Sangzuala Hmar
Zofate’n infiamna tur hmun tha kan neih loh avangin infiamna kawng (Discipline) hrang hrangah kan nih tur ang kan ni pha lo fo thin. Kum engemawzah kalta chhungin thalai tam takin khelmual tha an duh thu chanchinbu leh media dang hmangin an auchhuahpui tawh a, sawrkar pawhin hma a la tawh thin a, mahse a puitlinna tak erawh hmuh tur a awm lo.
Tunah hian Lal Thanhawla kaihhruai sawrkar chuan term hmasa lama ruahmanna lo awm tawhte party dang tih avanga hnawl lovin ruahmanna tha zawk nen a bei chho mek a, plan leh project lo awm tawhsa tlema a fuhlo laite siamthain stadium puitling tha pangngai, India hmarchhak bika a tha ber hial tura ngaih sak hna chu bul tan a ni tawh a ni.
Rajiv Gandhi Stadium hi Crore 130 senga sak tura duan a ni a, ruahmanna awmsa kha siamrem a ni a, a entu mipui thutna lam ropui lutuka duan chu siamremin a khelmual zawk tha lutuka siam a nih theihnan project pawh herrem a ni.
Rajiv Gandhi Stadium-ah hi football atan bik chauhva duan a ni lo, kan stadium puitling neih chhun a nih rih dawn avangin infiamna chi hrang hrangte pawhin hmun an neih ngei a ngai a, hemi hria hian Sports Minister Pu Zodintluanga chuan ruahmanna awmsa pawh a siksawi hret hret a ni. He stadium-ah hi multipurpose stadium a ni dawn a. A chhunga hian football ground, 8 Lane 400 metres track a awm dawn a ni. Mipui 20,000 dawng a ni dawn a, hei pawh hi tihchangtlun zawk tuma hma lak mek niin rawtna siam belhnaah chuan mi 40,000 leng tura duan chhin a ni.
Football khelmual bakah hian 8 Lane 400 metres track a awm dawn avangin intlansiak chi hrang hrang he stadium hian a dawng thei vek dawn a, hurdles thlengin a dawng thei ang.
Football khelmual bik hi artificial turf phah tur a ni a, intlansiakna track ah hian synthetic artifial track phah a ni dawn a ni. Zana inkhelh theihnan floodlights leh mamawh hrang hrang a awm dawn bawk.
Mizoram sports association te’n an mamawh em em anmahni pual office hmun an neih theihnan he stadium-ah hian association hrang hrangte office hmun tur duan a ni a, entu te tana parking hmun nuam leh tha tak car 300 lenna duan a ni bawk.
Ruahmanna anga tluang taka kal a nih chuan Mizoram hian Rajiv Gandhi Stadium hi kum thum hnuah chuan kan hmang tan thei dawn a ni.
Rajiv Gandhi stadium hi 64621 square metre a lian a ni dawn a. Stadium puitling dang ang bawkin a chhunga infiammite tan team room, changing room, inbualna, massage room, inthiarna, in enkawlna, players thawmhnaw dahna, insukna leh weight training han tih mai theihna te a awm dawn a ni.
Sports association te’n players emaw, coach te tan training te buatsaih duh ta se he stadium hian a dawng thei vek dawn bawk a, mi 150 lenna leh mi 50 lenna conference room pahnih a awm dawn a, coaching camp a awm changa han riah theih nghal mai na tur dormitory paruk (khum 138 awmna) leh room pangngai pali a awm dawn a ni.
Inkhel ropui deuh a awm changa press mite hmun tur pawh ruahman a ni a, print media, leh electronic media te’n anmahni mamawh anga an chhawr remchang em em Media Centre pathum a awm dawn a ni.
Similar Posts:
- Rajiv Gandhi Stadium – Kum Khat Leh A Chanve Hnuah
- Mualpui lamah Sonia Gandhi-in stadium thar tur lung a phum
- Rajiv Gandhi Stadium
- A.R. Ground a sak tur stadium chu!
- Mualpui Stadium Design
July 29th, 2009 at 2:55 pm
Ehiau ehiau ehiau !!!…… a va ropui dawn ve le !!!
A puitling anih ngat chuan aw….. Pu Lalthanhawla leh Pu Zodintluanga hi ka paw ni leng zak ang
“a entu mipui thutna lam ropui lutuka duan chu siamremin a khelmual zawk tha lutuka siam a nih theihnan project pawh herrem a ni.” ka nui lo thei lo
Mahse khawi hmunah nge ni dawn…?
Chana ei pahin tlar hmasa berah inkhel ka thin ang
Report this comment
July 29th, 2009 at 3:10 pm
ITI veng piah Mualpui III MAP ramah. Hmana El-Bethel na hmun thinah khan a ni awm e.
Report this comment
July 29th, 2009 at 3:16 pm
A va han ropui dawn tak em, ka nghakhlel em e chu khawpui mawi chu.
a entu mipui thutna lam ropui lutuka duan chu siamremin a khelmual zawk tha lutuka siam a nih theihnan project pawh herrem a ni.
Kan CM zahawmtak chuan a hming Rajiv Ghandi Stadium chu thangthar te hriat reng a tan ah tha dawnlo va hria in, a Fund dilbelh awlsam zawkna chu her remin Mizo hming ngeiin a thlak ta a….te han ti nghal thei se.
Report this comment
July 29th, 2009 at 3:22 pm
Tun hi a ropui vanglai a ni mai awm a sin!! An tum ang zawng zawng khi an tihhlawhtlin vek ka ring chiah lo, harsatna tam tak a awm leh tho ka ring. Mahse, a lawmawm reng reng, a puitlin hun a nghahhlehawm.
Report this comment
July 29th, 2009 at 3:23 pm
VIP gallery mi 240 thut theihna an siam dawn antia. Kei tul ka ti lo. Inkhelh hi in tih VIP na hmun ani lovin ka hria.( Ka thut ve phak dawn loh vang pawh ni chuang lovin!)Thusawi an tum ziah leh nghala. Wimbledon a an Lal chhungkua lawmman sem pawn nalh takin an pe mai, thuhma an nei duah lo. Stadium changkan ruala changkan ve zel a duhawm hle mai.
Report this comment
July 29th, 2009 at 3:45 pm
An term chhunga tha taka an peih hman phawt chuan an tling leh ngei ang…. tang fat fat teh se… Ku Hawla te pawl hi..
Report this comment
July 29th, 2009 at 4:19 pm
VIP Gallery a telloh te chuan an phur nang!
Report this comment
July 29th, 2009 at 4:34 pm
Political party dang te sulhnu chhui hreh lova, Mizoram tan a tha hetiang a bawhzui hi, Pu Hawla ministry chu an chhuanawm hle mai.
Report this comment
July 29th, 2009 at 5:21 pm
Keipawh tlar hmasa bera chana/nihawichi ei paha inkhel en ka chak tawh eeee!!!
Report this comment
July 29th, 2009 at 5:26 pm
91 khan ticket nei lovin lammualah ka lut ru ve zan tawh
AR cinema lam atang sawn gallery hnuai kar atangin 
Report this comment
July 29th, 2009 at 8:09 pm
A lawmawm e. Ruahmanna pawh a ropui hle mai. Kan ram hruaitute an ti tha e!
Chutih rualin buan hmain kan kherh ve hram teh ang
Revised plan & estimate hi vawi engzat nge an siamthat ang tih ka ngaihtuah a. Ruahman ang tak hian a chhuak lo palh ang tih ka hlau deuh. Hun kal tawh thlirin stadium pawh hi atirah ropui takin kan din uaih ang a, a thuamzui leh enkawl zui lam ka ngaihtuah leh si lo vang tih ka hlau lawk bawk. Hengte hi kan pumpelh erawh chuan stadium tha tak chu kan nei mawlh ang.
Report this comment
July 29th, 2009 at 8:13 pm
Kei zawng Chhurbura Stadium an sak hun a ni ka la nghah fan dawn ni! Rajiv Gandhi a Stadium chu lo sa phawt teh se. Ka tu leh fate erawh zawngin Chhurbura a nih loh pawhin Nahaia Stadium ah tal inkhel an en ang
Report this comment
July 29th, 2009 at 8:35 pm
Ek in fai deuh, uluk taka maintain a awm a ngem
Report this comment
July 29th, 2009 at 9:42 pm
A tha khawp ang. Mahse an (Congress) term tawp dawn lamah hmanhmawh tawkin, la peihfel chiangkuang chiah lovin, vote an duh vangin an hawng leh duh mai lovang maw???
Khum 50 awmna Referral Hospital angin seat 50 vel chiah awmna stadium chu an hawng em lo turah ngai phawt ila.
A enga pawh chu ni se, zahpuiawm lo tak stadium neih ve chu a chakawm ve thin khawp mai!!!
Report this comment
July 29th, 2009 at 10:15 pm
A tha, a tha. Congress sorkar nge nge.Tun tum Pu Hawla term chu thil thar, rotling tham tur neih teuh inbeisei ang aw.
Report this comment
July 29th, 2009 at 10:56 pm
A good deed is totally different from politics, but the earth conttains only few people who has a building mindset but not building their own crown.
Report this comment
July 29th, 2009 at 11:35 pm
Parking hmun tur zau tawk ruahman tel ngei bawk se. Infrastructure pawimawh kan ruahman reng rengin, Parking Space hi kan ngaihpawimawh tel a tul tak meuh meuh tawh ani.
Report this comment
July 30th, 2009 at 12:20 am
Lammuala stadium sak duhloh nachang a hria hi Apa Hawla hi fing ka va’n ti tak em. Sipai ram a nih avangin (lammual) an chhuak mai mai dawn lo tih a lang reng mai si.
Ka hlauh leh chu compensate a ngai anga; thawk tute quarter tur sak angai anga; an kal velna tur gypsy tih angreng ho hi an ngaipawimawh hmasa ang tih ka hlau.
Lammuala sak an tum avanga an sum sen uihawm zia hi.
Report this comment
July 30th, 2009 at 3:06 am
mi 40,000 leng tura duan chhin a ni.
entu te tana parking hmun nuam leh tha tak car 300 lenna duan a ni bawk.
Parking hi a tlem lutuk em? car pakhat ah mi 13 zel chuang a in khel entura beisei tur tihna em ni ang.A full capacity ang hian mipui in lo hnawhkhat dawn ta ang ila.Car 300 parking space chauh chu a tlem ang em?, Tin a hmun hi a hnai vak lo a ke in mi eng zat nge kal peih ang
Report this comment
July 30th, 2009 at 7:14 am
khelmual tha khelmual tha – enge kan duh – khelmual tha ti-a kawr sen ha ho auh chhuah tih mai theih chu hei a tak ram a chang chho tran dawn meka.
Kan au hla atrang khan khelmual trha kan duh tawk phawt. Stadium kan au chhuak mek football centric deuhin. Indian Premier League hi IFA nge AIFF league khelh huna Mizoram Club home game khelhna tlak ni ngei turin beisei ila.Public transport leh a panna kawng hrang hrang a zau thei ang bera siam chhoh zel pawh a trul anga. Bakah Car park pawh hi siam belh zel dan dap chhoh ni bawk sela. Amarawh chu hnai takah a theih vek loh pawhin Car Park atrang khan shuttle bus awm thung se. Duhthusam leh zualah chuan train service in Mualpui tlang khu hel sela. Fans ho an intihbuai loh nan North leh South Stand in kal pawhna hi block theih ni sela. Match lianah phei chuan Fans ho kalna tur kha a leading road nen Police ho-in duang nghal hmaks sela.
Kan mamawh tam ber zawk chu practice ground hi ani khaw-tin hian field chu kan nei heng hi chei that a trul hle. Khawchhung kherlo ah practice ground neih a poimoh hle mai tih hi hmasawn tak tak tur chuan a trul hle in ka hria kei misual hian
Report this comment
July 30th, 2009 at 12:11 pm
Sawrkar hmasa, MNF kaihhruaiin Lammual-a Rajiv Gandhi Stadium sak tuma hma a lakna-ah Rs. nuai 319 chuang hman a ni.
https://www.khampat.com/chanchinthar-2724.html
Report this comment
July 30th, 2009 at 12:40 pm
Ve lawk, Rajiv Gandhi Stadium sak tur lungphum kha A.R. Ground ah Governor in a phum a, Stadium sak tanna erawh Mualpuiah Chief Minister in a chek hawng thung.
Report this comment
July 30th, 2009 at 12:49 pm
Sawrkar hmasain anlo tih tawh sa hi, sawrkar thar in an khawih chhunzawm duh tawhlo. A chhan chu sawrkar hmasa ten eiruk tur awm ang zawng zawng an lo eiru zo vek tawh thin a, an ti
Report this comment
July 30th, 2009 at 1:15 pm
Alejendro @AR ho hi sorkar laipui hian an sawnchhuak dawn lo tih an hriatchian em avanga chhunzawm duhlo an ni zawk e.
Report this comment
July 30th, 2009 at 1:52 pm
AR ho hi Sorkar laipuiin a sawn duh dawn si loh chuan Town @ Country Planing Dept. ho hian Aizawl hi sawn daih ila, An khawhar hian hmunlaili lai an rawn chuh leh mai lawng maw…? No OBJ.
Report this comment
July 30th, 2009 at 7:43 pm
A sak pawh la sak loh, a bul tan tur chauh a nih laia a chanchin han ziah mai chu a dikhlel deuh lovang maw? sak tumdan emaw ruahman dan emaw tih ni ta zawk se, a dik zawk ang e.. chanchin la nei ngawt lo chuan..
Report this comment
July 30th, 2009 at 8:11 pm
Hetia lo sawi hawt hi tha deuh a sin. Lengpui Airport pawh kha PC khabe sep thiam kha chuan, “Choak pawh a tum lo ang e” tiin a lo sawi lawk a. Thlawhna a rawn tum ta tak tak a, “Khatiang a kan tih loh te chuan an thawk tak tak dawn lo a” a ti zeih a sin le!
Chutiang zelin, Chhurbura Stadium pawh a la puitling ve thuai ang! Rajiv Gandhi Stadium chu ka hre lo le
Report this comment
July 30th, 2009 at 8:16 pm
@zorunpuia
“Rajiv… tur chungchang” tih i duh zawk hmel.Chanchin a la nei chho zel dawn alawm le, grammar hi a har, chuting chiah in ram leh hnam hmasawnna tur kalpui pawh hi har tak ani, a hun laia fuh viau a hnu-a fuh leh silo, a tira mi endawng a tak ram a lo chana ka idea tih inchuh leh thil pawh hi a awm reng ania, he khawvel ramzauvah hian.
Keinin mi sang tantak thisenin State kan lei chhuaka, a trhenin thisen farkhat pawh seng lovin state an nei tho.Stadium kan au chhuak auh pawh an auh loh ho chuan dah trawl mai mai stadium an nei. Kan neih ve meuh chuan kan hlut leh em em lo thei bawk.
Kan tleirawl laia kan ngaihsan tunhnu a trhing kan tih leh em em te pawh a awm. Ka ngaihsan lem loh kan duh leh tak viau a tam bawk.Ankasa, Chingit te hi ka duh ngai loh tunhnua ka duh leh em em te an ni.
Kan trhalai te tana employment create thei tur te hi ka ngaihtuah ve nasa trhin, hetiang lam kaihnawih te hi ka titi tui ber an ni chho mek. Heng kan hisap te hi a tak tak lo chang se, kan hlawkpui leh kan chhiatpui dan evaluation te ti ta ila, a ngaihnawm awm te ka ti trhin.
Australia leh india ramah chuan an tehkhin trhin chu Vanram kal tura thlan nih aiin Aus/Ind Vricket team a thlan nih a har zawk te an lo ti ve bawk.
Stadium tello a kan thlen phak chin hi kan neih hnuah kan thleng lo ang tih a va hlauhawm em. Hard work tel lo chuan engmah ram ropui a thlen theih loh.
Kan ram hi lo hausa viau sela Pathian theihnghilh in milem be si ila kan duh em:?: Nge hausa bawk ila Pathian chawimawi zual sauh ila tihte hi kei misual rilru ani e.
Report this comment