mi(sual).com

Nipui a thaw…hnah hring an chuai, parmawi a chuai, thinghnah an tril…
Nunhlui a hräng, veltu a hnai, hnemtu ka zawng…
Fam ngaiin trah ni ka chhiara, rauthla ngaiin ka kur a. Thinlung a tui, hlim ni a tlem, nunram a chau, hnemtu zawng ka vak ruai a…

Bawihte,
Nang ka lo tawng ta che a. Kha ni, ka nun khawhar leh hreawmte hnem tura i hnen ka rawn thlen ni atang khan; ka thlah ngai ta reng reng lo che a. I bulah khan ka hlim thina, nun khawhar reng i hnem ngei e. Ka nunpum leh mumang nen lam i nei zo a… i duhawmna, i mawina leh itawmna ten min phuar tlat a. Ka rilru leh suangtuahna, thisen zam leh thahrui zawng pawh ka pùm mai kha i ta a lo ni ta… I ta ka lo ni ta!

I tan…
I tel lo chuan dam ka zuam lo, nun ka ngam lo! Chutin ka sum, ka ro ka hlan… Ka neih zawng pawh i tan tiin engkim ka huam. I hming an sel ka lai a nä, an do che maw… i tan ka ding. Ka thlah law’ng che, ka phat law’ng che. Ka hmangaih che, ka thup seng lo, ka puang zel dawn! Ka ti thin a…

Lungmawla
Chu ti èma hmangaihna leh ngaia thlahlel ngawih ngawihtu che chu…en teh, min en la, en tlak ka awm ta lo. Min ei rala, min chen da a, min ti chhe ta. I zùn ngai kha i tùr ngai ka lo ni si… I par tlan kha tùr tlan ka lo ni si. Min fan chhuaka, min nghaisa ta!Minung ka ni ‘nun’ ka nei ta lo. Suangtuah ka nei ‘tih theih’ ka nei ta lo. Mahse, ka hnuk i chhah hma chu ngawi mai loin ka puang zel dawn! Ka au zel dawn! I hnen panin rawlthar rual an tlan mek e…anti maw? I zùn ngaiin mi zatam an kur mek e…anti maw? I trang belin Zo thalai rual an chhing-diar e…anti maw? Keimah iangin Bawihte tiin an chul che maw? Aw…he thu, “Zùn ngai lungmawla thu” hi lo hriain, lo chhiar hman hlawm ni sela aw…

Similar Posts:

• Ka Thian Chawnghilh Tan….
• Hmangaih Di Bawihte
• LAWM LA, NUI ZAWK TA CHE
• Nangman min chelh zawk rawh
• “Lianchhiar” Ka Demlo Che

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Tuesday, February 2nd, 2010 at 6:23 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.