Tun Olympics hnuhnung bera Chinese ho ropuizia kha kan la hre vek awm e. Mihring tam lamah chuan kan ram India hi China dawttu kan ni. Chinese ho chuan Gold Medalist tur tam tak an neih laiin keini India ram erawh chuan Gold Medal pakhat pawh kan sual chhuak hlei thei lo a nih hi.
Olympics Champion ni tura Chinese naupangin a man an pek hi ngun takin han thlir ve teh. Champion kal kawng hi a namai lo teh asin. Keini Mizote pawh hi infiamna khawvelah kan lang ve tak tak dawn a nih chuan, “No pain, no gain” tih hi thuvawna neihin Champion lallukhum hi mittui nena kan hlawh chhuah a ngai tih i hria ang u.
Similar Posts:
- Winter Olympics Vancouver 2010
- Khawvel a skating thiam ber Kim Yu Na
- Jenny tested positive for banned drugs
- Olympics 2012
- Abhinav Bindra wins gold
(Y)
May 14th, 2009 at 10:01 pm
Exxxxxxxxxxxxxxxtra tough … their palms are calloused, marred and disfigurred — when do you think we find our chicks in this stream?
Report this comment
May 14th, 2009 at 10:08 pm
An mut tlawn zar bak khi ka tan tihve chi a awmlo
Mahse, ka rilru a khawih ngawt mai khawvel ah hreawmna; thawhrimna avang a kan neih/thiam hi a hluber.MIFATE CHU EIRU LOVIN,THAWH RIMNA VANGIN AN HAUSA THEI A,CHU CHU MIZO FATE PAWH HIAN KAN THEI ANI.
Sawrkar pawisa diklo tak a ei tumna rilru nen Sawrkar hna thawk a,mahni hna ai a pawisa siam thupui a nei chung a;zahna khua hmu silo ho hian zir tur kanva ngah tak em…
Report this comment
May 15th, 2009 at 8:56 am
infiamna lama hming chher duh vang mahin tihhian an ti a ni a le, keini mahni ei leh bar intodelh nan hian eng hmanrua nge kan hman ve ang “Kutdawh” hmanrua hi chu bansan ila, “Taima” award erawh siam a tul category hrang hrang ah HSLC leh HSSLC top ten te chauh ni lovin
Report this comment
May 15th, 2009 at 10:11 am
Kolasib HS naupang a ni don emo ka tia nimiah lo le ! mizovision soi khi dik chiah mai. Nia hetiang lam hoi hi mizo ten kan tihve theih tur chi tak a ni ka ring an nia ang khian naupan tet atangin a zirna om ve thei se…
Report this comment
May 15th, 2009 at 10:33 am
An va han thei zaih zaih ve, Mizo naupang talent tha nei han Post tur te han ngaihtuah teh uuuuuu… miten rual an lo el dan te ngaihtuah a han hmuh hi chuan thahnem ngaih a va na em.
Tun kum a ramkang vanga nunna chan ta MFA in match a buatsaih atang a Mitthi chhungte ralna tur an buatsaih te kha a ropui khawp mai, Sorkar hnathawk Corrupt lo ber Award mai piah lamah mite thiltihthat fak lamah te hian i in tlansiak ang u, chu chuan Challenge-na rilru a thalam hawiin kan neihtir thei ang, Mi, a thih hnua a ngaihtuahtu ber ni hial awm a Khawharchhungte puala fak vak ai chuan a damlai ngeia fak hian a hlawkna kan tel zawk ang.
Report this comment
May 15th, 2009 at 1:22 pm
kungfu kan zir ve lai pohin ruh tliak te mai2 chu kan thing kan thing a dam ve leh mai zel!
Report this comment
May 15th, 2009 at 8:43 pm
Comment dan tur kan hre vak lo a ni maw? Sawi tur a tam teh reng nen :). ‘Survival of the fittest’ (a chak chak an dingchang) tih leh, ‘Elimination of the weakest’ (a ruh no no chhuakah) tih hi khawvel kalphung a la ni reng. Civilization mawih chhiatna bul chu nawmsipbawlna, rilru leh taksa lama inthlahdahna a ni deuh zel. American hote pawhin chu chu an hria a, chuvangin, rilru leh taksa tisek thei tur game leh activity an dah pawimawh tlat a, an mawih chhiat mai loh nan an inveng reng a ni.
Freestyle wrestling pawh hi a uar bertu chu America ram a ni. Game sek ang reng deuh a nihna chen a awm. Naupangin ngaisang se an duh a, survival of the fittest pawimawhzia an hriat vang a ni. American football an tih mai Rugby te pawh game tough deuh mai a ni a, an dah sang leh tlat. Tin, body-building te hi an chawi vul thiam a, american mipa tam zawk chu dul kiar len lun an awm ve lo, kawr an han phelh chiah hian, rin aiin an lo sek ru viau zel. Physical exercise pawh an uar. Ni tin darkar 2 emaw tal chu physical exercise an la ziah tih theih a ni. Nuam tawla awm huat huat thei tur ram an ni chungin, rilru leh taksa ti ‘tough’ thei tur an inngaihsantir thiam tlat a, chuvangin, kut hna thawka ei zawng keini hnam ai hian an ‘tough’ zawk tlat. High school leh college student hovin gymnastics an tih theihzia te khu a rapthlak zawk.
Mizoram sorkar pawh hian kan taksa lak fit-na tur lam hi ngaihtuah se ka ti thin. Zinga exercise la suau suau hmuh tur kan tlem sawt hle. Zanah kan meng rei a, kan tho tlai leh bawk sia, rin aiin mizo mipa, la valai tak tak pawh hi, kan fit vak lo. Lirthei kan nei ta sup sup a, ke-in kan kal tlem tawlh tawlh. Tlangval kum 30 hnuailam tam tak pawh hi kan dul a puar deuh pang hlawm a, khuang awrh kalin kan kal deuh lah lah tawh mai. Hetiang zela kan kal chuan kan hnam hi kan dingchhuak lo vang tih a hlauhawm.
Aizawl khawpuiah te hian Gym engzat nge awm aw? Gym kal te hi intihhmuh ila. Tin, sorkar pawhin a tam thei ang berin khawpui lian zual deuh deuhah chuan Gym hi dah tum se, thingtlang lam chu kut hna an thawk a, an la fit viau, khawpui lam hi kan fit lo tial tial niin a lang.
Sikul naupangte pawh hi physical fitness an neih theih dan tur kan ngaihtuah a pawimawh. Vawikhat lai chu keipawh hei hi ka vei em em mai a, sikul naupang zawng zawng a khat tawkin ‘mass road running’ kan tihtir thin a, 3 kms kan tlantir thin a ni. A tlan chak lo ber pawhin minutes 15 chhungin thlen tur kan ti a, naupang tam tak chuan in lamah exercise an lak chhunzawm phah a, hma an sawn chak khawp mai. Sikul hrang hrangah pawh hian, long jump, high jump, race, etc. velah hian naupang tinin an phak ngei ngei tur ‘standard’ hi siam ila, chu chu a khat tawkin en fiah thin ila, kan academic achievement kan ngai pawimawh ang bawk hian ngai pawimawh ila, a hnam ang pawhin kan sawtpui ka ring.
Physical education wing thupui – ‘Fit people, fit nation’ tih hi a pawimawh khawp asin. Physical fitness nei reng tur chuan discipline a ngai a, discipline tel lovin a fit tak tak theih loh. Hnam discipline nei tha apiang an dingchang. India ram aia Japan, China, Korea, etc. an changkan chhan pawh hi, a bul berah chuan discipline an neih that zawk vang a ni. A chunga video clip-a kan hmuh atang mai pawh hian, naupang an inhrual dan ‘tough’ zia kan hria a, khing naupangte khi an nulat tlangval hunah kan mizo thalai nen college khatah kal ho se, kan thalaite chuan an khan lo khawp ang tih a hriat mai. Hnam anga kan dinchhuah theih nan discipline hi ngai pawimawh ila, physical fitness hi thupuiah i neih teh ang u.
Vai culture-in min assimilate mek tih tichiangtu chu dul kiar hi a ni. Keini naupanlai takngial pawhin dul kiar hmuh tur an vang khawp. Tunah chuan, officer hote hian intih theih nan an hmang ta emaw tih tur a ni. An kawng lenzia an han sawi te hian nuam an ti ru deuh zawkin ka hre thin. Vaiin dul kiar an ngaisang tih te kha naupanglai (ti ve khanglang ila) chuan kan nuihzat thin a, tunah chuan ‘dul kiar culture’ kan lo ni ve ta der mai. Kal kamka tuang tuang, bawp khawkherh pial put put, dul peu liah luah kan va tam sawt em!!! Pharoa mumanga bawng thau deuh deuh 7 hnua bawng cher tak tak 7 an lo lang leh ang deuh khan, tuna kan thau viau mai hi tram hmahruai, chhiatna hmahruai a ni thei ang em te ka ti rum rum thin.
Report this comment
May 15th, 2009 at 11:09 pm
@Aputea “Aizawl khawpuiah te hian Gym engzat nge awm aw?” a zat ka hre lo na-in a awm ka hriat te 1)Zarkawt ah private Physique 2)Tuikual A RTP in bulah Sports Deptt ta 3)Dinthar Veng-ah YMA branch kuta Sports Dept in a dah. 1 & 3 hi ka kal thinna te an ni. Trainer regu loh avangin ka chawl trainer tello pohin a tihtheih mahse chhuanlamah ka hmang jeih.
“Kal kamka tuang tuang, bawp khawkherh pial put put, dul peu liah luah kan va tam sawt em!!! Pharoa mumanga bawng thau deuh deuh 7 ..” ka lo inngaihbel deuh hleks. Nia tirawh han en reng reng a INSUMLO tih hriat ei thra hmungaio ang ziazanga ei trawk tih hriat Pa-thau-a te Nu-thau-i te kan tam lutuk hi zahthlak hle. Police officer la kiar luah phei hi chu an hote nen misual um se an che chhe ngawt ang. Obesity Clinic erawh hi chu kan la neilo anih hi
Report this comment