He poem hi THU LEH HLA May 2004 chhuak a mi ka lakchhuah a ni a, I & II a awm a mahse a sei lutuk ka hlauh avangin, tha ka tih zawk II ka ron post a ni. I pawh hun remchangah ron dahchhuah leh kan tum dawn nia. A ziak tuin a ziah ang ang a dahchhuah a ni e.
A bul leh a tawp
– Lalhmuchhuaka
Engkim Siamtu chatuan remruat Inneihna,
Nupa kawpchawi inpumkhatna chu Hmangaihna,
Silhfen chhe theilo leh hlu ber Thianghlimna,
Mihringte then loh tura pumkhat Khuanu Samsuih;
Inneihna hlawhtlina vawrtawp hnukpui Inpumpekna;
Hringnun lungngaihna tawpkhawk Thihnain,
Nupa tang min then rih mahsela;
Halleluiah, Lalpa’n chang rawh se ka nunah
Hnehna; Nangma thu thu ni zawk rawh se
Amen.
Heng thu ziakte hi, zep nak emaw, ka hmangaih. Ka nupui dutak, kawppui atana mi petu Lalpa’n ni sawmsarih leh ni nga nia a lak leh tak avanga, a ropuina dik leh fel tak; tihsual leh tihpalh awm hauh lo, dik leh fel vel vek min zirtirna atanga ka ” testimony ” puanchhuahna a ni e.
Mi dang kawppui sun tawh leh, lusun te tana thim hnuaia ‘ Eng Tak ‘ (True Light) chhitu a nih ngei pawh ka ring. Hringnun ‘ Tawrhna ‘ hnuaia ‘ Lungawina Krista ‘ neitu nih hlawkzia Lalpa’n mi puanchhuah sakna a ni.
