United States ah chuan Autumn/Fall season a intan leh ta. Thinghnah te pawn Khuanu duan ang ngeiin an uaina thingzar te tilh san a lo hun leh dawn ta. Chung hnah te chuan an theih hnuhnung ber, lei chawm thau tu an nih hmain, Khuanu lawmthu hrilh ni awm takin an rawng an rawn thlak leh ta, an mawi ngei mai.
Heng thinghnah te hi tun ah mawi hrih viau mahse, rei lovah tla kawlhin mawina reng reng an nei leh tawh ngai lovang! Chumi hun ah chuan buaipui em em ngai khawpa hnawkah an chang leh dawn thung. Hmun tamtakah phei chuan boruak te pawh ti uih deuh hmun thei khawpin an tawih thin bawk. Far (fir/pine) kung ang chi emaw lo zawng chu an filh thulh anga, ram kangin a kan ban ang maiin an hnah neih lai ang mawina nei tawh heklo, Thlasik chhung zawng an ding filh thulh tawh mai dawn a ni.
Mihring nun nen kan hmehbel ta a, kan mawina rei loh zia te leh kan dam hun chhung rei lote a ral hnu a kan taksa hi engmah a nih tawhloh zia te min ngaihtuah chhuah tir a. Heng thinghnah te hi khawilai hmun ah nge a mawi zual thin ( hetah chuan Skyline Drive ah a mawi) tih kan hre fur ang mai hian, mihring pawh hi kan damchhung reilo te hi a mawi chuan nakin thlengin chutiang chu min min hriat dan a ni tawh ang, tih te min ngaihtuah tir fo!
Similar Posts:
- Pangpar leh Fur Khawthiang
- Ka nuam ve e..
- Misual ho tan…liau liau
- Zùn ngai lungmawla
- Thil Thlâwn Pêk
October 13th, 2009 at 9:37 am
@chawnghilh: Hmanni a Kolkata kawng dunga Police rin ka hmuh chu hmu ve mahla I nuih pawh a zat ka ring lo, MAK i ti ngawt zawk ang. A rintu ho kha an rui nge tunlai Kolkata style tih pawh ka hre lo, kawi tak a ni. A kawi mai a ni lo, a kikawi a ni ber e.
Report this comment
October 13th, 2009 at 10:20 am
Kan khawvel hap chin hi ava han inang lovin, kan thil hmuh leh hriatte hi a inthlau thin mang tak e. Chawnghilh & HV han share zel teh u, chilthli far zawih zawihin kan ngaihthla/ chhiar zel a nia.
Report this comment
October 13th, 2009 at 3:46 pm
sillyBoy, Mizoram hian lung alen ber asin. Mi ramah zawng lunglen a na e, an ram mawina te hian kan ram min ti ngai daih thin si a.
Report this comment
October 13th, 2009 at 4:05 pm
ni e tiro…kan vanglai hun tak hi mihring te hi chuan kan khawhral thina mahse aw neilo zok thing leh pangpar te hian an that lai berin an siamtu an theih topin an chawimawi si a…zirtur kan ngah hlemai
chhiar a nuamin pic pon mit a ti tlai e
Report this comment