Mizoram School Examination Policy

April 16th, 2009 2:00 am by Naupang^Fel

A topic ka dah dan hi ka thuziah tur nen hian a in mil em ka hrethiam chiah bik lo. Ziak tan nghal tawng mai teh ang.

Mizoram ah kher lo pawh an hmang ve maithei tho bawk a. Mahse a ho ka tiin awmzia awmlo hi kan ti khawp mai a. Kan nau pakhat chu pawl 12 exam zo a ni a. Commerce student a ni. Economics chu main subject pakhat zing a mi niin a thiamloh pawl tak pawh a ni a. Subject dang chu economics ai ngawt chuan a ti thei deuh.

Business Mathematics chu additional subject a ni a. Duh chuan a exam loh theih. Mahse, a tangkaina chu, BM a an pass a, Economics ah khan an fail vaih chuan, Business Mathematics kha main subject ah an dahsak a nga. Pass kha an ni ve mai dawn a ni. Mahse, Economics ah khan pass mark 35 ni ta se, 35 kha marks total ah belh in BM-a an mark hmuh kha chu engtihna mah a ni leh chuang si lo ang.

Kan nauvi chu a han exam ta ngei a. Economics an tih ni chuan a thiam lo hle mai. Business Maths ah chuan ti tha a in ti hle a. 70 chung lam chu hmuh ngei a in beisei a. Economics chu inziah fail a, BM chu main subject ah dah zawk mai a rilruk rum rum a. Mahse failna subject han neih em kha chu dikin a hre si lo. Result a rawn chhuah chuan Economics ah 36 a hmu a, BM ah 72.

First division ah a pass a. Mahse top 10 ah a lang lo tlat. A chhan chu economics ah khan a hmu tlem em a lawm. Inziak fail se la chuan, BM mark zawk kha an enter sak a nga, Top 10 ah a lang var var thei. Mahse exam hma khan BM kha economics subject ai khan main subject ah a thlan theih bawk si lo a. Chutak chu a buaithlak na lai chu a ni. Theih se chuan economics kha a zir lo tawp law law tur a nia.

Economics a pass te an vanduai a, fail te an vannei thung. Hei tak hi, a ho ka ti. Nang ni ve ta la, economics ah i inziak fail ang nge i inziak pass ang?

10 Responses to “Mizoram School Examination Policy”

1
tetea_t Says:
April 16th, 2009 at 2:36 am
A dik khawp mai. class 10-a additional subject an tih te pawh hi mak ka ti, student thiam deuh chu awm se full mark aia tam daih a hmu thei tihna asin!

Report this comment
2
Aputea Says:
April 16th, 2009 at 2:59 am
HSLC-a Additional subject mark belh kha chu an tibo tawhin ka hria. An full mark pawh a awm ang ta deuh. Tunhma kha chuan 499/500 te a ni thin a, subject tinah highest an ni leh bawk si lova, a nuihzatthlak top!

Report this comment
3
Aputea Says:
April 16th, 2009 at 3:07 am
Class XII Science-ah hi chuan Biology leh Mathematics hi a engemaw zawk zawk main-ah lak theih a ni a, an duh zawk zawk additional-ah an la thei bawk. Maths main-a la khan Bio kha additional angin exam ta tho se, Maths-ah failed ta hlauh se, Bio khan a chhan thei a, Bio-ah pass mark a lo hmuh hlauh chuan, Maths aiah an dah hlauh thin. Maths-ah pass mark chiah chiah hmu se, Bio-ah 70+ pawh hmu se, Maths kha main a nih miau avangin Bio mark chu a chhawr thei chuang lo. Chutiang deuh chu a ni lo maw?

Report this comment
4
Aryan Says:
April 16th, 2009 at 6:42 am
Commercial Geography an tih bu chhah tel tul, edition hlui zet (1980’s vela publish update loh) kha USSR te, Yugoslavia te an la zir tlut tlut thin kha ha ha

Report this comment
5
Mr.Pervert Says:
April 16th, 2009 at 8:13 am
ka chhiar lo mai

Report this comment
6
Naupang^Fel Says:
April 16th, 2009 at 8:36 am
@Apute-a sawi ang chi khi.

Report this comment
7
Naupang^Fel Says:
April 16th, 2009 at 8:37 am
Biology leh Mathematics hi a engemaw zawk zawk main-ah lak theih a ni a<— An ni chu BM kha main ah a lak ve theih loh zui. I case ah chuan option an la nei zawk a nih khi. An changsang khawp mai,

Report this comment
8
muantea Says:
April 16th, 2009 at 12:50 pm
Main subj leh additional chu a dang tur a ni reng a ni.Mahse,science stream te nen pawh inangtlangin eng subj pawh main a lak theih ni ta se a tha a nih chu.Engpawhnise Mizoram HSS sorkarin a enkawl dan hi chu an arkhawthim dai ve deuh thin a ni.Tunah chuan a dik chhoh zel beisei ila.

Report this comment
9
Irreplaceable Says:
April 16th, 2009 at 7:09 pm
Business Math an exam hnuah Economics an exam tihna em ni?

Keichu ni ila Economics exam ni chuan darkar chanve vel exam hall ah ka thu vel mai mai anga, chuan ka chhuak daih ang

Report this comment
10
Khelawks Says:
April 16th, 2009 at 9:27 pm
thiamloh zawk na na na chuan fail der mai tur alawm,haha..question pahnih khat vel han chhang diklo vel se…

Report this comment