Naupan laia infiamna lampang post ah hian mipa naupang infiamna chauh hi kan sawi thin a (a ziaktu hi mipa an lo ni tlangpui nen), tun tum chu hmeichhe naupang infiamna lam sawi ve teh ang.
Inkawibah: Inkawibah hi chu Mizo hmeichhe naupang infiamna ah chuan a no. 1 ve chiang alawm. Kan naupan lai, late 80s – mid 90s chho ah khan kan inkawibah nasa thei. Kawngpuiah bi kan chhu khuar a, a chang chuan bi sawm chuang te in kan inkawibah thin. Sunday tlaiah khan a nuam bik em em bawk. “Lirh hmuh thawh” tih te kha rules lar tak a ni a, aia naupang deuh te nen a kan tih chuan kan lir ru min man pawh khan min ngam leh si lo a, lir lo khelh khan kan khel leh hmiah hmiah zel.
Pawl 10 kan nih te khan sikulah kan la inkawibah mawle. Class neih laiin veranda-ah kan lo inkawibah a, Sir Savio-an min din tir tham a, engtinmah chuan min hrem zui lem lo a. Kawi neih that kha inelna chi khat deuhreuh kha a nia, kawngpuiah ka hrut mam e kan ti, kan chiah puam a khum ke in kan delh phek leh, a rih nan suan kan thun thul. Tunah pawh hian kawi chu inah ka la nei nual in ka hria, ka chiang tawh lo.
In-tea-set: Tea-set hian a huam zau khawp a, bazar a tea-set an zawrh mai bakah khan siai bur ruak, bottle chhin, no leh bowl chhia thlengin a huam thei vek. Siai bur ruak pahnih hmang khan patla kan siam a, a in balance tha duhlo em em thin. In tea-set nikhua kha chuan chawhmeh zuar an awm a, tel zuar an awm a, buhfai zuar an awm thin.
Kan indawr kual a, rawng kan bawl der a, balu kha buhfai a nia, midum pangpar tuia rawt nal hluak kha tel a nia, chawhmeh kha chu hnim leh pangpar hrang hrang kha a nia. Chhungkaw pahnih pathum kan awm a, tuemaw ber khan birthday a lawm a, eng engemaw kan siam vak a, chuan kan bang thin. In tea-set zawha tea-set vel dahfel ve duhlo a tlan haw daih ching kha an awm thin a, kan va han ngei thei tak!
Inkhualtelem: In Barbie te pawh kan ti thin. Kan naupan zual lai kha chuan Barbie te kha nei heklo, nautelem cheng 5 man hi a awm thin a, tereuhte mai, ban leh ke pawh thlawn theih loh, a lu erawh thlawn theih a ni a. A sam kha kan tan vek a, khawlla hian sam lem kan siamsak thin.
Barbie a lo chhuak a, chi hrang hrang, My First Barbie tih te, My Best Friend Barbie, Happy Birthday Barbie, Monica (a sam dum), chuan Barbie in India tih te kha a lar pawl a nia. Puanthem hi kan khawl teuh a, a chang chuan kan inthlanpawlh vel thin. Barbie kawr kha ka thui nasa thei khawp mai.
Invaibah: Hei hi chi hrang hrang a awm. Rin dan hrang hrang, points chhiar dan hrang hrang a awm.A hnuaia a lem ka tarlan ang hian.
Step kan tihchhuah vek hnuah hnungchhawn zawngin kan lung hman kha kan vawr a, khami hmun kha kan “seh” a, kan chei rang chhuai zel. Seh ah hi chuan ke pahnih a din phal a ni a, kan ding vel awr awr zel. Mi seh ah hian kan lung kha a tlak chuan kan out nghal bawk. Line rah leh rah loh kha inhnialna bulpui ber a ni thin.
In-ball vawm: Hei pawh hi nuam tak a ni, a hahthlak bawk. Pawl 2 ah kan inthen a, vawmtu leh thawktu. A thawk te vawm thih kha kan tum ber a ni a, rule awm chhun chu “Lu leh ban thi lo” kha a ni deuh ber a, kut hian kan inhliah tut tut zel. A tawpah la dam chhun kha chu kan “zim” ngei a, a awmzia chu kan vawm duh lawk lo a, ball kha kan in pass kual sek a, kan zim hnai tial tial a, kan vawm hlum thin.
Tile rem chi kha a awm bawk a, a laiah tile them kan rem tiang ur a, a vawmtu lam khan a tirah an vawm darh chhuai a, a thawka te’n an thih kim hmaa tile kha an rem that leh vek hman chuan a bul atangin an thawk tha leh thin. Mipa pawh an tel ve fo mai.
In-rubber zuan: Fit a lo ngai tek tek khawp mai in rubber tur khan. Step chi hrang a tam, hun rei hnuah phei chuan step a danglam tawh le. Sunday inkhawm ban, chhun ni saah te khan kawngpuiah kelawngin kan zuang thauh thauh peih mawle.
In-step-ball: Rubber ball sawt duh deuh a ngai, a chang chuan tennis ball te kan hmang thin. Step tha deuhah hian kan ti thin. A chang chuan bangah te pawh kan ti thin.
Miss thlan: Miss World/Universe kha kan ngaisang em em a (Venezuela kha kan hre lar a, Miss Venezuela nih kha kan chak thin), Miss kha kan thlang deuh sek mai a ni. Crown tur kha lehkha in kan siam a, phur deuh chang chuan sash nen. Sweet kawr kan chep nawi bawk a, a tawpa theh tur.
Judge kha pahnih vel kan awm tlangpui a, contestants te kha ram hrang hrang leh hming lem an invuah a, sap hming hi a ni tlangpui bawk. Venezuela, Spain, USA, London, Hongkong te kha a lar pawl a ni. Zei bik hi an awm ngei zel bawk a. Round hrang hrang kha kan nei a, zawhna leh chhanna round a kan zawhna te chu a turu thei asin “Enge i sahbawn hman” tih te.
Zaikhawm: Hei hi chu infiamna chiah pawh a ni lo, mahse zaikhawm kha kan ching tlat a ni. Kohhran a hlim kha chuan naupang kha kan hlim a, tute inah emaw hian kan zaikhawm thin. Kan lamrui der vak vak thin bawk.
A la tam mai. Inbandeh, innap, invawr, inbihruksiak, balu a chen, inhawngbi, inhruizuan, drama chan, inzirtir lem, daktawr leh damlo, laphiar, post hmasa lama sawi tam tak te nen. Pawnto kha chu khan ching em em lo a, mahse “Tin dialah” kha chu kan ti thin tlai lam chhungte’n min rawn koh sap sap hnu, kan haw darh dawn hunah khan. “Deh leh sawt tawh loh” tiin kan inum kawi zur zur zel (vawikhat phei chu ka tlu thuai lehnghal). A hnuah kha chuan “Last touch” an lo ti daih.
Similar Posts:
- Inkawibah
- Kan naupan laia kan infiamna thenkhat
- Delhi Mizo Kut 2008 – Outdoor
- Ho Mai Mai
- “Who should get the flute?”
January 22nd, 2012 at 1:34 pm
Ka first em aw?!
January 22nd, 2012 at 1:35 pm
nia, in ruber ang u
January 22nd, 2012 at 1:40 pm
sawitur ka va hul ve.A ngaihnawm e,ti tawh maw ang 😛
January 22nd, 2012 at 1:49 pm
In-ball vawm hi a nuam ka tih ber a ni e.. Post Lung tileng thei a ni e.. Tha khawp mai..
January 22nd, 2012 at 1:50 pm
Ka tibuai dawn che u. In kawi chhawn sa ka lo pet darh dawn. In ball ka la ang nga ka tlan daih ang.
I sam seh phak ka tan sak dawn che.
January 22nd, 2012 at 1:53 pm
Cricket ball pangngai kan nei lova, nei mah ila kan vawm na zo hek lo. A aiah tennis ball kan han hmang a, batman tan vuak thui a van awl tak em… Fielder te tan a hahthlak thei hle. An zawn chhungin run 20 te kan lo siam hman vel thin, tum khat phei chu triple century ka siam…..
January 22nd, 2012 at 1:59 pm
Aduhi sawi zingah khian chin loh ka neih ka hrelo. Inkawibah te kha a va nuam thei. Kawi hman thiam bik kha kan han nei ngei thin a. In Tea-set na hmanrua, bur ruak, a chhin, thil chi hrang hrang kha tin ruakah kan dah a, inkhuallemna tur hmunah hian kan chawi kual kan chawi kual thin. Lunglenthlak eee :-S
January 22nd, 2012 at 2:00 pm
Lung a van tileng reuh tak..ka naupan lai chuan..Inkawibah,in ball vawm leh in rubber zuan ah chuan tuman an pawlah min telh tha duh lo,ka thiam lo thei bik lutuk a..ka out hmasa ber ziah.. chuan ka uite te ho nen kil khat ah kan lo thlir thin..chu bakah keimah pawn hetiang infiamna hi nuam ka ti ngai lo. School ban in ka haw nghal char char a,ka chak ber chu ka uite ho hmuh hlan ka nghak hlel ber zel,
chuan in nupa lem ah ah chuan fanu lemah ka trang ziah bawk.. Miss thlanah chuan ka tel ve ngam ngai lo..ka lo en thrin..
mipa ho nen a in threng khah leh mipa sual hi ka hrat ve deuh..hmeichhia chu ka sualpui ngai lo,mipa nghal deuh,ka uite ho lo fiam/sawisa thrin ho hi ka insualpui thin.hehe.
chuan ka uite te ho nen a,inbul huan leh hmun khawhar thlak deuha kal/awm hi nuam ka ti ber..hei hi chu tun thleng pawh hian ka la sim thei lo….
January 22nd, 2012 at 2:02 pm
kan inhnawk ve thin, tin inball vawm, tile chhawng chi ah khian ka tel ve thin, sephung insual tir mawlh mai kha aw….
January 22nd, 2012 at 2:04 pm
Inkawibah lai khan motor a rawn kal a, kan inseng dial a, a tlan liam a kan chhawng tha leh a. In rubber te khan “A sang zawna dah” kha in ti ve ngai em sheldon & Tete-i?
January 22nd, 2012 at 2:05 pm
Invawr i la sawi hmaih. Invawr kha mipa ni mah ila ka van hrat thei tak em. Kan class ah leh kan veng ah kha chuan ka thiam ber a, veilam khingkhat pawh khan ka zo quit pap zel 😀
January 22nd, 2012 at 2:06 pm
@Thug invawr chu khi a summary a khi ka sawi e. Post a sei dawn lutuk a.
January 22nd, 2012 at 2:10 pm
tumkhat, kan inbur chhe vawm, thianpa baby-a (fam) chan tuma tui kan chen san daih, min lo zawn ni len tum mawlh mai kha….. :p a va leng vawng vawng ve
January 22nd, 2012 at 2:10 pm
Aduh, enge a sang zawng dah chu?
January 22nd, 2012 at 2:12 pm
chuan in thung vawr ka hre lo bawk.. engtin nge an play dan inthung vawr chu?
January 22nd, 2012 at 2:13 pm
In rulpui lu din kha nuam ka ti ber. 😛
January 22nd, 2012 at 2:15 pm
U aduh, ka ti vek,miss thlan telin 🙂
inbailem chhuan pawh..
Sir savio a nupui kha rawngbawl a thiam tiro.. Sir.isac a lah kha Brother ah a tang a nupui anei leh daih
January 22nd, 2012 at 2:17 pm
#14 Tete-i in rubber khan a vuantu pahnih a a tawi zawk khan a sang zawk in a vawnna zawnah khan a lo dah ve zel.
#17 U La-me Kan sikul kal lai te chuan Bro. Isaac te chu a lo thawk tir ve chauh hihihihii purana tawps
January 22nd, 2012 at 2:20 pm
Infiama chu a ni lo na chungin Tui thak leh chi thak siam vel kha a nuam ve mai mai.. Tuithak/chi thak ka siam tui ve thiam lo a, Paper-ah milem/inlem/tlang lem etc hi ka ziak thrin a, chuan ka thrian te nen an tui thak/chi thak siamsa nen kan in thleng thrin. kan school ah kha chuan ka lem ziak kha hralh a kal ber a,min tlawn ve thei rap! mahse ka nu leh pa in Paper i ti hek,ninawm ti in min hau thin.. ka lung a van leng reuh e..
January 22nd, 2012 at 2:23 pm
Inburchhevawm a a changtu in bur ven reng ngai chi kha a van buaithlak tak em. Ven reng loh chuan an lo petthlu ang tih a hlauhawm si. Petthlu kher lova vawmthluk awih tih hnu phei kha chuan a changtu kha hmun danga kalsawn ngam pawh kha ani lova, hmuh loh hlan a an lo petthluk/vawmthluk vaih chuan chan nawn leh kha ani mai si a
January 22nd, 2012 at 2:24 pm
Mi beng hrep zel, father te hostel ah k awmlai.. Mary mount a kan in um thin lai vel. Ha hai
January 22nd, 2012 at 2:24 pm
ka naupan lai khan ka van lo upa lo… :p
January 22nd, 2012 at 2:25 pm
U tete ka lem minlo ziah.einch
January 22nd, 2012 at 2:28 pm
Kan tih thin bawk chu mittuama in man kha. Tractor hnungah hian kan ti thin a, a changtu khan a mi man kha a rin dik a ngai a, kawr te kan inhakthleng vel thin. Chuan circle chhunga inhnawhkhawm tut a, pakhat in pawn atanga rawn deh fuh tum ang chi te kha.
January 22nd, 2012 at 2:31 pm
U Tete kei pawh min lo ziah ve…
aduhi- lung i va han ti leng ve le
January 22nd, 2012 at 2:40 pm
In hawngbi leh chitrahar en in va rawn sawi lo ve. 😀
January 22nd, 2012 at 2:42 pm
Aduh, in rubber zuan i hrat viau chun, i pawnfen i kekawrteah i zep lut thin tih a chiang mai.
January 22nd, 2012 at 2:43 pm
hahhah #27 Rumtea Guilty as charged, Your Honour!
January 22nd, 2012 at 2:45 pm
Invaibah khi ka tan lutuk, a lem nen thlap a rawn dah 😛 Post tunu hi a tui fal thin awm hi ka tia.. a vanglaiin!!
January 22nd, 2012 at 2:46 pm
Hmeichhe inkawibah tihbuai kha a nuam thin e… 😀
January 22nd, 2012 at 2:49 pm
Invawmchhuah kha a lo cheap ka ti ber mai, cigarette bawm kan pawt thler a, rinbial chhung ah kan dah a, chutah kan silipar khan kan vawm ve tlauh tlauh zel kha nia! Sikret bawm zawng khan kan vak ve nasa thei, a lo ho ka tia 😀
January 22nd, 2012 at 2:53 pm
chhangteboy, games dang hi a lem ka dah tel vek chuan a thui dawn lutuk a, invaibah (ziah awl ber) ka rawn dah a nih khi. LO save la, i tu leh fate entirah.
January 22nd, 2012 at 2:59 pm
Balu chen kawr kha kan han nei hrang deuh ngei zel bawk a 🙂
He post hian nopan laia ka pawnto pui thin te min ti hre chhuak, nupui an lo nei deuh vek tawh lehnghal a, nopan laia kan inkawm ngun thei bawk a lung an ti leng hle mai ;-(
January 22nd, 2012 at 3:02 pm
aw….ti khan a fiah… aw…tlem her let leh rawh…
January 22nd, 2012 at 3:04 pm
Kan crayon pencil ve chu lian deuh tep tup, a lehlam sen, a lehlam pawl. Lemziak kan chei ve pawn a sen leh a pawl in a ni tawps 😀
January 22nd, 2012 at 3:06 pm
aduh, int*hlem/inl*klem hi an ti thin tak tak a mi a, then khat hian an sawi thin a. Keini chu kan ti ve ngai lo reng reng 🙂 NOI
Class VIII kan nih laiin duh ve deuh mai ka nei thin a. Ka thianpa, an In bula miin ‘kan tet laiin kan inti lem lem thin’ a tia, a bam vek 😛
January 22nd, 2012 at 3:10 pm
#36 keichu ka ti hman. Thingtlangah khan an uar, A hnu a aizawl ah chuan an tih thin pawh ka hre lo..
January 22nd, 2012 at 3:12 pm
Chhangteval mai mai chuh 😀 Keini chu kan ti ve ngailo, mahse kan innei lem a, nau kan pai der thin, kan pum hi kan hnawh puar ul a…hihi…lunglenthlak lutuk. Tunlai naupang hian an ti ve tawhlo.
January 22nd, 2012 at 3:18 pm
38#sheldon, i zep a niang ka awih lo 😀
January 22nd, 2012 at 3:27 pm
Hmeichhe version…hmm.
In naupan lai khan, i naupang ve thin ngawt mai 😛
January 22nd, 2012 at 3:28 pm
ka ti ve ngai lo a mahse ka hre ve vek 😛 haha
January 22nd, 2012 at 3:44 pm
Hmeichhe infiam lo tihbuai kha a nuam ve duh ngawt in ka hria 😛
Tunhnu a ka han ngaihtuah let hian, naupan lai a sikul chawlhniah, daihnaiah kan han vak a, chutah hnim bawhen siak kha a lo hlauhawm thin ta ngawt in ka hria. :-S
January 22nd, 2012 at 3:56 pm
#36 chhangteval kan ti ngailo. sheldon sawi ang khian.
January 22nd, 2012 at 4:02 pm
U aduhi leh u sheldie, dawt..Keipawn ka tipha ania
January 22nd, 2012 at 4:03 pm
u la-me, kan ti ngai lo tak tak intihlem kher hi chu. Nu leh pa, raipuar tih vel kha chu kan ti thin. Kan lo innocent bik aniang hihihi.
January 22nd, 2012 at 4:06 pm
Va bei lunglenthlak ve, nopan kha alo va nuam em.
January 22nd, 2012 at 4:07 pm
Tiaaaaaaaaaaaaaaammmmm!!!!!!
January 22nd, 2012 at 4:17 pm
Hmeichhe naupang thenkhat hi an mahni chauh pawh hian naute lem nen an inbe mawlh mawlh zel..mipa naupang hi anni ve emaw?
Aduhi te naupan lai chu hmani lawk kha ania..a rawn sawi pawh hi tunlai naupang ho infiamna vek anih hi 😀 😀
January 22nd, 2012 at 4:20 pm
Misual girls ho kan thlan sak ange.. 🙂
Cindy Lauper..
http://www.youtube.com/watch?v=PIb6AZdTr-A
January 22nd, 2012 at 4:32 pm
aduhi hi a naupan laiin a lo infiam ve thin a ni maw… 😛 😛 😛
January 22nd, 2012 at 4:54 pm
Phek thar lamah aw
January 22nd, 2012 at 5:14 pm
Nu te bra kan hreng a, kan hnawh puar a, hnute lem te kan siam thin mawle. Tunlai naupang chu an changkang tawh a, an tih ve pawh ka hrelo. Nu te pawnfen fual deuh deuh in kan feng a, nau te kan han vei der vel thin ania…han tih thar leh a chakawm mai dawn lawm le
January 22nd, 2012 at 5:22 pm
a tibuai pawlah ka tang thin..haha..
January 22nd, 2012 at 5:28 pm
U Aduh, facebook a video ka tag ang che sawn in ti ve ngai e?
January 22nd, 2012 at 5:31 pm
U Aduh, post ka submit a nia…
January 22nd, 2012 at 5:42 pm
in nupa lem lem ang u..tunge ka pasal lem lem ah tang duh?hehe
January 22nd, 2012 at 5:42 pm
in nupa lem lem ang u..tunge ka pasal lem ah tang duh?hehe
January 22nd, 2012 at 5:46 pm
U tete keimah,eehh
January 22nd, 2012 at 5:48 pm
thingpui hi in leh phawt mai ang
January 22nd, 2012 at 5:50 pm
U Aduh naupan lai ka ngai… Eehh
January 22nd, 2012 at 6:11 pm
U lamea hi ka pasal lem lem tur..hihi
January 22nd, 2012 at 6:17 pm
Tete-i, i pasal lem lem tur nge i duat zawk ang i ui…
January 22nd, 2012 at 6:21 pm
sawi tur pawh ka hre ve lo, keihi engtin nge ka neih ve ang le, ka chhung te engmah an sawi lova, kei lah chuan engmah ka sawi bawk hek lova, aaa leng tar law law ang
January 22nd, 2012 at 6:22 pm
Ka ui le…pasal lem lem tur atan pawh ui lawm deuh ka duh.hehe
January 22nd, 2012 at 6:23 pm
vawin chu, tihtur em em awm lo bawka, MS-i ngaizawng leh mai ang, ava han zai thiam ve aw he nu hi chu
January 22nd, 2012 at 6:27 pm
Inkhualtelema thil zawrh lem lem kha a nuam. Midum bengbeh hnah emawni hi kan rawt kawi a, a tuihnang kha tel kan ti thin, pawisa atan chuan lehkhapuan cheh tet emaw, hnah emaw kan hmang mai. Chuan…., iskut rah ah hian ke lem pali kan vuah a, vawk kan tia kan talh lem lem thin. In rubber zuan ah khan che loa zuan lai tak kha hmeichhe hoin an thawh ai thawk turin min ruai zauh zauh- ‘Cross, thlak kher’ tih pawh ka la hria. In vaibah chu step-a tih chi kha ka thiam rapz, ‘seh’ ka ngah thei lutuk!
January 22nd, 2012 at 6:53 pm
Film pakhat en ho theuh theuh kha a sawichhawng leh thiam bik kha an awm a, kan ngaithla leh thrap thin. Keichu thenawm lama u deuh ka kawm ten ramhuai sawithraih min ching a, tun thleng hian helamah hian ka dawih phah in ka hria
January 22nd, 2012 at 6:54 pm
#64, u Tete..super like.. Zei tlat.. Eehh
January 22nd, 2012 at 6:58 pm
in khaulte lem ang u…
January 22nd, 2012 at 7:03 pm
kei bantu leh telhtu
January 22nd, 2012 at 7:14 pm
@Century child, ka t-set ka la nga ka bang dawn
January 22nd, 2012 at 7:37 pm
naaa a theih loh, banrual kan tih kha
January 22nd, 2012 at 7:37 pm
@DBXFreak : naaa a theih loh, banrual kan tih kha
January 22nd, 2012 at 7:48 pm
@73 Century child, kei ban theih loh, thingoui lo in rawh
January 22nd, 2012 at 7:53 pm
A bang hmasa sa kheimit chhut
Inkawibah hi naupan lai khan ka thiam ve khawp mai. Ka rualpui mipa kawm tur ka nei si lo va, hmeichhia ka kawm tam a, la phiar thlengin ka thiam vek maw le
@DXBFreak, i avatar hi Andaman-a Jaruwas hnam an va nih duh hmel ve?
January 22nd, 2012 at 8:00 pm
lol #75 muante ka lo hre tawh miah lo i thil sawi chu. Kan ti thin tak. Tu kheimit mah kan chhut tak erawh ka hre lo.
January 22nd, 2012 at 8:00 pm
haha taka, a bang hmasa sa khaimit chhut
hmeichhia chu ka kawm tam ve tho mai, mahse laphiar thleng2 chuan ka thiam lo
pu muantea chu in rubber zuanah pawh zuangsang thei fu ang a
January 22nd, 2012 at 8:14 pm
Naupan laiin Kawi hmang tho hian kan “Inhnawk” thin. Inball vawm leh instep ball hi mipa pawhin kan ching tho
January 22nd, 2012 at 8:30 pm
Naupan lai chuan balu huh chep chup a chen hi a nuam thei khawp mai.
…khrum
January 22nd, 2012 at 8:44 pm
In rubber zuan chu ka ti ve ngai lo. Kan naupan laiin tunlai rubber ang hi a awm ve pawn ka hre lo. Sairawkherh fan a ni deuh mai. Kawi hmang chuan inchheubah leh inhnawk a ni deuh ber
January 22nd, 2012 at 11:01 pm
Kan naupan lai chuan naupang kan ni maw le. Buk lem sak a, silai a mu awm chi nen a indo tluk a nuam kha a awm lo.. Chuan, Pi Aduhi chu ka rin aiin………ih…..ih…ih…..i lo hmeltha daih!
January 22nd, 2012 at 11:15 pm
In step ball khi ka lung a ti leng latux. Bailem chhuan pawh kan uar thei rap. Alu kan hel deuh kha tui ti takin ka ei ve bawrh² thin a.
January 22nd, 2012 at 11:24 pm
#81 Pu ChhanaPa i sawi tum ka hrethiam e!
January 23rd, 2012 at 11:44 am
In-rubber zuan, Miss thlan, Zaikhawm Tih loh khi chu ka ti ve vek, ka tuai deuh a
January 23rd, 2012 at 1:41 pm
Aduhi naupan lai hi ka van ngai e..
January 23rd, 2012 at 3:11 pm
Ka nau (hmeichhia) hian invawrpui tur hian min sawm reng thin a. Bu sawm let thleng te’n kan invawr thin…
Inbawlvawmte khi chu, hmuhnawm ti takin kan thlir ve thin.
Post tha tak a ni e…
January 29th, 2012 at 8:39 am
Hlen chilchal, let leh dawna samzai khata belpui vuak keh hma loh, nang van deh kei lei deh.
Hmeiche ho nena infiamna nuam deuh chu- pang aw inzial inzial tih kha.
post-tunu zawn chiah chan kan chak thin zia kha. 
(phiamthur)
tren tren