“Chutia Kolkata i kal dawn rau rau chuan health check up nei nghal la, ka kalpui ang che” a tih avangin kan hotute duhsakna avanga training tura min tirhna – Training for officers of North Eastern States – Destination NE Attracting Investment & Services July 27 to 29 2009 nang tur chuan Inrinni-ah kal mai ang hmiang ka ti tlata. “Aw zirtawpni ah kal zawk ila, in check up hmanhmawh rum rum lovin hun thawl deuh neiin kan ti thei ang” a tih pawh chu office buai chhuanlam in ka hnial tlata.
Ningani ka office chu “ In JE in veng mi in makpa tur ni bawk kha a borala, naktuk in vengah vui tur ania” tih zualko ka dawng bawk nen, Zirtawp kal tura min tur tu pawh chu tifuh inti fe-in mithi kan vui theih phah dawna a tha phian e tiin, zan mithi lumen ka hawng chu ka sawi bawrh bawrh a.
In check up zawh hman loh hlau-in hmelhriat hrang hrang ka phone – Dr thiam ka mamawh hre tur ka zawng ani ber. Inrinni tlai dar 4 turin appointment min siam sak thu te leh Dr phone-na tur number min pe bawka, ka confi ta khawp mai. Tluang takin Kolkata chu Kingfisher flight in kan Inrin chawhnu lamah kan thleng tamaia. AC Car in min lo hmuak, chuanpui ka neih avangin min hmuaktu chu kan pu thil min thawn chahbi spare siam tur ka pe a min kalsan ta a. Mizoram House Salt Lake ah bungrua dah ila Dr hmu turin kan kal leh nghal ang tih kan sawi mek laiin, Salt Lake Mizoram House awmna driver-in a lo hre lo, min han bo pui ta zak zak maia.”Sector eng zahna nge tih leh Tanky number in hria em” tih min zawhte lah chu ka hre der si lo. House address ka hre bawk silo, house phone lah ka lo hre fuh bawk si lo. Min bo pui zek hnu chuan stadium lamah kal la abak ka hre vek tawh tih ka vai trawng thiam hmang zo trep-in thu kan pe a. Hetia kan bo buai avang hian Dr kan hmuh tur pawh chu kan nang ta lo bawk nen, Dr chuan “Sunday zing dar 11 ah Hospital lokal mai rawh” a tih chu abak duh thlan tur kan neih ka hre lova.
Sunday khua a lo var, ka in entir lo mai ang ka tia. Zing chaw kan eia Pi Rinpuiin rawtuai bai leh sawhbawl tui deuh min suah chu tui ti em em in ka eia. Sande Sikul inkhawm ngai bawk silo – Mu hmak ila ani mai ka tia; mahse turtu ka nei trha bawka tui vak lo chuan in entir tur chuan kan chhuak ta a.
Dr ka hmu direct dawn emaw ka ti chu – registration-ah kan han intlara, a dawt te te a kan tihtur kan ti fel chu “Wait over there we will call you” an han ti a. Darkar khat vel kan nghah hnu chuan Nurse hian helai room-ah hian min rawn zui rawh le a ti a, ka zui lut a. Ka san zawng leh weight a han la zo chu “Over-weight satliah i ni lova Obesity Clinic i kal a ngai dawn anih hi” an ti phawta, ka tui lo tran khawp mai. Ka BP an la leha, “BP tih hniamna i ei a ni maw 130/90 ania” tih min zawta. Ka thau na a ka BP hi a sang ngai vak lo asin tih ka hrilh a. “Wait we will call you” a ti leh a. Darkar chanve kan nghah hnu chuan Dr dang pakhat hian Specialist min en hma in zawhna hrang hrang min han zawta. Ka health history te family history te chik taka min zawh hnu chuan “Wait we will call you” an ti leh a.
Ma ka tih khawpa reilo ah min ko ta a, inchhawng sang lamah min hruai chhova, Operation Theatre ah kan lut dawn emaw ka tih hnu chuan Dr chu ka va hmu ta – ka problem thi ka neih dan pawh ka sawi zawh mumal hma-in “Mu la tah khan, i khup thleng inhlim thla vek ang che” a tih a angin ka in phelh ruak chu ani ta dera. “Saisir rawh” min ti leha, ka saisir zo chu glove a bun pah chuan ka mawng an phen zuai a, “A tawke naktukah colonoscopy ti la a result nen lokal leh ang che” atih chu – damdawi hnawih tur emaw eitur min chawh ka beisei thu ka hrilh lah “Mai maia thi i neih chhan kan hre phawt ang chule” a tih chu chhan leh chi ani lo tih ka hria a. Mawng phen zeuh man Rs 300 ka chawi anih hi a ho mang e aw ka ti rilru a.
City Centre ah phei ila KFC ah inhnawh puar ang tiin Hospital kan chhuahsan ta a. Mi pathum KFC a duhtawk ei, kei phei chuan ka chan tur plate 2 ka order chung pawhin avai man kha Rs 540 ani a. A tui si a va manhla ve a changkang sia, a rang bawk sia, ka tih lah chu “USA ah te chuan KFC te hi chu mi-naran eina hmunpui ber alawm” tih min hrilh chu ka awih lo lek lek ani.
Mawng phen zeuh man Rs 300 chawi tura ka in-puahchah nasat nen ka thlen chin ho leh ang reng si chu kan nuih pui nasa hle. Kan in check up dan min rawn zawt nak naka “South City shopping mall ah kal rawh u” tih min advice hlawm avangin tlai dar 5 chuan kan va pan – a lo pui zek mai, mi lah an han tam em em, kalna lam apiangah SALE ani vek mai, second han bale hawng thar kan bawr lut lut ang vek hi a lo nia kan ning mai mai khawp a. Ning zeka ka kalpuite thil lei ka nghah lai chuan OH KOLKATA :!: i va lo ropui em; kan tello hian I va tlei em, kei misual bazaar ngai lo pawh bazaar min han kal tir chu ania le ! tih rilru ka put chu misual trhiante ka share teh ang tiin trhian te ka han hrilh che u ani e. Ka lawme.
Similar Posts:
- Kolkata-ah Mizoram House thar sa dawn
- Enge in Ngaih ve dan ?
- Income from Online
- EEE hmelhriat teh ang u
- Lo in veng lawk ila
(Y)
July 27th, 2009 at 9:49 am
Pu mzvision chu pile diklo satliah dam leh vat chi nise ka tih pui a che.Cheng 300 chawi ngai zel tawh mlo se a tha ang :!:
Report this comment
July 27th, 2009 at 10:08 am
‘ka saisir zo chu glove a bun pah chuan ka mawng an phen zuai a, “A tawke’- A hahahhahahaha huuuuhu !!
Ka nui hnang dawn alawm mawle. Doctor chu a va uang ve a.
Kei pawh Doctor ni ila ka en rei peih kher lo mai thei, hihihhihihihihihhhhhh!!! No offense, a hlimawm zawnga rawn ziak i ang tho bawk a.
Report this comment
July 27th, 2009 at 10:22 am
el aw el!! :twisted:
Report this comment
July 27th, 2009 at 10:33 am
E khai Pu Vision, Calcutta khawlum chu i zuk tuar ve ani maw!Kei kum khat zet Duff Hostel room te reuh te ah fan tel tolin ka zuk tlingtla ve tawh.Khaw ‘nuam’ vak ni lo nimahse kan kawtchhuah ani bawk a, ‘charm’ a nei ve tlat in ka hria. Khawi ilo han zin hlat deuh pawh in Calcutta han thlen hi chuan mahni khua thleng ang deuhvah ka in ngai ve tawp. Engpawh nise, lo in diet deuh la, thil dang pawh chu a fel vek mai ang ka ring.
Report this comment
July 27th, 2009 at 10:33 am
Typing mistake i va uar ve!
Report this comment
July 27th, 2009 at 11:55 am
Typing mistake hi ka trademark ve ania :lol:
Report this comment
July 27th, 2009 at 12:58 pm
mzvision chu damlohna hmun a tang pawhin thutha tak tak a hlimawm zia in i han thawh thei zel hi i en tawn tlak in ka fak a che :!:
Report this comment
July 27th, 2009 at 1:58 pm
Hei kan training kan kal mek interesting khop mai. Lunch break ah ka lo lut lawk ani. Mawng phen zeuh tur pawh hian a lo buaithlak khawp mai, zirtur hlir ani, Aizawl Dr ho chu kan direct pop pop maia, Kolkata Dr min tih ang hi chuan an damlo te treat sela chu, pakhat zela an kalbo in tih ang vel ani mai long maw :?: tih hi kei misual rilru ah zu awm a :!:
Report this comment
July 27th, 2009 at 2:44 pm
Ekhai, i mawng phen sitawri chu a va hlimawm phian ve!! Ram dangah pawh mi hi an lo awm teuh zel a!! Kolkata phei chu Vai an tam ngawt lawm ni?!!
Report this comment
July 27th, 2009 at 3:16 pm
Mawngphen zeuh topic nilo.. I kal chhan ber topic : ‘Destination NE Attracting Investment & Services’ hi min rawn share ve liam liam dawn nia.
Report this comment
July 27th, 2009 at 3:49 pm
Colonoscopy chu a na lutuk an ti,ka nu phei chuan nau vei lai min ti hre chhuak rum rum a tia!Sawi thaih na lam ni lo in.:)
Report this comment
July 27th, 2009 at 3:56 pm
mzvision chu phentometer in an lo en dawn che a nih hmel a, trang fan fan rawh NOI.
Pu Lily a sawi ang khian in zirlai vel chu tangkai tak a kan ramin kan hman theih ngei nan han bei trau trauh rawh le.
Report this comment
July 27th, 2009 at 3:59 pm
tunah chuan phen lam chauh rih nakinah a dang chu Tea break a zo see you later muante – vai an tam rura ka kawkhlum vek peih lo
Report this comment
July 27th, 2009 at 4:19 pm
mawng virgin lo trep kan awm a va nih hmel ve o!!! NOI :twisted:
@dumput, Colonoscopy i tih khan, a mawm that chuan a na vak lo i tia mi khah??!!! :twisted:
Report this comment
July 27th, 2009 at 4:26 pm
Lalwonder nang lah hi OT thei lutuk!!!!!Vawikhats mah ka la ti leuh!I mail check ta che!
Report this comment
July 27th, 2009 at 4:30 pm
Ehe…pu mzvision, tunge i nih ka hre ve chiah!! Misual zingah i lo tel ve reng a ni maw! Tluang tak leh dam takin i rawn haw ang a, i office ah ka rawn la leng dawn nia.
Report this comment
July 27th, 2009 at 4:35 pm
ka’n tidik ange.
Report this comment
July 27th, 2009 at 4:56 pm
An pu chuan a thawn ani maithei asin. Amah zawt lo chuan tihdik ngawt chi ani dawn mi?
Pu MZ, ‘Be a man’ during the colonoscopy!!
Report this comment
July 27th, 2009 at 5:01 pm
Chahbi te a nei thlap a ni awm e kha. Nia pu mz’an tidik tura order min pek hma loh chu edit loh chi
Report this comment
July 27th, 2009 at 5:24 pm
LOL
Report this comment
July 27th, 2009 at 5:31 pm
wonderboy Says:
mawng virgin lo trep kan awm a va nih hmel ve o!!!
tunlai i thilo sawi hi a pherh thei em mai..ngaih i ti thra lo
Report this comment
July 27th, 2009 at 5:32 pm
Edit permitted. Chahbi kha a duplicate an siama Aizawl ah thawn let leh ani.
Report this comment
July 27th, 2009 at 6:11 pm
Mawng phen ngai damdawiah cancer damdawi zopa hmuhchhuah an sawi vul chuk kha a tha an tih kha le.
Ngaihnawm hle mai, Pu.MZ-a nge nge
Report this comment
July 27th, 2009 at 6:35 pm
I tai a dik zan lo em ni chutia 300 chawi meuh a i phen tir tak mai le. Mawngkaw thlirna in a han thlir kual vel bawk lo maw. Hairehai
Report this comment
July 27th, 2009 at 10:41 pm
Kan thianpa pakhatin hetiang lam story a sawi ka hre tawh – Aizawlah doctor ka inentir a, ‘sawtah sawn lo va bungbu rawh’, min ti a, rei fe ka va bungbut hnu chuan chhuar atangin thir tlawn pakhat a rawn phawrh a, ka mawngah a hnawh lut a, a na ka ti lutuk chu ka thlan tui leh mittui a tla zawih zawih a. Ka zak bawk si a, inentir man ka pe a, ka haw nal nal a.
A hnuah thian ten ‘Gauhati-ah hetiang lam thiam daktawr tha deuh a awm’, an ti a. Chutah chuan hmanruate pawh an nei tha deuh ang, tiin ka pan leh a. Daktawr chuan, ‘sawtah sawn lo bungbu rawh’, a ti leh a. Ka va bungbu a, Aizawla ka mawnga an hnawh ang chiah thir tlawn chu a rawn lek chhuak leh a, ‘Awi ka nu, ka thi’, ti rilru chungin ka khur zawih zawih, a ti.
Report this comment
July 27th, 2009 at 11:33 pm
samuelapa, chutiang chu a tawng ve tihna a ni mai lo maw, tiraw? hairehai
Report this comment
July 28th, 2009 at 7:28 am
Hmm colonoscopy a an thil hman (colonoscope) en khan kut zung te tiat pawh ani ami? I ektum en la a let 5 velin a lian zawk ang, patling tan awi ka nu tih dur dur na tham ani awm lo em mai.
Report this comment
July 28th, 2009 at 8:50 am
Pu Aryan,khuanu in a nih tur ang a a lo duan te hi chu a ni thlap mai a,mahse hling te takte pawh hi a buaipui awm thin a sin :!: A tuartu nih hi chuan a huphurh awm ngawt ang…
Mizo upa chuan “Thian te luna chu tuar a zia awm” an ti thin :lol:
Report this comment
July 28th, 2009 at 9:07 am
@Aryan te chu Patpong lama an sumdawnna avang khan coloscope mai mai te chu ho a ti em
hahaha
Report this comment
July 28th, 2009 at 1:18 pm
Kei pawh ka naupan laiin Civil Hospital-ah hian ka tai an zai tawh a, khata tang khan harsatna ka nei ngai tawh lo
Report this comment
July 28th, 2009 at 1:43 pm
Pile an zai ho hi a tuam nan hmeichhe thlatin hman chi Comfit hi a tha lutuk an ti a,an hmang fur mai a ni awm e.Civil hospital a an zai ho pawh pachang pui pui in “Thian pa,i comfit pakhat ka lo puk lawk,ka zo tlat mai” an ti ru sur sur thin an ti :lol:
Report this comment
July 28th, 2009 at 3:48 pm
Ka pile diklo ani tih hi ka rindan ania chuvanga in entir ka nia hei aia Dr thiam leh Hospital ropui zawkah phei chuan in entir ila mawng poh phen lovin Colonoscopy a ngai an tih mai ka ringhlel love.
Colonoscopy hi chu thla ruk dana tih trhin hi chu a trha an ti, mahse … trum khat chiah ka la ti chu pawh Kothari ah ka pa ka hruai trumin ka ti ve kum 10 kalta khan
Report this comment