Saptawnga “racist” emaw “racism” kan tih mai hi Mizo tawnga hrilhfiahna tawngkam fel fai deuh in hre thei em?
A saptawng ‘definition’ chu hei hi ania –
1. a belief or doctrine that inherent differences among the various human races determine cultural or individual achievement, usually involving the idea that one’s own race is superior and has the right to rule others.
2. a policy, system of government, etc., based upon or fostering such a doctrine; discrimination.
3. hatred or intolerance of another race or other races
https://dictionary.reference.com/browse/racism
Similar Posts:
- Tlawmngaihna phatsanah min puh!
- NinjaWords.com
- Racial profiling at club, North-East girl denied entry
- Are you racist?
- Eng-Mizo leh Mizo-Eng Dictionary Android Apps
May 30th, 2009 at 11:47 am
Mahni/mahni hnam in dah chungnung bik na hi racist nihna chu a ni mai lawm ni. Hetiang lam sawivung ching/hmang emaw thehdarh tu chu racism rau ah an awm ngei bawk ang chu ka ti ve ngawt a hairehai.
Report this comment
May 30th, 2009 at 12:09 pm
Mizo kan ni kan hmel a tha vai hnar a zum pet put tih hla pu Rokunga phuah te hi hla racist tak ni awm ani.
Report this comment
May 30th, 2009 at 2:02 pm
chi/hnam inthliar hranna ???
racism tih thumal poh chu mizo tawng hian enge le???
Report this comment
May 30th, 2009 at 2:23 pm
Racist emaw Racism tih chu mizo tawng chuan Pu.Henry a sawi hian a thlawp viau ang,chumi piah lamah pawh chuan mahni hnam chauh ngaihsanna bakah mahni hnam zia chawisan na leh hnam dang chu engah mah ngaih lohna thinlunga lian tlat te hi a ni thei in a rinawm.
Aryan Pu.Rokunga hla Mizo kan ni kan hmel a tha kan tum a sang bawk si tih hi chu, a racist ka ti lova, mizo hnam chawimawina leh chawisan tumna (encourage) na lam a hawi zawk mah in a lang.
Report this comment
May 30th, 2009 at 3:31 pm
Mat402 hian mizo tawngin Racism definition a zawt lava..a thumal lehlinna a zawt zawkin ka hria. Engtin gne kan tih ang awww…’HV iang’ kan ti mai dawn mi?!! ( Fiamthui tak meuh² a nih hi, Pu HV. Nang leh kanidar hi in rilru a zau a, fiam in nuam ber mai!!)
Report this comment
May 30th, 2009 at 4:40 pm
Zofate hi kan racist ve lo avangin hemi trongkam pawh hi kan trongah a la piang ve lo a, kan racist ve hunah chuan a piang ve mai ang. Phuah chop a ngai rih ang. LK
Report this comment
May 30th, 2009 at 5:35 pm
Chi inthliarna ni mai awm tak.
Report this comment
May 30th, 2009 at 5:56 pm
Web-site/blog hrang hrangah hian ‘Mizote hi kan racist lutuk’ tih tawngkam hi ka hmu zauh zauh thin. Mizo khawtlang atan a eng ber hi nge racism chu ni a, enge a ziarang, enge a chhan tih erawh zirchianna mumal tak kan la nei lo ti ila kan sawi sual lo viau awm e. Chumi kawnga ke penna a nih beiseiin he article hi ka rawn thawhchhuah pui ngawt mai a ni e.
Eng ber a chu nge ‘racist/racism’ ni ta le? Race tih thumal hrim hrim hi French ho tawng atanga lo kal ni a sawi a ni. A awmzia chu species hrang (sub-division of species) tihna mai a ni. Oxford dictionary chuan Race tih chu ‘each of the major divisions of humankind, based on particular physical characteristic’,(mihring pianphung/hmelhmang hmanga khawvel hnam chi hrang hrang sawina) tih a ni. Zirzauna huangah anthropologist ten tunhma atangin an lo zir chiang nasa hle tawh a. Khawvel mihringte chu pianphung azirin hnam hlawm lian tak takah thenhran theih niin an lo hmu a. Pianphung leh vunrawng a zirin khawvel hnam hlawm lian tak tak chu Negroid, Mongoloid, Asian, Caucasian tiin an lo sawi thin a ni.
A bul takah chuan hnam din chhuaktu chu Pathian a ni. Vunrawng/ culture/ze hrang hrang nei a min siamtu pawh Pathian a ni. Chinese te nilova, Israel fate hnam thlana siamtu chu Pathian bawk a ni. Ramsa dang ang lo takin mihring chu thangchho zel tur kan nih avangin culture leh nunphungte, khawsakna hmun a zirin tawng, ei leh in, nunphung, kan ziarang (‘culture’) a hrang theuh a. Mihring chu Aristotle-a’n social animal a lo tih thin kan nih miau avangin mahni duh dan ringawta sapatal mai lovin, mumal zawk a kan awmkhawm theih nan ram leh hnam (Nation)ah kan din a. Heng ram leh hnam (nation) kan tih fo te hi dik tak chuan, race pakhat emaw pahnih emaw a aia tam emaw siamchhuah vek tho a ni. Chu race hrang theuhte inkarah chuan eizawnna emaw culture thilah emaw thil hrang hrangah competition nasa tak a awm a. Race pakhat atang race dang chu “mi dang” an ni. Chu ‘midang’ nihna chu inremlohna siam chhuak fo tu a ni.
Kum zabi 19 atang 20 kan chuang kai a, ram leh hnam inghirnghona a nasa tial tial a. Chumi tihreh duh pawl an awm tan a. Tawngkam hman thlenga siamthat duh pawl an awm tan a. Tunhma anthropologist leh biologist te tawngkau chheh hrang hrangte chu scientific circle-ah chuan pawm a ni ta meuh lova. Entirnan; Mongoloid tih pawh medical tawngkamah chuan, rilru lama piangsualna (mental retardation) nei tih a kawk a. Tun hma chuan race a zirin natna bik nei thin a sawi a ni. Tunah chuan heng hi a dik tawk tawh lo tiin Biologist te ngei pawhin an hmang tawh meuh lova. Hetih lai hian Damdawi lam thiam mi te chuan “Mongolism” or “Mongoloid” tih tawngkam chu an la hmang ta lui ta hram a ni. Mithiam zingah inhnialna a tam chho ta zel a. British geneticist Dr. L. S. Penrose, World Health Organization member pawimawh tak chuan nasa takin hetiang tawngkam hi a do ta a, tunah chuan WHO chuan hnam bing ti hmelhmang thei tawngkam a hmang ngai ta lo. (Leshin, 2003)
Historical Context: Khawvel hnam hrang hrang hi racist lo hi an awm meuh lo. Juda ho chu Pathian hnam thlan an nih avangin, an chhehvel hnam dang nena ruallo taka nghawngkawl bah dun a theih ngai meuh lo. Thuthlung hlui kan en chuan hetiang chungchang hi tamtak hmuh tur a awm. Greek ho chu hnam fing hmasa a ni. An chhehvela hnam dang te chu hnam mawl -Barbarian tiin an sawi mai thin. Chinese ho hi hmanlai atanga intodelh hnam an ni, an uan pui em em thin a. An ram chu “Middle Kingdom” an ti tawp mai a ni. Khawthlang vunvar hovin an han luhchhuah hnu thleng pawh khan khawthlang ho kha chu barbarian an ti vek mai thin. India ram a chi inthliarna pawh a bul tanna chu race mil a awm a ni. Hmanlai chanchin ziahna hluiah pawh hnam hrang hrang te chu an vun rawng nen lama tarlan a ni. Hnam changkang chu vun ngo, hnam chekhnawk chu vun hang deuh..etc..India ram mi dik tak Kshatria leh Sudra te chu ram dang mi Aryan ten an rawn hnehchhuh a, tihluihna in an rawn awpbet a. Aryan te hian an mahni dinhmun sawhngheh nan case system hi an rawn duangchhuak ta a ni tih ngaihdan a awm a ni. Tunlai hunah caste system hi thil hrang hrang nen a inchawhpawlh nasat em avangin race anga sawi ngialngan theih loh mahse, a bul tak chu race a ni.
Kum zabi 18- atanga zabi 19naah chuan sum leh pai duh vanga ram dang pawngsualna (colonialism) a hrang hle chho hle tawh a. Europe ramah leh American continent-ah chuan vunvar (white man) tih tawngkam a ri lian a, Vundum ho chu salah an man a. Mingo ho te chuan an mahni chu hnam ropui tak, Pathian in midang chunga leng tur a a siam niin an inngai a. White’s man burden/ Mingo phurrit tih tawngkam a ri a. Pathian hming meuh chhal in ram dang/hnam dang an pawngsual nasa a nih kha. Chung an va awp ramah chuan chi inthliarna/Racism an keng tel zel a. Hotel leh Restaurant-ah te pawh hmusitna tawngkam ngialngan “Uicho leh vaichhia chu hetah kal phal a ni ve lo” tih an tar keukuau vek a. Kawtthlera hna ruak tarlannaah pawh“Irish mi tan lo kal buai a ngai lovang” tih thlengin dah a ni. Indopui pakhatna a zawh meuh chuan Hitlera chuan German hnam chu Aryan thlah- ropui chungchuang bik niin a angai ta hial a. Juda hnam a suat ta chiam a nih kha. Chuvangin, history kan en chuan eng hnam mah hi racist lo reng an lo awm lo.
Mimal pawh hi racist theih tak a ni. Pianphung hmelhmang hi kan dah pawimawh a ni. Entirnan, khawthlang ho ten “concept of beauty” thleng hian a racist em em a ni. Thalai zingah pawh racist tawngkam a hluar em em. Chung thilte chu media-ah te pawh nasa taka hmuh theih a ni. Mizo zingah pawh hmeichhia ngat phei chuan hang nih ai chuan tlema ngo deuh kan duh zawk ngei ang. Hang deuh chu, “hang ngaihno bei” kan ti lek chauh a ni. Chuvangin, “hang” leh “ngo” inkar pawh hi nasa takin a danglam a ni. Engpawhnise, hetiang zawng zawng racism chhunga dah vek erawh a rem lo mai thei…entirna ni mai se.
Mizo ten tawngkam emaw hmangin hnam dang hi kan dah hrang em em thin. Mizo leh Mizo chhung ngeiah pawh hetiang hi hmuh tur a awm. Entirnan, duhlian leh Lusei tawng hmang lo chu “awze tawng” hmang tih an ni. Tin, Lusei, Lai, Mara, Hmar etc an in sawi hrang ve thlap thin. An inkarah inkalpawhna hrang hrang awm mahse, hnam khat ang takin an awm ngai meuh lo. Hei pawh hi racism zawnga lak tur a ni lovang.
Hnam dang hming pawh an lo nei vek mai. Naga ho chu Ralleng, Tripura chu Reng, tin tun thlenga kan hman lar tak chu Vai a ni. India mi hnam lian zawk (plain) phai zawl hmuna awm sawina a ni. Heng phai zawla awm te hi British in an awp hnu meuh chuan Sap thleng khan kan hmu vai emaw ni, British in Mizoram an rawn run pawh “Vailen” tih hming vuah a ni nghe nghe a ni.
Heng hnam dangte pawh hi Mizo hi min hmuh dan chu a danglam bik chuang lo. History ziakah kan hmuh hmasa theihah chuan “Kuki” tih tawngkam hmuh a ni a. Kuki tih chu Bengali tawng chuan “naked man” tihna ang deuh a ni. Tin, tuna Mizoram leh Mizo-te chenna pawh “Kukisthanan” “Kuki ho ram” tih a ni. Sap ho ten 1824 atangin North East an rawn awp a. Cachar hmunah thingpui huan an siam tluk tluk a, Mizo te nen pawh an inkalpawh ta viau a. Mizote min la hrechiang lutuk lova, heng hunlaia Bengal atanga sap chanchinbuah chuan Savage, Marauder, Barbarian, Cruel Butcher, Lushai Country, Kuki etc tih a chuang kelh kulh vek a ni. Chung chanchin rapthlak pui puite chu London nu ho te chhiar duh zawng tak tur pawh a ni. Mizoramah Sap an rawn chuangchhuak a, Mizo zinga hnam hlawm lian deuh ber Lusei hmingin Lushai Hills an rawn siam a. Hetih lai hian kan chanchin chuan Sap rama Missionary beng a thleng a. Darphawka mumungah chuan “sap ram atangin Vunngo an lo kal dawn a, an thu lo awi ang che u” tih a hmu a. He inlarna a, racial term ‘mingo’ tih tawngkam a hmang kher hi a mak viau a ni.
Vai ho ten Nepal atanga lo kal em ni?
Media, Bollywood leh Racism: Kum 1998 a Mani Ratnam film siam kha North east hel pawl pakhata nula leh All India Radio journalist pakhat love story a ni. Amara (Shah Rukh Khan) kha India’s independence vawi 15 na lawmnaah North East mite kawm tura zin a ni a, tah chuan Meghna (Manisha Koirala) nen an inchhar ta a ni. Mi ten an sawi thin chu kha filma Manisha Koirala thlan a nih chhan kha tlema a “chinki” vang a ni. Hemi chungchang hi Aishwarya Rai ngei pawhin a sawi “dil se atan hian Director Mani Ratnam hian mitzim deuh sin sen chu a zawng ngei a lawm” Assamese nula ang deuh tur a zawng ngei a ti a ni.. Dil Se ah hian Assamese actor- Gautam Bora pawh a tel nghe nghe a ni.
Manipuri journalist pakhat chuan national news paper-ah chuan tisa lamah chuan India hmar chhak mite hian southeast Asia leh China kan hnaih zawk a ti a ni. Kan awmna hmun a chengker a, hemi bakah ka awmna ram India hnam dangte chuan min en dan hi a danglam kher bawk a. Lehkhathiam pui pui ten Mizoram awmna min zawt nawlh nawlh a, tawngkam dengkhawng tak tak kan tawng fo thin bawk. Heng tawngkam dengkhawng hi mipui mimir leh tlangval hawklak tawngkam mai a ni lo, mi pangai tak tak te tawngkam a ni fo thin. Manipur tlangval pakhat chu an school zirtirtuin “Chapta” flat nose tiin a ko. (Manipur Diaspora, 2004; cited in Ray 2005). India ram lairil zawkah kan han leng ve a, khawi ram atanga lo kal nge I nih tih hi zawhna mak pawh a ni lo. Mizoram kan tih hnua, khawi nge Mizoram chu tih hi zawhna mak zawk fo chu a ni. Pune a seminar neihnaah chuan Naga zirlai pakhat chuan ‘Nagaland a Indian dik tak ni thin kha, pune ka lo kal hnu hian Naga chanve leh Indian chanve ka ni” tih hian tlangmi leh India hnam lian zawk inkar a tarlang chiang via
Report this comment
May 30th, 2009 at 6:01 pm
Ka racist theory:
1) Mizoram Miss contest ah hian Hnamdang thlahpawlh an ni awm deuh ziah. Beauty concept hi kan hnam mil a ni meuh lo tih a lang. Mizoram miss tur hian pure Mizo nilo chu miss atan thlan loh hi tha ka ti.
2) Hnam dang thlah pawlh reng reng a bikin Mizo tan pawimawh reng reng, (eg. Chapcharkut miss, Mr Mizoram etc, Chief minister) ah an awm hi tha ka ti lo…first class citizen dinhmun an luah hi rem ka ti ve lo.
3). Racist min ti deuh a nih pawhin ka hrethiam e, Vun colour ka ngaipawimawh ber lo, mahse ethnic feeling hi ka pe na a ni zawk.
4)
Report this comment
May 30th, 2009 at 6:01 pm
Lehlokss, ka comment tawh ang hian racism hi Mizo context-ah applicable chiah lovin ka hria…ethnic lam ni zawkin ka hria.
Report this comment
May 30th, 2009 at 6:09 pm
Vailen tih tawngkam hman a nihna chhan nia ka rin chu; British ho an rawn luh khan, Sap tak tak mingo kha chu a hotulu chauh an ni a. An rawn hruai Sipai tak tak ho kha Vai an ni hlawm. Chuvangin Mizo piputen an han hmuh khan Saplen tih tawngkam hmang lovin, Vailen an ti ta niin ka ring a. A chhan chu a rawn hruaitu tak chu Sap ni mah se, a mihring tam zawk (sipai) kha Vai vek an nih vang zawk a ni. Chuvangi Saplen ti lova, Vailen an tihna chhan hi hetiang vang hi niin alang zawk.
Tin, Mizote pawh kan racist ve em em tho va. Kawl ho pawh Bama emaw Kawl emaw ti mai lovin, Kawl ke rang an ti deuh kher thin a. Chutiang zelin Vai ho pawh Vai ti mai lovin Vai chhia, Vai ngalsin etc.. kan ti a. Lusei ni ve chiah lo Mizo hnam thenkhat te chu a chunga sawitu sawi ang hian Awze ho tih te, Hnamchawm ho tih te, Pawih chhia tih te, etc.. a tam viau awm e. Mahse, hei hi a hunlai mil tur ang zela ngaihdan siam thiam erawh a pawimawh hle thung ang.
Chuvangin Racism tih hi chu Hnam inthliar bingna ti deuh tuah ta zawk ila, a dik hmel zawk e.
Report this comment
May 30th, 2009 at 8:26 pm
trawngkam felfai deuh in racist tih chu mizo in kan nei lo tih hi agree mai ila …lolzzz… epis chu beisei deuh ve khawchhete inti politician ang mai …eh kidding
Report this comment
May 30th, 2009 at 9:10 pm
Kan lo nei lo anih dawn hi,ka lo ngaihtuah ngai miah lo va,kan neih hma chu sap trawng trawm ve mai a va ngaih hmel ve..zo trawng kar lakah racist ti puam trelh trelh ila ni mai lawm..anih loh pawn han chher thar ula..
Report this comment
May 30th, 2009 at 10:14 pm
Kehbeuh kan ti fel ve et mai alawm..
Report this comment
May 30th, 2009 at 10:49 pm
Rotekawla se pa ang mai an lo tih thin kha… racism nen hian a inkungkaih deuh thei em?
Report this comment
May 31st, 2009 at 12:05 am
Kawnga,rote kawla se pa tih hi chu ho hran neih tum tihna a ni em kha,chuti anih chuan kei racism tih nen chuan inchukha lemin ka ngai lo..
Report this comment
May 31st, 2009 at 12:16 am
LK ngaihdan ka trawm e
Report this comment
May 31st, 2009 at 1:20 am
Pathian in mihring asiam dan kan sawi lawk ang e… Ama figure angin sawntlung hlumin lim asiam phawt a. Chu chu a ur (bake) ta a… a vawikhat tihna a ni bawk a, an thur chiah chu a lo ur rei deuh ni tur a ni, a lo kang dum huam mai a…Midum ah an chhuak ta a. An ur nawn leh a, a hma a a thur har avanga a kan ut ruam avang chuan a hlauthawng chuan a thur hma hret ta a…mahse, a lo thur hma leh lutuk a, ur tawk lo takin, vun var an lo chhuak ta a. A mak mak teh sek ve mawle, tun tum chu ka vil uluk tawh ngawt ang tiin, a tum thum na atan chuan a mihring siam tur chu an ur leh ta vut vut mai a… tah zet zawng, a uluk ta bawk a… an thur chhuah chuan a duh dan takin a ur rei lutuk leh hma lutuk lovin atawk chiahin, ngo leh dum inkar, Mizo vun ang hi a thur chhuak ta a ni.
Report this comment
May 31st, 2009 at 1:34 am
Mizo tawng chuan a sei deuh duah mai. ‘Racist’ chu ‘Chi leh hnam dahsan leh dah hnuai bik nei’. ‘Racism’ chu ‘Chi leh hnam chungnung bik leh hniam bik awm anga zirtirna’.
Logic of Racism i han chip lawk teh ang.
Mihringte hian hriatna (sense) chi 5 kan nei. Sense of sight, sense of smell, sense of taste, sense of hearing leh sensse of touch – te a ni. He sense chi nga hmang hian keimahni pawnlam thil (external objects) kan hmelhriat thin a ni. Chuvangin, thilsiam khawvel (objective world) nena kan inlaichinna hnukpui chu heng kan ‘sense’ te hi a ni. Irish philosopher George Berkeley ngaihdanah chuan, kan sense zawng zawng hi chawmawlh ta vek se, pawnlam khawvel hi a bo nghal ang a, awm mah se, a awm tih kan hre thei miah lo vang…a ti bur mai. Mit del, bengngawng, rim hre thei map lo, lei chawmawlh vek, taksa hriatna thi vek mi hring chu, chemin vit mah ila a hre dawn lo hrim hrim. A taksa pawnlam khawvela thil awm engmah a hre pawh thei lo tihna a ni.
Chi leh chi inthliarna bulpui ber chu kan mit hriatna (sense of sight) a ni phawt mai. Mit hi nei ta lo ila, vun rawng hian awmzia pakhat mah a nei lo vang. Bengngawng ta bawk ila, tawng (language)-in awmzia a nei lo bawk ang.
Khawvel mihring zawng zawng hi, thlahtu bul atangin mit del sa leh bengngawng sa-in piang ta vek ila, chi leh chi kan inthliarna tur nia lang chu – rim (smell)leh vun mam leh thap (smoothness and roughness of skin) a nih duh hmel. Nge, kan inliak (lick with our tongue) ang a, kan ‘taste’ azirin kan inthliar zawk dawn.Vun al leh al lo tih vel kha chi leh chi kan inthliarna a ni ngei ang.
Heng ‘sense’ panga hmanga hriatna hi ‘sense perception’ tih a ni a. ‘Sense perception’ atanga ‘information’ kan rilru-in a dawn atangin ngaihdan leh pawmdan, saptawnga ‘concept’ kan tih hi a lo piang chhuak thin a ni. He kan concept hian pawnlam khawvel chu hmelhriat dan (knowledge about the external world) a hring leh a, chuta tang chuan chi leh chi kan tih pawh hi a lo indin chhuak ta a ni.
Ui hote hi chuan ui dum leh ui var an inthliar ve lem lo. Bawngho pawhin an hmul rawng behchhanin inthliarna an nei ve lo. Mihring kan inthliarna hi chu ‘concept’ avang mai mai a ni. Kan concept a danglam rualin, thil kan hmuh dan leh hmelhriat dan pawh a danglam nghal mai thin.
Kei chu mihring hi physical elements atanga kan thliar dawn a nih chuan, vun rawng (skin color),tawng (language), culture, etc vela inthliar ai chuan, Blood group atang hian inthliar ila, a fair berin ka hria. A-, A+, B-, B+, AB, O-, O+, etc. hi physical factor atanga inthliarna rintlak leh belhchiandawl ber niin ka hria. Culture, language, skin color, etc. tih factor-ah hi chuan individual differences a la tam em mai.
Report this comment
May 31st, 2009 at 1:45 am
Hnam angin Mizo vek ila, chibing hi la vung lutuk lo ila, kuang leh peng dah nep si lovin kan ramah hian hlim takin i cheng za ang u.
Veng lak run lutuk te, khua lak bil lutuk te leh hmasial bik deuha kan ram kalpui tumte hi a trha love balance deuhin i ngaihtuah ang u. kan ram hi kan ram kan ta a ni si a, a luahtu te hi i MIZO top ang u
Report this comment
May 31st, 2009 at 1:50 am
Amen to mzvision.
Report this comment
May 31st, 2009 at 3:59 am
‘Hnam dang hmusit mai lovin thianah i siam ang u’ tihna a ni tho mai.
Report this comment
May 31st, 2009 at 12:17 pm
Hnam ang chuan Mizo te hi khawvela racist ber an ni awm e, a bikin Mizoram chhunga mi te hi. Vai te hi an hmusit em em a, mihring pawh nilo ang hial ah an ngai a, hmanlaia America ram racism hluar em em laia mihang ho duh thala an chil hlum thin (lynching an tih ang kha) laia Sap hovin negro ho an hmu hniam ang khan an hmu hniam a, Burma chhuak mizo hnahthlak leh thlak lo pawh an hmusit em em bawk a.
Duh tawkin vaiho leh nghapih ho duh thal a sawisak an ching em em bawka, veng/ khua tam taka Mizo rawlthar ho favourite past time chu paihte hlawhfa insual pui tuma cho thin rim tum tlat te, vai bel zuar leh chhangthawp zuar rawk leh man pe lova chhang leh bel chhuhsak te ania. hetiang hi ramchangkang ah chuan CRIME turu lutuk jail tan phahna hial chi ani. Mahse Mizoramah chuan crime ah ngaih ani lova, tuman an chu e kha e peih hek lo.
Hnam dang (vai leh burma lam chhuak) hrawk ngam chu mihuaisen ah an ngai a, YMA a in hmang hmang te hi a hrat ber ber an ni duh khawp.
Mit ngei a ka hmuh chu Dumka PWD kawng siam pa hi Mizo pa in alkatra chhuan so ah anam lut a, Dumka pa chu a hliam tuar lovin a hnu lawkah taksa kang nasa tak tuarin a thi. A ti tu pa Mizo pa chu Police ten an man lova, thupha a chawi hek lo. Ram dangah chuan kha tiang kha Tualthat kan ti. Mizoramah chuan ani velo ni awm tak ani.
Mizorama hnam dang te an tih duhdah ang hian Mizo te hi Khai ho te, bengali ho te Talim ho te hian ti duhdah ve se Mizote hi a rak nasa ber ber tur an ni leh si.
Truth has Spoken.
Report this comment
May 31st, 2009 at 12:28 pm
@Aryan
“Mit ngei a ka hmuh chu Dumka PWD kawng siam pa hi Mizo pa in alkatra chhuan so ah anam lut a, Dumka pa chu a hliam tuar lovin a hnu lawkah taksa kang nasa tak tuarin a thi. A ti tu pa Mizo pa chu Police ten an man lova, thupha a chawi hek lo”
A hun leh hmun min hrilh thei em :?: i phuahchawp anih loh chuan misual.com a i comment ang hian FIR thehluh ka va duh ve. hetiang ang misual hi hrem loh a an chhuah loh nana fight puitu kan awm a trul. chuta tan chuan ka in pe e, ka fiamthu lo ka ti tak tak zet
Report this comment
May 31st, 2009 at 1:06 pm
Aryan sawi ang em em khian Mizo kan racist ka hre lo. Incident eng eng emaw chu chin chin peih chuan hnam tinin kan nei vek. A dik tak chuan, hman atanga tun hun thleng hian Burma leh Vai ho hian alawm kan Mizo puite chunga rapthlak uchuak a, tualthat fo zawk chu. Kan hriat zawng tlemte avanga a Mizo hnam anga hmer mai hi a fuh lo mai thei. Sual hi a langsar hma a, Ba-al hma-a thingthi ngai lo hi tam zawk kan awm a ni tih hi hria ang u.
Hmuh dan leh ngaihdan hrang theuh kan nei thei. Kan thu a ni a, ka ngaihdan chuan a racist lo pawl tak kan ni zawk awm e, ka ti deuh. Ve tlat mai a
Report this comment
May 31st, 2009 at 1:22 pm
Mizo trawnga racist ti a kan kawh tir ni ber a ka hriat chu Vai an ni emaw chhaklam atranga ron chhuk a ni emaw.. hnam hnufual chhekrekte te inhlawhfakna zawnga ron kalte(Daily labour) “lo tih nawmnah/chhaih nawmnahna/hmuhsitna/deusawhna/engahmaha ngaihlohna hi a ni ber in ka hria. Sap/ Vun ngo hrim2 hi chu thawhchhuah poh neilo mahse khi tah khi tah kan la dah ru tlat thin..Black(Negro) ho hi chu an vun rong vang hian kan ngaina lo nghal hrim2 in ka hre bok..eee kahih3 ka va racist sot ve duh tawh phot teh ang
Report this comment
May 31st, 2009 at 1:27 pm
Im a racist, SO what you gonna do?……hnamdang ai chuan ka mizo pui te chu ka duh sak zok hrim hrim engkimah poh…
Report this comment
May 31st, 2009 at 1:32 pm
Aryan anlo mar ve palh ange che fimkhur la, i reh rei don nasa ania.. Vaiho kawngzawh ah te khan lo Au ve roh
Report this comment
May 31st, 2009 at 4:00 pm
Comment 19 khi a tha lutuk; a vai khian post tawp chi a nih khi!!
Tin,23 pawh a dik fû bawk (Dumka PWD kawng siam pa chungchang khi a dik a nih phei chuan a dik leh zual ang
)
Mizo kan racist leh racist loh hre duh chuan Mizoram map kha han en vang vang la, Mizoram thenawm hnaivaia hnam dang awm zawng zawng kha han ngaihtuah kual vel vek la, khang ho zingah khan Mizo hian huat loh a hleih kan nei em? tih kha han chhut vang vang la a chhanna chu i hre mai ang
Report this comment
May 31st, 2009 at 4:55 pm
‘Huat’ ka tih awmzia khi; hua, hmusit, ngainep etc. kan haw kher lo a nih pawh in kan hmusit mai thei, kan hmusit kher lo a nih pawh in kan en hniam thei. Heng hi enge a chhan kan tih chuan a tlangpui a heng points hi kan ngaihtuah hmasak thin vang a ni.
1. Khawi atanga lo kal nge?
2. Eng hnam nge a nih?
3. Eng tawng nge a hman? etc
4. A ngo em? (..ha..ha..vun rawng a in judge hi a thin, mawl thlak)
Tunge a nih? eng mize pu nge a nih, eng sakhua zui tu nge a nih, lehkha thiam, rilru zau pu mi a ni em? etc te ngaihtuah leh hre hmasa miah lo va a lo kalna leh eng hnam nge a nih leh a tawng hman a tang a i lo hua, hmusit ve ringawt i nih chuan racist dik tak i ni. Han in ngaihtuah vang vang teh lem
A hrim hrim in hnamdang mizotawng pai deuh a tawng hmuhsit nghal hrim hrim ching kan tam. Khawvelah tawng chi hrang a tam vei nen, Mizotawng, India hmarchhak kil a tawng tereuhte a tawng thiam loh a vang i lo hmusit ve ringawt a nih chuan i kalna kawng tur a la thui hle tih in hriat angai, thui tak hi a ni ringawt mai…
Report this comment
May 31st, 2009 at 5:17 pm
Khawvelah Sap kan tih mingo ho hi an racist ber a, an sual ber bawk. Chuvangin Africa ramah kalin an mihring pui te ngei ngei pawh ramsa angin an chhawr a, salah an man chiam chiam thin a nih kha. Rel kawng siamtu atan Chinese ho an man khawm leh vak a, an hna thawh peih loh hna hnuaihnung chitin reng thawk turin an man lui a, an duh leh an that mai thin bawk. Hei hi khawvel history a thil chiang sa tun thlenga hmuh theiha la awm chu a ni a.
Tunhnu ti ila, kum 1962 hnu lamah an harh thar a, human rights leh thil hrang hrang an ngaihtuah thar a, chutih laiin keini mi hnuhnung ten an hnung kan zui ve bek bek mek chauh anih hi.
Report this comment
June 1st, 2009 at 9:47 am
In rawn reply a, a tihzia e. A translation tur erawh chu tawi fel tak tur chu kan la nei mai lo a ang. Kan duhlian tawng tih hausak a tulna chiah a ni. Engpawhnise, kan sawi atang hian a awmzia chu kan hrefiah thawkhat chuan ka hria a, ka han post chhan tak chu…Mizo te hian khawvel a harh chhuah tawhnaah hian kan harh chhuak ve em tih hi a ni? Aputea’n @19 ah ‘concept’ vang mai a nih thu a sawi a. Ni e, ‘concept’ (han letling dawn ila, tuna kan thupui engah) = Ngaihdan vang mai a ni. Chu tak chu engtin nge kan tih dawn tih hi a ni. Kan rilrua kan ngaihdan (Concept) hi a lo dik lo a nih chuan engtinnge chu ngaihdan chu kan tih dawn?
Ehud Barak-a Israel Prime Minister a an thlan khan ka chhiar ka la hriat reng chu..”Palestinian hnamah piang ila chu Terrorist pawl ka zawm ang” a ti a. Thil thuk tak a sawiin ka hria.
Pathian hian ka pianna chhul hi Silchar vai nu chhul emaw, Tahaan nu chhul emaw lo thlang ta sela, engtin nge vawiin nia Mizorama hnam chawisan tuma bei tute tawngkam tam tak hi ka lo dawnsawn ang? Tin, keimahni Mizo hnam chhungah ngei pawh… ka nihna chu Pachuau Liannghawr, Mizoram khawpuia Aizawla awm a ni a, Mara hnam Saiha district khawi khua bera mi emaw ni ta ila.. emaw Hmar hnam peng lian vak lo zinga mi niin Churachanpur khaw bul hnaih vela mi ni ta ila… engtin hian nge “mizo” hnam hi ka hmuh anga, rilru dam thlap in “mizo” kan in ti angem? (hemi avang hian Mizo hnam laka in la hranga Mizoram sorkar leh mipui te laka hela, kan police te that tu te hi ka thiam hlek chuang lo).
Ngaihtuah zui ila, kan rilru ah hian ‘concept’ diklo a awm a nih mial chuan a hnam ang hian i address teh ang u.
Report this comment
June 1st, 2009 at 9:51 am
Mai mai, Aryan hi ka be pawp chak ang reng che
Report this comment
June 1st, 2009 at 10:26 am
Van Lal nau ang a trahna Khuavelah hian, hnam tin hi kan dang chuang love.
Lipse ngam khawpa racist lo hnam 1 tal kan sawi thei em, a bikin @aryan leh @elcee te. Kan luah chin theuhvah hi chuan hnam tin kan racist vek mai awm e a, ka ti deuh. A then an nasa deuhva, a then an nasa lutuk lo deuhva tih mai a ni. A nasa lo deuh pawh chu kei sawi tur ka nei hauh lo mai. Min hrilh fing var tur in awm chuan ka lawm hle ang.
Ka lawm e, advance in
Report this comment
November 15th, 2011 at 9:35 pm
Christian Louboutin…
[…]A Mizo Tawngin? | mi(sual).com[…]…
Report this comment