(click pics for larger size)
Khuangchèra Pùk Hoarding, Ailàwng : Ailàwng YMA Branch-in Pùk tlawhtute tâna ‘Dàn leh Hrai’ an tàr-chhuahna HOARDING … Ailàwng khaw hmâwr fem tàwp lam Reièk hnaih lama kawngpui sîr thlang lamah an lo târ ang. Hmuh mai a samkhai lo va, melh phei fê a ngai. Hoarding atang chiah hian kawngpui letliama ke-kawng te reuh tèah Pùk chu pan thlàk theih a ni a. An khaw tui-tlan lai Tuikhur nèn a insì chèt a ni ber mai.
Pùk kawngkhàr, talà-a kalh thlap a ni. Mizo Pasaltha huaisen hmingchawia Pùk kan neih a ni. Ailàwng khaw YMA-te pawhin uluk takin an enkawl a, a thianghlim thei ang bera a tlawhtute rèng rèng pawh che fel thianghlim hràm tùrin an ngèn reng bawk.
Pùk hlet-kua hi Reièk lam pan pheina, Ailàwng khaw hmâwr tàwp kawngpui chhakah a awm a. Pùk kawngkâ leh a hlèt inkâr hi a thui tham fù! Lung vawm phàk an tih ai mahin a thui zàwk ang. A zawh-chhuak tawhte tân thawnthu a titam duh khawp mai!
Kal lam a ni emaw, hàwn lam a ni emaw — Tlawng ràl lehlam (Reièk lam atangin)Tuikual lui mawng “Tuithùm Khawhthlà Inchhawrdawh (The Cascading Tuithùm)” mawi tak, mit la èm èm i hmu thei bawk ang. Helai hmun chhehvèl hi Aizâwl Khawpui tui -tlan ber Serlui tui an pump chhohna a ni pah bawk.
“Zawng lai Rûn” hi Zemabàwk-Falkland-a mi a ni thìn a —Falkland leh Chite Lui inkâra hmun fâl thengthaw nuam taka awm thìn a ni. He in hmunah hian tùnah chuan in a awm rèng rèng tawh lo.
Khuangchèra Pùk chhûngah i lùttlàng ve tawh em? I lùttlang tawh a nih chuan chanchin ngaihnawm min hrilh tùr i neih ngei kan beisei e. Mr VR Râlte (Hindi thiam tak khàn) nuthlawi hnute lian tak tak neite a luhtlangpui tawh a ni àwm e, “Pùk thim leh a zîm laia an hnute-bu beng-luh mawlh mawlh ngai ang chi chu luhpui an hautak a ni,” a tih thu, ka ngaithla tlat tawh. Tak tak ni maw?
Similar Posts:
- Ka han thar thawh leh teh ang
- Aizawl tlànlai lui tûr-a suasam
- World Bank kawng hawn a ni
- Ngaizel Petrol Pump-ah kângmei a chhuak!
- Thinchhiat chu channa!!!
September 4th, 2009 at 5:23 am
Lung a van tileng vele. Vaipuanpho, base camp a hmangin, Aizawl high sikul naupang te rotation trekking kan neihpui thin. Chumi zawh ah Khuangchera puk hi kan luh chhuah pui tlaitin thin kha ania (rotation trekking program chhung).
Khanglai kha chuan kawngkhar pawh an la siamlo. Kulikawn Rempuia khi Kulikawn Adventure club aiawhin a kal ngun bawk a, Flashlight/torchlight tel lovin ( eng keng lovin) a lut chhuak thei.
Tum khat chu, vaipuanpho kan camp ah chuan mi 100 chuang kan awm chung khan, Kelral khan kan vawk ken kha a beisei/seh tum ni ngei tur a ni. Pu Lalneihsanga (fam) (Sports&Youth Services) a tent atanga a lo chhuak chu a tent sir ah chiah mai hian Kelral chu a lo ui thut reng mai a. A air rifle .177 pang kau chi khan a kap a, a thum dup muang changin a kal sawn, a hmanhmawh lo nasa mai. Kelral nghal ve tak chu a ni chiang alawm. Aw, Pu Neiha te kha a va han ngaihawm rei dawn vawng vawng vele!
Report this comment
September 4th, 2009 at 6:50 am
Mizoram hian eng engemaw chu kan nei ve. Lung tilêng tak tak thil te, roh èm èm tùr thilte pawh kan nei ve zèk. Mahse, kan cheibâwl tha em? Tlawh chàkawm tùrin kan sâwngbâwl si em le?
HOARDING, SIGN-BOARD hrim hrim pawh hi kan la nei ningnêl deuh chuan ka hria. Mi ramah te chuan, a hmun thlen hmâ hauhvin mawi màngkhèngin an lo entîr thlap zèl a, e.g a hnuaia mi hi en chhin mai teh —
https://img186.imageshack.us/img186/56/dsc1434.jpg
Kan ram artist-te hian an ziak thiam ve hle tawh chuan ka hria; mahse, an kutchhuak mawi tak hmuh tùr hi a awm lo khawp mai. Art & Culture lam lah hi a zimar rei hi ka ti mai mai khawp a. Enkawl lo chu an ni hran lo, an enkawl ve chiah —mahse … art mawi tak hian mi a hîp bìk a, kan ram Artist-te inhlawhna a ni pahfàwm dâwn a —tlo, tha leh mawi taka tih hi chu a ngai ve hle tawh àwm e.
Ailàwng-a Pùk pawh hi hetiang ringawt lo deuh hian an Ailàwng Branch YMA hian Art & Culture leh Sports & Youth Services-te nèna tanghova, phuisui zàwka enkawl hi an theih ve a rinawm a ni. Tlawhtu an tam zèk tho va, man chawite pawhin a tih ve theih hial tawh lo’ng maw?
Reièk Tlâng pangpèra SHEDDING eng engemaw an lo sa ve te khi a ram hmêlhmang a tipawr-khawlo hian ka hria a; ka lo ui ve èm èm ringawt a. Chawlh hahdamna BOOTH an sa a nih chuan, a khawi’maw lai hmun biru deuhvah sa ta sela, Department enkawlna hnuaiah GIFT SHOP ang pawh buatsaih ta se, dàwrtu an neih ve tho ka ring tlat!
Chhingchhìp daifêmah CHHINGPUII THAH KAWN tih hi ningnêl èm èmin, tlabal deuh hian an lo ziak ve a, an khaw tlangvâl ninhleiten an la perh thlèr leh ta nghàl a. Mi a hîp thatho lo thei ngei mai!
Hetiang humhalh tùr hian kan YMA pâwl lianpui pawh hi zahawm tham chu niin a lang ve tawh maw le, ‘vandalism’ vèlah hian YMA member vek hi kan inhmang ni te hian a lang. Hmasàwn hret dàn tùr hi KUM PUAN-ah te pawh hian nei tel ta ila, a fuh lo viau dâwn em ni?
Hmun hrang hrangah thil humhalh leh chei tùr hi chu kan nei ve nual, kan chei leh enkawl that athuin kan ram chu a chàngkàng hmêl ve deuh chuan ka ring. Engtin nge bul kan tan tak tak dâwn le?
Report this comment
September 4th, 2009 at 9:12 am
2006 khan thianza hovin kan kal ve a, kan vawi khat kalna a ni bawk a,kan zei lo tlang khawp mai. Torch light pakhat chiah kan nei a, buaithlak tak a ni. Mipa 4 leh hmeichhia 2 kan ni a, kan indawm zak zak mai. Bawk phek deuh chunga kal te kha a ngai a, VR Ralte sawi ang deuhin hnute lian deuh tan chuan insiam that sawk sawk ngai a awm mai thei a ni. hehehe
Report this comment
September 4th, 2009 at 9:21 am
sillyBoy, High Sikul zirtirtu (lady) Hrawva Memorial sikul a thawk,ka thlauh hnang nui uar uar tawh asin. A rawn zuang thla kha kalo dawn thelh pek alawm mawle, light chiangkuang silo, mit a lo vai deuh ni ngei tur a ni. “Zep lovah chuan a na a ni,” a tih kha hairehai
Report this comment
September 4th, 2009 at 10:10 am
Lung a van ti leng deuh ve aw….
Kan mizo Pasal tha te zing ah chuan Khuangchera hi ka ngaisang ber thin,khatiang khop a mi tlawmngai leh pasal tha kha engatinge an lalpa khan a duh sak loh em em le??? SALAHH!!!
Report this comment
September 4th, 2009 at 10:12 am
ZAWNGLAI RUN???
Zawnglai tan chauh mi?zawn lai tan ni ve tho em?
Report this comment
September 4th, 2009 at 10:18 am
e khai, kal ve ava chakawm ve le! Ailawng YMA te an fakawm hle mai, nakin lawkah chuan eco-tourism hmunpui atan pawh a la siam theih ngei ang!
Report this comment
September 4th, 2009 at 11:56 am
Ka la kal lo va, sawi ve tur ka hre lo. Ka fate ho chu an lut chhuak ve tawh a. Chik takin ka lo zawt lem lo bawk a, sawi vak an neih pawh ka hre ta lo
Puk kawngkhar thlen hma hian puk hi a intan tawh tihna a ni em? A kawngkhar awmna hmun pawh hi a thim hle mai.
Nia, kan thil neih ve ang ang hi chu humhalh that deuh atan a duhawm thin. Mags cover leh banner eng ilo kan neih changkan ve tawh viau laiin Hoarding/Signboard lamah hian kan la pachhe tlat a nih hi maw le…
Report this comment
September 4th, 2009 at 12:12 pm
Ailawng Reiek, Tlang leh ngaw leh kham zz hi Tourist Village atana leh vek ka it a Tlawng lui Dialdawk chhuah thleng leh Khawrihnim Lungleng kai atranga intran in.
He puk hi signboard hmuh bak hi ka la belchiang lo. Thralai lutchhuak tawh leh a chhung pic thla nei chuan han thawh ula
Report this comment
September 4th, 2009 at 12:15 pm
Tuithum/Tuikual chhuah thla chu i va han chhuah mawi em em ve le, thlala-themthiam chu iva ni chiang em
Report this comment
September 4th, 2009 at 12:29 pm
“nuthlawi hnute lian tak tak neite a luhtlangpui tawh a ni àwm e”
luh ve chu a chakawm khawp mia. Nia, han develop tha deuh se chuan, a khaw awmna mi te pawn pawisa lakluh nan an hmang thei ang chu.
Entirnan man chawia guide te
Report this comment
September 4th, 2009 at 12:50 pm
Ka la lut ve miah lo,hmanni a Reiek kan kal tumin khua a chhe bawk si a,tawite tal chu ka lut ve ngam hrim hrim,
Nula Mulco lian deuh te nen phei chuan ka in ti huai viau ang,’Nam luh pui bian bian mai dawn sin :!:
Report this comment
September 4th, 2009 at 1:37 pm
‘Mizo mulco lian’ hi eng tihna nge aw, Pu Xai?
Report this comment
September 4th, 2009 at 1:59 pm
lawk: tunah hian draft ah 10 lai a awm. Pending lamah han namphei teh u, in zawh tawh chuan.
“Draft” atangin “Pending” ah aw
https://misual.life/2009/08/.....ing-ah-aw/
Report this comment
September 4th, 2009 at 2:22 pm
2003-a kan kal ve kha chuan a luhna ‘gate’ hi a la awm lo. Tunah a chhung enge a an chu ka hre lo nain luh chiah hian tlem a sang deuh lawn ngai a awm thin a. Kan kal lai kha fur a nih vang nge ni kan thianpa pakhat tlema sa muk deuh kha a lawn tha hleithei der lova, kan buai rei khawp mai. Tunah chuan ‘step’ an siam tawh te an ti. Tak tak ni maw. Luh leh chu a chakawm khawp mai…
Report this comment
September 4th, 2009 at 4:03 pm
E khai, kei chu ka luhve ngam pawh ka ring lo. Ka ngaihtuah ringawt pawhin ka thaw a chham nghal tlat. Hmanah khan kan naute ho an lut a, nuam an ti viau. a bul velah hi chuan ka tlan fo mai, luh erawh ka la tintuah ngai miah lo. Tunlai tawng takin “pukluhphobia” ka nei te pawh a ni mahna.
Report this comment
September 4th, 2009 at 4:05 pm
reiek tlang thlalak in ron dah tello hlauh alawm le, a mawi dawn tehreng nena aw.
Report this comment
September 4th, 2009 at 4:22 pm
Engvanga Khuangchera puk lo ni ta nge maw ni le?
Report this comment
September 4th, 2009 at 4:36 pm
Kan OT lawks, eMizoram.com hi news ka chhiar fo na thin a ni a, tunah mai hian luh ka tum a tihian a lo in ti kulh mai nia!!! Sipaibang ka bo map mai.
“Reported Attack Site!
This web site at emizoram.com has been reported as an attack site and has been blocked based on your security preferences.
Attack sites try to install programs that steal private information, use your computer to attack others, or damage your system.
Some attack sites intentionally distribute harmful software, but many are compromised without the knowledge or permission of their owners”.
Report this comment
September 4th, 2009 at 4:38 pm
An sawi ka hriat dan chuan, he puk hi a kaw tlang ngei niin an hria a; mahse, tumah an lut tlang ngam/ fiah ngam lo a ni awm e. Khuangchera hian a luh chhuak ta a, an rin ang ngeiin a hletah a rawn lut tlang ta a ni. Khuangchera hian puk luh tlang nan hian meichher pawh 8 ngawt a hmang e an ti. Chuta tang chuan Khuangchera Puk tih a ni ta awm e.
Report this comment
September 4th, 2009 at 4:40 pm
Kei chu zawnglai run ah khian a nia ka kal chak ni..he…he.. Misual nge nge mit a tlei thin ngei e. Kan hmuh loh tur tha tha han inhlui vel hi chu nuam ve thin eeee.
Report this comment
September 4th, 2009 at 4:55 pm
@sillyBoy, lawmawm e. Ka beng a var phah leh ta. Khuangchera hi kan pasaltha hoah chuan ka ngaihsan ber pawl a ni. A hming hi a ‘cher’ deuh mai pawh a..
Report this comment
September 4th, 2009 at 4:59 pm
an khai hlum hmasak ber LAMSUAKA chanchin ziaktu pakhat chuan(ziaktu dang pheichu ka hre chuan law) khuangchera meuh pawh khan “lamsuaka te unau bulah chuan thangthat lak a har awm emai” tiin a pem phah, atia sin, parvatui ah emi aw a pem kha ka chiang chiah talova
dik maw diklo maw…
Report this comment
September 4th, 2009 at 5:18 pm
tourist te hip nan chuan tourist cottage tih vel buaipui vak lo hian kan history neih te hmunhma kan la hriat te hi Art &cul dept lam te hian cheitha se kal kawng tha te leh sdvertisement lam ah te pawh tan la se an duh leh chutiang an a an duan zawh chuan private kut ah ei zawn na pe se hmunhma humhalh bawk mi te ei zawn nan lo siam bawk a tha tak tur ani ram chankang ah an tih dan thin ani a khuangchera puk ah te khan a luh dawn ah kal tlang ngai ngei ngei in dawr te han siam ta se tin a chhuah na pawh chutiang bawk chuan ti se
Report this comment
September 4th, 2009 at 5:21 pm
Khuangchera kha ka ngaisang khawp a mahse athianpa thi tawh ruang vang mai a nun a pe ve kha chu ka ngaithiam lo insaseng mai se ala dam pui mipui te tan anun a la poi mawh dawn teh lul nen
Report this comment
September 4th, 2009 at 6:44 pm
VaiVa,‘Nula mulco lian’chu an sawi ang khian awmbawr lian a ni mai lawm ni :?: Aizawlah chuan bawnghnute zuar tu society hi MULCO ho an nia ,he!he!
Tun hma a Farex(naute chaw) lian,Amulspray lian tihna ang mawle :lol:
Report this comment
September 4th, 2009 at 7:09 pm
XaiA : Horti-a officer fel tak i nih loh chuan Vet lama Dr fel tak i ni phawt ang, i vocabulary-ah ka chhui char char che. Tùnhmaa Pentax K1000 nei, ka zirtîr hrep kha chu i ni lo mai thei, ni mai thei bawk? … ani kha a pawfuh thiam riau zèl a, Camera pawh a nei tha tawh viau ang.
Bethlehem lamah khian pa ngo vî vê, pa tè lam … Celeb Calendar atâna thla la, thiam tak a awm a. Chu chu i ni si lo. PUC-a i kal tawh si chuan, K1000 neia khi chu a kal ve bawk si lo … mahse, i kuthnu hi Mizoram kutchhuakah chuan a mawi berin ka hria. Luangmual lama pa chèr deuh, Sikul chawkidar? Pu Kâwla/Khâwla kha chu i ni ngùtin ka ring si lo. Kha pa kha a kuthnu a mawi, mahse, film-camera hmang chi a ni si!
Tlângrokhuma te pawh artist thiam ni mah se, photo lamah chuan limit an nei hmâ tlat! Tlùngvèl Quarry atanga ràlkhat terrace te reuh tè i làk hi làk ka tum ve fo, ka la làk ngai miah loh a ni. Ka save keuh, ka lung a awi hliah hliah.
Khuangchèra Pùk luh dâwnah leh a hlètah Khuangchèra chanchin, pùka lùt hmasa ber a nih dàn, boruak chhia a hìp luh hnem vànga lukawlh ràwta a damloh zui thute, heta a lem ka rawn entîr ang hian mawi takin han dah ve se, discipline tha lutuka kaihruaitu paid guide nèn … kan ram ningkhàwng chu a mawihnai sawt chuan a rinawm asin! YMA pawh hian hna sem sawm dàn hi thiam tel se, a that dâwn vei nèn …
https://img3.imageshack.us/img3/7812/dsc0313e.jpg
Report this comment
September 4th, 2009 at 8:46 pm
é khai i va ti pár thiàm chhÌk chhék ve maw le, hetiang tih ching mi i nih dawn hi… hnawk mai a ni e
Report this comment
September 4th, 2009 at 9:09 pm
Dolîên pârtè …hnawk hràn lo ve! Hmàr tawngah tak hian a ngai zàwk lo maw! Kei pawh ‘hmàr’ ka nia —saiHMARthùr, seh na tak! Fun with you!
Report this comment
September 5th, 2009 at 12:10 am
sillyBoy ziah @20 chhunzawm nan… Khatia Khuangcheran puk a luh chhuah hnu khan, a damloh phah vak tih an sawi ka hre thin. In hre ve emaw chu?
Report this comment
September 5th, 2009 at 12:17 am
Khuangchera puk ai chuan he puk hi luhchhuah a har/hautak/hahthlak zawk. Aizawl pawn mai puk awm ah chuan.
https://i29.tinypic.com/2wqsyl0.jpg
Sairang piah lawk mai, Lengpui panna Tlawng lei thlen hma kawngchhak a awm a ni. Sairang pa ho chuan, Bak puk an ti mai a, Mizoram buai khan MNF ho lehkhalh nan hman tumin India paramilitary ho khan luh tlang an tum a, an beidawng a ni. Adventure club member pakhua (9) in an luhchhuah hmasa ber a, “Pakaw Puk”tiin a hming an phuah a, a puk luhna bul ah lung an phun nghe nghe.
Hautak ve tak chu a tling chiang a ni.
Report this comment
September 5th, 2009 at 12:19 am
chawnghilh Says:discipline tha lutuka kaihruaitu paid guide nèn … kan ram ningkhàwng chu a mawihnai sawt chuan a rinawm asin! YMA pawh hian hna sem sawm dàn hi thiam tel se, a that dâwn vei nèn …
Kan ramah hian ei zawnna a la tam lutuk a niang,tour guide a la hlawk loh hmel tlat..I thahnem ngaihna erawh ka tawm pui che.
Report this comment
September 5th, 2009 at 12:34 am
@HV : Pu HV-a hi a insûm mai mai pawh a, Adventure lamah khân namai lo tham taka teichhuak a ni thin a, a hre hlawm khawp ang. “Sairang piah,” i tih hi Buichali lam nge, Sihhmui lam? Ngaihnawm deuhvin min han fah teh … Khuangchèra Pùka ka luh ve chanchin ka hrilh ang che. Thlalak i rawn show atang chuan a Kulikawn chhap chhap ngei mai!
Report this comment
September 5th, 2009 at 1:42 am
chawnghilh, Bak Puk/Pakaw Puk chu Buichali lei thlenhma mai kha a ni e. Lengpui panna ti khan kan ziak mai pek a nih kha mawle.
a kiang mai ah pawh lemtur a awm 
A puk luh tantirh hi a zau deuh huau a, kan va lut thuk deuh tih ah chuan sir zawnga lung pang lehlam lehlam a in nambei chawp angai nghal. Rah tur awm chhun chu tui a ni mai a, mautlawn pangai pil a ni a, i tlak zep palh chuan thiante pawh hnai mahse, in chhan har tak tur a ni. Rah tur a awmlo tihna anih chu. Lungkeh kar in nam bei ngai e tih tawh nak a laiin, a chep em avangin hawi sawn a theih miah lova, veilam hawi chuan veilam reng hawiin, feet 40 vel asang i in nam tawlh chho dawn ta anih chu. Lung pang lah kha a nal phian mai lehnghal a, tha a heh khawp mai.
Ledge/lengkir (waterfall nilo) hi pali kaltlang angai a, atlangpuiin, feet 40 vel bawr turah ka ngai. Khatia feet 40 vel kawr hak ang ang phirsi nuan khawp a kan in namkai hnu chuan feet 10 vela thui tur emaw lek hi zawl deuhroh hi a lo awm ve a, chumi zawh chuan angai ang te bawk khan in nam bei chhoh leh nger nger a ni mai.
Chutiang deuh hlir a in namchhoh hnu chuan luh tantirh na tlang pang lehlam ah chhak lam ah kan chhuak hlawl mai.
Ka sawi ngaihnawm thiamlo mahse, ka puk luh ve tawh zawng2 ah harsa/hreawm ber pawl chu a ni hrim hrim awm e. Vawikhat kan lutchhuak a, tumkhat dang erawh chu kan member thenkhat harsatna neih avangin kan lut tlang thei talo a ni.
Khuangchera puk hi chu rotation trekking a high sikul naupang kan hruai thin kha chuan, nikhat ah vawi 4 te kan lut chhuak. Ninawm hlui. Mahse, a hming chawitu hi a patriotic em a, ka ngaisang ve hrim hrim. Bakah, nula ngum sawh dawp a, ka thlauhna kha a ni ve reng reng a hairehai
Report this comment
September 5th, 2009 at 2:13 am
“Pakaw Pùk (Adventure Club-a mi pakua —venture hmasa berte hmingchawi) hian hlèt a nei ve tho tihna a ni ber mai maw? Pùk chhuat chu li thùk —chètsual hlauhawm tak, a bang tawn tawn chu hlam aia zîm, pàt-èk nàl tak, pùk luh phat atanga a hlet va chhuah leh hun chhûng hi dârkâr a tling hial ang em?
I sawi chiangin, i tingaihnawm hle. Para-military-ho chu pùk chhuat lî thùkah chuan an tla hlùm vek ta em ni? Hriat belh a chàkawm tlat! A kiang lawka lem tùr awm chu pùk luh zawha lem chi a ni zàwkmah ang maw?
1972 khân Mawsmai Cave (Phyllut an tih bawk), sikul naupang thlanchhuah 40 rual (Assam atanga Meghalaya han kal) kan lùt ve tawh a. Ruah a tla reng a, a nuam chiah lo. Guide pakhatin min hruai a. Pùk chhûng kha a kikawi hnem èm avàngin chhuah lehna kawng dika kan kìr theihna tùrin thil remchâng tak min tihtîr a. Hrui kan kenin a daih chin bàkah, kan rucksack ah theuh chhûngah theih ang tàwka tam hnah kan ak hlawm vek a. Kan luhna zèlah kan phul a, ka hnah a zawhin, mi dangin an hnah ah an phul ve leh zèl a. Pùk kaw tàwp kan thleng pha lo, a thui khawpin an sawi (lo google chhin mai teh u) meichher nèn kan bungbâwr khawp.
A chhûnga tui a fîmin, a vàwt ngawih ngawih hle a. Mi an lùt hnem ve tawh ni ngei tùr a ni, pùk chung lam hi a ùt dum hiam hlawm a, achâng chuan bawkvàka tawlh luh a ngaih châng pawh a awm zauh zauh. Pêng a lo awmin —fîmkhur takin kalna lam tùr bìk kan thlang leh zèl thìn.
Tin, fângfar chunglam atanga rawn uai thla leh chho zawnga zum seng sung hi a tam èm èm a, intauh palh loh nân fîmkhùr pawh chhuah viau a ngai. Dârkâr 3 dâwn lai a chhûngah kan awm, chhuah leh hlàn kan nghàkhlel hlawm vek niin a hriat. Kan lung a ngam hlawm chiah lo niin ka hria. Kum 1972 June thlaa kan experience a nih chu!
Meghalaya ramah a ni. Cherrapunjee khaw kiang lawkah. Chuta tanga route march Shillong thlenga kan nei hàw chu, kan rucksak erawh chu motor-in a lo phur hmasa a. Kan trap lo chauh! Ke chu ke chu, rawl mangkhèng a ni si ri thàwk! Atukleh, Happy Valley-a kan leng chhuak leh Shillong Peak kan han thleng chu … MICROWAVE tih intar, tower lianpuia intâr kha ka la hre reng thìn.
Helai hmun Shillong Peak-ah rau rau pawh —ka kal nawn leh pawh ka hre leh tawh ngai lo. MICROWAVE tih inziak kuau pawh kha la intâr zui reng tak ang maw?
Pùk dang ka kal lehna chu —Luray Cave, West Virginia-ah a ni. A interesting tawp.
Khuangchèra Pùkah chuan 1978 khân mi engemaw zàt hruaiin ka luhpui a. Hmeichhia an tam avàng leh flashlight kan lo ken si loh avàngin engemaw chin chauh kan lùt a, ka chemte ui èm èm a chhûngah ka thlauh leh nghàl.
1978-ah vek, thian dang pahnih nèn kan lùt leh a, ka thianten an peih lo rang lutuk a, lùt tlang tingtang lovin —kan kìr leh. Ka la lùt tlang bìk lo. A hlèt erawh chu ka han hmu a ni mai a … mahni rama pùk luh kawngah ka duai hle. (Dik tak chuan, Hike Program-ah ‘Pùk luh tlang’ a tel si lo va, engemaw thulhah, dem mai kan hlawh theihna tùr a nih avàngin, kan pàmtùl ta thìn a ni ber e)
Reièk leh Reièk Tlângchhìp inkâr laihâwl vèlah, Model village chhak lawkah khân, veilama pêngin Pùk a awm ve bawk a, chutah chuan ka zu lùt hràm! Chu’zàwng chu!
Report this comment
September 5th, 2009 at 3:03 am
HV, I sawi ngaihnawm viau si mawle. Kalve min ti chak khawp mai.Kum 50 mi vel ka nih chuan Mizoramah zin/haw theih ngei ka in beisei a.Chumi hunah chuan pakaw puk ah hian ka kal ve ngei ang.kal hual ka van ngah tawh ve…..
US sipai leh Mizo pa thla an la dunah ka lo ngai hman pek a……mahse….US sipai a tan chuan hma lam khi a kawh chhuak deuh mah mah a nih khi.
Chawnghilh hi “sawi la ka sawi ve ang” I ti a.HVan a sawi bel bel a. I sawi ve leh mang silo.Ngaihthlak kan lo chak teh reng nen.Tlar 2 / 1 lek I thai pawh hian chilthli thlauh duah duah in kan lo chhiar trhin a sin.
Report this comment
September 5th, 2009 at 3:06 am
Eee…..nachin khan Chawnghilh comment #35 hi para hnih chiah ka lo chhiar a nih hi…….
Report this comment
September 5th, 2009 at 4:17 am
chawnghilh, darkar khat lek chhung a luh chhuah chi mai a nilo. Nileng a beih fan fan ngai a ni e.
Sairang VC thin, Pu Sawma te hoin para-military ho cc chu an sawi a ni a. Tin, Pu Lalneihsanga (fam) (Sports & Youth Services)in mihrang hrang a zawh atanga a hriat te a ni.
He puk leh tlang pang (tlang chhip lam hnaih) a kua chu in pawh a an hriat avangin, lehkhalh nan luhtlang an tum ngawt a ni awm a. An beidawng chiang hle tih a ni ber. Hlawhchhamin an chhuak leh niawm tak a ni.
In bengkai chhohna lung pang hi feet khat vel bawr a zau a ni maithei, a aiin ka zim maithei bawk. A chhan chu, lawn tantirh a kan lu hawidan kha kan hawi sawn thei miahlo. Chuti khawp a chep chu a ni.
Report this comment
September 5th, 2009 at 4:57 am
HV hi a lut tawh ang em aw tih ka lo ngaihtuah mek laiin hei ani nge nge a lo lut kur/chiar dup toh la ni reng maia. Keini ang pa-bu-tru kephah hlai leh dulkiar bawk tan hi chuan van dumpawl lan vahna lam leh zotuithiang luan rik her her-na lam hian lung a len e. Puk lam hi zawng a dot dot thenna lam ani ve law
Report this comment
September 5th, 2009 at 5:15 am
Khàm-bung-vut (ledge/precipice/steep) hi Lêngkìr nèna a danglamna —mi min hrilh ka’n auchhuahpui ve ang e. Khàm zawng zawngah tui a luang vek kher lo, lêngkìrah chuan a luangin, luan loh hun a neih châng pawh a awm ni mah na!
Kham hrim hrim hi lêngkìr emaw ka lo ti thìn a. Vàntâwng khawhthlà ena kan kal tumin, ka thianpa —thil chìk mi deuh hian, “Lêngkìr awmzia chu …thumal pahnih dah kawp a ni a, lêng = sangha, kìr = lèt leh; sangha hi fuan/tui tùrin lui hnâr lam an pan nge nge thìn a; tuikhawhthlà sâng fe feah pawh per chhoh theihna an nei a; mahse, an theih ngang lohna —hmun sâng tak tak a lo awm ve thìn a, lui hnâr lam an pan zèl theih tàk loh avànga kìr leh ta nge nge an ni a. An chhoh theih lohna hmun chu LENG KIR tia vuah a ni,” tiin min hrilh. Thlarauva tihvàr ang hawk ka ni, Dr Rohmingliana (Ph D) pâwl TMEF-ho tawngkam takin, min VARPAWH tawp a ni ber mai!
Report this comment
September 5th, 2009 at 5:57 am
chawnghilh, Meghalaya puk,Cherrapunjee kiang i tih khi heihi a nih ka ring.
https://i32.tinypic.com/330fhxz.jpg
Lengkir hrilhfiahna i rawn sawi chu, ka vawikhat hriatna a ni maithei. A lawmawm e, vawng tha leh hmaks teh ang
Report this comment
September 5th, 2009 at 6:06 am
bawmrang, ka awm hnuai a puar khi, camera trick a nih khi.
hairehai
Report this comment
September 5th, 2009 at 6:37 am
@HV : A ni lo mai thei, keini chu mipa -CADETS rual vek kan ni a, nangni chu … a dang deuh tlat! Fun time! In fuh dun hle mai,
Khawi’lam lanu nge maw a nih le?
Hetiang rèng aaaaaaaaaaaaaaaaaaaaaa
In luhna pùk khi “Zawnglai Rûn” a ni tlatin ka hria!
Report this comment
September 5th, 2009 at 8:12 am
chawnghilh, 1970’s/1980’s a mi i sawi kha a nih kalo ring mai asin. 1981 khan Don Bosco band in kan tlawh a, chumi hnu a ka kal vawikhat lehna a nih hi. A kiang an ti nuam hle a, a puk erawh an khawih danglam aniang, dang tawh tak a ni tawp. Thasiama se no neihna hmun an chei chhe zo vek ang deuh khi a ni berin ka hria.
Report this comment
September 5th, 2009 at 9:26 am
Ka van kal ve chak e,theih hun a la her chhuak mah na !
Report this comment
September 5th, 2009 at 8:32 pm
A va han mawi hlawm em. Ka rilru a lo lang chu eco-tourism a ni, sawrkar thar kan nei a a phur lai hian hma a lak theih chuan sual chhuah engnge maw chu an nei ngei ang.
Thianpa Tetea an vawikhat chu sap pa Berawtlangah ka kalpui a, hmun dang kalpuina tur hre hek lo, a bul tlang leh ramngaw vel chu an enkual thin a nalh a ti em em a, helai hmun hi eco-tourism develop nan a tha a ni, lei theih a ni em ka lei duh a ni a ti a ni awm e. Eco-tourism ah hian hma kan la thei ngei ang. Meghalaya leh Sikkim pawh an zia viau tawh hi….
Report this comment