German philosopher Friedrich Nietzsche an God is Dead a tih khan, e nge maw a awm zia ni ang le? min hrilhfiah thiam in awm lo maw?
Similar Posts:
- AOL search log for user no 17556639
- Zawhna
- Osama Bin Laden is Dead
- Serial blasts rock assam
- Microsoft is dead
A Tha khawp mai… Ni e,...
May 17th, 2009 at 10:02 pm
“KL-a” zawt la, a hrilhfiah thei ber ang che.
Report this comment
May 17th, 2009 at 10:16 pm
Pu Lalthangfala a tih khan, a pawl te tan chuan God is Dead, an ti ve mai ngei ang. Hrethiam thei em aw, Pathian kan hmuhdan leh kan hmelhriatdan hi a lo danglam thei em a lo ni..
Report this comment
May 17th, 2009 at 10:17 pm
Pu Lalthangfala a thih khan, a Pawl(Kohhran) te tan chuan God is Dead, an ti ve mai ngei ang. Hrethiam thei em aw, Pathian kan hmuhdan leh kan hmelhriatdan hi a lo danglam thei em a lo ni..
Report this comment
May 17th, 2009 at 10:24 pm
‘God is dead’ tih hi Friedrich Nietzsche lehkhabu ziak, 1882 kuma tihchhuah ‘Gay Science’ tiha madman sawi a ni a, a ziaktu hi Nietzsche a nih avangin, Nietzsche sawi kan ti ta a ni. A dik pah reng mai.
Hetiang deuh hi a tobul chu, laltrin (lantern) khaiin zing khawvar hlimah mi-a pakhat hi dawrpui velah a tlan vel ruai a, “Pathian ka zawng, Pathian ka zawng” a ti a, Pathian awm ringlo ho chuan chu mi-a pa chu an din hual a, chutah an lawm zawng tak a sawi ta a, “Khawiah nge Pathian a awm? Ka hrilh ang che u, Pathian chu kan that tawh alawm. Nang leh kei hian. Kan zavai mai hian tualthattu kan ni…. Pathian chu a thi tawh (God is dead). Tunah pawh a thi reng tawh. (God remains dead). Kan that tawh alawm….” tiin mi-a pa chu a au vak vak a…. Hetiang vel hi a ni e, a tobul chu.
Nietzsche hian eng rilru pu-in nge he madman hi a sawitir tih chu ngaihtuah tham tak a ni. Nietzche hi Pathian awm ring lo (atheist) a ni tih ka sawi hmasa duh.‘God is dead’ tih thu hmanga a sawi tum ber nia ka hriat chu, Europe khawmualpuiah tun hma-in Pathian rinna hian awmzia a nei thuk em em a, Pathian tanchhanin moral teaching pawh chak takin an kalpui a, Pathian hminga inhal hlum – entirnan, scientist ropui Bruno, Vaninni, Fontaignier te pawh ‘Helio-centric theory’ (Leiin ni a hel) tih avangin hal hlum an ni a, Joan of Arc pawh Pathian sawichhetu anga puhin hal hlum a ni.
Khang zawng zawng a thlenna chhan kha Europe mite thinlungah Pathian a nun vang a ni. Pathian hminga thil thra tam tak mihringin an tih laiin, Pathian hminga intihhlum ang kha a lo tam khawp mai. Kha vang khan mi tam takin Kristiante Pathian hi Pathian nunrawng, lainatna nei lo, Pathian sual takah an ngaih phah. Nietzsche pawh hi chutiang zinga pakhat chu niin a lang.
1887-ah ‘The Gay Science’ 2nd edition a tichhuak leh a, hetah hian Nietzsche hian a belhchhah hlek a, “The greatest recent event – that God is dead, that the belief in the Christian God has become unbelievable….” tih thu hi a belh chhah a. Chuti a nih chuan, kristian Pathiana rinna awm thin kha a zuzi ral tawh, a pawmawm tawh loh, a tihna a ni thei awm e. Actual historial facts ai mahin, a duhthusam a sawichhuahna niin a lang, a hunlai ngaihtuahin. Pathian rinna kha mawih chhe vek se a duh niin ka hria.
1888 kuma tih chhuah ‘The Anti-Christ’ tihah hian a chiang mai. He lehkhabu hi amah Nietzsche ziak tho a nia, a rilru a tarlang chiang lehzual. “The Christian conception of God… is one of the most corrupt conceptions of God arrived at on earth…” tiin a ziak a ni. Nietzsche chanchin zirtu Walter Kaufman chuan helai thu hi ‘God is dead’ tih hrilhfiahna angah a ngai. He lehkhabu-ah hian Nietzsche hi ‘Krista dodaltu’ (Anti-Christ) angah a inchhal hial a ni.
Science hmanga hmasawnna nasa tak lo thleng khan mihring thinlunga Pathian rinna, Pathian ngaihtuahna, Pathian ngaihpawimawhna leh Pathian tihna kha a tidal tawlh tawlh a, tunhma angin Pathian a lar ta lova, mihringte chuan Pathian an buaipui nep ta telh telh a, chu chu ‘God is dead’ Nietzsche-an a tihna chhan ber chu niin a lang.
Tin, amah hrim hrim hian Pathian awm a ring lova, Kristiante Pathian kha a hua a, mihring thinlungah thi hmak se a duh a, chu chu thiam takin thu leh hla hmangin a rawn dah chhuak ta a ni tih hi ka hrilhfiah dan a ni.
Ka sawi ve duh mai mai chu, Pathian kan tihhlum theihna awm chhun chu kan thinlungah chiah a ni a, Pathian kan tlanbosan theihna awm chhun pawh kan thinlungah a ni. Krawsa tihhlum Isua kha chu thihna hnehin a tho leh. Kan thinlunga Pathian kan tihhlum chuan, a tho leh mai mai tawh lo niin a lang. Atheist leh Agnostic an tam danah a chiang reng mai. Mahse, chatuan khaw var hunah thihna hneha tho leh Pathian (Isua Krista) hi nungin kan hmu leh dawn a ni.
Report this comment
May 17th, 2009 at 11:05 pm
‘The Gay Science’ lehkhabua ‘The Parable of the Madman’ chu ka thiam angin Mizo tawngin ka’n dah chhuak ve a, ‘God is dead’ tih lai kha kan hriat duh niin ka hria a, hetiang hi a thawnthu awm dan chu a ni e. Ka duh danin paragraph chu ka then mai, chhiar a nawm zawk nan:
Mi-a pakhat laltrin kenga zing vartiana dawrpui hmuna tlan ruai thin chanchin kha i la hre ve lo em ni? “Pathian ka zawng! Pathian ka zawng!” tiin chhum lo chat lovin a au vak vak kha. Pathian awm ringlo ho zawng zawng chuan an rawn din hual tuau tuau a, an rawn nuihsawh a. A bo em ni? tiin pakhat chuan a zawt a. Naupangchhia angin kawng a bo a ni lo maw? tiin pakhat dangin a zawt bawk a. A biru a ni lo maw? Min hlau a ni ang a? A zin bo daih a ni lo maw? tiin an au vak vak a, an nui tlawrh tlawrh a.
Chuveleh mi-a pa chu an zingah chuan a zuang lut thut a, an mitah tak chuan a en ang kel kawl a, “Khawnge Pathian a awm in hria em?” tiin a vin tuarh a, “Ka hrilh ang che u. Kan that tawh – nang leh kei hian. Kan zavai mai hian amah thattute kan ni.
Engtin nge kan thah? Engtin nge tuifinriat tui chu kan in zawh vek theih? Kawlkil zawng zawng nawt reh vek turin tunge nawhfe min pe le? He lei hi Ni nena a inthlunzawmna kan phelh lai khan eng chiah nge kan tih? Khawi lam hawiin nge tunah hian a kal mek kan hria em? Khawi lam hawiin nge kan kal mek kan hria em? Ni zawng zawng hlat zawngin a ni lo’m ni?
Hetiang hian lungngaihna ruamah kan inchhuih lut fo a ni lo’m ni? Hnung zawng, sir zawng, hma zawng, eng zawng pawhin kan petek a ni lo’m ni? Lawnna tur leh chhukna tur a la awm cheu em? Tawp chin nei lovin kan then fawn vel a ni lo’m ni? Van boruak ruahzia hi kan hria a ni lo’m ni? A vawt zual tial tial a ni lo’m ni? Zan thim hian min tuam chhah tial tial a ni lo’m ni? Zing khawvarah pawh khawnvar kan chhit a ngai ta a ni lo’m ni? Pathian phumna tur thlan laitute thawm chu kan la hre lo fo em ni? Pathian trawih rim chu kan la hre lo fo em ni? Pathian meuh pawh a trawih tawh a nih chu. Pathian a thi. Tunah pawh a la thi reng. Keini hian kan that a ni.
Report this comment
May 17th, 2009 at 11:14 pm
God is dad!
Report this comment
May 17th, 2009 at 11:24 pm
in za vai chungah ka lawm e, ka ngaihdan chu ka soi ve kher lo mai ang
Report this comment
May 17th, 2009 at 11:26 pm
https://www.age-of-the-sage.org.....uotes.html
Chhiar ve mai mai teh..
Report this comment
May 17th, 2009 at 11:30 pm
Agree with SiLent_Man…. nice one!!:)
Report this comment
May 17th, 2009 at 11:54 pm
Mizo zingah ngat chuan Aputea tluka hrechiang tur an awm lo. Nietzsche tak hi ka belchiang lutuk lova, Derrida atangin Heidegger,Heidegge atangin Nietzsche ka hmelhriat kual nuai a. Nietzsche hian tunlai postmodern scholar ho a influence na hi anasa viau mai. An hun lai leh an hun hma lama Kohhran kalphungin khawvel kalphung a nawr kual lutuk ning pawl an ni ber awm e.
Thiamna neih avanga thiamna bul petu Pathian do zawnga kal hi a pawi a ni. Ringtute pawhin kan awm dan hi uluk a tul, mi ten min chhiar a, min thlir reng a. Kristian tawh sa te pawh kan um darh thei fo a lo ni.
Report this comment
May 18th, 2009 at 12:13 am
@Epis : Chuti a nih chuan KL leh Aputea chu mi pakhat an ni maw? nick thar a lo neih vang nia KL kha a bo daih ni, Aputea chu comment sei thei ka ti reng a ni
Report this comment
May 18th, 2009 at 12:44 am
Nietzsche phrase ‘God is dead’ tih hian Christianity chhungril hi cancer angin a kher a kher a, tunah chuan Pathian thuzirna (Seminary) tam takah bu a khuar tawh a, ‘Christian Atheism’ tih term te pawh a awm ta hial a nih hi.Mak i ti em? Kristian ni si, Pathian awm ring lo ‘Christian atheist’ an awm thei a, an awm nual tawh a nih chu. Heng christian atheist ho hian Isua kha ‘perfect model of man’-ah an ngai a, Pathianah erawh an pawm lo. Tin, Pathian awm an ring lo hrim hrim a, nunphung dik inzirtirna ‘moral teachings’ erawh an ngai pawimawh a, chumi atan chuan Isua kha ‘model’ a ni e, an ti lek fang.
Nietzsche ziak tho ‘Thus spoke Zarathustra’ tih kan chhiar chuan, Zarathustra kha ramhnuaiah Saint pakhat hnenah a va kal a. Saint hnenah chuan engnge a tih tih a zawt a, ani chuan Pathian hla phuahin a sa a, Pathian hnenah a tawngtai thin tih a lo hrilh a. Chutah Zarathustra hnenah chuan engnge min pek dawn? a ti ta a. Ani chuan, i neihsa ka laksak hma chein ka kalsan mai ang che, a ti ta a…. Tichuan, Zarasthustra chuan kal pahin “He saint hian Pathian a thi tawh tih a la hre lo em ni le?” a ti a, tih te kan hmu bawk. Sakhaw puithiamho hi Pathian hminga kut dawh angin a chhuah tihna a nih mai chu.
Nietzsche hian Pathian hi tunhmaa awm thin, nung thin, a hunlai vela thi ta angin a ngai lova, Pathian awm a ring lo hrim hrim zawk niin a lang. He a philosophy-in a tihchhiat ber chu Christianity a ni ka tih tawh kha. ‘Death of God Theology’ an ti mai a, ‘Radical Theology’ an ti bawk a, term thar hlak ‘Theothanatology’ (Theo=god, thanatos=death) tiin an sawi bawk, hei hi tunlaiin theological world-ah hian a inphum thuk viau tawh a, kan theologian zingah pawh hian hemi philosophy-in a hmin ruk pawh an awm tawh hial mai thei.
‘Theothanatology’ (God is dead theology) hi ka ngaihdan chuan Philosophy hmanga Isua Krista khenbehna (philosophical crucifixion of Jesus Christ) a ni. Prominent exponent, leading exponent ang hiala an sawi chu Thomas JJ.Altizer a ni a, american theologian a ni. Lehkhabu pawh a ziak nual. Pathian kha lei leh van leh khawvel a siam khan a inchhi ral riai riai a, a tawpah Isua Krista-ah a lo kal a, Kraws-a a thihnaah khan a inchhi ral raih a tiin Isua thawhlehna a pawm lo. Hemi lamah hian Australia lam chhuak William Lane Craig hi evangelical lamin debator thaa kan neih a nia, Christian Atheist ho nena an debate pawh youtube-ah hian en tur a awm nual.
Ka sawi tawh angin, mihring hian Pathian hi kan lo tluksan tawh a, chuvangin, kan thinlungah hian Pathian hi tihhlum kan duh tlat tawh a ni. Pathian duhzawng chu kan thinlungah hre reng mah ila, keimahni duhzawng hian a khengbet tlat zel. Thi tha hre mah ila, thil tha lo kan ti tlat zel a nih hi. Chuvangin, mihring thinlung chhungrilah hian Pathian hi khenbehin a lo awm tlat mai a, chu chu a tak takin Kristaah khan a lo lang ta a ni. Krawsa Isua khenbehna hi mihring thinlung hlimthla dik tak a lo ni.
Mihring thinlungah Isua chu khenbeh ni mah se, a thi hlen dawn lo tih Isua thawhlehna khan a rawn tifiah ta a ni. Chuvangin thihna hnehin Isua a tho leh tih hi a pawimawh em em a ni. Tunah hian ‘God is dead’ tih philosophy leh ‘God is dead theology’, theothanatology leh movement te hian mi tam tak thinlungah Pathian a nuai bo mek a, Isua kha khenbeh nawnin a awm leh mek a ni. Kan thinlungah Pathian chu tihlum mah ila, thihna lui ral lehlamah kan hmu leh dawn tho tho tih hi ka han sawi nawn ve leh duh hrim hrim a ni.
Report this comment
May 18th, 2009 at 12:49 am
Kohhran nilo in kohhran enkawltute avang hian zoramah hian ‘God is dead’ kan ti ve trep toh in ka ring. Just my thought
Report this comment
May 18th, 2009 at 1:34 am
aputea thil dang daih , nietzsche lekhabu ah e nge i duh ber? duh ber i neih chuan
@wonderboy… exactly
Report this comment
May 18th, 2009 at 2:07 am
@Fonzcsailo:
Duh ber ka nei lem lo. Philosophy-a tui pha tan chuan an philosophy hi a powerful riau va, chuvangin, ka ngaina vak lo. A philosophy hrethiam tur tawka chhiar hi ka duh tawk. Ka tuipui vak lo. Bertrand Russell-a ziak “Why I am not a christian” tih te kha, ka chhiar hmasak ber chuan ka chhiar chhuak duh lo. Tun hnuah hi chuan ka chhiar chhuak thei ta
Report this comment
May 18th, 2009 at 2:26 am
Nietzsche hian ‘German mentality’ kan tih kha a nei lian riau. ‘Overman’ a tih fo pawh hi ‘Superman’ tihna a nia, mihring thiltithei, chungnung, chak leh awmkhauh kha a dream a ni. Midang fuih chaktu nia a inngaih avangin amah pawh hi ‘overman’(superman)-ah a inngai hial. Christianity a huat em em chhan pawh, michaklo leh bawrhsawmte inthlamuanna leh inhnemna sakhua nia a hriat vang a ni. Hitler-a ‘Superiority of Aryan Race’ ngaihdan pawh kha Nietzsche philosophy-a innghat a ni a, Nazi ho philosophy pur chawkna ber pawh Nietzsche philosophy hi a ni. Hitlera ngaihtuahna hruai sualtu kha ni hialin an ngai asin.
Report this comment
May 18th, 2009 at 2:28 am
Fonzcsailo….. misual…tlan nan…a thisen hlu…a peeeeee!! i rin loh chuan Rama&Sita be rawh… hehehe
Report this comment
May 18th, 2009 at 2:54 am
ka ringlo ka tia mi, ka chhiar thin ringawt alom, Pathian chu ring tak ka ni
Report this comment
May 18th, 2009 at 2:56 am
hitlers hruai sualtu chu ni em dawn ami ka ti, keimi mawl hian.thanking you
Report this comment
May 18th, 2009 at 3:48 am
♫♫ tralala la♫♫♫♫
Report this comment
May 18th, 2009 at 11:46 am
Ngaihnom hlom hle mai
Report this comment
May 18th, 2009 at 11:54 am
ka la bo tulh tulh mai.
Report this comment
May 18th, 2009 at 12:26 pm
Atheist in engtin nge God is dead an tih theih, a awm pawh ring si lo chuan thi tur pawh a awm dawn chuang emni. A thi tih an rin chuan a awm ngei tih pawh an ring tih na ania, tun atan a relevant tawh lo an ti anih chuan a dang daih ang chu. Engpawh nise a subject tuipui hovin an ziak hi a ngaihnawm khawp mai. Kan beng a var zel e.
Report this comment
May 18th, 2009 at 4:51 pm
@dr_feelgood:
‘There is no God’ tih aia ‘God is dead’ a tihna tak hi alawm, Pathian awm ring, abikin Kristian theologian tam tak a game-a a khalh luh theihna chhan. Pathian kha subjective reality (a awm kan tih vanga awm, awm lo kan tih ruala awm lo mai) angin a chhuah phawt a. Tunhma Europe khawmualpuia Pathian an buaipui luih luih chhan pawh an thinlunga a awm an rin vang a ni mai a, tunah chuan Science leh hmasawnna dangin mihring thinlung a luah zo ta a, Pathian pawh a thi tawh a ni tiin a rawn thlep kual chho va. A sawi zelnaah phei chuan, Pathian hlimthla (shadow) hi khawi lai pukah te chuan a la awm mahna, chu pawh chu kan nuai bo vek tur a ni, a ti a ni.
‘God is dead’ tih term hmang hian mi tam tak thinlunga Pathian rinna chu a tichhia-in a nuai bo sak a, Pathian hlimthla (shadow of God) a tih hmangin a nuai zui leh bawk sia, Pathian rawng kai reng reng chu nuai bo vek duhna mi tam tak thinlungah a tuh ta a ni. America ramah khuan theologian zingah ‘Death of God theology’ (Theothanatology) tuipui an tam a, Nietzsche philosophy hian atheist tam tak a chher chhuak tiin kan sawi thei ang. Tuna America ram pawisa note-a ‘In God We Trust’ tih a bo ta pawh hi ka ngaihdanah chuan, Pathian shadow nuai bo duhna, ‘God is dead’ tih zirtirna kal zelin a hrin chhuah niin ka hria.
Pathian a awm lo ti nghal tawl lova, ‘God is dead’ a tih hian awmze ril tak a nei. Mite thinlunga Pathian nung kha a thi thei ang zawngin a ngaihtuahtir a, a tawpah a thihtir ta a ni ber mai. Thenkhat phei chuan philosophy hran an chher chhuak a, Isua-ah khan Pathian hi a nihna zawng zawng nen khawvelah a lo kal a, krawsa a thihnaah khan kan tan a inpe zo vek a ni tiin, Isua thawhlehna pawh an pawm lova, a thihna chin chiahah an rek bung hmak mai a ni.
Tin, Nietzsche pa hi kristian, rawngbawltu a ni a, mahse, kum 5 vel lek a nih laiin a thihsan a. Amah Nietzsche ngei pawh hi Theology zir lo tum uaih uaih tawh a ni a, tunhma chuan Pathian a lo ring ve thin a, a lo buaipui ve thin tih pawh a chiang mai. Engemaw ti atangin amahah a thi ta a, chuvangin, ‘God is dead’ a ti pawh hi a dikna lai a awm ve tlat.
Report this comment
May 18th, 2009 at 5:03 pm
@apute..Kalawme, mahse ‘a thuk ema. ka phak lo ani’ ka ti lek lek mai. Eng pawh nise, kei mah ah chuan Pathian chu a nung reng e, tih hi ka sawithiam ve dan chu ani maia, mahni a a thih miau chuan God is dead tih pawh chu a dik nalai chu a awm ve tho anih chu.
Report this comment
May 18th, 2009 at 10:16 pm
@aputea a bengvarthlak hle mai, a bikin ‘subjective reality’ tih lai khi a ngaihnawm. Hmanni chu tomb of jesus tih documentary kha ka en a, ka awi tep mawle, Da vinci code pawh ka la thu tak leh tep mai.
Bloodline documentary ka en leh a, ka ngaihtuah zui leh pek. Gospel of judas kha ka en leh a,Isua ka hmu vai pathian deuh ti tih.Bliblical archeology hi ka follow ta ringhawt a, Caiapha thlan an hmuhchhuah te kha ka lo lawm ve tawp, eng tin emaw hian kan rinna apuih tlat.
Helam hi mizo hi kan ngawng khawp mai,tluksanna ropuia member hmasa pawl nih te a hlauhawm viau a ni.
Mahse kan ti teh ang, US Dollar a ‘In God we trust’ tih hi conspiracy theorist te chuan tlang bumna an tia, Free mason ho aim ber zawk chu sakhua awmlohna ram ropui din-New World Order a ni an tia, mit lem te, pyramid awm te hi Christian sakhua chauh an aim loh zia tichiang tu an tia, a awi awm ve leh khawp mai. Busha pawh kha free mason an tia.
Report this comment
May 18th, 2009 at 10:35 pm
@Ditto:
Objective proof nei lo mah ila, “Subjective reality of Christ” hi a pawimawh em alawm tiraw? ‘Truth’ tih hi i chhut ve tawh ngai em? ‘Truth’ hi chuan objective validity a nei deuh vek. Entirnan, mathematical truth pakhat 2+2=4 tih hi khawi hmunah pawh, tu tan pawh a dik vek. Objective validity a nei tlat. Chutiang bawkin, universal truth kan tih, entirnan, old men cannot run fast tih te pawh hi khawvel khawi hmunah pawh a dik tlat. Mahse, Isua Krista chungchangah chuan, objective validity anga han sawi pawr viau dawn pawhin, min hnial duh tan chuan ‘subjective validity’ hi a buk a rit mah mah. Kristian intite pawh hian Isua kan hmuh dan hi ‘subjective reality’ angin kan kalpui a, kan ngaihdan a la inpersan zui bawk sia, buaithlak a nih hi. “I know my redeemer lives” tih bak chu han sawi vak ngaihna pawh a awm lo, ti mai ang.
Mahse, hmangaihna kan tih pawh hi ‘subjective validity’ nei a ni tho mai. If you say you love someone, the only proof you can give me is – “I just know I love her” tih mai loh chu, sawi fiah vak ngaihna i hre lo vang. Love is a matter of the heart a ni tlat.
‘In God we trust’ tih chungchangah chuan, i sawi angin US One Dollar note hi ngun takin en la, Setana pawl ‘The Illuminati’ chhinchhiahna a chuang kulh asin. Ka hriat sual loh chuan, 1911-ah US one dollar note hi an siam a, Illuminati pawl hian an chhinchhiahna – pyramid chhunga mit lem lianpui awm, a hnuaia ‘Novus Ordo Seclorum’ (new world order) tih chuang hi an lo dah ve tlat mai a. Ngaihtuahna a tithui khawp mai. ‘In God We Trust’ tih nen hian a insual tawk viauvin ka hria.
Report this comment
May 18th, 2009 at 11:18 pm
In misual we trust
Report this comment
May 18th, 2009 at 11:18 pm
ti ve mai ula
Report this comment
May 20th, 2009 at 12:51 pm
hei han chhiar ula
why do you believe in God
https://www5.picturepush.com/ph.....741723.gif
Report this comment
May 20th, 2009 at 1:35 pm
“ethiesm” hrim hrim pawh hi religion a ni ngawt mai. it requires one to believe in non existence.
Scientific truth/law hian a tarlan theih loh leh hrilhfiah theih loh thil hi a tam khawp mai. Thil hi kan rin loh avang ngawt hian a awm lo ngawt chuang lo. Khawvel leh a chhung thil hre vek khawpa mifing an awm hauh lo mai. An thiam poh leh hriat loh atam ting mai a ni. Chuti chunga Pathian awm an ring duh lo a nih chuan, an hriat loh zia alang chiang ting a ni mai awm e.
Report this comment
July 27th, 2011 at 2:09 pm
ÑÍÎÑ ÑÒÐÎÅÍÈÉ…
minny…
Report this comment