Kan hriat theuh angin Sorkar thar kan nei ta a, eng pawh nise CHANGE hmasa ber chu a ni phawt mai. Tun thlenga an hnathawh tawh chin leh an kal danah ka hmuh dan ka rawn thai lang ve mai a, in hmuh dante pawh hriat ve a châkawm khawp mai.
1. Kan Sorkar thar hian CHANGE a thupui angin engemaw chenah chuan change chu kan hmu tawh a, amaherawhchu duh ang leh an tum ang chuan thil erawh a la kal fuh thei rih lo niin ka hria.
2. Engvang ber nge, sorkar hmasa tihhnawk thenfai tur a tam vang nge, ro tling tur hma han lak em em Mizoram tan a la awm rih chiahin ka hre lo bawk.
3. Hna thar lak neuh neuh erawh a awm a, hna lak kalphung tih danglam leh enfiah pawh a awm nual, hei hi Sorkar hmasa tih duh loh/ngam loh(?) a ni mai thei. Tin, a tlangpuiin a fair tawk thawhkhat rih chuan a lang a, a bikin Minister leh Cabinet atang chuan. Mahse kan tih teh ang. A lu ber ten thil tha taka tih an tum laiin hian PARTY WORKERS te hi an inrawlh tam deuh em ni aw??? Hei hian kalphung tluang tak leh fair taka kal tur a ti JAM deuh em aw ka ti. Tin, transfer chungchang te pawh. Hei hi Sorkar pawh hian a ngaihthah ngam a ngaiin ka hria Mizoram tan.
3. Thalaite tana hmalak emaw Sports lam hi an ngaihthat deuh nge an la ngaihtuah hman lutuk rih lo aw. Tun chinah chuan thuthar em em a la awm lova, hmalak sawi tur tling a la awm rih lo niin a lang.
4. A pawimawh ber pakhat nia lang chu MIPUI hian kan zir ve a ngai ta. Kan chhungte, kan hmelhriat te avanga HNA dilnaa tlin ngawt tum te, insawipui uar lutuk te hi kan zir a ngai ta. Ka thiam lo a nih chuan ka tling lo ngam mai tur a ni. Kei aia thiam leh fel (qualify) zawk an awm chuan ka chan loh turah kan dah ngam tur a ni. Keimah avangin mi rilru a na thei a, keimah avang hian Sorkar hian thil felhlel a tih phah thei. A tling zawkte leh thiam zawkte ka compete ngam tur a ni. Tin, ka hun a la in herchhuak lo pawh a ni mai thei tia MIZO rilru hi a danglam a ngai tawh.
4. Tin, sorkar hmalakna em em pawh ni lo kan zir ngai pakhat, MIZO inti tawh phawt tana tul nia ka hriat kan jep leh talh teh ang. Dik lo taka HAUSA, dâwt avanga inti liante, kan hriat rengte hi i HLAU LO ngam ang u, kohhran hruaitu atan te hian i thlang lo ngam ang u. Chu chu PATHIAN duh dan pawh niin ka hria. Heng avang hian dinhmun a inang lova, dâwt avang ve maia inchhekarbawm an nih hi kan hriat a, kan hlauh bik loh zia te tilang ngam MIZO kan ni tur a ni.
5. NAWRH CHUNGCHANG: Nawrh leh BAND tih vel a lang leh deuh tawh em ni aw. A chhan pakhat nia lang chu No.2 khi a ni em aw ka ti. Tin, vai tih dan laka, nawrh band leh bauina siam tih vel hi mahni intihhrehawmna thlawn mai mai a nih rualin, sorkar kalphung tih dik nan erawh a tul kan ti dawn nge? Loh theih lohvin a hrin chhuah zawk. Mahse hetiang zawnga thiltih/huaihawt hi chu i ching lovang u. A Kristian lo ka ti.
6. A tawp bera ka hmuh danah chuan, Sorkar thar hian thil tha taka kalpui a tum a, CHANGE a duh niin a lang. Mahse thil kal fuh lo tam tak hi mipuite vang a ni em aw ka ti. Entirnan: Tu emaw transfer turah khan duhsak zawng a awm viauva, hmelhriat nei tha tak a awm chuan a fair thei lo tlat. khatia an lo va biak a, an lo tlawn lungawi viau chuan neuh neuh a awm thin a. A tâwpah SORKAR in mawh a phur lo thei lo. Chuvangin inbiak/insawipui tih velah hian Sorkar hi fir/felfai ngam se, buaina tam tak a kian ka ring.
Tin, ka sawi duh leh pakhat chu – kan Sorkar thar hi ‘a thikthu a chhia’ an tih tawngkam hi ka hre fova. Mahse ka ngaihdanah chuan, thil dik lo taka lo ti thinte hi hrem ngam rawh se, a thikthu pawh tichhia se, tichhe zel rawh se. Amah erawh chu mimal inbeina, party worker inrawlhna nasa lutuk awm thei erawh chu Sorkar thar tha tak hian veng fimkhur thei thin se, a lawmawm hle ang.
In hmuh dan te leh tha tur nia in hriat te, hming hmer lovin han tarlang ve teh u. Ka lawm e.
Similar Posts:
- Kan ‘change’ ve hi!
- Hnalak dan chungchanga ka ngaihdan
- MIZORAM HEALTH CARE SCHEME MAWLH MAI HI
- Shemale!! MAK Lutuk………….
- I Nuar ang u hmiang !
(Y)
July 9th, 2009 at 2:29 am
Kum chanve an Sawrkar awrh a ni a. Ngaihdan siam thiam a la har ang reng chu ka ti. Sang tak han beisei ngawt hi a har ve tawh a ni. Ka sawi zui chak lai erawh chu, mipui chanvo lam hi a ni.
Sawrkar tanpuina mamawh miah lo rilru pu kan tam poh leh kan ramin hma a sawn ang. MLA/Minister-te kan rawngbawltu an ni tih pawm a, Pu anga en lova, hnathawktu anga en kan tam poh leh kan ram a kal dik tan dawn tihna a ni bawk ang. Intodelh kan tam poh leh Sawrkar hlau lo kan tam anga, Rorelna a dik sawt bawk ang. Sum thianghlim lo hi kan tan vanduaina mai tur a nihzia hre chianga hnawl kan tam poh leh Eirukna remchang pawh a tlem ve nghal ang.
Tho la ding ta che,
I hliam a dam e;
I pheichheh pawh a zang e,
Hnutiang hawi lovin;
Ram kal siam ta che,
Khuavel i la chhing ngei ang.
Report this comment
July 9th, 2009 at 2:52 am
Ka hmuh ve dan chuan….
1. MLA an ngah lutuka, policy bawhzui aiin an mahni chanpual semzai dan ngaihtuahin an la phi buai rih.
2. Central lam ngai chang reng rengin thlaruk an hmang liam a. Hei hi ka ti ve teh ang tih lam ai chuan, “central-in budget te han pass fel phawt se la. A van tla lo dawng keuh teh ang” ti an ang.
3. Mipui kum 10 chhung opposition a awm ve te khan chanvo an ngiat ve ta a. Sawrkar hian a tih vel dan a ngaihtuah mek. Thla tawpah chuan kalphung thar kan hmuh ka beisei.
4. Zu khap chungchangah a inthiarfihlim hmasa thek mai. Kohhran leh NGO’s lamah mawhphurhna a hlan zeih. Ti kha chuan kum 5 chhung chu Zu case kan nei tawh lo ang!
5. Good Governance awm zia tun thla ruk chhung khan zir chianna neih a ni a. CHANGE kal pui dan fel fai taka ngaihtuah thei tura bul tan ani.
Next Step: Abul a tan tha rem rem bawk a, a dawt leh ah chuan OPPORTUNITIES siam dan kawng a dap tawh ang. CHANGE ka duh tawh leu…
Report this comment
July 9th, 2009 at 6:25 am
kum chanve a liam tawh a, an hnathawh hmuh tur la awm lo hi a mak a. Kum 4 kal ta a motor lei thar an hmang duh lo a, motor thar nuai 200 man dawn lai an lei ta mai hi change a ni em? Sorkar tharah kawng block leh bandth kan phal lo ang titute kha Kolasib a darkar 22 lai kawng an block khan.. an hre lo emaw ni? Corruption a zung chawpa kara phoro tum an nia. Kan MLA ten TA, DA, phone bill leh bill phuahchawp an lak thin hi corruption a ni tho lawm ni?
Report this comment
July 9th, 2009 at 7:16 am
Kawnga chu van meng rei theive le, nau mut hnuah tho leh nimaw????
Report this comment
July 9th, 2009 at 9:19 am
sawrkar hi keimahni phak ang chin chinah Fin-chhuah (suggestion pek) ngam a tha. Critical deuha diklo leh fello lai lo en ker aiin a that zawk ka ring.
Ram kalsiam tur hian ruahmanna fel a ngaia, chu’ng ruahmanna chu kutdawh sawrkar hi chuan a dawh fuh theih nan ruahmanna phuailuai nilo rintlak pawmtlak tha ngei tur leh sustainable anih a ngai. bengsika ngaihtuah a tul nawr phut phut chi lah ani der lo. Implementation te delivery ontime te a pawimawh hle. chung ang monitor tur chuan Estimate Committee te tihchak pawh hi a tul hle in ka hria.
Infrastructure ah pawh hian basic needs (heihi thlan fuh a tul ania)nge kan thlan hmasak anga mamawh hmasak lemloh in bul kan tan ang tih pawh hi zawhna pawimawh tak a ni.Punjab ah chuan an budget tam zawk hi basic needs atan an invest hmasa tih hi Darshan Kumar IAS in min hrilh,1994-a Kolasib IB kan riah dun tumin.
Mipui tam berin kan chhawrtlan tur leh leirem kan rahna tur hi, sawi a tam tumdan a tam thei a tak chantir hi a awlsam lo teh ania. Chuvangin mahni veng veng khua khua leh ka department hi vawng deuh se tihvel ringawt in ram kalsiam hi ambush tum lo ila, tanpui tum zawk ila chuti-anih-loh chuan ekna ngaiah kan su leh palh ang e tih hi kei misual ngaihdan nghet tlat a ni e. ka lawme
Report this comment
July 9th, 2009 at 10:10 am
1.Sorkar a nihna ang hian sorkar tak a chet a hun.Finance file um boh zui a official lo in file an keng dawr dawr te hi tih tawp hmak a tha.
2.Financial power phairai lutuk hi tih tawp hmak a tha.
3.Purchasing Committee, District level leh State level hi a nihna ang tak a hman a tul.
4.Back date tih lam thu hi tih tawp hmak a tul.
5.A theih loh chin ah chuan sorkar a nihna ang in din tlat a tul.
6.Project tan dawn reng reng in rehabilitation Plan mumal tak an nei tawh tur ah ngai ang.
7. Transfer & Posting hi kum thum atan Freeze hmak nise.
8.Tender & Quotation uar a hun ,District level bik ah.
9. NGOs te monitoring lam ah involve theih nise.
10.An kal dan hi nawm chenna lam a tam leh dawn, Minister perks vel a tam tan.Tih tawp vat a tul.
11. Zin kual nuam an ti leh tan riau.Chief Minister Singapore kal pawh Switzerland lam ah a kual leh daih an ti.Awm ve mai mai hi zir se.
12.In lam ah interview a theih loh Minister ten an ti ve ngawt hi chu en that a tha, mipui ta an ni a, official an ni lo tih an in hriat a tha.
Report this comment
July 9th, 2009 at 2:17 pm
In ngaihpawimawh zawngte rawn sawi zel ula kanlo ngaihtuah ange
Report this comment
July 9th, 2009 at 2:20 pm
1. Tun dinhmunah chuan corruption laka fihlim an tum fuin a lang
2. Motor lei nana heti zat sum sen hian economy siam that lam a hawiin a lang pek lo
3. NLUP apply dan turah hian tunge a hmutu tur, eng trade nge tih lam ai pawhin ‘productivity of unproductive lands in the Aizawl leh khawpui dang chhehvel…’ tih velte pawh hi..
4. Power mawlh mai hi, development dang thulh thak pawha buaipui tham mawle…
Report this comment
July 9th, 2009 at 3:50 pm
@Ditto:Switzerland ah a kal lo.Vawiinah a lo haw ang
Report this comment
July 9th, 2009 at 7:16 pm
Pu Kawnga chu Mj thlahrang kha i hlauh loh hmel hle sia, Kawnpui dai Lungphun i hlau leh hle sia… malum nai he… niazan i hlauh viau lai khan min han kuah la…. khawlum pawh sawi lovin…. awi
Report this comment
July 9th, 2009 at 8:18 pm
Ralkhat atrang a ka lo hmangaih leh ka lo chhuan ve em em mizoram hian hruaitu trha leh ram hmangaihtu a van mamawh tak em.
Hmana Zoramthanga kha a hnar a trang a thawk chhung chu Zoramthanga ani dawn.Chutian bwawkin hmana Lalthanhawla kha a lungphu a chawlh hma chu Lalthanhawla ani reng dawn.
Zoram mipui mak ka tih em em che u chu…Hmanah kum 10 teh meuh Lal Thanhawlan a lo kai hruai tawh che u a.eng ual a an pui lo che u a,sawi tham em em mualpui pawh a chuan kai pui meuh lo che u .A ei ruk nasat zia in sawi luai luai a in rel luai luai bawk a.(burma thleng thlengin a ei nasat luat vanga a hauhsak zia pawh kan lo sawi ve luai luai trhin)
Chu ti chung chuan tun trumah Hruaitu atan in han thlang tling leh hi mak ka ti tawp thei lo.
Tuna “change an ti” tih vel te hi chu eeeee……naupang hmuia chithlum tah ang vel ah ka ngai.
Chuan…Pu Vision…
Sawrkar chu kan fin-chhuah a nga.A dik lo nalai pawh kan hai chhuak a nga a trul dan azir in kawh(kawk) siah siah mai tur ah ka ngai.
A party zawnga tran tlur te hi trha ka tilo ve mai mai khawp mai.
Report this comment
July 9th, 2009 at 9:08 pm
Zoram politic thlir hi chuan rilru a hah.Burma politic nen a in thlau ltk vak lovin ka hri.
E nge maw chang phei chuan Zoramah hian Robin (hood) din a,a trul dan a zir a in phil a, chhuhsak a, tranpui ngaite tranpui nan a hman te ka chak trhin khawp a sin.
Report this comment
July 9th, 2009 at 9:14 pm
Robin Hood sawi tak ah chuan Russell Crowe channa thar tur chu a nghahhlelh awm khawp mai.
Back to topic: Kum kua na ah chuan eng huha an ni leh vak pon ka ring lo ,Politician te hi, an dem awm hran pawh ka ti lo, khawvel kal phung chi khat a nia.
Report this comment
July 9th, 2009 at 9:29 pm
@Burgerstud a makpa nen Alps background a hmang in Aviance mineral water leh thil an sip zauh zauh dawn an ti emaw ka lo tia :smile:
Report this comment
July 10th, 2009 at 7:01 am
@mygurl, tunah hi chuan ka hlau leh tawh miah lo mawle
Hlauhawm kan tih pawh hi a hun leh hmun a zir a lo nih dawn hi!! Kuah lam chu, hlauh pawhin hlauh loh pawhin, a nuam leh hrehawmah… ka peih reng. 
Report this comment
July 10th, 2009 at 3:00 pm
Mizoram ti thuanawp tu Lalthanhawla tho khan khan tunah kan ram a hruai leh a enge in beisei vak!
Bangladesh leh Tripura refugee (Chakma/Tuikuk) ho Mizoram sah hek sak bak engmah an puitlin lovang Congress ho hian!!!!
Report this comment
July 10th, 2009 at 4:53 pm
Pu.Karei i thusawi khi a va nih mai hmel tka tak ve keini lungmawl tan chuan i sawi khi a awm ang reng tlat mai
Report this comment
July 10th, 2009 at 6:50 pm
Comment #2 Sl.2 khai han en teh u! Zonet.in lama ka lo hmuh danin Mizoram Budget session chuan ‘Vote on Account’ pass leh phawt dawn anih chu! A chhan- Central lam allocation ngaihchan mek ani! Kan va han rethei tak em? Budget Estimate Committee hian eng hi nge an han estimate ve ang aw?
Report this comment
July 10th, 2009 at 8:08 pm
kei chu inlam interview an siamlo hi tha ka tih pui, public ta an ni a official annih loh rualin mihring an ni ve bawk a hahdam hun te an mamawh a lawm, hna thatak a thawk tur chuan hahdam ve zeuh zeuh a ngai a,interview aiah interview tur ho hian lehkha in tawikim takin ziakin dah thin ila phone no. nen, anremchan danin lo enve maise koh ngai chu an no. ah khan koh tir mai se. Zing khuantevik a tang a tlai zanlam thleng leh chaw eilai, inthiarlai thleng thleng a innghah a inchim tuai reng mai chu tu nge hna tha thawk thei ang le..???
Report this comment
July 10th, 2009 at 8:31 pm
@Bawngkuaivuna An lal rei loh loh nen , hah hle tur hi an ni mai.
Kan ti hahdam thei lutuk a ,awmchin pawh an hriat tawh loh hi, an car lei dan atang hian an hahdamna ngaihtuahsak hi an ngai lo reng reng .
An rilru chakna ber a ni ang chu.
Keinin Uphar tea kan in lai hian,Pu.Hawla phei hi chu Earl grey tea leh Lopchu mixed ngawt thingpuiah pawh a in thin kha a nia, Comforts all the way a ni hrim hrim.
Hah tlawk tlawk rawh se.
Reng reng ah Newspaper a fun theihnghilh an hrat sia Maruari ho hian, in leng ten an lo chhar palh rau rau ang.
Dawn ti sei: Health Minister khan Synod Inleng awm lo ta se a pe kir tho ang nge a ak hmak ang :smile:
Report this comment
July 10th, 2009 at 8:49 pm
@Ditto nia hahdam fe fe chu an awm mai thei,chutih karin hei mithar kan nei teuh a hna tha thawk tak tak duh pawh anlo awm mial thei a,chance han pek chhin chu an phu a lawm le,nge midang ho ang bawk a awm lo thei lo hian kan nawr in kan zim leh hut hut mai dawn em niang? A ngaiah bawk kan khalh khawm leh si long maw mipui pamham te hian?..Mahni mimal harsatna neuh neuh,hna dil,transfer,posting vel hi inlam interview tam ber te sawi leh dil chu ni lawm ni? heng mai mai lo deuh, kan ram RO hi rel thei turin,dan tha pui pui duangchhuak a siam thei turin pui zawk ila, chung ngaihtuahna hun te chu pe ve zawk ila, tih te hi kan rawt pah mai mai a nia.. i huatah pawh ka ti law…tra..la..la..la..eh!!
Report this comment
July 10th, 2009 at 9:43 pm
@Ditto:Tun ministry chu i lawm vak na nge :;
@Bawngkuaibuna:Dik chiah alawm.
Report this comment
July 10th, 2009 at 10:15 pm
Tin,kan thlan Lal te hian engtitur a thlan lal nge annih hi inhrechiang hle se,tute emaw hna pek,transfer,engemaw neuh neuh hawn(inaugurate), function te te, anni telna awm loh pui pui zawk a khuallian nih,tih mai mai te hian intihniam loin inhambuai lose,khawnvartui dilna,silpoulin dilna tih mai2 phei hi chu an inrawlhna chi a nilo, department official te hi ring ngam se an kutah thuneihna dah ve se,MAHSE a hmang khawlo official te hi dim miah lo se..te hi ti vel ila.If wishes were horse…
Report this comment
July 10th, 2009 at 11:01 pm
Tive khang lang ila, Hna (Construction work) om na reng2 ah hi chuan congress Bavan member an thra hnem thei teh a nia……..
Report this comment
July 15th, 2009 at 12:47 pm
#20: tukin khan minister pakhat car thar chu a sir an tai rang hlauh mai.
Report this comment
July 27th, 2011 at 2:10 pm
ÑËÎÌ ÒÐÓÁÛ…
minny…
Report this comment