Aizawl khawpui chhunga taxi intlan chhawk tura sorkarin ruahmanna a siam duh loh lantir nana taxi-te Thawhtanni atanga an tlan chhuah loh hnuah, Mizoram Road Transport Union (MRTU) thu angin, nimin Sept. 15 atang khan city bus-te pawhin zawm vein, an service lo a, hei vang hian Aizawlah nunphung a buai phah viau a, kea mahni hnathawna hmun leh zirna-in pan an tam hle. Mipui harsatna zualpui phuhruk nan sorkar department bus 50 chuang a tlantir nghal a ni.
Taxi nuarte city bus ten an zawm ve avang hian khawpui chhunga veivahna lamin a tuar phah a, sorkar lamin MST bust leh department hrang hrang pawt khawmin MST bus 20 leh department bus 38 lai service mah se, mipui mamawhna a phuhru zo lo a, bus service te chu a tawt hlawmin, kea kal an tam hle. Sorkar bus a tlan avang hian buaina a awm loh nan bus stand tinah police duty dah vek a ni bawk.
– http://buannel.com/?p=2393 ah a chhiar zawm theih e.
MST bus 50 lai sorkar in town bus angin a service tir – (pic from Zozam Times)
Zozam Times website ah pawh hemi strike chungchang hi chhiar tur a awm nual e.
