Hmangaih berte kumtluan atana kawppui tura nupui pasal atana inneih tluka hlu leh ropui hi a awm chuang lo, khawvel chanchin tam takah chutianga hmangaih berte nei ta lo chanchin thahnem tawk tak an lo awm tawh thin, chutianga damchhunga mahni chanchin sawi tur zingah chuan R Lalengkima chu a tel ve lo a, a hmangaih ber neiin ‘dam chhungin rinawmin’ tiin a tiam.
A bialnu, a duat em em nen chuan kumin March ni 27 khan Presbyterian kohhran dan thianghlimin Vairengte biak inah an innei a, an hmangaihna thianghlim chu mipui hriatah pholan a ni a, a lawmpuitu mipui pungkhawm erawhin chu hlim ber niah chuan an mittui sur an dang zo lo.
Hlim avanga mittui tla nge an nih a, khawngaihna mittui tla? Engkima tan chuan nupui neih chu midang ang bawkin ‘decision’ lian tak a ni a, a nun kawng chanvea inher danglam dawrhna tur a nih avangin nupui tur pawh a thlang fimkhur ang tih a rin theih. Hmangaih bawk, nunnem bawk, mite hmuha hmeichhe lepchiah ni lote hi Mizo mipa tan chuan nupui atana duhthlan tur nia ngaih a ni.
March ni 27-a nupui neih dinhmun hrechiang bertu chu Engkima a ni, Salvation Army Major Lalbiaksanga fanu Lalhruaitluangi, kum 26-a upa nena an inneih dawn hian mo tur dinhmun hi a chhe tawh hle a, thisen cancer avangin hun rei a daih tawh dawn lo tih chu tlang hriat a ni.
An inneihnia mipui pungkhawm hnuk a ulh a, inneih thlalak pawh vawi li bak an hmet hman lo, mo a chau!
Hun rei a daih tawh dawn lo tih hre mahse R Lalengkima chuan a nupui chan tur leh ama chan tur chu a hria a, khawvel eng a hmuh laia nupui atana neih hman ngei chu a ‘decision’ lian ber chu a ni ta a ni. April ni 4 a ni a, mo thar chu a chau zual a, Valley Hospital Silchar pan pui a ni a, a tuk Pathianni inkhawm reh laiin ni riat chauh a la pawm hman a pasal chu chatuan ram a pan san ta a ni. A vuinaah tap lo an awm meuh lo.
Similar Posts:
- Hei hi a ni ‘hmangaihna’ chu….
- Nangmah nge Keimah
- I pasal duhzawng i hriat sak em? (Hmeichhe pual)
- Pawisa bag(purse) chhunga Isua thla.(Sunday pual)
- Tu ber nge i thlan dawn le?
:)
April 13th, 2009 at 1:42 am
An khawngaihthlak hle mai. Engkima chu Shillong lama kan awm ve laiin kan innel ve viau nghe nghe a. Kohhran mi tak, tlawmngai tak thin kha a ni a. Pathianin awmpui zel rawh se.
Report this comment
April 13th, 2009 at 1:52 am
Ka tawrhpuina namai lo tak chu thu-hran la ni rih cheu se —R. Lalengkima chuan “a duh ber” —induhtawn ve ve bawk sia a nei hman hrim hrim chu ka lawmpui dan hi nasa tak a ni.
Rawlthar chhohva induh ngawih ngawih, a khawimaw lam zawk atanga rem thlawt bawk si lo, chutiang chanchin hlui ngaihtuah kir changin —R. Lalengkima hi thik tham a tling titu an tam ve khawp ang. A va ROMANTIC veu veu tak em!
Report this comment
April 13th, 2009 at 6:54 am
Hmangaihna hi chu a mak reng a nia,Vanramah nupui pasal a awm dawn si lo va,an innei hman chu an lawmpui awm hle mai,mahse hetiang ang chi hi chu ngaihtuah ngun fe a ngai ang.Sweet November Film emi kha..kan en em aw!!!!!
Report this comment
April 13th, 2009 at 7:39 am
Lalengkima thlalak hi hmanni deuh khan nu pakhatin ka dawrah a rawn print tir a, a chanchin min hrilh, ka rilru a khawih khawpmai. Ni e; khawvel a hmangaihber nei lo hi mi engzat tak awm angmaw?Tleirawl chhuah hlim a kan nun her danglam vek a, kan damchhung a kan ngaihtuah nawn fo tur mihring nupui pasal a nei lo hi an tam ngawt ang.
Report this comment
April 13th, 2009 at 7:46 am
Awwww.. this is so sad!!!
May the good Lord be with him!!!
Report this comment
April 13th, 2009 at 8:08 pm
“Kumtluan atan” tih ni lovin “Kumtluang atan” tih zawk tur a nih hmel… Zoa.
EK-a chu a ngaihsanawm ngawt mai. Mizo mipa tam tak hian kan tluk lo niin ka hria. Tin, a hmeichhia pawh a vannei bawk. An vannei ve ve ka ti. Vawikhat dam ve mana hmangaih tak tawn tluka vanneihna a awm chuang hleinem. Hmangaih ber la tawng ve lote hi chuan, well, we haven’t lived the life at all.
Vannei vanduai an tih diktak erawh a ni leh si..God bless you Lalengkim.
Report this comment
April 13th, 2009 at 8:47 pm
@cool : Engkima te nupa tan ber kher hi chuan KUMTLUAN ATAN leh KUMTLUANG ATAN tih pawh —a inhmeh dun thovin a lungrunthlak ve ve thovin ka hria. Ni 8 chhung chauh pawh ni se …
Ka thian —nau anga ka en bawk pawhin a bialnu Systemic Lupus Erythematosus (SLE) vei kha an inneih tep tawh laiin a dawm hlum … an romance hre chiang tan chuan—an che thianghlim dun si a—an lainatawmzia kha khawvel hriata puanchhuah a chakawm ve rum rum thin zu nia! Ka thianpa a lianatawm zualna chu … chumi hma pawhin damlai lusun tak tak thihna nunrawng avangin a paltlang tawh bawk a … belhkhawma TEH TLIN SEN chi ni zozaiin ka hriatpui thin lo! Ni 7 chhung tal ve ve han ni dun atan erawh chuan duhsakpui ngam chi a ni bawk si lo!
Report this comment
April 13th, 2009 at 9:41 pm
A runthlak kher mai, hmangaih ber tawnglo hian he khawvel hi mi engzat hian nge hmang liam tawh tak ang i maw le…
Report this comment
April 13th, 2009 at 10:35 pm
Hetiang chanchin ka hriat chang hian Pathian hnenah why ka ti fo thrin..ka khawngaih a,ka lainat kher..he cancer zet hi chu ka haw ngawt mai,induh taktakte a va tipamhmai hnem tawh tehlul em!!
Report this comment
April 13th, 2009 at 10:49 pm
Hetiang chanchin hi ataka changtu tan chuan a rapthlak tih chu hai rual a ni lo. Mahse, kan nun a khawih dan leh min fan ril dan hi a tha ka ti. Celebrity ho nupui/pasal thlak chhen chanchin ai chuan, hetiang true love story hian khawvel hi chenna tlak a ni tih min hriat thar tir a, a thlamuanthlak tlat. May be that’s why God allows tragic stuff like this to happen in the lives of His loved ones…. to inspire humankind to remain true to our loved ones, no matter what’s the price!
Report this comment
April 14th, 2009 at 12:33 am
A ngaihnawm khawp mai. Hetiang harsat na kan tawh chang hi chuan kan thian kawmngaih te kan bula an awm chuan kan hlim ve thei khawp mai.
“Mahse tuna ka nunah hi chuan an awmsi lo a pawi khawp mai, thian han tih tur hi nei ve ila chuan khawvel hi a nuam tur ani a” tiin a in ngaihtuah buai khawp mai. A thut na bul vel ah chuan mi an zi nuaih2 a mahse chung zingah chuan tumah pawh a hre silo.
chuan in ah chuan hawng in kar khat chhung an hmuta lo reng2 a.miho te chuan a in chu hawn an tuma an hawng thei lo. tichuan police koin ain chu an kar chhe ta a. a in chhung ah chuan thiin an chhar ta a.
lehkha a hnutchhiah a tiang hian “khawvel ah hian thiantha ka nei thin, mahse ka thian te nen chuan kan in kar a hla ta. engmah ka nei talo” tiin. “ka hmangaih ber leh ka duh ber in khiang min awih san ta a tello chuan engmah kani talo.
A khum bulah chuan sleeping pills leh a thian te leh a bialnu thlak chu hmuh ani.
Report this comment
April 14th, 2009 at 12:42 am
A thupui ‘Kumtluan atan kan tih kha’ tih hi han sawisel ka duh deuh. A ziaktu’n min lo hrethiam se. ‘Kumtluan’ tih hi chuan kum khat pum hlum sawinaah kan hmang thin. Entirnan, “Kum tluanin chhiat kan tawk”, “Nikum kum tluan khan Sapramah ka zin bo daih a”. Tuna kan thupuiin a kawh nia ka hriat chu inneih thutiam “Kum tluang” tih a nih ka ring ngawt a. “Kum tluang then loh thu kan tiam kha” kan tih chuan damchhunga inthen lo tuin thu kan tiam kha tihna a ni. Chuvangin, kan thupui hi “Kum tluang atan kan tih kha” tih tur a ni dawn lo’m ni?
Report this comment
April 21st, 2009 at 3:48 pm
Hmangaihna hi chu a lo mak ngot hian ka hre thin kan hmangaih thin te pawh kha hmangaih loh hun te a awm a kan hmangaih loh thin te pawh hmangaih hun te a lo awm thin hi hmangaihna dik tak hi eng ber hi nge ni ang aw te ka ti thin pathian hian eng ang chiah in nge hmangaih na hi mihring ah hian a dah le aw te ka ti a kei mah leh kei mah ka in zawt ve fo thin a ni
Report this comment
May 5th, 2009 at 12:48 pm
It’s so sad!!ka ngaihtuah zawng ringot poh in ka mittui a ko chhuak thei mai dawn…..mse in hmangaih tawn em2 in an in nei hman erawh chu a lompui om! Noverber Rain***Gun N’ Roses ka en apiang hian hnuk a ulh thin…
Delhi kan omlai in ka thian nu U(bro) in nupui aneia,thisen sang vang in 1 week chauh an in neih hman tihah a baral san!!chutah Landlord ten a ruang in chhungah lak luh an la phal lo zui!!!
Report this comment
January 8th, 2012 at 1:09 am
He post hi misual ho kum bul tan nan hian pawimawh ka ti ve tlat.
Report this comment