Thla hmasa chu Mizoram lamah ka han haw ve a. Thil ngaimawh zet mai ka han nei a. Kan minister 1 inah vai contractor a leng a. A chhuah pahin grape leh thei dang bawm khat a present a. Chu vaipa chhuah hnuah chuan an inleng dangte an han theh dawn a, bawm an han hawng kha cheng nuai nga a lo awm reng mai a. Hetih lai hian senior daktawr 2 leh Synod puipa ber pawh an awm a. Kan minister fel tak chuan chu contractor chu sum chu pek kir leh tumin a um tir ta a. A va han fel em! Chanchinbu hrang hrang leh TV ah te chhuah a ni a. Amah ngei an kawmna local channel ah ka lo thlir ve a. Corruption, a zung chawpa pawh phawi a PHO RO an tum thu a tlangau pui a.
Kei Misual hian heti hian ka lo ngaihtuah ve thung a…
“Aw… Engati nge an um zui? Kha pa kha contractor senior a nih thleng hriat a nia. Engati nge FIR an thehluh zawk loh a, a contract licence te an cancel sak zawk loh! Hretu lah an nei tha si a. Eng tak pho ro ang i maw?” , Hetiang a tih dan kawng hi a awm mial lo maw? Mipuite hi kan lawm hma lutuk in ti ve nge, enge nang ni Misual te u in ngaih ve dan?
