Click image for higher resolution
Mizo te tan fencing hi inelna tharlam tak a la ni awm e.Tunah hian bul kan tan ve chauh a,mahse kan tih mi tak a ni in a khel mi pawh an phur hle a ni.A hmanrua hi a to hle a, an neih chhun te hi competition a tan an khek a,practice naah an hmang phal lo a, hei hian hmasawn a ti harsa deuh an ti.
Click image for higher resolution
Mizo fencer thenkhat. Manipur lam khi fencing ah hian an sang viau mai a,kan khum vat a tul a ni
Similar Posts:
- Indo-Bangla border fencing
- Tangtial Bawk
- Bawng i lei duh em?
- Kan Minister te
- Ti ve chhin (a vawikhat nan!)
September 3rd, 2009 at 3:06 pm
Ka van chak ve e…
Report this comment
September 3rd, 2009 at 3:09 pm
Fantastic 4 an va ang teh thap ve
Mizote thiam zawng tak tur leh tuina zawng tak tur infiamna niin ka lo hria a. Youth Commission hian engtiang takin nge hma lak a tum le sports lamah hian?
2006 ni ta in ka hria, Pune a championship an neih tuma Punjabi nula champion te kha a va han hmeltha tak
Report this comment
September 3rd, 2009 at 3:23 pm
the three musketeers leh D’Artagnan kanlo nei ve reng anih hi mawle
Report this comment
September 3rd, 2009 at 3:29 pm
A veilam sir bera mi khi hmeichhia elo maw?
Fencing vel hi chu a shakespeare play ruihin ka hre thrin,ka van thiam ve chak reuh!!
Report this comment
September 3rd, 2009 at 3:32 pm
@ Irre: i thiam hunah kan pahnihin kan in tum dawn a nia…
Report this comment
September 3rd, 2009 at 3:36 pm
Naupan laia mau ‘ngulhnam’ nen kan invai chiam lai te kha.Rome sipai lukhum pheikhawk bawm chhia atanga siam nen..
Report this comment
September 3rd, 2009 at 3:50 pm
Infiamnaah chuan Fencing hi ho ka tih pawl tak chu a ni, a hmuhnawm loh bawk si. An han inkhel te hi headgear phawk a, au hma sa zawk zawk hi an chak ni mai hian ka hria. noi
Ka hmuhnawm tih loh game hrang hrang te :-
1. Golf (Tar hockey ka ti mai
)
2. Fencing
3. Cricket
4. Kabadi (Punjab-ho hi an ‘Diii’ rei thei khawp mai)
Report this comment
September 3rd, 2009 at 4:01 pm
Game ka hriat zawng2 ah, Baseball, Americam Football (handball ka ti mai), Criket leh Fencing (European style ang khi), ka tui theih hlawl loh awm chhun an ni maithei a ni. Kabadi pawh nuam ka ti zawk hairehai
Sword Fighting ah chuan Kendo hi ka tui fu.
A peih chuan han zir teh u, rilru tak khan, khawvel ah kan la langpha ve nulh tur ania.
Report this comment
September 3rd, 2009 at 4:35 pm
sphinx_clan ho emaw ka tih dawn chu
Report this comment
September 3rd, 2009 at 6:08 pm
Father Sphinx te ho an ni leh pek ang
Report this comment
September 3rd, 2009 at 6:08 pm
1984, Los Angeles Olympics hun lai khân kan chanchinbu làr tak MIZO ARSI hian comment tlêmtè a rawn nei a, “FENCING hi Mizo-ten kan theih ve zâwng tak tùr HUAN PAL INPINSIAK a ni mai a,” tiin. Hnâng hlaina tùr, thingtuai chhawk zawk zawkna tùr chem an nei sei zalh zalh hlawm khawp alàwm; phèlsèp-ther an mita a luh loh nân hmaikâwr pawh an nei thlap leh nghàl! Motor-cycle-a chuangin an khum chiam ang tih pawh a hlauhawm e. K. Biak Thiang Hlima leh Saidênga’n he thu ka rawn tàrlan kawngah hian min ngaihhnathiam ka beisei a, ka ngèn bawk e.
Report this comment
September 3rd, 2009 at 7:03 pm
Lukhum dum pahnih te hi tleirawl an ni a,a dang pahnih hi rawlthar :lol:
An hotu te nen…
https://img216.imageshack.us/im.....p7931s.jpg
A lai a nula hi an coach a niin ka hria .
Report this comment
September 4th, 2009 at 5:31 am
Xaia, a sira kawrchung ha Kross awrh hi enge a hming kha?
Report this comment
September 4th, 2009 at 6:11 am
Kross awrh —K. Biak Thiang Hlima, a hming hi hetianga inzawm lo khera ziak mi a ni bawk. A fapa upa zàwk hming chu MY KING tiin a phuah a, My King-a chuan sikul a kal ta a, zirtîrtute pawhin, “My King…” ti hlìrin an ko ta a. Fapa an nei leh a, a hmingah BARON a phuah leh a, K. BTH-a chu BARON-a PA a ni ta tlat mai. A pathumna atân fapa bawk an nei leh a; mahse, hlamzuihin a boral. A hming kha pui hem hem tak bawk a ni. Vuitu Pastor tân pawha koh mai zahawm khawp a ni. Pu Thianga hi Govt Romana College-a Vice-Principal ni mêk lai a ni.
Report this comment
September 4th, 2009 at 6:32 am
chawnghilh, ka lawm e, kan theihnghilh lawk alawm mawle. Kan in hre tha khawp asin. A hming kan sawi mai dawn a, kan theihnghilh thut pek a nih kha. Zialo khawp mai.
thanks
Report this comment
September 4th, 2009 at 12:11 pm
Xaia, hemi thil chungchang ah hian min lo email zuai la… lo puih dan che u ka lo ngaihtuah ang e. pieceofmymind3 at gmail.
In coach nula khi a va chhelo ve..ka nau Luliana tan ka hauh e. a ni hian khawi ah nge a zir thin a ?
Report this comment
September 4th, 2009 at 12:46 pm
blackmagicwoman :A lawmawm khawp ang,an hotu te ka lo hrilh vat ang e, kei chu cameraman tupa mai ka ni si a :lol:
Report this comment
September 4th, 2009 at 12:59 pm
Xaia, nia in duh hun hun ah min lo contact dawn nia. Cameraman i ni maw? nimin ah ka sam ka sawisak tir a, beauty parlor neitunu pasal khan nikon d80 a nei a..a hre thiam vak si lo, min zawt ve leh chhawng a..a manual ka lak tir a, ka translate sak ang nawk nawk a. Photography lam technical terms ka hrelo laileng bok sia, nuih100thlak tawp!
Report this comment
September 4th, 2009 at 1:18 pm
@bmw sam sawisak tir chu a kir nasa tawh awm chhup chhup
Report this comment
September 4th, 2009 at 3:54 pm
Chaw eilai thla kan hmu tawh sia,sam sawisak lai thla pawh chu rawn post ula
Report this comment
September 4th, 2009 at 5:45 pm
Ka van thiam ve chak ve!
Report this comment
September 4th, 2009 at 5:56 pm
ngei zong deuh te hawlh hrep nan a thra viau tak ang..
Report this comment
September 4th, 2009 at 6:07 pm
hei hi lom ka chak ve chu……. kum upat toh lamah ala tih theih angem… hehe… keichu cricket hi nuam ka t… ka tui ve phian… fencing chuuuu… khoi ah nge club te a om ve aa.
Report this comment
September 4th, 2009 at 6:39 pm
Pi blackmagicwoman:Vawiinah an hotunu a lai a ding kha a lo kal a,i email add.ka pe a,a rawn contact vat che ka beisei e .
Report this comment
September 4th, 2009 at 7:32 pm
@bmw : piece or peace of my mind …? Nangmah thawntu che i TIRIANG CHUANG thiam! Piece of our mind lek maw i nih? peace of our mind han ni teh zàwk mai lah, ha ha ha!
Report this comment
September 4th, 2009 at 7:41 pm
xaia, i ti thra e. mizoram youth tan hian trangkaina ka nei eih lo lutuk a,….enge maw chu ka tih ve a ngai in ka hria. Hemi pawl lampang lamah te pawh a lo ni thei mahna..lets see.
chawnghilh, ‘piece’ chu a ni ngei e. Mi email ka va thawn khan…piece of my mind kha ka va dispatch phei ta vang vang tihna lampang a kawk. Oh, by the by, i tlangval lai i thianpa ve deuh U Chhuanawma, chawnga rd a mi kha tun sat khan ka hmu a sin…pi zosiami te in bulah.
Report this comment
September 8th, 2009 at 1:27 am
Mizoram Fencing team fehchhuak dawn
Sihphir-ah coaching camp nei mek
Thawhlehni September 8, 2009: India ram pum huap Fencing championship hmachhawn turin Mizoram team under 14 leh under 17 te chuan coaching camp ngawrh tak an nei mek. Sept.18-21 chhung khian Sub.Junior leh Cadet Fencing Championship, 2009 chu Maharashtra-a National Sports Academy, Kalyan-ah neih a ni dawn a, Mizo naupang mipa leh hmeichhia 13 te chu he championship hmachhawn tur hian thlanfel an ni tawh a, official mi 3 nen Mizoram Fencing Association chuan a tirchhuak dawn a ni.
Sub Junior hi kum 14 chin hnuailam tana tih a ni a, ram pum huapa vawi 11 neihna tur a ni. Cadet championship hi a vawi 6-na tur a ni thung dawn a, under 17 tana buatsaih tur a ni. Mizoram aiawh turte hian kumin August 3 a\ang khan Coach Lalmuanpuii hovin Siphir-ah coaching camp an nei \an a, Sept.9-ah an zo ang. 12th Sept(Inrinni)-ah Aizawl chhuahsanin Maharashtra an pan ang a, Sept.26-ah Mizoram rawn thleng leh tura ruahman a ni. He championship-ah hian intihsiakna pahnih Foil leh Sabre-ahte Mizoram mipa leh hmeichhe team te hi an chhuak dawn a ni.
Fencing hi Mizoten inngunhnam vai kan tih mai \hin kha a ni a, intihsiakna dan hmang kan hriat loh vangin mipuiten kan bengkhawn lutuk lo pawh a ni mai thei. Foil leh Sabre bakah Epee a awm bawk a, Epee-ah hi chuan Mizoram team an tel ve dawn lo a ni. Foil intihsiaknaah hi chuan taksa- awm leh kawng inkar, lu leh ban tel lova in vih tur a ni a, Sabre-ah chuan Kawng chin chunglam lu leh ban pawh tel vekin in chhun leh insah pawh awih vek a ni. Epee-ah thung chuan lu tel lovin taksa pumah a ni thung. Heng inngunhnamvai-ah hian vaitute thuamhnaw hak leh ngunhnam te hi electronic vek a ni a, Ngunhnamvaitu hnungah khawl uaifem a awm a, chuta \ang chuan an invih leh sah fuhin scoring machine-ah a inthawnlut nghal a, kha kha point chhiarna chu a ni mai. Mizoram Fencing Association chuan hetiang khawl hi a la nei lova, sawrkar-ah leisak tura an thlen mek thu an pawl president Biakthianghlima chuan a sawi.
Intihsiakna hmun hi hall chhungah chhuatzawl a\anga feet 1 vela sangah, a dung metre 14, a vang metre 5 vela zauah a ni \hin a, hetiang hmun tur Aizawl-ah an neih theih loh avangin Sihphir khawtlang chuan an Community Hall-ah hmun an pe a, nikum July thla daih tawh a\ang khan tuna sawrkar policy hman mek Catch Them Young ang hi an lo kalpui tawh a. Coach Lalmuanpuii hovin kum 13-20 inkar mi 35 vel chuan coaching camp an nei chho ngar ngar tawh a ni. Muanpuii hian coach dang Mizoram-in a neih hma chu pasal neih lova felcing lam \ulpui a tum thu a sawi a, a inpekna a thuk hle a ni.
An hmanrua a to avangin Fencing Association of Mizoram hnuaiah District headquarters te pawhin duh ang hman tur an la nei lova, pakhat inthuamna man hi Rs.20000/- vel zel a ni. Tin Aizawl khawpui chhungah intihsiakna leh coaching neihna tur hmun(hall) an neih loh avangin duh anga chet a lak a harsat thu an pawl president chuan a sawi a, coach 1 chiah an la neih bawk avangin an indaih lo hle a ni.
Mizoram Fencing Association hian kumin November 24 a\anga December 5 chhunga National Games vawi 34-na, Ranchi, Punjab-a awm turah mipa team an tir thei dawn nghe nghe a. India ram Olympic an tih mai, State hrang hrang inelna turah hian Mizoram chu infiamni dicipline tlemteah an tel ve phak a, heng zingah hian Mizoram Fencing team chu an tel ve phak dawn a ni. Nikum December thla khan Imphal-ah National Senior Fencing Championship neih a ni a, Mizoram mipa team chu 6-na niin he championship-a quarter final lut chinte chu National Games khel phak an ni. National Games-ah hian Services, Manipur, Maharashtra, Punjab, Assam, Mizoram, Tamil Nadu leh Jharkhand te an qualify a ni.
August thla kalta mai khan Mizoram Fencing Association president K.Biakthianghlima chu Fencing Federation of India-ah executive member atan thlan a ni tawh nghe nghe a, India rama he intihsiaknaa thunei pha chin an neih ve tak avangin an Assocation chuan ram pum huap inelna leh hmalakna hrang hrangahte beiseina an neihsan phah hle a ni.
Source : MIZO AW, September 8, 2009
Report this comment