Click image for large size. Thanks to Zaia.
Vawiin khan New Diakkawn VC hnuaia ni za inhlawhna (NREGS) a inhlawhnaah vanduaina a thleng a. Inhlawhna hmunah hian lei a min a, mi 2 in nunna an chan.
An hnathawhna hmun hi New Diakkawn thlanmual panna kawng, Challui Veng mawng (Diakkawn H/S thlang lam) a ni a. An hnathawhna hmunah hian thenkhat chu ni a sat avangin kopang hlim an bel a. A lema tarlan ang hian, an kopang behchhan chu thawklehkhatah a rawn min thut a.
A tam zawk chu an insaseng hman a.
Hmeichhe pathum –
Pi Lalkungi w/o Rampanmawia,
Pu Sumzahnuni (58) w/o L. Kaisanga (L) leh
Pi Zamawii (45) w/o Upa VL Kunga
te chu leimin hian a chhilh a. Pi Sumzahnuni leh Pi Zamawii te hi a chhilh hneh deuh avangin haichhuah lawk theih an ni lova; an boral ve ve a. Pi Lalkungi erawh hi chu a thih hmain lakchhuah hman a ni a, hliam tlem a tuar tih loh chu ani hi chu a ngaihtuahawm loh.
Hetia vanduaina a thleng tih hriat a nih ve leh hian Kolasib hmun hrang hrang atangin mipui an kalkhawm nghal a, thuneitute – DC leh mipawimawh dangte pawh ruang leh hliam lakchhuahnaah hian an tel hman a ni.
Click image for large size.
(He thu hi hmanhmawh taka post a ni a. Thu chiang zawk a awm thuai tura ngaih a ni a. Mihring hming leh hliam zatte pawh hi a dikhlel maithei
