Kan ram hi a mawiin a nuam ve viau asin! He Vaipuanpho tuikhawhthla thla ka lak ni hian khua a duaiin ruahhmi a tla seng seng a. Lamlian-kawngpui atrangin a kawrdungah ka chhuk thla a. Ka han thlir chho va, mihring sulhnu (eg., kawng etc) a lang ta lo chiah tih vel atrangin he thla hi ka la ta a ni. Tuikhawhthla hi a mawi sung sung hle a; video-a ka lak zawk phei chu hmuhnawm tham tak a ni. Khua a duai em avang khan a thlalak hi a ni her hawr lo deuh mai pawh a! Camera mega-pixel hniam taka lak mah ni se, hetianga la leh tur hian a hmunhma hi cheibawl danglam vek a ni tawh.
A ngek ruan ruan hun a pel ta. Slaughter House hi Mizote’n kan pan vak hran lo. Tin, Vets-Doc-ho pawhin min rawn endiksak vek chuang hek lo. Vawk bekah emaw a chaldarah emaw talhtumin kan han hem chawrh mai a; a ngek hrawk a, a luhai a tal khur chur chur a. Chemte luzumin a zakdawhah kan han vit zui hrawih a. A kawchhungah thi a tling ta a. Muang-marin, phur ru tak bawkin a kawchhung an han phawrh a, a thisen pawh bel te-ah an han dah khawl a. A ril puah pawlin —tui tamna hret an pan chilh a. An va sufai a. A ril puah hnuin, a ril chhungah a thisen kha chhun luh a ni ta a, a hlap trhenkhatte nen —chu chu a ‘thi-thun’ kan ti ta mai a. Vawk kawchhungah chuan chhawl kan han hnawh khat a. A mawngkua leh a hrawka vit tlangin, thir tlawn kan han rawlh pawp a. Zawn sawn theih a ni ta der mai!
Image: https://img246.imageshack.us/img246/8878/10032008620.jpg
Thingfak trawn kawkalhin, achang chuan kopang pawh hmang trangkaiin —chutah chuan vawk chu kan hlang kang a. Dap-meichher hmangin vawk chu kan hliau cherh cherh ta a. Tuthlawh leh chemkawmtein a hmul kan han ziat fai hiar a. A chunga vawk rawh lai khi Chanmari West-a mi a nih khi, ka mobile-phone N73-a ka lak a ni. Mega-pixel 3.2 vel lai a nei ve khan ka hria!
Vawk rawh dan rau rau pawh hi a lo indanglam hleih leh hret. He vawk ve thung hi chu West Virginia-a “Apple Butter Festival 2008” ka chhim truma mi a ni. Berkeley khua a ni a. An function pawh an tipui ve hle. An sap culture chi hrang hrang, pawl hrang hrangin an entirna a ni pah a, mit a tlai duh hle.
Image: https://img246.imageshack.us/img246/6460/dsc01536.jpg
Vawk khi an rawh tlawr nalh ngei mai! A pumrua en mai khi chuan “Tuikuk Vawk” ni ve mai awm pawhin a lang a —ni tak ang maw? A hemhminna khawl hranpa a awm a, a tul khi muangmarin a inher che-vir reng a; a thau mawm far khian a hnuaia mei a chhawm nung reng bawk … Picnick-naa intihhlim paha hem mai mai theih ve vek a ni. Vawkzawn khuate pawh khan ramhnuaia vawk nena ruai siam kha a nawm laklawhzia an lo hre hmasa ve a ni ber e.
He Berkeley khua hi US President hmasa ber George Washington-a khawsakna hmun ni trhin, an SPA (damna tuisa put)-ah pawh hian a lo inchiah ve trhin tawh a —mi tam takin dam phah nana an inchiahna pawh tun thlengin hman theihin an la nei trha reng a ni. Lei hnuai atranga tui sa rawn chik chhuak hi in an sak hnan a; pindan engemaw zata ping dangin —damna duhte chu he tuiso chikchhuak dahkhawlah hian manchawiin an inchiah trhin.
Kawng kam Chawlhbuk pawh — hetianga mawl, fel et, senso hautak lo tak hian Branch tin YMA-te pawhin kan khawrpum ve theiin a rinawm —kan thiam ve em em ang. Zoram hi, mahni khua leh Veng trheuhten, Sorkar hik buai luhai vak lo hian, kan cheimawi theih a rinawm khawp mai!
Thil tih hautak lo, mawi bawk si hi chu Zofate hian lachhawng char char mai ila, kan ram riang te hi kan chei mawi hneh ve em em ang. Abikin, PICNIC SPOT siamtuten an hman trangkai zual a rinawm.
Post leh hunah chuan Country Road tak tak —West Virginia, Blue Ridge Mountain, Shenandoah River vel chiangkuang taka hmuh inbeisei ta ila … John Denver pawh mitthlaah a lang uai uai mai!
(Y)
June 17th, 2009 at 3:09 pm
Vaipuanpho tuikhawhthla leh Kawng kam Chawlhbuk pic a awm lo, ti nge??? :twisted:
Report this comment
June 17th, 2009 at 3:11 pm
ka comment vekah a awm leh si!!! :twisted:
Report this comment
June 17th, 2009 at 3:13 pm
Vawk-rawh nan hian blow lamp hi a trha khop maia. Hman deuh khan ui rawh nan inah an zuar kuala, chu lam chuan kan OT loks. Rs 5000 to 10000 te’n an lei. mahse pa ho han ti ti khom chuan an leina ai tlawm deuh vekin zuk sawi tlats maia :lol:
Ka til-then lohna lam tak a ni hetiang vel hi. Ramchhuah nikhua pohin thing fawm ka chuh jeih anih loh chuan tuichawi emaw, hnahlak lam emaw. Han inpuang ta law law ila, ar pawh hi mumala ka puah awm re re ka hre lo. Vawk puah a ril zen te chu kahase.
Mizo vawk puah chu a mawk kher mai, sap ram vawk puah erawh a ngo deuh, hei tak hi kan danglamna a ni
Report this comment
June 17th, 2009 at 3:20 pm
Vaipuanpho pic chu save keuh teng. 2004 october thla daih a lak tawh hi engtinnge kawng kam mai i la vek si hian kawng lang lova i lak theih :?: ka fak ngawt mai che kawng lang lo tura in plan kual vel tur chu
Report this comment
June 17th, 2009 at 3:25 pm
wheres vaipuanpho? ka hmu ve miah lo.
Report this comment
June 17th, 2009 at 3:38 pm
A tui hmel hle mai,sap ho pawhin an nghak far mai a lawm le.Mizo tan chuan vawk rawh hi a tui a ni.Vawk hi chinese ho hian tun hma chuan an rawh ngai lo a, tum khat chu an in kang ah an vawk a kang hlum a,pa pakhat hian a kut zungtang a zuk khawih lut palh a,a sa ti lutuk chuan a kut kha a fawp vat a,chuan a lo tui em em tih a hmu chhuak a,chuta tang chuan vawk an talh dawn a piang hian in te reuh te an sa a,vawk kha an hal hlum ziah thin an ti….thawnthu!
Heng vawk hi mizoin tui kan ti.https://img189.imageshack.us/im.....cf4864.jpg
Report this comment
June 17th, 2009 at 3:49 pm
https://img189.imageshack.us/im.....f4864x.jpg
Report this comment
June 17th, 2009 at 4:01 pm
@XaiA i vawk tui sawi hi ka ei tawh eng em le :?: Australian vawk an tih ang chi a tak rang kha a ni si lova. He vawk men dan re re hi a kawlh hmel tops. An dahna pawh hi a chhuat concrete a bang poh, vawkin CK tak chu a ni.
Report this comment
June 17th, 2009 at 4:04 pm
meitei manipuri ho hi chalrang an ti a XaiA vawk hi meitei vawk ti ila a trha mai em :lol:
Report this comment
June 17th, 2009 at 5:12 pm
chawnghilh, Taney town ah kan la talh ho ang chu mawle… mahse sehhmeh nen chuan awm hun chhung a rei duh tra la la la la
Report this comment
June 18th, 2009 at 5:57 pm
Vawksa tluka tui hi Mizo ka-ah hian a awm thei lo chu a nih hi. Inrinni zing bazarah hian Mizoram pumah vawk pum engzat tak tlu thin ang maw? Heti khawpa kan ei hnem chung hian kan la intodelh lo em em mai si a le.. Swine Flu vanga vawk lakluh khap a ni leh nghal. Vawksa chan a har leh ngawt ang le. Vawk talhho an induh leh dawn hle a ni.
Sa hrisel lo ber hi kan duh ber miau si a, a buk tling lo leh a man to uchuak paw’n kan lei hmiah hmiah hlawm mai zawng a nih ber hi..!!
Report this comment
July 26th, 2011 at 11:31 pm
ÄÅÌÎÍÒÀÆ ÖÅÍÀ…
minny…
Report this comment