member-ah an in ziaklut thei a, kumtin membership fee Rs. 120/- an pek ve erawh a ngai. Member kum 60 tlingte chu membership fee atana an hlawh tlingkhawm pek let leh an nih bakah thlatin pension atan Rs. 400/- pek an ni ang. Member boral te chu Rs. 10,000/- (sing khat) a ral tur an ni a, hnathawhna hmuna boralte erawh chu Rs. 2,00,000/- (Nuai Hnih) a ral rur an ni thung. An fate zirlai tanpui nan kumtin Rs. 10,000/- (Sing Khat) thleng pek theih an ni a, member hmeichhia te chu an nau neihin Rs. 2,000/- (Sang Hnih) a lawmpui thin an ni ang. Accident leh damloh palh ah member te chu Rs. 10,000/- (Sing Khat) thlenga tanpui theih an ni a, kuttualleichham ta te erawh Rs. 30,000/- (Sing Thum) a chhawmdawl an nih bakah thlatin Rs. 400 (Za Li) a pension tir an ni ang.
Khuarel chhiatna avanga In leh Lo chanta te hnenah Rs. 1,00,000/- (Nuai Khat) thleng pek an ni thei bawk. Mizoram Building & Other Construction Workers Welfare Board hian tunah hian Rs 13,00,00,000/- (Vaibelchhe Sawm leh Pathum) aia tam contractor ten an contract hna atanga an thawh khawm (1% Cess) atangin a dawng tawh a, heng atang hian labour-te hamthatna tur atan an pek leh an office inrelbawl nan Rs. 4,00,00,000/- (Vaibelchhe Li) chuang an hmang tawh a ni. Member kum 3 (Thum) ni tawh te chu anmahni emaw an fanu/fapa te’n nupui emaw pasal an neih chuan Rs 3,000/- (Sang Thum) in tanpui an ni anga amaherawhchu nupui emaw pasal inneih tanpuina hi vawikhat bak pek anni lovang.
Sorkarin labour-te leh an chhungkaw tan hamthatna leh chanvo tha an neih theihna tura hmalakna hrang hrang a neih te chungchang hrechiang duh leh chung a hmalakna te chan ve ngei theihna turin in register duh te tan Mizoram Building & Other Construction Workers Welfare Board Office, Upper Republic, Aizawl-ah leh District Employment Office, Aizawl/Saiha/Lunglei leh Champhai-ah te zawhfiah reng theih an ni.
Similar Posts:
- Labour Registration ti duh tan.
- Mizoram tops in child labour
- Saiha ah magician
- Thla 6 chhungin sorkar hnathawk 51 ban
- Skilled Work Force
August 22nd, 2013 at 1:33 am
Party leh dinner kal laiin congress propaganda in lo chhiar ai maw?
Report this comment
August 22nd, 2013 at 10:49 am
Inthlan a hnai ta a ni e!
Report this comment
August 22nd, 2013 at 4:37 pm
A tha dawn hle mai.
Report this comment
August 23rd, 2013 at 12:58 pm
a thra din hle mai
inhlawhfa ka lo ni ta a ka hnathawhnaah ka chesual a ramtuileiloin ka awm phah a, khawiah nge ka claim tak ang,thingtlang kilkhawr hla takah ka awm sia…
na lutuk vakloin keimahin ka chesual palh a Rs singkhat khi min pe tho a ngem? engtia na chin nge pek tur??
Report this comment
August 24th, 2013 at 1:17 pm
nirvana sawi congress propaganda a ni emaw, hlatekhua sawi anga inthlan a hnai pawh lo ni se….kuthnathawktute hian hamthatna an nei ve ta hrim hrim a, a lawmawm e
Report this comment